ISTANDARDISASYON

Isang pamamaraan o proseso kung paano maaaring tanggapin at gamitin ng nakararaming taong gumagamit ng wika ang isang tiyak na talaan ng mga talasalitaan o bokabularyo sa isang tiyak na disiplina ng karunungan. Dahil sa mga pagbabagong nagaganap sa ating pang-araw-araw na pamumuhay, pakikipagkalakalan, pakikipagkomunikasyon at iba pang pakikipag-ugnayan, maging sa loob o labas ng bansa ay maraming salita o katawagan ang pumapasok sa Filipino. Ang normalisayon ng mga salita ay kusang nagaganap sa Filipino. Ito ay isang mabuting katangian ng isang buhay na wika, madaling tumanggap at mag-asimila ng mga salita na nagmumula sa ibang wika.

Kahalagahan ng Istandardisasyon
1) Maiiwasan ang kaguluhan sa paggamit ng mga salita o katawagan sa alin pa mang disiplina ng karunungan. 2) Ang Filipino ay higit na uunlad at maitataas ang antas nito bilang wika.

Dalawang Aspekto ng Istandardisasyon

1) Istandardisasyon sa Ortograpiya ng Filipino 2) Istandardisasyon sa talasalitaan ng Filipino

INTELEKTWALISASYON
Ayon kay Santiago (1990), ito ay tumutukoy sa nagaganap o isinasagawa ring proseso upang ang isang wikang di pa intelektwalisado ay maitaas at mailagay sa antas na intelektwalisado nang sa gayon ay mabisang magamit sa mga sopistikadong lawak ng karunungan. Hindi dapat ipagkamali sa modernisasyon ng wika ang intelektwalisasyon. Ang una ay patungkol sa paglulunsad sa proseso sa pagsasanayang bago ng wika samantalang ang intelektwalisasyon ay naglulunsad sa proseso ng pagtaas ng wika mula sa mababang kalagayan nito. 2.

PAGSASALING-WIKA
Ang paglilipat sa pinagsasalinang wika ng pinakamalapit na katumbas ng diwa o mensaheng isinasaad sa wikang isinasalin (Finalay : 1971) . Pansining, diwa o mensahe ang isinasalin at hindi salita. Ang pagdaragdag, pagbabawas, pagpapalit o pagbabago sa orihinal na diwa ng isinasalin nang walang malaking kadahilaan ay maituturing na paglabag sa tungkulin ng tagapagsalin.

Mga Simulain sa Pagsasalin

1. Bawat wika ay nakaugat sa kultura ng mga taong likas na gumagamit nito. Bawat wika ay may sariling paraan sa pagbubuo ng mga salita at pangngusap Ang isang salin upang maituring na mabuting salin ay kailangang maunawaan at tanggapin ng pinag-uukulang pangkat na gagamit nito.

3.