ANG ROSARYO (The Rosary )

ANG TIMAAN SANG SANTA CRUZ (The Sign of the Cross) Sa ngalan sang Amay, kag sang Anak, kag sang Espiritu Santo. Amen.

ANG KREDO SANG MGA APOSTOLES (The Apostles Creed) Nagatuo ako sa Dios Amay nga makagagahom. Tagtuga sang langit kag duta. Nagatuo ako kay Hesucristo iya bugtong na Anak, aton Ginuo. Ginpanamkon sa gahom sang Espiritu Santo kag gin-bunag ni Birhen Maria. Nag-antus Sia sa idlaom ni Poncio Pilato, ginlansang sa krus kag ginlubong. Nanaug Sia sa minatay. Sa ikatlo ka adlaw nagbanhaw Sia liwat. Nagsaka sa langit kag ginpalingkod sa tuo nga kamot sang Amay. Magabalik Sia sa paghukom sang buhi kag minatay. Nagatuo ako sa Espiritu Santo, sa balaan nga Katoliko nga Simbahan, sa pag-isa sang mga Santos, sa pagpatawad sang mga sala, sa pagkabanhaw sang lawas kag kabuhi ng wala sing katubtuban. Amen.

Amay Namon (Our Father) Amay namon, nga yara ka sa mga langit Pagdayawon ang imo ngalan Umabot sa amon ang imo ginharian Matuman ang imo buot Diri sa duta subong sang sa langit Hatagan mo kami karon sang kalan-on namon sa matagadlaaw, Kag ipatawad mo ang mga utang namon Subong nga ginapatawad namon ang nakautang sa amon Kag dili mo kami nga ipagpadaug sa mga panulay Kondi luwason sa mga malaut.

Maghimaya ka Maria (Hail Mary) Maghimaya ka Maria Nga napuno ka sang grasya Ang Dios yara sa imo Ginadayaw ka labi sa manga babaye nga tanan Kag ginadayaw man ang bunga sang imo tiyan nga si Jesus. Santa Maria, Iloy sang Dios Igampo mo kami nga makasasala Niyan kag sa oras sang amon pagkamatay Kabay Pa (Amen). HIMAYA SA AMAY ( Glory Be) Himaya sa Amay kag sa Anak kag sa Espiritu Santo. Subong sang ginsugu-ran karon kag sa gihapon, sa kalibutan nga wala sang katapusan. Amen. PANGAMUYO SANG FATIMA (Fatima Prayer Oh My Jesus) O Hesus ko, patawara ang amon sala, luwasa kami sa mga kalayo sang empierno, dalha ang tanan nga mga kalag sa langit, labi gid ang may daku na kinahanglan sang imo diosnon nga kaluoy. MAGHIMAYA KA REYNA (Hail Holy Queen) Maghimaya, Balaan nga Reyna, Iloy sang kaluoy; amon kabuhi, amon katam-is kag amon paglaom. Sa imo kami nagapanawag, mga tinapok nga anak ni Eva, sa imo kami nagapadala sang amon panghakroy, kasubo kag pag-tangis sa sining duta sang mga luha. Gani, balikda kami, o labing mabuot nga mananabang, sang imo mga mata sang kaluoy, kag pagkatapos sining pagtapok, ipakita sa amon ang bulahan nga bunga sang imo tian, si Jesus. O maluluy-on, O mahigugmaon, O matam-is Birhen Maria. MANGAMUYO KITA (Let Us Pray) O Dios, nga ang imo bugtong nga Anak sa iya kinabuhi, kamatayon kag pagkabanhaw nagbakal tuhoy sa amon sang mga padya sang kaluwasan nga dayun, itugot, nagapangamuyo kami, nga sa pagpamalandong sining mga misteryo sa labing balaan nga Rosaryo sang Bulahan nga Birhen Maria, amon kabay nga mailog ang ila kaundan kag maambit ang ila ginasaad, paagi kay Kristo nga among Ginuo. Amen.

ANG MGA MISTERYO SANG SANTO ROSARYO ( The Mysteries of the Holy Rosary ) ANG MGA MISTERYO SANG KALIPAY ( The Joyful Mysteries ) 1. Ang Pagpahayag sang Aton Ginuo 2. Ang Pagduaw sang Bulahan nga Birhen Maria sa kay Santa Isabel 3. Ang Pagbun-ag kay Jesus sa Belen 4. Ang Paghalad kay Jesus sa Templo 5. Ang Pagkakita kay Jesus sa Templo ANG MGA MISTERYO SANG KASUBO ( The Sorrowful Mysteries ) 1. Ang Pagpangamuyo sa Harden sang Getsemane 2. Ang Pagbunal kay Jesus sa Haligi 3. Ang Pagkorona kay Jesus sang mga Tunok 4. Ang Pagpas-an sang Krus ni Jesus Pakadto sa Bukid sang Kalbaryo 5. Ang Paglansang sa Krus kag Pagkamatay ni Jesus sa Kalbaryo ANG MGA MISTERYO SANG HIMAYA ( The Glorious Mysteries ) 1. Ang Pagkabanhaw sang Aton Ginuo 2. Ang Pagkayab sa Langit ni Hesus 3. Ang Pagpanaog sang Espiritu Santo sa mga Apostoles 4. Ang Pagpadala sang Bulahan nga Birhen Maria sa Langit 5. Ang Pagkorona sang Bulahan nga Birhen Maria sa Langit

ANG MGA MISTERYO SANG KASANAG ( The Luminous Mysteries ) 1. Ang Bunyag ni Kristo 2. Ang Sinalusalo sang Kasal sa Cana 3. Ang Pagpagbantala sang Pag-abot sang Ginharian sang Dios 4. Ang Transfigurasyon ukon Pagbalhin sang Dagway ni Jesus 5. Ang Pagtukod sang Eukaristiya