Escolar Documentos
Profissional Documentos
Cultura Documentos
(a.s.)
Muhamed a.s. pushonte pak para mesditës. Ai zakonisht pushonte më shumë ditën
sesa gjatë natës ...
Përshkrimi i një dite në jetën e një njeriu, i cili bën një jetë normale, do të ishte i
pamjaftueshëm për ta njohur atë, sepse çdo ditë jetohet ndryshe nga tjetra. Për më
tepër, nëse ai njeri është një njeri i jashtëzakonshëm si profeti ynë, detyra bëhet
edhe më e vështirë. Pavarësisht nga kjo vështirësi, duke e ndarë ditën në kohë të
caktuara, jam munduar të përshkruaj ato detyra që bënte brenda një dite.
Ditën e kam ndarë sipas kohëve të namazit, pra në pesë kohë. Për arsye se nata
kishte një rëndësi të veçantë për profetin tonë dhe ata që ndjekin rrugën e tij, e kam
shtuar dhe atë si periudhë kohore të veçantë.
Mëngjesi
Jeta e përditshme në planet fillon në mëngjes, para lindjes së diellit. Që nga rënia e
vesës tek hapja e luleve, nga cicërimat e zogjve tek era e lehtë, të gjitha krijesat
ulen bashkë në një rreth dhikri me gjuhën e tyre të veçantë dhe e fillojnë ditën me
dhikër dhe duke u falur.
Muhamedi (a.s.) e fillonte gjithashtu ditën me namaz. Pasi thirrej ezani i mëngjesit
nga Abdullah ibn Ummi Maktum, një prej shokëve të profetit, profeti falte sunetin e
mëngjesit në dhomën e tij dhe pastaj shkonte në xhami për të drejtuar namazin e
mëngjesit. Me përjashtim të atyre që kishin arsye të fortë për të mos shkuar në
xhami, të gjithë myslimanët e Medinës përpiqeshin ta falnin namazin farz me
profetin.
Çdo ditë pas namazit ai bënte tesbihat (litanitë e lavdërimit) dhe lexonte nga shkrimi
i shenjtë pjesë të përshtatshme për atë kohë, derisa dielli arrinte një lartësi të
caktuar. Pastaj profeti kthehej nga shokët e tij, ulej dhe bisedonte me ta. Ata
bisedonin për shumë çështje që lidheshin me nevojat e njerëzve, që nga temat e
përditshme tek kujtimet historike, nga interpretimi i ëndrrave tek shërbimi i besimit
dhe nga pyetjet dhe përgjigjet tek zgjidhja e problemeve të njerëzve. Me fjalë të
tjera, menjëherë pas rrethit të adhurimit, mblidhej një rreth dijeje dhe kulture. Këto
biseda gjatë kohës më të frytshme të ditës mund të kuptoheshin vetëm nga ata që e
jetuan atë. Epërsia e sahabëve duhet të shihet këtu.
Nëse nuk kishte punë tjetër pas faljes së paradrekës, profeti (a.s.) kthehej në shtëpi
dhe pyeste nëse kishte ndonjë gjë për të ngrënë. Nëse kishte, hante, përndryshe
thoshte "atëherë po agjëroj". Zakonisht për mëngjes (nëse kishte) hante hurma,
disa copa të vogla buke të thatë elbi, qumësht etj. Ai hante ç'të kishte në shtëpi dhe
nuk bënte dallime mes ushqimeve.
Ndryshe nga sot, ngrënia e një vakti për profetin nuk ishte prioriteti kryesor i jetës
së tij; jeta e përditshme nuk bazohej tek vaktet e ngrënies. Ai nuk shpenzonte
shumë kohë duke ngrënë, për të nuk ishte problem kur nuk kishte shumë ushqim, ai
nuk shtronte tavolina të rënda dreke, dhe gjatë bisedave nuk përmendte lloje të
ndryshme ushqimesh, nuk udhëtonte me kilometra të tëra për gjetur ushqim më të
mirë etj. Duke pasur parasysh këto rrethana mund të themi se atë periudhë koha
dhe paratë përdoreshin për gjëra të tjera më të rëndësishme.
Mesdita
Mesdita është koha kur dita arrin përsosmërinë e saj dhe vazhdon të bjerë; punët e
përditshme kanë arritur në një nivel të caktuar; ndihet nevoja për ta lënë punën dhe
për të pushuar pak; shpirti ka nevojë për një pushim nga lodhja e shkaktuar nga
puna e rëndë. Shpirti i njeriut ndjen një emocion të madh dhe ka nevojë të kryejë
faljen e mesditës në mënyrë që të largohet nga atmosfera e krijuar; të ngjitet në
praninë e më të Lartit, të bashkojë duart, të tregojë mirënjohje dhe ta lavdërojë atë
për të mirat dhe t'i kërkojë ndihmë; t'i kërkojë mbështetje dhe të përulet para
madhështisë së Tij, veçanërisht nëse po falet bashkë me profetin (a.s.).
Nganjëherë, profeti Muhamed (a.s) vizitonte shokët e tij, bënte punët e përditshme,
trajtonte çështjet me interes për njerëzit si sundimtar, u diktonte shkruesve të
shpalljes, vargjet e shpallura, informonte njerëzit për urdhrat urgjentee që i vinin
me shpalljen dhe priste miqtë. Për shembull, pas vitit të tetë të hixhrit, shumë
ambasadorë e vizitonin atë. Një pjesë të ditës e kalonte me ta, u përgjigjej pyetjeve
dhe kërkesave të tyre.
Pasditja
Pasditja është kohë kur fillon të bjerë intensiteti i punës së përditshme dhe mblidhet
fryti i shëndetit, paqes dhe veprave të mira të materializuara gjatë ditës.
Profeti i jepte këtij namazi një vlerë të veçantë dhe Bilali thoshte ezanin me zërin e
tij prekës. Për shkak se namazi i pasdites njihet si koha kur ndryshohen engjëjt e
natës dhe të ditës, të cilët kanë detyre të mbrojnë besimtarët, tesbihati bëhet më i
gjatë. Në fakt, kjo temë tregohet në hadithitn e mëposhtëm: "Një grup engjëjsh
është me ne gjatë natës dhe një grup tjetër gjatë ditës. Ata mblidhen bashkë në
kohën e namazit të mëngjesit dhe të mbrëmjes për të ndërruar vendet. Megjithëse
Zoti e di mirë gjendjen e njerëzve të tij, Ai i pyet engjëjt: "Si i latë njerëzit e mi?"
Ata përgjigjen: "I lamë duke u falur dhe ishim pranë tyre kur ata u falën".
Zakonisht pas namazit të pasdites profeti (a.s.) vizitonte gratë e tij dhe i pyeste se
për çfarë kishin nevojë. Gjatë këtyre vizitave gratë i jepnin profetit ato gjëra që
kishin.
Mbrëmja
Mbrëmja na kujton se ashtu si shumë krijesa vdesin në fund të sezonit të verës, dhe
njeriu do të vdesë një ditë dhe bota do të shkatërrohet Ditën e Fundit. Në këtë çast
shpirti i njeriut dëshiron shumë të qëndrojë në praninë e Zotit dhe të thotë "Zoti
është i madh", të lërë çdo gjë kalimtare dhe të lavdërojë Zotin, ta madhërojë Atë dhe
të thotë sa madhështor është Ai. Me këtë dëshirë profeti e priste zakonisht namazin
e mbrëmjes para perëndimit të diellit dhe sapo thirrej ezani, qëndronte menjëherë
para Allahut. Pas namazit farz, falte 2-6 rekate të namazit auabin dhe e rekomandoi
faljen e tyre.
Nata
Gjatë namazit të natës, gjithçka mbulohet nga errësira; gjërat që shihen gjatë ditës
fshihen në joekzsitencë; duket sikur të mirat materiale që i përkasin dikujt që ka
vdekur, vdesin gjithashtu dhe harrohen. Ajo është si një tregues se ka përfunduar
jeta e kësaj bote, e cila na është dhënë si sprovë. Sërish njeriut i shpaloset
madhështia e të Plotfuqishmit. Për Allahun është e lehtë ta kthejë ditën në natë,
verën në dimër, këtë botë në tjetrën, ashtu si ndodh me faqet e një libri. I dobët,
nevojtar dhe duke e parë të ardhmen të errët, njeriu fal në këtë kohë namazin e
darkës; ai i kthehet Zotit dhe kërkon mbështetje tek Ai, pushteti i të Cilit është i
pamasë. Bota që e harron atë dhe fshihet në errësirë harrohet dhe nga ai dhe ai i
zbraz problemet e tij në vatrën e mëshirës. Gjithashtu para se të bjerë në gjumë, i
cili i ngjan vdekjes, ai dëshiron të bëjë adhurimin e fundit dhe t'i mbyllë veprat e tij
të ditës në mënyrën më të bukur.
Profeti (a.s.) drejtonte namazin e darkës për shokët e tij dhe nëse nuk kishte ndonjë
punë tjetër të rëndësishme, shkonte të pushonte pa folur me njeri. Para se të flinte
ai lutej. Dihet se lutja zinte një vend të rëndësishëm në jetën e tij. Me fjalët e
Kuranit lutja është matja e vlerës së njerëzimit. Aishja tregon për lutjen dhe
praktikën e profetit para se ai të flinte gjumë: "Profeti, çdo natë, para se të flinte
gjumë, bashkonte duart, u frynte dhe thoshte Suren Ihlas, Felek dhe Nas; pastaj
prekte çdo pjesë të trupit që mund të arrinte, duke filluar nga koka, dhe këtë e
përsëriste tre herë". Sigurisht për këtë temë ka dhe sugjerime dhe praktika të tjera
që mund të gjenden. Për shembull Aliu ka treguar se: "Profeti më tha mua dhe
Fatimas : "Kur të shtriheni për të fjetur thoni 33 herë Allahu Ekber, 33 herë
Subhanallah dhe 33 herë Elhamdulilah (në një transmetim tjetër thuhet 34)". Kur
Aliu tha se ai nuk e kishte ndërprerë asnjëherë këtë traditë që nga ajo ditë, dikush e
pyeti: 'As në betejën e Sifinit?" ai u përgjigj: "Po, as atë ditë"...
Natën vonë
Pjesa e vonë e natës të kujton dimrin, varrin dhe berzakun (gjendja e ndërmjetme e
ekzistencën ndërmjet jetës dhe vdekjes) dhe sa shumë varet shpirti i njeriut në
mëshirën e Allahut. Si pasojë, namazi tahajud gjatë natës do të jetë një burim drite
që do të ndriçojë jetën tonë natën e varrit dhe errësirën e berzakut.
Profeti Muhamed pushonte pak pas namazit të tahajudit dhe ngrihej për namazin e
mëngjesit pas thirrjes së myezinit. Bilani e thirrte ezanin para imsakut, duke i zgjuar
njerëzit për syfyr dhe tahajud. Abdullah ibn Ummi Maktum thirrte ezanin kur fillonte
imsaku, duke treguar se kishte filluar kohë për faljen e mëngjesit.
Përfundim
Jeta e profetit mund të shqyrtohet në aspekte të ndryshme. Në një kohë kur jeta e
përditshme është kthyer në makth, sa me fat janë ata që lexojnë për jetën e
përditshme të profetit dhe marrin mësimi prej saj!