ADLAW UG KINABUHI

Maitanding ba ang lakang sa kinabuhi

Sa pagsilang ug pagsalop sa adlaw?
Maisama ba ang kalipay ug kasakit
Sa kapintas sa balod sa dagat
O sa katahom ug kahumot sa bulak?

Matag gomunhap sa kinabuhi

Duyog sa atong kinaiyahan . . .
Ang paggitib sa adlaw sa buntag
Ssama sa atong kabatan-on
Maanindot handumon ug mabulukon.

Usab ang paggingtang sa kaudtuhon

Sa kinabuhi ni timawa
Mga singot sa paningkamot
Midagayday sa lawas uyamot
Pangandam unya sa pagsalop.

Katam-is unta kon ang kinabuhi

Maintanding sa Adlaw . .
Nga human sa iyang pagsalop
Malaomong ugma damlag
Matataw usabang limbahong silaw!

Apan ang kinabuhi lumalabay

Ug kining lawas hinulaman
Aron iuli ug biyaan lamang
Sama da sa dahong laying ipadpad
Ug sa abog makig-uban.

Ni: BONIE ALBA