Athara baras ke Ali Akber ka janaza

Sheh laate hain hum shakle payambar ka janaza

Khemay mein alam aaya hai, kohraam hai barpa
Darya pa hai Abbas-e-dilawar ka janaza
Athara..................................................
Is darja Sakeena se thah, sharminda alamdar
Sheh laa na sakey apne baradar ka janaza
Athara..................................................
Aye kul ke madadgaar madad karne ko aaow
Shabbir se uth-ta nahy, Akber ka janaza
Athara..................................................
Asgher ki taraf dekh ke, yeh kehti thi bano
Kin aankhon se dekhoo'n main guletar ka janaza
Athara.................................................
Paamal hua dasht mein ghoro n ke suuo n se
Kis tarha uthay Qasim-e-muztar ka janaza
Athara.................................................
Parh jaayein na yarab kaheen, Zainab key nigaahein
Teero n pa hai rakha hua Sarwar ka janaza
Athara.................................................
Kya zulm hai tapti hui reti pa paraa hai
Be-goro kafan sibte-payambar ka janaaza
Athara.................................................
Jub dafn hua Fatima sar peet rahy theeh
Shabbir binay saakiy-e-kausar ka janaza
Athara.................................................
Bano ne kahaa teer hain pay-vast badan mein
Dheere se uthaana mere shauhar ka janaaza
Athara.................................................
Zainab ne kahaa sar se, mere chhin gayee chadar
Taareeqiye shab mein uthaa, maadar ka janaza
Athara.................................................
Zainab zara Bano ke kalejay ko sambhaalo
Shabbir ke haatho'n pa hai, Asghar ka janaza
Athara.................................................
Us bhai se zindaa'n ki museebat koi poochay
Jis bhai ke haatho'n pa ho, khwahar (sp?) ka janaza
Athara.................................................
Sarwar ki sadaa aati hai, chotti si lehed se
Laaow mujhe de do mere dukhtar ka janaza
Athara.................................................
Ishrat main bayaa'n kaise karoon kaise uthaa thah
Maqtal ki zamee se shahe besar ka janaza
Athara.................................................