第七回：滔滔巨浪隔港澳，情深難斷兄弟情

流汗望住眼前呢位眼光光好似飲 o 左豬肉湯 o 既 o 靚仔，個心不其然就響度諗：

傳聞話呢條 o 靚仔出道兩季就起孖，做足兩屆冠軍 A 仔，今季仲畢埋業添，等
我仲以為佢有咩野把炮咁巴閉啦，殊不知米又係傻仔一名！蝦，佢眼定定望住
我有得分咩？！流汗終於忍唔住出聲：

“哥仔，呢度禁區 o 黎 o 架，快手上車，醒少少當幫忙啦！”

雷公可能係俾流大師兄的風釆吸引住掛？佢同班同學仔響宿舍追睇勇往直前果
陣，都唔信套劇係真人真事 o 黎，原來個角色真係用流汗作為版本喎！咁如果
遲些少澳門馬會肯收女見習生的話……米好正……

正當雷公魂遊太虛兼且有些少情難自控之際，冷不防俾流汗一喝，雷公先至響
佢個綺夢中回魂人間，於是佢就拿拿臨打開車門跳上流汗架車，但係對眼就依
然死盯住流汗：

“大師兄，原來你真人係咁有型 o 架！可惜無記冇叫你幫手扮劇中追 CC 姐果位

大師兄，否則的話，套劇的收視點肯定升多一倍！”(咦，雷公擦鞋真係有一手
喎。)

其實流汗一向都唔係咁鍾意班香港仔過澳門同佢及班師兄弟爭飯食。你知啦，係
咁意數下手指，響澳門騎馬 o 既外地、本地以及見習騎師就有成四十幾五十個，
競爭真係好激烈，但見雷公咁識擦自己鞋，都總算佢識撈，冇辜負自己肯載佢
一程 o 既美意。

有冷氣嘆又唔駛行，雷公呢個時候開始覺得肚餓囉，於是佢就將騎呢三父女之
前送 o 既菜肉飽拎出 o 黎，懶醒咁做個樣去孝敬流汗，問句大師兄你食唔食呀？
流汗當時專心楂車，有乜理由仲有手去拎食物？於是佢就啤一啤雷公話唔食啦，
留返俾你慢慢嘆。

雷公出名為人老實，正所謂老實就不客氣，你唔食我米 o 趙多個囉，於是講句
好呀去答流大師兄後就大啖大啖食飽。雷公一路 o 趙飽，就一路問啦：“唔知大
師兄你今日出邊場呢？”

總算流汗佢沉得住氣，冇一腳伸雷公落車：“老子今日停賽！”

雷公聞言後，嚇到暗中伸月利：大煲粥啦，講錯 o 野添。於是就連忙低頭繼續大
啖大啖食飽，唔出聲當冇事 o 係啦。