Gu ere bertsotan izeneko programa Nafarroako Lehen Hezkuntzan: onurak eta erronkak
hizkuntzaren jabekuntzari begira
Asier Barandiaran Amarika Euskal Herriko Unibertsitatea Universidad del Pas Vasco
Resumen/ Laburpena: Nafarroan, Euskal Autonomia Erkidegoan bezala, Lehen Hezkuntzako irakaskuntza sisteman bertsolaritzaren generoa ahozko literaturaren generotzat hartua izan dena presente dago curriculumean eta horrek ondorio batzuk ditu H1 eta H2ren jabetze-prozesuan; Lehen Hezkuntzako haurrak, bertsolaritzaren bitartez, harremanetan jartzen dira zenbait ahozko ekoizpenekin, belaunaldiz belaunaldi transmititu diren zenbait istorio, esamolde eta gaiekin. Horrezaz gainera, bertsolaritzari esker, haurrek hizkuntzarekin jolasteko aukera dute, berbaldiak modu ludikoan eraikitzeko esparrua dute. Nire ikerketak aztertu nahi du zer nolako ondorio( positibo)ak dituen gertaera honek haurren hizkuntzaren jabekuntzan, eta beraien ahozko adierazpenetan. Horretarako, erabiltzen dituzten materialak eta tresnak arakatzeaz gain, lehenengo eta behin, bertsolaritza eskoletan inplementatzen ari diren irakasleei elkarrizketa batzuk egin eta elkarrizketok aztertuko ditut. Elkarrizketotan bereziki kontuan hartuko da irakasleek eurek nola ikusten duten haurren ahozko zein idatzizko adierazpenaren garapena.Hau da, irakasle hauen hizkuntzarekiko helburuak zertan diren eta helburu horiek nola betetzen diren agertzen saiatuko naiz, betiere irakaslearen behaketaren ikuspuntutik. Hurrengo fase baterako oinarria izan daiteke; izan ere, hurrengo fasean ikaslearen beraren ikuspegia aztertzen saiatuko bainaiz.
1. Markoa zedarritu nahian
Sarrera
Komunikazio hau hizkuntza batean zein bestean aurkezteak badu ondoriorik. Euskaraz egiteko baimena dugu eta, beraz, horrek esan nahi du entzule euskaldunen bat izanen dela aurkezpen honetan. Euskalduna baldin bada euskal kulturaren berri izango du eta ziurrenera bertsolaritzaren berri ere izanen du. Hizkuntza honetako hiztunok informazio handia konpartitzen dugu euskal hizkuntzak ez direnek ezagutzen ez dutena. Gazteleraz aurkeztu izan banu komunikazioa azalpen luze eta zehatzak eman beharko nituzke euskal kultura, hizkuntza, soziologia eta, tartean, bertsolaritzari buruz, eta ziurrenera bat baino gehiago harrituko litzateke geografiaz hain gertu duen, baina kulturaz hain ezberdina den errealitate batekin; baina hori ez da gaur gertatuko, komunikazio hau euskaraz aurkezteko aukera eman zaidalako 1 . Bertsolaritzari buruzko sarrera saltatu egin dudanez, gutxienez lau hitz esan beharko nituzke komunikazio honekin zerikusia duen ekimen batekin. Bertsolaritza garai batean ahoz transmititzen bazen ere, XX. mendean zehar bertso-eskola 2 delakoa sortu zen eta hari esker lehen intuizioz eta, sarritan norberaren dedukzioz ikasten zena, modu metodologiko batez transmititzen hasi zen bertsolaritzaren artea. Haurrentzat bertsolaritza hainbat urtetan bertso-eskolak eskolaz kanpoko jarduerak izan ohi dira, haurraren borondateak edota gurasoen zaletasunak bultzatuta eta ahalbidetuta. XX. mendearen azkeneko urteetan (Nafarroan zehazki 1999an), bertsolaritza hezkuntza arautuan hasi zen muturra sartzen; esan nahi baita, Lehen Hezkuntzan eta Derrigorrezko Bigarren Hezkuntzan programa batzuei esker bertsolaritzak izan zuen presentzia curriculumean eta hezkuntza arautuaren ordutegian. Horixe azaldu nahi dugu lehenengo eta behin.
1.a) Zertan den Gu ere bertsotan Nafarroan eta Euskal Herrian
1 Duela hogei urte, 1993an dagoeneko SIADECO enpresak bertsolaritzaren azterketa serio bat egin zuen jada. Bertan esaten zen euskaldunen %15 oso bertsozaleak zirela, %35ek bertsozaletzat zeukaten beren burua eta beste %28k nolabaiteko zaletasuna adierazten zuten. Guztiak batuta %78a egiten dute. Esan beharra dago honetaz dugun ikerketa serio bakarra bertsolaritzaren gailurreko boladan egin zela, eta datuak apalduak izango direla urte batzuk geroago, baina bertsolaritzak gizartean duen isla eta onarpenaren erreferentzia bezala balio diezaguke, Garzia 2001.36-37. Datu honek, aspaldikoa den arren, zertzelada garbia ematen digu euskal hiztunen komunitatean bertsolaritzak duen ezagutzarena. 2 Aurreneko bertso-eskola, modu formalean behintzat, 1959an sortu zen Bizkaiko Muxika herrian. Enbeitatarrek sortu zuten eta gerora etorriko ziren beste bertso-eskolen aitzindaria izan zen, era metodologiko batean bertsolaritzaren artea zenbait ariketa eta lanketaren bidez jorratzen orduantxe hasi zirelako. Garriko bertso-eskola (1959/1960) izeneko liburuan kontatzen dira gora behera horiek guztiak (ALDANA 2000). Nafarroan Hezkuntza Saila adostasun batera ailegatu zen Nafarroako Bertsozale Elkartearekin eta horren bidez, hasieran 6 orduko ikastaroak hasi ziren ematen (asteguneko eskola barruan eta gerora ikastaro horiek 30 ordukoak izatera pasatu ziren, bereziki Lehen Hezkuntzako 5 eta 6 mailan, 10, 11 eta 12 urteko haurrak, beraz 3 . Nafarroaren kasuan hori bereziki sare publikoko D eredua jorratzen zuten zenbait zentrotan gertatu zen. Duela urte gutxitik hona, hezkuntzan izan diren murrizketak direla-eta, 30 orduko saioak 15 ordukoak izatera pasatu dira, baina horrek ekarri du ikastetxe gehiagotara hedatu ahal izatea. 2012-2013 ikasturtean Nafarroa osoan 1500 ikasle inguru zeuden programa honetan eta Iruerrian (Iruea, Antsoain, Huarte, Baraain, Zizur, Atarrabia, Berriozar, Burlata... ) 700 ikasle inguru. D ereduko ikastetxe publikoak izaten dira eta Iruerriaren kasuan ikastola kontzertatu bakar bat ere programa honen barruan dago: Paz de Ziganda ikastola, hain zuzen. Iruerritik kanpora Baztan-Bidasoakoak, Leitzakoak, Larraungoak eta Sakanakoak ere barneratzen dira programa honetan 4 . Hau guztia hitzarmen baten ondorioz lortu da Nafarroako Hezkuntza Sailaren eta Bertsozale Elkartearen artean, baina hitzarmen horrek badu baldintza berezi bat:
Hala, Nafarroako Gobernuarekin egindako hitzarmenak zati batean soilik estaltzen ditu beharrak. Gainerakoa udalek osatu behar izaten dute. Horren ondorioz, ikastetxeetako eskariak erraz gainditu du hitzarmenak eskainitako ikastalde kopurua, eta egitasmoa hedatzeko muga ekonomikoak dituzte. Hitzarmenak, gainera, ikastetxe publikoak soilik hartzen ditu kontuan. 5
Euskal Herri osoko panorama, berriz, izugarri handia da Euskal Herriko Bertsozale Elkarteak bere web-orrian adierazten duenez:
2012-13 ikasturtean ere Euskal Herriko haur eta gaztetxo askok aukera izango dute bertsolaritza eskola orduetan lantzeko. Hain zuzen ere, ikasturte honetan 20.532 haur eta gaztetxok landuko dute bertsolaritza ikastetxeetan. Osotara, Euskal Herriko 382 ikastetxek hartuko dute parte programan eta 35 irakasle ari dira zeregin horretan lanean. 6
3 Xabier Terreros, bertsolaritzaren irakasleetako baten esanetan, adin horretan haurrek (baita euskara bigarren hizkuntzatzat dutenek ere) gutxineko euskara maila dute, eta baita bertsotan aritzeko gutxieneko abstrakzio maila. 4 Nafarroako Bertsozale Elkarteko koordinatzailea den Lorea Arburuak emandako datuak dira (Arb/IX/2009). 5 http://www.hikhasi.com/artikulua/2029 6 http://www.hikhasi.com/artikulua/2029 Euskal Autonomia Erkidegoan eta Iparraldean 7 , beraz, 19.000 ikasle inguru ibili ziren 2012- 2013 ikasturtean Nafarroan ere jorratu zen Gu ere bertsotan delako programan. Kopuru askoz handiagoa, besteak beste, hango populazioa askoz handiagoa delako eta hango Hezkuntza Sailean sentiberatasun gehiago erakutsi delako euskara bidezko irakaskuntza eta jarduerekiko. Bertsozale elkarteak berak, curriculuma lantzeaz gain, ikasmaterialak ere ekoitzi zituen eta 2010-2011 ikasturtean Eusko J aurlaritzaren Hezkuntza Sailak sari bat eman zion bertsozale elkarteari orduko ikasmaterial onena zela aitortuz 8 .
1.b) Zertan den mota honetako ikerketa beste lurralderen batean Antzeko generoek zer nolako eragina duten haurraren hizkuntzaren jabekuntzan aztertu ote den galdetzerik badago. Nik soil-soilik adibide bat eman nahi nuke; adibide adierazgarria izan ere. Albert Casals Ibez katalanak biziki lan ona argitaratu zuen 2009an: La cano amb text improvisat (Universitat Autnoma de Barcelona, 2009). Etnomusikologia hartu nahi izan zuen kontuan bere azterketan (musikaren didaktikarekin batera), baina baita kantu inprobisatuak duen funtzioa ere (haurraren hizkuntzaren jabekuntzan). Etnomusikologiari gagozkiola, ez dugu lan honetan deus ere garatuko, ez baita gure esparrukoa horri ekitea. Kantu inprobisatua, berriz, oso kontuan hartuko dugu; izan ere, horixe da Gu ere bertsotan delako programaren helburuetako bat. Kantu inprobisaturako hona Casals-ek ematen duen definizioa: [] aquelles canons darrel tradicional que es basen en unes melodies sobre les qual simprovisen textos. 9
Eta bertsolaritzan ere, doinu (eta beraz, neurri) batzuen gainean testuak inprobisatzea da gakoa, hori guztia jarduera komunikatibo baten baitan burutua. Geroago, egile berak, kantu inprobisatu tradizionala definitzen du: La can improvisada tradicional s un procs artstic i comunicatiu complet (de la percepci a la reacci del pblic) i interactiu basat en un conjunt indissociable de llenguatges (musical, lingistic i gestual/ corporal), que queda sintetiza ten un moment i en un context temporal, espacial i social que li dna sentit. 10
7 Lapurdin, Nafarroa Beherean eta Zuberoan, Seaskako ikastola guztietan eskaini da Gu ere bertsotan, Ikastolen Elkartearekin duten akordioari esker. Eskola elebidunetan, berriz, 5 orduko ikastaldiak eskaini dira herri-elkargoen bidez., http://www.hikhasi.com/artikulua/2029 8 http://www.hikhasi.com/artikulua/2029 9 CASALS 2009:87. 10 Ibdem 93. Bertsoaren bat-batekotasuna eta performance alderdia adierazteko balio duen definizioa da arestikoa. Horregatik guztiagatik ikusten da interesgarria litzatekeela nolabait erkatzea Alberts Casalsek egindako ikerketa zabala Euskal Herrian egin daitekeenarekin. Hori eginkizun dago une honetan baina agian lan hau aurreneko pausoa izan liteke, pauso txikia bada ere.
1.c) Curriculuma? Hizkuntza jarduerak? Nafarroako hezkuntza sisteman, sare publikoan, aurreikusita dago bertsolaritza eskolan delako programa presente egotea ikasleen curriculumean. Hona hemen Nafarroako Hezkuntza sailak egiten duen deskripzio laburra programarena: Helburua da euskararen ikaskuntza komunikatiboa indartu eta hobetzea, ahozkotasunaren eta bertsolaritzaren bitartez. Eskola orduetan egiten da. Nafarroako Foru Komunitateko ikastetxe publikoetako Lehen Hezkuntzako 5. eta 6. mailetako ikasleei zuzenduta dago. 11
Izan ere Nafarroaren esparruak 24/2007 foru dekretua 12 da Lehen Hezkuntzako irakaskuntzarako curriculuma ezartzen duena. Lehen Hezkuntzaren hirugarren zikloan, hain zuzen Gu ere bertsotan delako programa garatzen den zikloan, irakurtzea eta idaztea lantzen diren arloetan aipatzen da bertako literatura eta produkzioak ezagutzea eta atal horren barruan bertsoak ezagutzea proposatzen da (foru dekretuan, esan nahi baita) jarduera bezala. Sormenari lotuta ere Lehen Hezkuntzan bertsoak sortzea aurreikusten da: Asmo literarioko testuak sortzea, adinerako egokiak (olerkiak, elkarrizketak, ipuinak, bertsoak...), hizkuntzaren adierazpen aukerak arakatuz, horretarako ereduzko testuak behatuz eta analizatuz (irakasleak narraturiko istorioak edo ipuinak) eta irudimena eta sormena pizten dituzten baliabide eta jolasez baliatuz. Bestalde euskal 13 curriculuma aipatzen du Bertsolaritzaren Curriculuma delako lanak eta honako gaitasun edo konpetentzia orokorrak aipatzen ditu: pentsatzen eta ikasten ikasi komunikatzen ikasi elkarrekin bizitzen ikasi norbera izaten ikasi egiten eta ekiten ikasi 14
11 http://www.educacion.navarra.es/eu/web/dpto/promocion-y-didactica-de-la-lengua-vasca 12 http://www.navarra.es/home_eu/Navarra/Derecho+navarro/lexnavarra/IndicesPorDepartamentos/Educacion/Ensenanza s/Ensenanza+Primaria/DF242007-04.htm 13 Euskal Autonomia Erkidegoko curriculumari egiten dio erreferentzia. Nafarroako foru dekretuan, berriz, Europar Batasunaren eremuan proposatu diren 8 oinarrizko gaitasunak aipatu eta azaltzen dira: 1.-Hizkuntza bidez komunikatzeko gaitasuna. 2.-Matematikarako gaitasuna. 3.-Mundu fisikoa ezagutzeko eta harekin elkarreraginean aritzeko gaitasuna. 4.-Informazioaren tratamendua eta gaitasun digitala. 5.-Gaitasun soziala eta herritartasuna. 6.-Arte eta kultur gaitasuna. 7.-Ikasten ikasteko gaitasuna. 8.-Autonomia eta ekimen pertsonala. J akina, Bertsozale elkarteak argitaratutako Bertsolaritzaren Curriculuman euskal curriculuma hartzen du kontuan eta haren oinarrizko konpetentziak lau arlo zientifikoko ekarpenekin lotzen dituzte bertsolaritzaren ekarpenak hobeto azaltzeko asmoz:
2. Elkarrizketak Elkarrizketatuak hiru izan dira, nahiz eta hasierako asmoa lau pertsona elkarrizketatzea espero nuen. Hona hemen elkarrizketatua: Estitxu Arozena, Lesakarra, bertsolaria eta bertso-eskoletako irakaslea Xabier Terreros, Lesakarra, bertsolaria eta bertso-eskoletako irakaslea Lorea Arburua, Elizondotarra, Nafarroako Bertsozale Elkarteko koordinatzailea Aurrerantzean elkarrizktatzeko zain: J osema Leitza, Arbizuarra, bertsolaria eta bertso-eskoletako irakaslea
14 HHEE 2008:14
2.a ) Metodologia Elkarrizketak egiterakoan arreta eskaini nahi izan diot irakasleek darabilten metodologiari. Izan ere, Bertsozale Elkartearen dokumentuetan oso ongi zehaztuta dago erabilitako metodologia, baina taldearen ezaugarrien arabera eta norberaren estiloaren arabera irakasle bakoitzak hartzen ditu bere erabakiak estrategiei eta baliabideei dagokienez. Oro har, metodologia parte hartzailea eta sortzailea aipatzen da. Egia da, programaren hasieran bertsolaritzaren kontzeptu orokorren inguruan lanketa bat egiten dela. Gu ere bertsotan 1 liburuak eskaintzen ditu hasieran nolabaiteko jarduerak. Baina elkarrizketatuek kantuaren bidezko hasierako kontaktua aipatzen dute. Estitxu Arozenak, zehazten du aurreneko saioan jada puntu bat osatzen dutela: Nik uste dut metodologia parte hartzaile hori dela gure arrakastaren, kakotxen artean, arrakastaren gakoa. Ni pertsonalki lehendabiziko klasetik hasten naiz puntu bat sortzen. Edo hitz bat arbelean jarri edo hainbat hitz jarri arbelean, ja puntu bat sortzen, zazpi-sei silabako puntu bat sortzen zazpi- sei kontatu gabe, doinua ikasi eta hasteko. (Aro/13/IX)
15
Aipatzen da, baita ere, kantua dela bertsoarekin haurrek duten lehenengo kontaktua. Bertsolaritza kantuaren bidez aurkezten zaio haurrari; izan ere, kasu batzuetan ez dakite bertso bat zer den edo ez dute bertsolaritzaren kontzientzia. Kantuak, gainera, ahalbidetzen dio haurrari berak txikitan ikasitako zenbait abesti bertsoak ere bazirela, neurri jakin bateko ahapaldiak zirelako, errima zutelako eta bertsolaritzaren doinuekin kantatzen zirelako: Niri iduritzen zait kantua dela ardatzetako bat, ta hemen Iruerrian agian gehiago, ikasle askok, gehienek hemen ez dakite zer den bertso bat, eta baldin badakite dute holako gauza zail bat edo. Lehenengo kontaktua kantuaren bidez izatea nik uste komeni dela. Kantuaren bidez konturatu daitezke beraiek zenbat bertso ezagutzen dituzten. Ohikoa da galdetzea, bueno, zenbat bertso ezagutzen dituzu? Guk ez dakigu bertsorik, ta gero ohartzen dira ttikitan kantatu
15 http://www.bertsozale.com/eu/gu-ere-bertsotan dituzten kantu pila bat bertsoak dirala, ohartzen dira kantu horiek neurri bat dutela, ohartzen dira kantu horiek errima bat dutela, ohartzen dira azkenean bertsoaren bi zutabeak diren neurria eta errima beraien eguneroko bizitzan erabili ditzazketen gauzak direla eta kantuak memorian guzti hori freskatzen laguntzen die eta gero hasten gara normalean oinarrizko kontzeptuekin. (Ter/13/IX)
Baina hori guztia bete dadin, ahozko hizkuntzaren ulermena eta (geroago) ahozko hizkuntzaren ekoizpena azpimarratu behar dira, noski. Ahozko hizkuntzaren ulermena lantzeko aukera kantuak ematen du, irakasleak haien aurrean abesten duelako edo irakasleak ikus-entzunezko formatuan eredu batzuk eskaintzen dizkielako haiekin lanean hasteko. Ikasleek entzundako testua oso-osorik eta hitzez hitz ulertu ez arren, inferitu edo ondorioztatu egiten dute bertsoaren edo bertsoen esanahia. Hori jada lanketa bat da, ez alferrikakoa, gainera, kultura tradizioetan eta jarduera komunikatibo baten txertatzen laguntzen ahal diona. Esate baterako, ikasmaterialetan duten Lazkao Txikiren ispiluaren bertsoaldia entzutean ikasle euskaldunen artean izango dira batzuk bertsoaldiaren hitz edo esamolde batzuk hasiera batean ulertzen ez dituztenak, baina bertsoaldiaren egoera ezagututa, bertsolariak egiten dituen keinuak ikusita, duen munduaren ezagutza (oraindik garatu gabea) kontuan hartuta, ahozko berbaldiaren esanahi ulertu egingo du, bai eta bertsolariak sortutako fikzio-planoen jokoa ere. Ahozko hizkuntzaren ekoizpena dator gero, taldean edo bakarka burutzen dena, hasiera- hasieratik ahalbidetzen dena arestian aipatutako metodologia parte-hartzaile horri esker. Horregatik programa hau aukera paregabea da ahozko hizkuntzaren ekoizpenari esparru bat emateko, praktika baita askotan Lehen Hezkuntzan hizkuntza ikasteko haurrek behar dutena:
Hizkuntzaren barne-arauak menderatzea eta automatizatzea, eta horrekin batera hizketan sartzen diren alderdi estrategiko eta planifikaziozko guztiak egoki kudeatzea, zeregin konplexua da, eta behar bezala garatzeak denbora eta praktika eskatzen ditu; izan ere, irakurtzen irakurriz eta idazten idatziz ikasten den bezala, hitz egiten ikasteko sarri hitz egin behar da. 16
Azpimarratu egiten da, behin baino gehiagotan, metodologia talde bakoitzaren arabera moldatzen dela. Zonalde urbanoetan, adibidez, bertso-rapa edo hip-hopa lantzen da, Xabier Terreros bertsolari eta irakasleak azaldu digunez. Ikasleentzat motibagarria da, gertukoagoa. Izan ere, duela
16 RUIZ BIKANDI 2009:167. urte gutxi batzuk zenbait bertsolariren artean, bertsolaritzak eta rapak konpartitzen dituzten ezaugarrietan oinarrituta, genero bien uztarketa landu eta zenbait saiotan agertu izan dute. Nafarroan horretan gehien nabarmendu denetako bat Xabier Silveira izan da. Hara Xabier Terrerosen testigantza: Material egokia eta osatua da, bao askotan talde bakoitzaren beharretara egokitzea garrantzitsua izan ohi da, detektatu talde bakoitza zertan dagoen gustora, zertan ez. Errate baterako, hemen Iruerriaz ari garela, ba Hip-hopa edo rapa lantzeko unitaterik ez dago hor. Nik adibidez Iruerriko talde guztiekin edo ia-ia guztiekin lantzen dudan zerbait da. Zergatik? Iduritzen zitzaidalako beraien interesekoa izan zitekeela. Orain hiru urte probatu nuen lehen aldiz hiru talderekin ta ikusi nuen eremu urbano honetan asko engantxatzen zirela, ta azkenean guk gure curriculuma dugu, gure materiala dugu, baio guk askatasuna dugu. (Ter/13/IX)
Beste zonalde herrikoiagoetan edo erruraletan, berriz, haurrek eurek nahiago dute forma edo molde tradizionalagoak bertsolaritza lantzeko tenorean. Estitxu Arozenaren testigantza adierazgarria da zentzu honetan: Nik behintzat Labaienen Negu Gorriaken bertso-hopa jarri, pixka bat motibagarria izateko eta hori, eta beste gela batzuetan arrakasta izugarria zuena, Iruerrian eta batez ere, zergatik paratu duzu porkeria hau?, [] aldiz hemen (Iruerrian) hori da eredu motibagarria. Nik uste dut gauza hauek taldera egokitu behar direla. (Aro/13/IX) Aldiz, herri jakin batean oso ezaguna baldin bada abesti bat edo bertso bat gai bati edo pertsonaia bati eskainia bertso hori berori hartzen bat batzuetan eredu bezala, adibidez, koplak sortzeko eta kopla-sorta bat osatuta horixe izan daiteke eredu bat beste talde batean erakusteko:
Narbarteko eskolan sortu baldin badugu Patxi errementari kopla txikitan, gero Ama begira zazu kantatu gabe Patxi errementari kopla horiek hurrengo taldean erabiltzen ditut nahiko hasieran, ze batzuetan eredu hori ez da oso erakargarria; izan ere, Ama begira zazu da lehendabizi ematen dena, eta jatorrizko bertsioan hitz batzuk ez zituzten ulertzen haurrek eta ordun egokia al da eredu hori erabiltzean lehendabiziko? Behar duzu eredu interesgarria edo motibagarria izatea. (Aro/13/IX)
Patxi Errementari aipatzen du Bortzirietan irakasle dabilen Estitxu Arozena irakasleak eta hain zuzen, H1 euskara duten haurrek Patxi Errementariren ipuin edo mitoaren 17 inguruan antzezpen bat
17 http://www.amaroa.com/elezaharrak/patxi-errementari-gaizto-eta-bihurri prestatu zuten, koplaka eta abestuz antzeztu ere 18 . Haur Hezkuntzako haur txikien aurrean aurkeztu zuten, bertsoa eta antzezpena uztartzen ahal direla erakutsiz. Lehen Hezkuntzako azken zikloko haurrak protagonistak dira antzezpen horretan eta berbaldi osoa bertsoz egiteko kapaz izan dira, memoria, gorputz-adierazpidea, jendaurrekotasuna, kantua eta partaideen arteko koordinazioa landuz. Horrek guztiak, noski, saioak motibagarriak izaten laguntzen du eta hori da Gu ere bertsotan delako programaren helburuetako bat. Haurra konturatzea bertsoa hitzen eta lenguaiaren jolasa dela, potentzialitate ludiko handia duena eta euskara, jakintzak lantzeko tresna izateaz gain, jolaserako, ondo pasatzeko eta intereseko jarduerak burutzeko tresna ere izan daitekeela. J akina, Nafarroako Bertzozale Elkarteak eskaintzen ditu gaztetxoentzako bertso-eskolak eta horrek izan daiteke Lehen Hezkuntzako 1.500 ikasle horietako batzuentzat bertsolaritza lantzen jarraitzeko aukera, baina bertsolaritza eskolan lantzen bada, batez ere euskara tresna izanik, sormena eta ludikotasuna lantzea dute helburu irakasleek:
[] baina niri iduritzen zait bertsolaritza dela sormena eta sormena lantzea eta euskararekin ongi pasatzea eta ikustea euskararekin zirikatu daitekeela, maitatu daitekeela, sentimenduak adierazi daitezkeela, eta beraien sormen-lanekin, hobeak edo txarragoak izan, gustura egotea. (Ter/13/IX)
2.b) behaketaren bidezko emaitzak, edota ebaluazioa Bertsolaritzaren Curriculuma delako lanean ebaluazioa adierazle batzuekin egitea proposatzen da. Baina adierazle horiek bertsolaritzak haurrengan sustatzen dituen arloekin, arestian aipatutakoekin, lotzen dira; alegia, hizkuntza, kultura, musika, trebetasun pertsonal eta sozialekin lotzen dira, hain zuzen. Arlo horiek elkarri eragiten diote, jakina. Adibidez, musika arloan izandako aurrerakuntza batek izan dezake ondorio onik haurraren zuzentasun gramatikalean edo zuzentasun fonetikoan; bide batez, aurrerakuntza horrek izan dezake eragin onik haur horren segurtasunean harreman pertsonal eta sozialetan, gizakia bat eta bakarra da eta arlo hauek gizakiarengan batzen dira. Hizkuntzari dagokionez, hainbat eta hainbat adierazle azaltzen dira curriculumean. Adibidez haurrek bideo edo audio formatuan entzuten dutenean dagoeneko eredu bat eskaini zaie, komunikatzeko balio duen bertso baten eredua. Bertsoak jasotzean honako hau izan daiteke bertsolaritza irakasleak kontuan har dezakeen ebaluazio adierazle bat:
18 Hemen dago ikusgai: http://bertsoeskola.blogspot.com.es/2013/09/patxi-errementaria-narbarteko-eskolan.html
- Bertsoaren esanahi orokorraz jabetzea: - Horietan adierazitako ideiak eta horien arteko loturak ulertuz. - Bertsoetan agertzen diren baliabide estilistiko eta komunikatiboak interpretatuz: esanahi bikoitza, esanahi umoretsua, etab. 19
Eta bertsolaritza irakasleak ere konturatzen dira bertsolaritza eskoletan delako programan modu batez edo bestez, ikastaroak luzeak izan ez arren, haurrek hizkuntza lantzen dutela, sarritan hizkuntza ereduekin ari direlako lanean haurrak:
Ereduekin funtzionatzen duen metodologia bat izanik, zenbat eta eredu geigo orduan eta euskara aberatsagoa, ta nik uste dut emaitzak hor daudela. (Aro/13/IX)
J akina, lanketa hori, Nafarroaren kasuan emankorragoa izango baldin eta haur batzuek jarraitzen badute bertsolaritza lantzen gaztetxoentzako bertso eskoletan, eskola araututik kanpoko orduetan. Baina argi dago, bestalde, bertsoekin jolastu hutsean hizkuntza lantzen dela, hizkuntza ereduetatik ikasten dela, hiztegia, loturak eta sintaxia aktibatzen dela halabeharrez, bertsolaritza irakasleek eurek aitortzen dutenez:
Bertsotan aritzeak zer erran nahi du? Sinonimoak bilatu behar dituzte, neurrian sartzen ez delako, errimatu behar duelako esaldiari buelta bat eman behar diote, eta azkenean hizkuntza prozedura pila bat erabiltzen ditu, bertzeak bertze, ze hor curriculumean jartzen du ez dela bakarrikan hizkuntza, kultura, musika ta trebetasun sozialetan ere badagola hobekuntza. Bio hizkuntza mailan nik uste dut baietz, badagola hobekuntza: semantikoki aberatsak diren gauza pilo bat, ta egitura aldetik. (Aro/13/IX)
Behar-izan formalak behartuta, adibidez, haurrak hasten dira konturatzen sarritan erabiltzen ez dituzten aditz trinkoak oso lagungarriak izaten ahal direla bertso jakin batzuk sortzeko, aditz perifrastikoek silaba asko dituztelako. Gainera, erreparatzen diete, lehen ez bezala, zenbait aditz trinkori, dotoreak eta eraginkorrak eurak, bertsolari prestigiotsuek darabiltzatenak. Eredu horiek erabilgarriak suertatzen ahal zaizkie aurrerantzean:
19 HHEE 2008:69.
Gero aditz trinkoa hagitz zaila da erabiltzen erabilera normalean eta bertsotan aniztan errimak dire erabili behar duzu ez zaizulako sartzen silabatan konposatua, ordun trinkoa ikasten baduzu, erabileraren erabileraz edo entzutearekin, ez dakit zer bertso on bota duelako J on Maiak ta aditz hau erabil du ta lehen ez nuen ezagutzen eta bertsoan nik erabiliko dut. (Aro/13/IX)
Azkenik, irakasleek ikusten dute L1 bezala euskara dutenek ziurtasun handiagoa eta, batzuetan, zaletasun handiagoa dutela bertsolaritza eskolan delako programan. Bertsoa ez zaie arrotz egiten eta bertso-saioren batean parte hartu dute, gainera. Euskararekiko jarrera ere abegikorragoa da eta eurentzat euskara ez da eskola-hizkuntza soilik, lotura afektibo handiagoa dute eta horrek errazten du bertsolaritza bezalako jardueretan murgiltzea:
[] baio noski ama hizkuntza euskara dutenek hasteko hizkuntza ongi menperatzen dute eta azken finean bertsotan egiteko tresna nagusia hizkuntza denez, hor abantaila nabarmen batekin hasten dire. Hortaz gain gurasoak euskaldunak eta euskaltzaleak baldin baditu pixka bat, ez beti baio askotan, bertsolaritza zer den dakite, bertso batzuk dakizkite, agian gerta daiteke norbaitek noizbait bertso-saio bat ikusi izana hemen Iruan edo gurasoen herrian eta ezaguna den zerbaitekin engantxatzea ba pixka bat errazagoa izan ohi da bertsoa zer den ez dakiten hoiekin baino, ez? Gero normalean ere euskara maila on bat dutenek errazago menperatzen dituzte oinarrizko teknikak eta oro har bertsotan programarekin engantxatzeko errazagoa izan ohi da, baio denetarik dago. (Ter/13/IX)
Herri euskaldunetan, gainera, gertatzen da bertsolaritza eskolan lantzen hasten direnerako dagoeneko haur batzuk eskola araututik kanpoko herriko bertso-eskolan hasiak direla eta, beraz, ikastetxean lantzen dutena ez zaiela esanguratsua egiten, dagoeneko oso menperatuta dutelako edota oinarrizko kontzeptuak ezagutzen dituztelako. Ume horiek probetxu gehiago ateratzen diote bertso- eskolari, bertsolaritza eskolan delako programari baino.
3.c) ondorioak Gu ere bertsotan delako programa, irakasleekiko elkarrizketetan ikusi ahal izan dugunagatik eta ikasmaterialetan aztertu izan dugunagatik, ondorioztatzen dut oso programa motibagarria izan daitekeela Lehen Hezkuntzako haurrendako. Hizkuntzaren jabekuntza 15 saioko programa batean ahalbidetu egiten da honako arrazoiengatik: - Bertsolaritza lantzeko saioetan hizkuntza da tresnarik garrantzitsuena eta, de facto, erabili egiten da, bai ereduak jaso, ulertu eta dastatzeko, bai taldean zein bakarka sormena (hizkuntzaren bitartez betiere) bertso, kopla, abesti eta rapeoan gauzatzeko tenorean. - Musika eta kultura arloetan haurrek (sarritan inkontzienteki) egiten duten lanketa motibagarria da baita ere hizkuntzaren jabekuntza eta bertan trebeziak hobetzen joateko. - Trebetasun pertsonal eta sozialetan aitzina joateko aukera ere biziki motibagarria da haurrendako euskara, eskola-hizkuntza izateaz gain, norberaren aberastasun pertsonalerako giltza izan daitekeela jakiteko, besteak beste, jendaurrekotasunak haurrari ematen diolako autoestimu handiagoa, horrela beste ikaskideekin duen elkar eragiketa emankorragoa izan dadin. Ondoriozta dezakegu, bestalde, 15 saioko ikastaro batean zaila dela neurtzea zenbateraino aurrerakuntza gertatzen den haurrek dituzten hizkuntza-trebezietan, bost hilabetetan zehar zenbait astetan (ez guztietan) ordu bateko saioa ez baita denbora-tarte zabala hizkuntza-ereduekiko harremana eta hizkuntza-jarduera garatzeko. Nolabaiteko aurrerakuntza izan dela estimatzen dute irakasleek, baina batez ere hizkuntzarekiko jarrera eta motibazioa aldatzen direla konstatatzen dute eta hori lorpentzat ematen dute; izan ere, jarrera-aldaketa hori euskara L2 bezala duten haurrengan gertatzen da eta baita L1 dutenengan ere, guztiek baitute arriskua euskara eskola-hizkuntzatzat (soilik) hartzeko eta bertsolaritza eskolan delako programak arrisku hori gainditzen laguntzen du. Bestalde, interesgarria litzateke bertsolaritzaren lanketak gaztetxoendako bertso-eskoletan zer nolako jarraipena duen ikustea. Batez ere bertsozaletasuna eskola arautuan piztu zaien haurrengan da interesgarria geroagoko bertso-eskolak duen eragina aztertzea. Oraindik egin gabeko azterketa da eta agian ikerketa honen hurrengo pausoa izan daiteke. Horretarako tresneria edo dispositibo egoki bat prestatzea litzateke interesgarria, hizkuntzaren jabekuntza zehatzago neurtu ahal izateko.
Bibliografia ALDANA, Pedro Mari (2000): Garriko bertso-eskola (1959/1960). Bilbao, Bizkaiko Bertsolari Elkartea. CASALS, Albert (2009): La can amb text improvisat: disseny i experimentaci d'una proposta didctica per a Primria. Departament de Didctica de l'Expressi Musical, Plstica i Corporal de la UAB 20 . EIZAGIRRE, Ixiar (et al.) (2010): Gu ere bertsotan 1. Euskal Herriko Bertsozale Elkartea, Lanku Bertso Zerbitzuak S.L., Oiartzun.
20 http://www.tdx.cat/TDX-0324110-114328 GARZIA, J oxerra (et al.) (2001): Bat-bateko bertsolaritza. Gakoak eta azterbideak. Bertsozale elkartea, Bertsolari liburuak, Donostia. HHEE 21 (2008): Bertsolaritzaren Curriculuma. Lehen hezkuntza. Lanku. RUIZ BIKANDI, Uri (2009): Ahozko ulermena eta adierazmena in RUIZ BIKANDI (ed.): Bigarren hizkuntzaren didaktika Haur eta Lehen Hezkuntzan. Euskal Herriko Unibertsitatea, Argitalpen Zerbitzua, Bilbao, 157-177.