Estd 2002

Ra wng bawl t ur a chhandam

Kumpuan4 BIAK IN-A HLA REM UAR KUM
SUNDAY SCHOOL
Lalpa mit chu hmun tinah a awm a,Thil tha lo leh tha a enthla reng thin.(Thufingte 15:3)
VOL. XII NO. 35. CHAMPHAI VENGSANG BRANCH K.T.P. WEEKLY ORGAN Ni 7
th
SEPTEMBER 2014
EDITOR : H Zirsangliana 9862364301
JT. EDITOR : Zodinpuia 9862409370
Isaac Lalhruaitluanga
9856548635
NEWS EDITOR : K.Laltanpuia 8014722701
CIR.MANAGER : Sawmsanga, Tetea,
Nau-naua, Lalbawiha
MANAGER : C. Vanlalchhuanga
9862775452
KRISTA RILRU
Kan changthlan hi Bible chang lar tak a ni. He rilru, Krista Isua
pawha a awm bawk kha, nangmahniah awm rawh se tih thu hi a
zawm lehzel chhiar loh chuan, Krista Rilru chu eng rilru nge tih
kan hre mai thei lo. A thuzawm kal zelah chuan, Pathian anga
awm a thlahlel lo Krista rilru chu, Pathian ni si, Pathian anga awm
thlahlel thei lo tiha a ni awm e. A dawt lehah chuan, mihringte anga lo piangin,
bawih angah a insiam he thu hi chu mihring chhiarkawp hmanga ngaihtuah
chhuah theih a ni ta lo. Thlarau mi Pu Chawngkhupa chuan, mihring mifinna
hian a ngaihtuah chhuak zo lova che, ka chhandamtu i thuruk hi a ti tawp mai.
A ropui zual zel a, thi khawp hiala
thu zawmin a lo awm ta, kraws-a thihna
ngei chu. Tute thu emaw chu kan
zawm fo ang a. Mahse, mahni thihna
tur khawp hiala thu han zawm chu thil
awlsam tak a ni lo. Kan hla pakhatah
chuan, Kawng awlsam a ni lo, vanram
kan panna kawng hi tih kan sa thin a.
Ringtu nun kawng hi a zui tak takte
chuan awlsam takin an lo zawm lo tawp
mai. Hling tam tak awmna kawng an lo
zawh a ni. Ka pa he no hian min pel lul
rawh se Isuan a tih khan, a ti fiamthu lo.
Pel turin a duh tak tak a ni. Mahse,
Keima thu ni lovin, nangma thu ni zawk
rawh se a ti leh thei a ni.
Lal Isuan buh lem leh a tak chubuh
seng thlengin ato za rawh se a ti. (Mat
13:30) Buh lem chuan tawrhna tak tak
a thlen hunah a peih lo ang. Krista rilru
chu thi khawp hiala thu zawm a ni.
Kohhran chhungah bh lem kan awm a
phal. A awlsam chin leh a hahdam chin
a rawngbawlna. Chu rawngbawlna
atang chuan nunna eng a chhuak thei
lo. Krista rilru chuan midangten
malsawmna an chan theihnana
hmangaihtua tuarna a kawk thleng.
Krista rilru chu engnge tih kimlo takin
kan thai lang ta. Kawng nuam taka kal
a, a awlsam leh a hlimawm chin a,
Kristian nih hi a harsa lo. Mahni ram thiat
a, duhna lam kawng ni lo, hreh chung
chunga kalna kawngah erawh chuan, I
thu ni zel se tih a har thin hle a ni.
Mahse, chutiang ti mite avang chuan
vawiin-ah hian Isua Krista ram chu a
zau zel si.
Kan Zosap Missionary te zinkawng
kha a hautak awm hle mai. Sap ramah
mahni inluma Kristian tha pangngai tak
ni thei kha. Keini, hnam mawl takte tan,
an nun thapin Chanchin Tha chu an
rawn keng lut a ni. Kawng nuam leh
awlsam an rawn zawh lo. Sairang
an rawn thlen hlim pawhin motor a
la awm lo a. Kein Aizawl lam panin
an rawn kal chho a ni awm e. Hlim
takin an rawn kal kher lo ang. Mahse,
a nuam ringawtin Isua hnung an zui
lo a, chui rah chu vawiin-a Mizo fate
hian kan lo dawng ta a ni.
Krista Rilru chuan, mahni inphat a,
hrehawm mahse thuawih zir zel te,
thi khawp hial thu zawmte a ken tel
tlat avangin, a namailo a ni. He kan
changthlan chhunzawm zelna hi kan
chhiar chuan hlau leh khur chungin
nangmahni chhandamna thawk
chhuak rawh u; ama lawm zawng
at ana ti h tum t ur l eh bei tura
nangmahnia thawktu chu Pathiana
ni si a (Philipi 2:12-13) tih thu kan
hmu a ni.
Kohhran chhunga hlim taka zai
te a nuam thin hle. Chu kan hlimna
leh lawmna chuan midangte hnen a
thlen theihna tur chuan nang leh kei
hian kan tuar ve a tul ta. Isua Krista
chuan Pathian anga awm a thlahlel
thei lo. Mihringte bawih ata
chhandam kan nih theih nan thi
khawp hiala thu zawm a ngai. A ni
chuan a tih tur chu a tling tla ta. Chui
hniak hnung zui tura, Krista Rilru kan
put theihnan Lalpan a thute
malsawm rawh se !
A mak mang e Van Lalber chuan,
Inngaitlawma hringmi a chan lai
khan,
Nuamsa thei khan hrehawm
tinreng chu tuarin
Ranthleng leh Kraws maw a lo
thlan le !
Lehkhabu chhiar ngai lo
rawngbawltu chu a rawngbawlna
atangin bang mai rawh se.
- John Wesley
Tantu : Pi Lalkhawchhani
Zirlai : Chibai bukna leh Kolosa
Kohhran nihna (Z - 32)
CHAWHNU INKHAWM
Thupui : Ringtu mawhphurhna
Sawitu : Pu H.Vanlalzauva
ZAN INKHAWM
Thupui : Chanchin Tha hril - Lal
Isua hna chhunzawmna
Sawitu : Upa K.Thangkhuma
KTP TAWNGTAI INKHAWM
Hruaitu : Nl Lalnunsangi
Thupui : Tv Jerry Lalpanmawia
Thurin zir - Thurin 10-na
Hawngtu : Nl K.Lalnuntluangi
THAWHTAN ZAN
Thupui : Chapona
Hawngtu : Nl R.Vanmawii
THAWHLEH ZAN
Thupui : Sum ngainatna
Hawngtu : Nl R.Lalhmangaihi
NILAI ZAN
Thupui : Mipat Hmeichhiatna
Hawngtu : Nl C.Lalrinngheti
NINGANI ZAN
Thupui : Duhamna
Hawngtu : Pu J.Ralkulhtawna
ZIRTAWP ZAN
Thupui : Thinurna
Hawngtu : Pu R.Lalchhuanawma
INRINNI ZAN
Bial NPSS Inkhawmpui
ZING TAWNGTAI INKHAWM
Thawhtan : Pu Daithanga
Thawhleh : Pi Vanlalthlani
Nilai : Pu PC Lianzawna
Ninga : Upa Lallianluauva
Zirtawp : Pu C.Zohmingthanga
Inrinni : Pi Lalhmingmawii
Pathianni : Tv Lalrammawia
PATHIAN RAM IP
Vawiin-ah September thla chhung
atana kan Pathian ram ip lak khawm
tum khatna neih a ni ang, Kohhran
chhungkuate kan inhriattir a ni e.
Krista Isuaa Pathian chung lam koh chhan lwmman hmu turin, tiam chin lam chu ka pan tlh tlh a ni. (Phil. 3:14)
KTP THIL TUMTE :
1. Isua krista rinna leh amah anna
kawnga thalaite hruai
2. Kohhran kutke nitura thalaite
buatsaih
3. Kohhran hnathawh tih puitlin
4. Krista Chanchin Tha puan darh
THUPUI :Rawngbawl tura chhandam
THUPUI INNGHAHNA : Ephesi 2:10.
AGENTS
BAWIHA
LALBAWIHA
TE-I
SENSENI
ARONA
AWMTEI
HRIATRENGA
VALPUIA
J ONATHAN-A
T.P.I
RUATI
HRIATPUIA
THAKIMA
RINKIMA
RUATKIMA
Kan pawn lam mihring hi lo
awngrawp telh telh mah sela; kan
chhung lam mihring chu nitin
siam thar zelin a awm zawk a ni
(II Kor. 4:16)
ALETHEIA K.T.P W E E K L Y O R G A N N i 7
th
SEPTEMBER 2014
FAITH PROMISE
September thla atana kan Faith
promise te lak khawm a lo hun leh ta a,
Bial neitu leh memberte kan inhriattir a ni.
KTP inkhawm a awm dawn loh avangin
tunkar ral hmain sum enkawltute hnenah
thehluh tur a ni.
BIBLE CHHIAR MEK
Bible chhiar chhuah tura tih chi Ni 1
Sept 2014 (Thawhtan zan) inkhawm ban
khan Upa K.Chawikungan (Represent)
hawnna a nei, chhiar chhoh mek zel a ni.
Inkhawm ban apiangin chhiar thin a ni a,
memberte mahni remchan hun apiang a kal
turin kan in sawma ni.
TUNKARTHUVAWN
BRANCH REPORTS
KOHHRAN BENG
RETHEI PUAL THILPEK
Vawiin chawhnu inkhawmah rethei
pual thilpek lak khawm leh a ni ang.
SAKRAMEN EXAM
Sakramen Deptartment naupangte
chuan Ni 26.10.2014 ah sakramen an
exam ang. Ni 29.10.2014 (Nilai zan) ah
lawmluh an ni anga, an pual a Lalpa
zanriah buatsaih a ni ang.
CHAWKIDAR QTRS HAWNG ANG
Ni 12.September.14 (Zirtawp) tlai
Dar 3:00pm-ah kan kohhran chawkidar
Quarters hawn a ni anga, Bialtu Pastor
in a hlanna neiin a hawng ang.
BIAL NPSS INKHAWMPUI
Bial NPSS inkhawmpui chu tunkar
inrinni zan atangin kan kohhran Biak In-
ah tan a ni ang. Zirtirtu leh naupangte a
tan zan atanga inkhawm theuh turin kan
in hriattir a ni.
THIR THUK SIAM ANG
Krismas leh kumthar committee in
kohhran committee a an thlen angin thir
thuk siam an dilna chu remtih a ni a,
mawh an phur nghal ang.
RAWNGBAWL NAN PE
Upa Ngunliana, Buang kohhran chu
kohhran committee in a rawngbawl zel
nan Rs.1,000 a pe a, ani hian kan
kohhranah pawh hun hmangin, tawngtai
camp neihna lamah pawh rawngbawlna
a nei thin.
TAKSA INHLAN
Rawngbawlna kan kal pui muah
muah lai hian kan ngaihthah lek lek
nia lang chu mahni taksa ngei
inhlana rawngbawl hi a ni awm e.
Midang tihah dah mai awl tak mai
thil chi hrang hrang kan kalpui ve
fo thin si a. Mahni indah awl daih
ching a awm theih ta hle niin a hriat.
Thilpek rawngbawlna kan sawi uar
tha hle. Sum leh pai rawngbawlna
atana kan thawh chu a pung thur
thur a, mahse kohhran inkhawm
erawh kan tlem tulh tulh emaw chu
aw a tih theih thung. Inkhawm that
leh tam ah hma kan sawn thei lo ni
pawn a lang bawk. Lal Isua ngei
pawh khan mihringte min chhandam
tur khan thu maia rawn hlen chhuak
lovin ama taksa ngei sualna neilo
chu keini misual tana rawn hlan a
nih kha !
A hniakhnung kan zui Lal Isua
in ama taksa ngei a hlan ang hian
keini ringtu inti te hian tawngka leh
thilpek mai duhtawk lovin kan taksa
ngei inhlan thar ila, keimah a a tha
ber pe bawk ila, ava tha dawn em !
Taksa inhlanna hi sawi uar ila;
mahni ngei pawh taksa inhlan
rawngbawlnaah hian tan ila thar zel
ang u. Kohhran mi tupawh kan bang
chuang lo, kan theihna zawn theuha
kan inhlan thin hi Lalpa lawm
zawng tak a ni fo thin si.
FATE ENKAWL :
1. Pathian a awm tih leh engkim siam
tu hi Pathian ani tih i hrilh thin dawn nia
2. Chhandamna chhanchintha hrilh thin
rawh. EngkimPathian siam, mihring te
pawh ama ta vek, ama tana siamte kan
ni, nakinah vanramah kan haw leh ang,
kan in tak tak chu vanram a ni etc..
(Kol.1:16)
3. Bible chhiar thiamturin zirtir rawh
4. Tawngkammawi, nungchang mawi,
aia upa te zah thiam turin zirtir rawh.
5. Thatche lo turin zirtir rawh.
INKHAWM CHANVO NEITUTE
(Ni 8-14 Sept 2014)
Chairman : Upa K.Chawikunga
Pianist : Tv H.Lalrinsanga
Zai hruaitu : Pu C.Vanlalchhuanga
INKHAWM KIM RAWH LE
Beihrual hman mekah inkhawmtha
te tan lawmman siam a ni ang. Harsatna
nei, vawihnih thlenga inkhawmremchang
lo tan pawh lawmman aawmang. Mimal,
chhungkua, khawtlang tan kan zirlai te a
thain a hlawkthlak hle, a tam thei ang
inkhawmtheuh turin kan in ngen a ni.
PHOTO GALLER
(Bible chhiar chhuah)
NAUPANG CHAWHNU
INKHAWM PROGRAMME
Inkhawmpui inbuatsaihna mahni
remchan anga neih leh tur a ni. Biak in-a
enlawkna (rehearsal) nei thei kan awm
chuan a lawmawm hle ang.
KOHHRAN ZAIPAWL
Zanin inkhawm banah
Presbytery a mi tur hla zir leh
tur a ni a,zaipawl member zawng
zawngte zir theuh turin kan in
sawm a ni.
Bible-a ber kai te -
Tlang lang hmasa ber leh sang ber :
Ararat Tlang, Ft 17000(Gen 8:4)
Bible-a pawisa (coins) lanna hmasa ber :
Darik (I Chr 29:7)
Bible -a Sava hming lanna hmasa ber :
Choak (Gen 8:7)
Tan in lanna hmasa ber :
Gen 39:20
Rangkachak lanna hmasa ber :(Gen 2:11)