Iligan | The City of Majestic Waterfalls

Kagamhanang lokal mopasi-ugda’g katiguman sa mga magpapatigayon; sitwasyon sa

supply sa kuryente,

Pebrero 12, 2010, Biyernes

Kagamhanang lokal mopasi-ugda’g katiguman sa mga magpapatigayon; sitwasyon sa supply sa kuryente,

hisgutan

Mitakda ang kagamhanang lokal sa Iligan og usa ka business forum karong umaabot nga Pebrero 17, adlaw’ng
Martes, kanus-a hisgutan ang sitwasyon sa power supply dinhi sa atong dapit ug ubang bahin sa Mindanao.
Gitinguha ni Mayor Lawrence Lluch Cruz nga malamdagan ang publiko, ilabi na ang sektor sa patigayon, sa gipatuman
karong rotating brown-out sa National Grid Corporation of the Philippines (NGCP).
Sa nasayran gikan ni Dr. Rolando Cuizon, Executive Director sa Iligan Investment Promotions Center (IIPC) ubos sa
buhatan sa Mayor, gidapit nga mopasabot sa isyu ang mga kadagko-an sa National Power Corporation ug NGCP.
Sa susamang katiguman, natakda usab nga ilusad sa IIPC ug Department of Trade and Industry (DTI) sa Search for
Outstanding Micro, Small and Medium Enterprises (MSME).
Ipahigayon ang maong kalihukan sa Elena Tower Inn, sugod alas 11:00 sa buntag hangtud sa alas 2:00 sa hapon. (mta)

NPC, NGCP, ILPI momugna’g composite team alang sa paghimo’g spot announcements sa mga brown-
out schedules

Nagkasabot karon ang National Power Corporation, National Grid Corporation of the Philippines ug Iligan Light and
Power, Incorporated nga momugna og composite team kinsa mao’y mohimo og spot announcements sa nasinati
karong rotating brown-out sa atong dapit.
Tubag kini sa awhag sa Committee on Energy sa Sangguniang Panlungsod sa nasangpit nga mga kompaniya nga
makahatag gayu’d og pasi-unang pahibalo ngadto sa katawhang-konsumante sa dili pa ang matag brown-out
schedule.
Angay’ng masayran nga mipahigayon ang SP og public hearing kagahapon sa buntag, didto sa SP Session Hall,
kanus-a gituki ang power situation sa atong dapit kauban ang mga kadagko-an sa NPC, NGCP ug ILPI.
Gidumala ang maong tigum sa Chairman ug Vice-Chairman sa SP-Energy Committee nga mao sila si City Councilor
Pisyong Larrazabal ug Moises Dalisay, Jr.
Mitambag si Konsehal Dalisay ngadto sa tulo ka mga kompaniya nga mopalit og space sa mga mantalaan ug oras sa
karadyohan ug telebisyon diin himoon ang mga pahibalo kalabot sa brown-out ug maglakip na pod unya sa kampanya
batok sa pagpangawat og kuryente. (boy decena)

Schedule sa rotating brown-out, mahinungdanong masabutan sa tulo ka power companies

Sabutan pa sa Iligan Light and Power, Incorporated, National Power Corporation ug National Grid Corporation of the
Philippines ang schedule sa rotating brown-out diha sa tulo ka mga power circuits dinhi sa Siyudad sa Iligan.
Pamahayag kini nga giluwatan ni ILPI President Ralph Casiño atol sa gipahigayong public hearing sa Committee on
Energy sa konseho kalabot sa Mindanao power situation didto sa SP Session Hall kagahapon sa buntag.
Matud pa ni Casiño, dili na ang NPC lamang ang nagkontrolar sa supply sa kuryente sanglit anaa na man karon ang
NGCP nga mao’y nagsilbing power distributor ngadto sa mga power utility companies sama sa ILPI.
Giabi-abi sa ILPI president ang mitumaw’ng ideya sa hearing nga himoong senemana ang brown-out schedules
sa sa Circuit A (kon Pala-o Circuit), Circuit B (kon Overton Circuit) ug Circuit C (kon Kiwalan Circuit) nga parehong ilalom
sa ILPI. (boy decena)

Walo ka pulis, gi-destinong back-up personnel sa CSU-Traffic

http://www.iligan.gov.ph Powered by Joomla! Generated: 3 March, 2010, 13:48

 Iligan | The City of Majestic Waterfalls

Gibutangan na karon ni P/Sr. Supt. Bernardo Reamon, Jr., hepe sa Iligan City Police Office, og walo ka mga pulis ang
Iligan City Traffic Management Office.
Kini aron mao’y magsilbing back-up police personnel diha sa inadlaw-adlaw’ng mga paglihok sa Civil
Security Unit-Traffic Enforcers sa mga kadalanan ning siyudad.
Ang gihimong lakang sa ICPO chief mao’y pagsanong sa mando usab nila ni Mayor Lawrence Lluch Cruz ug
Chairman sa Committee on Public Safety and Order nga si City Councilor Providencio “Boy” Abragan, Sr.
Tumong niini ang pagprotektar sa mga traffic enforcers sa siyudad gikan sa mga abusadong personalidad nga basta na
lang mopasipala ngadto kanila sama sa nahitabo kaniadto nga pagpanagpa sa usa ka Enforcer Tabada. (boy decena)

*********************************************************************

Newswriters: Melvin T. Anggot, Diana Rose R. Cabañero, & Boy Decena

Circulation: Arthur L. Sabilla, Wilson Areola, Charito J. Tapic

Approved for release:

MELVIN T. ANGGOT,
In-charge, CMO-CIO

http://www.iligan.gov.ph Powered by Joomla! Generated: 3 March, 2010, 13:48