ANIA TI ISAGUTMO? Ni Trofimo O.

Estigoy

Nakalawlawag manen iti plasa ken parke iti rabii. Ken saan laeng nga iti plasa no di ket iti intero a poblasion. Ken uray payen iti barbarangay. Mangrugi ngaminen nga agandap dagiti ginasut wenno rinibu nga sindi-iddep a bombilia a nakabitin kadagiti pasdek ken uray kadagiti kayo iti arubayan. Ken saan laeng a dayta, adu payen dagiti parol a nakabitin kadagiti balay. Agduduma ti kadakkel ken desinio a kaaduan kadagitoy ket adda met bombilia a sindi-iddep iti unegda, a mangnayon pay iti lawag ti aglawlaw. Dagitoy ket mangipasimudaag nga addad toyen ti Christmas wenno Paskua. Ta nagbalinen a tradision wenno kaugaliantayo a Filipino ti panangselebrar ti Christmas. Dagiti dadduma ipakitada ti panagselebrarda iti Christmas babaen ti panagibitinda iti nadumaduma a parol iti balayda. Dagiti met dadduma agdekorasionda iti sindi-iddep a bombilia iti sagumaymayan ken diding ti balayda agraman payen dagiti kayo iti arubayanda. Ken dagiti met dadduma agrambakda babaen ti panaglitsonda iti baboy ken panangisagana iti naiimas a makmakan inton Desiembre 25. Ken adu pay a klase ti panagrambak. Ngem ania kadi ti makuna a Christmas wenno paskua? Kuna met laeng dagiti dadduma nga isu kano ti panagreregalo a panangipakitatayo iti panagayattayo kadagiti patpatgentayo iti biag. Kuna met ti dadduma wenno kaaduan nga isu kano ti pannakaiyanak ni Apo Jesus ket masapul a rambakantayo tapno maipakitatayo ti panangbigbigtyo ti kinapateg ti yuumayna ditoy rabaw ti daga. Agpada nga addan puntos dagitoy dua a pagrasonan. Ngem alaek man ti maikadua, a kunataqyo nga isu ti pannakayanak ni Apo Jesus ket masapul a rambakantayo . Wen ta numan pay saantayo nga ammo ti kusto a paqnnakayanakna gapu kadagiti adu a pammaneknek, ti napateg ket bigbigentayo dayta nga yuumayna ta immayna insalakan dagilti mamati Kenkuana. Ngarud no kunatayo a panagkasangay ni Apo Jesus ti Desiembre 25 ket rambakantayo, ania ngay ti isaguttayo wenno iregalotayo Kenkuana? Ta di met aya a no agkasangay dagiti ipatpategtayo iti biag ket regaluantayo isuda? Masapul met ngarud a regaluantayo ni Apo Jesus. Ngem ania ngay dayta a regalo? Saan a kasapulan ni Apo Jesus dagiti material a banbanag. Kasta met ti pinansial ta adduanan isuna kadagitoy. Ket ania ngay ngarud? Adda laeng maysa a mabalilntayo nga isagut Kenkuana. Kunana, daton a sibibiag, nasantoan ken makaay-ayo iti Dios (Roma 12:1) Ipaayyo dagiti bagbagiyo, kas

Daytoy gayam ti kapapatgan a maisaguttayo ken ni Apo Jesus no dumteng ti Christmas. Ngem ania ti kayat a sawen daytoy?Tapno ngarud agbalintayo a nasantoan ken makaay-ayo iti Dios, masapul a suroten wenno tungpalentayo ti pagayatanna. Ta kasta la unay ti p-anagayat ti Dios iti lubong isu nga isu nga intedna ti Anakna a Bugbugtong , tapno amin a mamati kenkuana ket saan a mapukaw no di ket adda biagna nga agnanayon (Juan 3:16). Ket no inayatnatayo ni ApoDios, di kad rumbeng met nga ayatentayo Isuna? Ket wen rebbengna la unay. Ket kasano nga ayatentayo ni Apo Dios? Kunana, No adda agkuna: siak ayatek ti Dios, ket guraenna ni kabsatna, isu maysa a naulbod (1Juan 4:20).Masapul ngarud nga agpipinnakawantayo tapno maayattayo ni Apo Dilos. Mamin-ano kadi a mamakawanka? Saan laeng a maminsan, mamindua, mamintallo wenno maminpat no di ket maminpitopulo a pito (Mateo 18:22) Kasano pay nga ipakitatayo nga ay-ayatentayo ni Apo Dios? Kinuna manen ni Apo Jesus, No ayatendak,tungpalenyo dagiti bilbilnko (Juan 14:15) Ania ngarud dagita a bilbilinna?Adda man sumagmamano nga innak ibaga tapno isu ti pangrugiantayo a mangtungpal. Para kadagilti annak. Agtulnogkayo kadagiti dadakkelyo Dayawem da amam ken inam Tapno naimbag ti lak-ammo ken atiddog ti biagmo ditoy rabaw ti daga (Efeso 6:1-3). Saanka ngaruden nga agsadsadut anak. Dika met nakuspag kadagiti nagannakmo ken kasta met kadagiti in-inauna ngem sika. Dakayo babbai, agtulnogkayo kadagiti assawayo, a kas iti Apo. Ta ti lalaki isu ti ulo ti babai (Efeso 5; 22-23). Saanka ngaruden a naturturay ngem ni asawam sika a babai. In-inauna ka man ngem ni lakaymo. Wenno nangangato man ti posissionmo iti trabaho gapu ta nangatngato ti adalmo, paiturayaqnka ken ni lakaymo ta isu ti bilin ni Apo. Lallaki, ayatenyo dagaiti assawayo, a kas met iti panagyat ni Cristo iti Iglesia, ket inyawatna ti bagina gapu kenkuana (Efeso 5:25). Maawatantayo koman ti kayat a sawen ti ayaten. A no ayatentayo ni asawatayo, ipaaytayo kadakuada ti kaimbagan a banag. Ket no ayatentayo isuda, saantayon ngarud a pagledleddaangen ida. Ket karamanna ditan ti santayon a panagessem iti sabali pay a babai. Ta laglagipentayo nga uray iti panangmatmat laeng iti maysa a babai nga addaan panagessem ket makabasoltayon (Maeo 5:27-28). Ken ilddiantayo metten ti arak ta kunana iti Proberbio 20:1, Ti arak manangrabrabak, ti naingel nga inumen mangaringringgor; ket siasino man a mailaw-an kenkuana saan a masirib .

Ken kunana met iti Efeso 5:18, Ket dikay agbartek ti arak isu pagbuslonan ti kinadakes, no di ket mapnokayo koma iti Espiritu . Ala gayyem wenno kabsat, numan aduda pay dagilti bilbilinna a rebbeng a tungpalentayo tapno maipakitatayo ti panagayattayo Kenkuana, umdas koman dagitoy sumagmamano nga innak naipalawag a pangrugiantayo a mangtungpal kadagiti bilibilinna tapno mabalintayo nga ipaay dagiti bagbagitayo a kas sagut Kenkuan iti daytoy a Paskua. Ket naynayonantayon ti panangammotayo babaen ti panangsukisoktayo iti Biblia#