CHAWLHKAR

INKHAWM
May 14, 2014 (Nilaini)
zan khan Pu Jim
Lalrammawi In,
Babusapalia-ah
Chawlhkar Inkhawm
neih leh a ni a, mi 15 vel
an kal a. A kalte chuan
hlawkthlak an ti hle.
May 28, 2014 (Nilaini)
zan ah hian Pi
Lalnunthari (m/o Nl.
Ruati) te In, Benson
Town-ah Chawlhkar
Inkhawm hi neih leh tur
a ni bawk.









HALLELUIAH CHORUS LEH A THEOLOGY
- Rev. Lalhleia

Kohhran hunpui a lo in her chhuah chang apianga Halleluiah Chorus
Kohhran Zaipawlin an sak hi chuan a kalh a kim deuh tlat hian a hriat thin.
He hla ropui tak hi George Frederic Handelan kum 1742 a ni 22 chhunga a
phuah a ni.

He hla a phuah dawn hian a pindanah a inkhung a, engmah hre lo ang ten a
awm thin. Chaw an pek te pawh ei na chang a hre lova, a chhiahhlawhten a
chaw tur an pek ei na chang a hre lova, a chaw a daih hnuah an thlak leh
pawhin ei na chang a hre chuang lo. A chhiahhlawh chuan pindan atanga a
puin, A kin ta! A kin ta! Vanram kawngkhar inhawng ka hmu a, Angel
Zaipawl ten Halleluiah Chorus an sak ka hria tia a au thawm chu a hria a,
a pu a va pan hnai a, tawng pawh a lo tum chuang lova, engmah ei lo a nih
avangin a thi ta emaw a ti hial a ni. Rang takin Doctor a kova, Doctor a lo
thlen chuan GF Handela chuan a ban a lo phar chhuak a, And He shall
reign forever - Ro a rel ang chatuanin tiin hlim takin chau hmel pu miah
lovin a lo zai a, he hla hi a lo piang chhuak ta a ni.

Kum 1742 khan Ireland khawpui Dublin-ah rem hmasak ber a ni a, chu tah
chuan Zaipawl member 26 an awm. An ram awptu King George III chuan
ropui a ti lutuk a, an sak lai chuan a ding ta hluai mai a, an lalpa ber ding ta
chu din tur emaw an ti a, mipui pawh an ding zo ta vek mai a ni an ti. He ta
tang hian Sap ramah chuan tun thleng pawh hian Halleluiah Chorus an sak
lai chuan mipui an ding zel thin.

He hla hian kum 272 hmel lai hmu tawh
mah se hun tin rem, chuai thei lo hla tih tur
a ni, a ropui hle mai, Thlarau nen a phuah a
ni tlat a lawm. GF Handela hi kum 74 mi a
nihin a mit a del a, chuti chung chuan
Concert naah a hla phuah-The Messiah- a
mite chu thiam fahranin a la tum thei tho.
Ama duh ang ngeiin Kum 1759 Good
Friday ni takin he Khawvel a chhuah san a.
Kumpinu Lal chhungkua an phumna (Kum
1760 a King George II an phum hnu kha
chuan Winsor ah an in phum tawh) hmunah
ngei, Lal chhungkua ni lo mi ropui dangte
an phum ve zing a 22-na ni turin, London a
Biak In lian ber-Westminster Abbey ah an
zalh ta a ni (Phek 3-naah chhunzawm a ni).





INKHAWM PROGRAMME







MAY THLA
Meeting Chairman:
Rev. Zosanglura Pakhuangte
Vawiin Inkhawm 3:00pm
PATHIAN BIAK INKHAWM
Hruaitu: Meeting Chairman
antu: Tv. L.R. Lalrinmawia
Hnamte
Thuhriltu: Rev. Lalhleia

May 25, 2014; 3:00pm
SUNDAY SCHOOL
Hruaitu: Superintendent
antu: Nl. Lalenremi
Zirlai khaikhawmtu:
Pastor Vanlalnunmawia
Zawngte

FIMKHURPUI ILA
Zirna kum thar a ni leh dawn ta a.
Bangalore-a admission rawn
zawng eng emaw zat an awm leh
ta. Zirna hmun ha ngeia an zir
theih nan kan theih ang anga lo
tanpuiin i lo fimkhurpui hle
hlawm ang u.

TAWNGKAM HMANAH
FIMKHUR ILA
awngkam thlahdah loh hi a va
ul em! Upaten awngkam
hain sial a man an lo tih angin
awngkam ha hman hi thil
uiawm lo, pawimawh tak si a ni.
awngkam mei nei leh hriam
erawh chuan mite a tina hin.





May Thla
Thupui:
Rinawmna

Volume IV Issue No. 19 OLIVE 18
th
May 2014 1
Inkhawmna Hmun:
JRC Hall
United Theological College
Millers Road, Benson Town.

Inkhawm Hun:
Pathianni tlai dar 3:00pm












RINAWM LOH PAWIZIA

Kar hmasa khan rinawmna hlutzia kan
sawi tawh a. Tun um chu rinawm loh
pawizia kam hnih khat lekin han sawi
teh ang. Esopa thawnthua beram
vengtu naupang chanchin kha kan hre
hlawm chek ang a. Daiah beram a veng
a. Chinghne lo kal loh laiin Chinghnia
a lo kal e, tiin a au ta chiam chiam mai
a. Khuaa mite chuan a beram vente
chu chinghniain rawn sehsak a tum
emaw tiin chhan an rawn tum a.
Mahse a hmun an va thlen chuan
chinghnia awzawng a lo kal si lo. A
hnuah pawh intithei takin chu mipa
naupang chuan khuaa mite chu a bum
leh a. Nakinah chuan chinghnia a lo kal
ta tak tak a. A theihtawpin a au leh ta
a. Mahse khuaa mite chu amah pui tur
leh beram chhan turin an lo kal duh
tawh lo. Mi bum a ching em mai.
Tunah pawh mi bum a tum leh a ni
ang. Chinghnia chu a lo kal lo tawp
ang, an tihsan ta a. Chinghnia chuan a
beram ven chu a sehsak ta hlawm a ni.

Rinawm loh pawizia lo lanna hmasa
ber chu amah mi rinawm loah chuan a
ni hin. Mi rin loh nih tluka khawvela
thil hrehawm hi a awm ang em aw?
Miten mi rinawm lo leh rintlak loha an
ngaih nih chu hlutna hlohna rapthlak
tak a ni. Mi rinawm lo tan chuan mahni
inrintawkna tak tak neih pawh a har
hle bawk ang. Chu mai a ni lo. Rinawm
loh hi Pathian huat zawng tak a ni.
Rinawm loh chu a va pawi em!





Synod-in tanpuina pe
May 12, 2014 khan Dinthar Venga Pu R. Thlamuana in, a bul lungrem
chimin a delh tluk chu Rev. Lalzuithanga, Senior Executive Secretary,
Mizoram Synod chuan tlawhin Synod Relief Fund atangin chhawmdawlna
atan Rs. 10,000/- a hlan. Pu R. Thlamuana te chhung hi an lawina Kohhran,
Dinthar Veng Kohhran chuan Rs. 50,000/- in an tanpui bawk (Synfocity).

KTP Diamond Jubilee Documentary film leh Jubilee
Gospel Concert DVD tlangzarh
May 8, 2014 khan Synod Office-a JM Lloyd Hall-ah KTP Diamond Jubilee
Documentary film leh Jubilee Gospel Concert DVD chu Synod Moderator
Rev. K. Lalhmuchhuakan a tlangzarh. Tlangzarh inkhawm hi Central KTP
Asst. Leader Pu Samuel Laldinglianan kaihruaiin, Docmentary film siam a
nih chhan report a pe a. Synod Moderator Rev. K. Lalhmuchhuakan
tlangzarhna hun hmangin thlirtuten malsawmna an lo hmuhna atan leh amah
Pathian kan faka a lo ropui zel theihna tura hmanrua ni turin a hlan nghal a
ni. (Synfocity).

Missionary Retreat for Central Region
May 15 - 18, 2014 hian Missionary Retreat for Central Region, ITI
Vengchhak Kohhran Biak Inah neih a ni a, thupuiah Krista Thuhretu
(Tirh. 2:32) tih an hmang. Retreat-a thusawitute chu Rev. Vanlalbela, BEC
member; Rev. C. Lalsangliana, BEC member; Upa Denghmingthanga, BEC
member; Rev. P.C. Pachhunga, E/S i/c Mission & Rev. C. Chawngliana,
BEC Member te an ni (Synfocity).

Central-ah NDA Sorkar A Ding Dawn Ta
Lok Sabha inthlan neih zawh takah BJP kaihhruai National Democratic
Alliance (NDA) chu hneh taka thlan tlin a ni a, UPA sorkar thlakin NDA
sorkar a ding dawn ta a ni. Kumin inthlanpui hi BJP chet hat ber um a ni a,
hetihlai hian rorellai Congress party chet chhiat ber um a ni thung. 1984
khan a vawikhatna atana BJP hian inthlanpuiah chuhin, seat hnihah chiah a
chak a, kuminah erawh chuan BJP sorkarna siam tura seat mamawh zat, 272
chu a la pha ta a ni. BJP hian a vawi li-na atan sorkarna a siam dawn a,
kum 1996 khan centre-ah a vawikhatna atan sorkarin ni 13 chhung chauh a
awh a ni. 1998 khan sorkar lehin thla 13 a awh a, 1999 khan Prime Minister
Atal Bihari Vajapayee kaihhruaiin NDA sorkar a ding leh bawk
(Vanglaini).

Mizo mipuite tan ka bei zel dawn: CL Ruala, Robert
Romawia'n CL Ruala duhsakna a hlan
Mizoram aanga Lok Sabha member atana thlan tlin tak, CL Ruala chuan,
thlan tlin a nih avangin lawmthu a sawi a, "Mizo mipuite tan theihtawpin ka
bei zel dawn," a ti. UDF candidate, Robert Romawia Royte chuan CL Ruala
chu a lawmpui thu leh ha taka ram tana thawk tura a duhsak thu a sawi. CL
Ruala hi thlan tlin a nih hnuah thuthar thehdarhtute'n an kwm a; CL Ruala
chuan, an party mite, amah anpuitute, amah duhsaktu leh awngaisaktu
zawng zawngte chungah lawmthu a sawi a, "Pathian anpuina vang a ni a, a
kaihhruaina ropui tak a ni," a ti (Vanglaini).

Volume IV Issue No. 19 OLIVE 18
th
May 2014 2
Editor:
Rev. Lalawmpuia Hauhnar
Phone: 81059 60852
Joint Editors:
R. Lalremruata
Lalruatdika
Deborah Lalrempuii
HMS Dawngliana
Circulation Managers:
Lalchhandama
Thangkhuma
Email: olivenewsletter@gmail.com
Chhiar leh download duh tan:
www.scribd.com/Olivenewsletter/documents
Olive Variety




KOHHRAN CHHUNGKUA

Bialtu Pastor Mumbai Lamah
Kan Pastor Rev. Vanlalnunmawia Zawngte chu
Synod-in Mumbai-a Pastor a dah thar Rev. R.
Lalthapuia installation neihpui turin a ruat a. He
programme hmang tur hian Zirtawpni zan khan
Mumbai lam panin a chhuak a, vawiinah khan
inatallation hi an nei a, naktukah a lo haw leh ang.
(A chipchiar phek 4-naah)

Dr. Lalrinawmi Ralte Lo Haw
Kan Kohhran Treasurer (Synod Sum) Dr.
Lalrinawmi Ralte, hun eng emaw chen chama
Germany-a zin pawh dam takin a lo thleng leh ta.

Tv. Lalhruaizela Indonesia Lamah
Tv. Lalhruaizela chu an thawhna Company hna tul
avangin Indonesia lamah a thang mek.
(Column lehlamah chhunzawm a ni)

































Rev. R. Vanlaltluanga te Chhung Lo Zin
Kottayam-a D.Th. (Counselling) zir mek Rev. R.
Vanlaltluanga te chhungkua chu Bangalore-ah an
rawn zin mek a. Anni chhungkua hian kum 2011
Krismas te kha min rawn hmanpuiin min rawn tlawh
zeuh zeuh tawh a ni.

Pu Zohmingliana dam lo
Pu Zohmingliana (Tv. Rka u) chu hmanni deuh khan
inchhung chhuat nalah a tlu sual palh a, St. Johns
Hospital-ah enkawl mek a ni. I tawngtaipui ang u.
__________________________________________

(Phek 1-naa mi chhunzawmna)

Tun thleng hian Good Friday a piangin Isua
thawhlehna hun chawimawi nan London khawpuia
Albert Hall-ah chuan The Messiah hlapui zawng
zawng sak chhuah hi an chin dan a ni. He hla an sak
atanga sum lo lut zawng zawng hi GF Handel a hian
ama tan a la ngai lova, mi harsate tanpui nan an
hmang vek thin a ni an ti.
He hla Mizo tawnga letlingtu hi DP Thanbuka(L),
Boys Middle School/Sikulpui a zirtirtu hna thawk
thin, he School-a a thawh lai kum 1920-1922 inkar a
a lehlin a ni a, Zaipawlin in kum 1922, Favang
Presbytery, Mission Veng Kohhran Biak In puia an
neih tumin an rem a, chu tah chuan DP Thanbuka
hian a hruai nghe nghe a ni; chuta tang chuan
Mizoram pumah a lo darh ta a ni.
Kan Pathian thu chuan lei leh a chhunga thil awm
zawng zawng hi Lalpa ta a ni (I Kor.10:26) tih min
hrilh a, chu ta roreltu chu Pathian a ni. Nang leh keia
chunga roreltu hi Pathian a ni. Kan thil neih chu kan
ta a nih avangin kan duh ang angin kan tidanglam
thiang. Kan duh ang taka kan khawvel nun kan hman
lai hian, kan chunga thuneitu leh Lal a nihna he hlain
ropui taka a puan chhuah atang hian, hla phuahtuin a
sawi ang khan Pathian hi kan chunga roreltu leh
lalber ni reng se, khawvel hi a va nuam dawn em!
__________________________________________










Volume IV Issue No. 19 OLIVE 18
th
May 2014 3
NITIN LALPA NEN
(Bible chang tarlan hi nitina i chhiar zel chuan kum khat
chhungin Bible i chhiar chhuak ngei dawn a ni.)
May 18 Pathianni
1 Samuel 22:1-23:29; John 10:1-21
Psalm 115:1-18; Proverbs 15:18-19
May 19 Thawhtanni
1 Samuel 24:1-25:44; John 10:22-42
Psalm 116:1-19; Proverbs 15:20-21
May 20 Thawhlehni
1 Samuel 26:1-28:25; John 11:1-54
Psalm 117:1-2; Proverbs 15:22-23
May 21 Nilaini
1 Samuel 29:1-31:13; John 11:55-
12:19
Psalm 118:1-18; Proverbs 15:24-26
May 22 Ningani
2 Samuel 1:1-2:11; John 12:20-50
Psalm 118:19-29; Proverbs 15:27-28
May 23 Zirtawpni
2 Samuel 2:12-3:39; John 13:1-30
Psalm 119:1-16; Proverbs 15:29-30
May 24 Inrinni
2 Samuel 4:1-6:23; John 13:31-14:14
Psalm 119:17-32; Proverbs 15:31-32
May 25 Pathianni
2 Samuel 7:1-8:18; John 14:15-31
Psalm 119:33-48; Proverbs 15:33


K..P Thil Tumte:
Isua Krista leh Amah anna kawnga halaite hruai.
Kohhran kutke ni tura halaite buatsaih.
Kohhran hnathawh tihpuitlin.
Krista chanchinha puan darh.
Olive Huan Vengtu






Mite chuan, Huan vengtu, kan tunlai
khawvel hi a mak ta hle mai. Pathianin min siamin
min enkawl a, kan nun kawng tinreng min kaihruaiin
kan hatna turin ro min relsak hin a ni kan tih mek
laiin, tunlai mi henkhat chuan Pathian a awm reng
reng loh thu an sawi ta piap piap mai! Engtia han
ngaih tur nge maw ni le? an rawn ti a. Olive Huan
vengtu chuan, Rinna thil a ni a, ring lo tan chuan a
buaithlak ve bawk a ni, a lo ti sam et a. Mite chuan,
Inhnial an thiam si a, Science thiamnain a la hmuh
chhuah kim loh leh in hriat phak loh zawng hi
Pathian thil tihah in puh zel a, science thiamna hian
hma a sawn zel ang a, nakinah chuan Pathian thil tih
sawi tur reng reng in nei lo vang, te an ti a. Keini
thiamna thuk nei ve lo tan chuan a buaithlak duh
khawp mai, an ti leh a. Olive Huan vengtu chuan,
Mahni inpathian chawp tan chuan mahni aia
chungnung Pathian a awm han tih chu a huatthlala
ve bawk a ni! Ngawi teh u, Pathian awm chian zia
chu keini hetia kan awm ve mai aang pawh hian a
lang reng a, a thilsiam leh a hnathawh nitina kan
hmuh leh kan hriat tinreng atang hian a lang chiang
hle bawk a. Amah betute tan hian a chiang ber a ni.
Pathian a awm lo titute hian intifing takin thu
awihawm hmel tak tak han zam chiam thin mah se a
tawpkhawkah buaina an nei zel. Chu chu A tirin eng
nge awm? tih hi a ni. Pathian ringtute chuan engkim
siamtu leh enkawltu Pathian a awm kan ti mai a. Chu
mi ring ve lote chuan eng mah lo atangin eng emaw
a lo awm a, a lo danglam chho zel a ni an ti a. An
inngahna chu eng mah lo mai a ni. Eng mah lo
maia innghatte hian eng ram ropui mah an thleng lo
ang. In rinnaah khan nghet takin ding rawh u, a lo ti
a.
__________________________________________

May 2004 chhunga Kohhran Pathian Biak Inkhawma
chanvo changtute:
Khuangpu : Rev. Lalhleia
Tv. L.R. Lalrinmawia Hnamte
Guitarist : Tv. Isaac Lalawmpuia
Keyboardist : Tv. Lalhruaikima
Organist : Pu Levis K. Lalsiamliana
Hlahriltu : Pi S. Lalawmpuii
Ushers : Tv. Lalhruaizela (Leader)
Tv. T. Vanlalzara
Nl. Rosalind Lalnunpuii
Nl. Angela Lalramzauvi






MUMBAI-AH PASTOR INSTALLATION

Vawiin chawhma dar 11 ah khan Mizoram Synod-in
Mumbai Pastor tura a ruat Rev. R. Lalthapuia
installation chu kan Pastor Rev. Vanlalnunmawia
Zawngte kaihhruainaa neih a ni a, mi 35 zet an
inkhawm. He inkhawmah hian Mumbai a Mizoram
House LO leh Thlarau Bo Zawngtute Field Director
te bakah Mumbai-a awm Mizo eng emaw zat an tel.














Olivet Smile
Nietzche
A poster read: "God is dead" - Nietzche.
The graffiti underneath read: "Nietzche is dead" -
God.
No Parents
Which Bible character had no parents?
ANS: Joshua. He was the son of Nun !


Volume IV Issue No. 19 OLIVE 18
th
May 2014 4
Olive Newsletter 18
th
May 2014
I Ngaihtuah Ngai Em?

Sam ziaktu chuan Tangka leh rangkachak aiin
duhsakna a ngainatawm tiin a lo sawi a. Sum leh
pai leh nawmsakna thil tam takte hi ropui hlein
lang thin mah se la, heng zawng zawng aia hlu
zawk chu thinlung taka induhsakna hi a ni tih hi i
lo ngaihtuah ngai em?