Escolar Documentos
Profissional Documentos
Cultura Documentos
Sententiarum libri IV
Prologus
_____________________________
INCIPIT PROLOGUS.
1. Cupientes aliquid de penuria ac tenuitate nostra cum paupercula in gazophylacium Domini
mittere, ardua scandere, opus ultra vires nostras agere praesumpsimus, consummationis fiduciam
laborisque mercedem in Samaritano statuentes, qui, prolatis in curationem semivivi duobus denariis,
supereroganti cuncta reddere professus est. Delectat nos veritas pollicentis, sed terret immensitas
laboris; desiderium hortatur proficiendi, sed dehortatur infirmitas deficiendi, quam vincit zelus
domus Dei.
2. Quo inardescentes, fidem nostram adversus errores carnalium atque animalium hominum
Davidicae turris clypeis munire vel potius munitam ostendere, ac theologicarum inquisitionum
abdita aperire, necnon et sacramentorum ecclesiasticorum pro modico intelligentiae nostrae notitiam
tradere studuimus; non valentes studiosorum fratrum votis iure resistere, eorum in Christo
laudabilibus studiis lingua ac stylo nos servire flagitantium: quas bigas in nobis agitat Christi
caritas.
3. Quamvis non ambigamus omnem humani eloquii sermonem calumniae atque contradictioni
aemulorum semper fuisse obnoxium. Quia dissentientibus voluntatum motibus, dissentiens quoque
fit animorum sensus, ut cum omne dictum veri ratione perfectum sit, tamen dum aliud aliis aut
videtur aut complacet, veritati vel non intellectae vel offendenti impietatis error obnitatur ac
voluntatis invidia resultet. Quam Deus huius saeculi operatur in illis diffidentiae filiis qui non rationi
voluntatem subiciunt, nec doctrinae studium impendunt, sed his quae somniarunt sapientiae verba
coaptare nituntur: non veri, sed placiti rationem sectantes. Quos iniqua voluntas non ad
intelligentiam veritatis, sed ad defensionem placentium incitat: non desiderantes doceri veritatem,
sed ab ea ad fabulas convertentes auditum. Quorum professio est magis placita quam docenda
conquirere, nec docenda desiderare, sed desideratis doctrinam coaptare. Habent rationem sapientiae
in superstitione, quia fidei defectionem sequitur hypocrisis mendax, ut sit vel in verbis pietas quam
amiserit conscientia; ipsamque simulatam pietatem omni verborum mendacio impiam reddunt, falsae
doctrinae institutis fidei sanctitatem corrumpere molientes, auriumque pruriginem sub novello sui
desiderii dogmate aliis ingerentes. Qui contentioni studentes, contra veritatem sine foedere bellant.
Inter veri namque assertionem et placiti defensionem pertinax pugna est, dum se et veritas tenet et
se voluntas erroris tuetur.
4. Horum igitur et Deo odibilem ecclesiam evertere atque ora oppilare, ne virus nequitiae in alios
effundere queant, et lucernam veritatis in candelabro exaltare volentes, in labore multo ac sudore
volumen Deo praestante compegimus ex testimoniis veritatis in aeternum fundatis, in quatuor
libris distinctum. In quo maiorum exempla doctrinamque reperies; in quo per dominicae fidei
sinceram professionem, vipereae doctrinae fraudulentiam prodidimus: aditum demonstrandae
veritatis complexi, nec periculo impiae professionis inserti, temperato inter utrumque moderamine
utentes. Sicubi vero parum vox nostra insonuit, non a paternis discessit limitibus.
5. Non igitur debet hic labor cuiquam pigro vel multum docto videri superfluus, cum multis
impigris multisque indoctis, inter quos etiam et mihi, sit necessarius, brevi volumine complicans
Patrum sententias, appositis eorum testimoniis, ut non sit necesse quaerenti librorum
numerositatem evolvere, cui brevitas collecta quod quaeritur offert sine labore. In hoc autem tractatu
non solum pium lectorem, sed etiam liberum correctorem desiderio, maxime ubi profunda versatur
veritatis quaestio: quae utinam tot haberet inventores, quot habet contradictores! Ut autem quod
quaeritur facilius occurrat, titulos quibus singulorum librorum capitula distinguuntur praemisimus.
EXPLICIT PROLOGUS.
Liber I
De Mysterio
Trinitatis
_____________________________
INCIPIUNT CAPITULA
PRIMI LIBRI.
[DISTINCTIO I]
Cap. 1.
Omnis doctrina est vel de rebus vel de signis.
Cap. 2.
De rebus quibus fruendum est vel utendum est, et de his quae fruuntur vel utuntur.
Cap. 3.
Quid sit frui vel uti.
[DISTINCTIO II]
Cap. 4 (1).
De trinitate et unitate.
Cap. 5 (2).
Quae fuerit intentio scribentium de Trinitate.
Cap. 6 (3).
Quis ordo sit servandus cum de Trinitate agitur.
Cap. 7 (4).
De testimoniis veteris Testamenti quibus Trinitatis mysterium declaratur.
Cap. 8 (5).
De testimoniis novi Testamenti ad idem pertinentibus.
[DISTINCTIO III]
Cap. 9 (1).
De cognitione Creatoris per creaturas in quibus Trinitatis vestigium apparet.
Cap. 10 (2).
De imagine et similitudine Trinitatis in anima humana.
Cap. 11 (3).
De similitudine creantis et creatae trinitatis.
Cap. 12 (4).
De Trinitatis unitate.
[DISTINCTIO IV]
Cap. 13 (1).
Utrum Deus Pater se Deum genuerit.
Cap. 14 (2).
Utrum trinitas de uno Deo praedicetur, sicut unus Deus de tribus personis.
[DISTINCTIO V]
Cap. 15 (1).
Utrum divina essentia genuerit Filium vel genita sit a Patre, vel de ipsa natus sit Filius vel Spiritus
Sanctus procedens.
Cap. 16 (2).
Quod Filius non est de nihilo, sed de aliquo, non tamen de materia, sic et Spiritus Sanctus.
Cap. 17 (3).
Quare Verbum Patris dicatur filius naturae.
[DISTINCTIO VI]
Cap. 18 (1).
Utrum Pater voluntate genuerit Filium an necessitate, et an volens vel nolens sit Deus.
[DISTINCTIO VII]
Cap. 19 (1).
[DISTINCTIO X]
Cap. 34 (1).
De Spiritu Sancto: quod amor Patris et Filii est et proprie dicitur, cum sit in Trinitate amor qui est
Trinitas; sicut Verbum proprie dicitur sapientia, et tamen tota Trinitas dicitur sapientia.
Cap. 35 (2).
Quod eadem nomina proprie et universaliter accipiuntur.
Cap. 36 (3).
Quod Spiritus Sanctus, sicut Patri et Filio est communis, ita commune nomen habet proprium.
[DISTINCTIO XI]
Cap. 37 (1).
Quod Spiritus Sanctus procedit a Patre et Filio, quem tamen Graeci a Filio procedere diffitentur.
Cap. 38 (2).
De convenientia Latinorum et Graecorum in sensu et differentia in verbis.
[DISTINCTIO XII]
Cap. 39 (1).
Utrum Spiritus Sanctus proprius vel plenius procedat a Patre quam a Filio.
Cap. 40 (2).
Quod Spiritus Sanctus principaliter et proprie dicitur procedere a Patre.
[DISTINCTIO XIII]
Cap. 41 (1).
Quare Spiritus Sanctus, cum sit de substantia Patris, non dicatur genitus, sed tantum procedens.
Cap. 42 (2).
Cur Filius dicatur procedere, cum Spiritus Sanctus non dicatur gigni.
Cap. 43 (3).
Quod non potest mortalis distinguere inter generationem Filii et processionem Spiritus Sancti.
Cap. 44 (4).
Utrum Spiritus Sanctus debeat dici ingenitus, cum non sit genitus.
[DISTINCTIO XIV]
Cap. 45 (1).
De gemina processione Spiritus Sancti, temporali et aeterna.
Cap. 46 (2).
Quod non solum dona Spiritus Sancti, sed etiam ipse Spiritus Sanctus Deus datur hominibus et
mittitur.
Cap. 47 (3).
An viri sancti possint dare Spiritum Sanctum.
[DISTINCTIO XV]
Cap. 48 (1).
Quod Spiritus Sanctus a se ipso datur et Filius a se ipso mittitur.
Cap. 49 (2).
Quomodo intelligenda sit missio utriusque.
Cap. 50 (3).
Quod a Spiritu Sancto etiam Filius sit missus.
Cap. 51 (4) Quod Filius etiam sit datus a se ipso.
Cap. 52 (5).
Quomodo intelligendum sit 'a me ipso non veni'.
Cap. 53 (6).
Utrum semel tantum sit missus Filius, an saepe.
Cap. 54 (7).
De duobus modis missionis Filii.
Cap. 55 (8).
Quod secundam alterum modum semel sit missus, secundum alterum saepe; et secundum alterum
modum dicitur missus in mundum, secundum alterum non
Cap. 56 (9).
Quare Pater non dicitur missus.
Cap. 57 (10).
Quod Filius et Spiritus Sanctus non sant quasi minores Patre quia missi.
[DISTINCTIO XVI]
Cap. 58 (1).
De missione Spiritus Sancti, quae fit duobus modis: visibiliter et invisibiliter.
Cap. 59 (2).
Quod Filius, secundam quod homo, non modo Patre sed Spiritu Sancto etiam minor est.
[DISTINCTIO XVII]
Cap. 60 (1).
Quod Spiritus Sanctus est caritas qua diligimus Deum et proximum.
Cap. 61 (2).
Quod fraterna dilectio est Deus, nec Pater vel Filius, sed tantum Spiritus Sanctus.
Cap. 62 (3) Quod non est dictum per causam illud: 'Deus caritas est', sicut illud: 'Tu es patientia mea
et spes mea'.
Cap.63 (4).
Quomodo Spiritus Sanctus mittatur vel detur nobis.
Cap. 64 (5).
Utrum Spiritus Sanctus augeatur in homine, vel minus et magis habeatur vel detur, et an detur
habenti et non habenti.
Cap. 65 (6).
Quod aliqui dicunt caritatem Dei et proximi non esse Spiritum Sanctum.
[DISTINCTIO XVIII]
Cap. 66 (1).
Utrum concedendum sit per donum dari dona.
Cap. 67 (2).
Utrum Spiritus Sanctus eadem ratione dicatur donum, qua datum sive donatum.
Cap. 68 (3).
Quod sicut Filius nascendo accepit non tantum ut esset Filius, sed etiam essentia, ita Spiritus
Sanctus procedendo accepit non tantum ut esset donum, sed ut esset essentia.
Cap. 69 (4).
Quod Spiritus Sanctus dicitur donum et donatum secundum duos modos praedictos processionis:
quod secundum quod donum est, refertur ad Patrem; et secundum quod datum, ad eum qui dedit et
ad eos quibus datur.
Cap. 70 (5).
An Filius, cum sit nobis datus, possit dici 'noster', ut Spiritus Sanctus.
Cap.71 (6).
Utrum Spiritus Sanctus ad se ipsum referatur.
[DISTINCTIO XIX]
Cap. 72 (1).
De aequalitate trium personarum.
Cap. 73 (2).
Quod aeternitas et magnitudo et potentia in Deo est unum, etsi videantur diversa.
Cap. 74 (3).
Quod aliqua personarum aliam non excedit magnitudine, quia non est maior una persona quam alia,
nec maius aliquid duae quam una, nec tres quam duae vel una.
Cap. 75 (4).
Quomodo dicitur Pater esse in Filio et Filius in Patre et Spiritus Sanctus in utroque.
Cap. 76 (5).
Quod nulla personarum pars est in Trinitate.
Cap. 77 (6).
Quare tres personae dicantur summe unum.
Cap. 78 (7).
Cum dicimus tres personas esse unam essentiam, nec ut genus de speciebus, nec ut speciem de
individuis praedicamus, quia non est essentia genus et persona species, vel essentia species et
personae individua.
Cap. 79 (8).
Quod nec secundum materialem causam dicuntur tres personae una essentia.
Cap. 80 (9).
Nec ita dicuntur tres personae una essentia ut tres homines unius naturae.
Cap. 81 (10).
Utrum tres personae differant numero, quae proprietatibus distinctae sunt.
Cap. 82 (11).Quare tres personae simul non sunt maius aliquid quam una.
Cap. 83 (12).
Quod Deus non est dicendus triplex, sed trinus.
[DISTINCTIO XX]
Cap. 84 (1).
Quod aliqua personarum non excedit aliam potentia.
Cap. 85 (2).
Quod non minus potest Filius quam Pater.
Cap. 86 (3).
De obiectionibus haereticis contra hoc et responsionibus catholicis.
[DISTINCTIO XXI]
Cap. 87 (1).
Quomodo possit dici 'solus Pater' vel 'solus Fillus' vel 'solus Spiritus Sanctus', cum sint
inseparabiles.
Cap. 88 (2).
Utrum debeat dici 'solus Pater est Deus' vel 'solus Filius est Deus' vel 'solus Spiritus Sanctus est
Deus', an 'Pater est solus Deus', 'Filius est solus Deus', 'Spiritus Sanctus est solus Deus'.
Cap. 89 (3).
Quomodo dicatur 'Trinitas est solus Deus', cum ipsa sit cum spiritibus et animabus sanctis.
[DISTINCTIO XXII]
Cap. 90 (1).
De nominum differentiis quibus utimur loquentes de Deo.
Cap. 91 (2).
De his quae temporaliter Deo conveniunt et relative dicuntur.
Cap.92 (3).
De hoc nomine quod est 'trinitas'.
Cap. 93 (4).
De illis quae temporaliter Deo conveniunt et non dicuntur relative.
Cap. 94 (5).
De his quae proprie ad singulas personas pertinent, et de his quae unitatem essentiae significant.
[DISTINCTIO XXIII]
Cap. 95 (1).
De hoc nomine quod est 'persona': quod secundum substantiam dicatur, non singulariter, sed
pluraliter accipitur in summa.
Cap. 96 (2).
Qua necessitate dictum sit 'tres personae' a Latinis, et a Graecis 'tres hypostases vel substantiae'.
Cap. 97 (3).
Quare non dicimus Patrem et Filium et Spiritum Sanctum esse tres deos ut tres personas.
Cap. 98 (4).
Cur non dicimus tres essentias ut tres personas.
Cap. 99 (5).
Quod in Trinitate non est diversitas vel singularitas vel solitudo, sed unitas et trinitas, et distinctio
et identitas.
Cap. 100 (6).
Quod non debet dici Deus multiplex.
[DISTINCTIO XXIV]
Cap. 101 (1).
Quid significetur his nominibus: unus, duo vel duae, tres vel tria, trinus vel trinitas, plures vel
pluralitas, distinctio vel distinctae, cum his utimur loquentes de Deo.
[DISTINCTIO XXV]
Cap. 102 (1).
Quid significetur hoc nomine 'persona' in plurali numero, scilicet cum dicitur 'personae'.
Cap. 103 (2).
De triplici acceptione huius nominis 'persona' in Trinitate.
Cap. 104 (3).
Ex quo sensu dicatur alia persona Patris et alia Filii, sive alius in persona Pater, alius Filias.
[DISTINCTIO XXVI]
Cap. 105 (1).
De hoc nomine 'hypostasis'.
Cap. 106 (2).
De proprietatibus personarum et de nominibus earum relativis.
Cap. 107 (3).
Quod non omnia dicuntur de Deo secundum substantiam: quaedam enim secundum relationem, nihil
tamen secundum accidens.
Cap. 108 (4).
Quare dicatur proprium esse Unigeniti filium Dei esse, cum etiam homines sint filii Dei.
Cap. 109 (5).
Quod homo dicitur filius Trinitatis et Trinitas pater hominum.
Cap. 110 (6).
Quod Spiritus Sanctus eadem proprietate 'donum' dicitur qua 'spiritus sanctus', et utroque modo
relative ad Patrem vel Filium.
Cap. 111 (7).
Utrum Pater vel Trinitas ipsa vel Filius possit dici 'spiritus sanctus'.
Cap. 112 (8).
Quod non omnia quae relative dicuntur suis ad se vicissim respondent vocabulis.
[DISTINCTIO XXVII]
Sicut in Trinitate est dilectio quae est Trinitas, et tamen Spiritus Sanctus est dilectio quae non est
Trinitas, nec ideo sant duae dilectiones, ita et de sapientia.
Cap. 142 (6).
Quare Pater non dicitur sapiens sapientia genita, sicut dicitur diligens dilectione quae ab ipso
procedit.
[DISTINCTIO XXXIII]
Cap. 143 (1).
Utrum proprietates personarum sint ipsae personae vel divina usia.
Cap. 144 (2).
Quomodo proprietates possint esse in natura Dei nec eam determinent.
[DISTINCTIO XXXIV]
Cap. 145 (1).
De verbis Hilarii quibus, secundum pravorum intelligentiam, videtur dicere non idem esse divinam
naturam et rem naturae, et non idem esse Deum et quod Dei est.
Cap. 146 (2).
Utrum ita possit dici 'unus Deus trium personarum' ut dicitur 'una essentia trium personarum', et
'tres personae unius Dei' ut 'tres personae unius essentiae'.
Cap. 147 (3).
Quod potentia, sapientia, bonitas in Scriptura interdum ad personas distincte referuntur.
Cap. 148 (4).
Quare Patri potentia, Filio sapientia, Spiritui Sancto bonitas tribuatur, cum sit una potentia,
sapientia, bonitas trium.
Cap. 149 (5).
De hoc nomine 'homousion', ubi in auctoritate receptum sit et quid significet.
[DISTINCTIO XXXV]
Cap. 150 (1).
De scientia et praescientia, providentia, dispositione et praedestinatione Dei.
Cap. 151 (2).
De quibus sit praescientia vel praevidentia Dei.
Cap. 152 (3).
De quibus dispositio.
Cap. 153 (4).
De quibus praedestinatio.
Cum Deus sit ubique et semper, non tamen localis, nec loco nec tempore movetur.
Cap. 169 (6).
Quibus modis aliquid dicatur locale aut circumscriptibile.
Cap. 170 (7).
Quid sit mutari secundum tempus.
Cap. 171 (8).
Utrum spiritus creati sint locales et circamscriptibiles.
Cap. 172 (9).
Quod Deus est ubique sine locali motu.
[DISTINCTIO XXXVIII]
Cap. 173 (1).
An scientia vel praescientia Dei sit causa rerum vel e converso.
Cap. 174 (2).
Utrum praescientia Dei possit falli.
[DISTINCTIO XXXIX]
Cap. 175 (1).
Utrum scientia Dei possit augeri vel minui, vel aliquo modo mutari.
Cap. 176 (2).
An Deus possit noviter vel ex tempore scire vel praescire aliquid.
Cap. 177 (3).
Utrum Deus possit scire plura quam scit.
Cap. 178 (4).
Quod Deus et semper et simul scit omnia.
[DISTINCTIO XL]
Cap. 179 (1).
An aliquis praedestinatus possit damnari vel reprobus salvari.
Cap. 180 (2).
Quid sit reprobatio Dei et in quibus consideretur, et quis sit praedestinationis effectus.
[DISTINCTIO XLI]
Cap. 181 (1).
Utrum aliquod sit meritum obdurationis vel misericordiae.
Liber II
De rerum creatione
et formatione corporalium
et spiritualium et aliis
pluribus eis pertinentibus
_____________________________________________
Quae ad mysterium divinae unitatis atque trinitatis, licet 'ex parte', cognoscendum pertinere
noscuntur, quantum valuimus, diligenter exsecuti sumus. Nunc ad considerationem creaturarum
transeamus.
INCIPIUNT CAPITULA
SECUNDI LIBRI.
[DISTINCTIO I]
Cap. 1.
Quod unum est principium rerum, non plura.
Cap. 2.
Quid sit creare, quid facere.
Cap. 3.
Secundum quam rationem dicuntur de Deo huiusmodi verba: agere, facere.
Cap. 4.
Quare rationalis creatura facta sit, id est homo vel angelus.
Cap. 5.
Quomodo dicitur homo factus propter reparationem angelici casus.
Cap. 6.
Quare ita homo sit institutus, ut unita sit anima corpori.
[DISTINCTIO II]
Cap. 7 (1).
De angelis, quando facti sunt.
Cap.8 (2).
Quod nihil factum est ante caelum et terram.
Cap. 9 (3).
Quod simul cum tempore et cam mundo coepit spiritualis creatura et corporalis.
Cap. 10 (4).
Ubi angeli mox creati fuerint.
Cap. 11 (5).
Quod simul creata est visibilium materia et invisibilium natura et utraque informis.
Cap. 12 (6).
Quomodo dixerit Lucifer: Ascendam in caelum.
[DISTINCTIO III]
Cap. 13 (1).
Quales facti fuerint angeli.
Cap. 14 (2).
An omnes angeli fuerint aequales in essentia, sapientia, libertate arbitrii.
Cap. 15 (3).
Quae communia et aequalia habuerant angeli.
Cap. 16 (4).
An boni vel mali creati sint, et an aliqua mora fuerit inter creationem et lapsum.
Cap. 17 (5).
De triplici sapientia angelorum ante casum vel confirmationem.
Cap. 18 (6).
An aliquam habuerint Dei dilectionem vel sui ante casum.
[DISTINCTIO IV]
Cap. 19 (1).
An perfecti et beati creati sint, an miseri et imperfecti.
[DISTINCTIO V]
Cap. 20 (1).
De confirmatione et conversione stantium, et aversione et lapsu cadentium.
Cap. 21 (2).
De libero arbitrio breviter tangitur.
Cap. 22 (3).
An aliquid datum fuerit stantibus quo converterentur.
Cap. 23 (4).
Qua gratia indigebant angeli et qua non.
Cap. 24 (5).
An lapsis sit imputanda aversio.
Cap. 25 (6).
Utrum beatitudinem quam acceperunt in confirmatione stantes meruerunt per aliquam tunc
appositam gratiam.
[DISTINCTIO VI]
Cap. 26 (1).
Quod de maioribus et minoribus quidam ceciderunt, inter quos unus fuit celsior, scilicet Lucifer.
Cap. 27 (2).
Unde et quo deiecti sunt.
Cap. 28 (3).
Quare non est eis concessum habitare in caelo vel in terra.
Cap. 29 (4).
De praelationibus daemonum.
Cap. 30 (5).
An omnes daemones sint in hoc are caliginoso, vel in inferno aliqui.
Cap.31 (6).
De potestate Luciferi.
Cap. 32 (7).
An daemones, semel victi a sanctis, ultra accedant ad alios.
[DISTINCTIO VII]
Cap. 33 (1).
Utrum boni angeli possint peccare, vel mali recte vivere.
Cap. 34 (2).
Quod cum utrique habeant liberum arbitrium, non tamen ad utrumque flecti possunt.
Cap. 35 (3).
Quod boni post confirmationem liberius habent arbitrium quam ante.
Cap.36 (4).
Qui non possunt ex natura peccare sicut ante.
Cap. 37 (5).
Quibus modis mali angeli noscant veritatem temporalium rerum.
Cap. 38 (6).
Quod magicae artes virtute et scientia diaboli valent quae est ei a Deo.
Cap. 39 (7).
Quod malis angelis non servit ad nutum materia visibilium rerum.
Cap. 40 (8).
Quod non sunt creatores, licet per eos magi ranas et alia fecerint; sicut nec boni, etsi per eorum
ministerium fiant creaturae.
Cap. 41 (9).
Quod solus Deus sic operatur creationem rerum, sicut iustificationes mentis.
Cap. 42 (10).
Quod angeli mali multa possunt per naturae vigorem, quae non possunt propter Dei prohibitionem.
[DISTINCTIO VIII]
Cap. 43 (1).
Utrum omnes angeli corporei sint.
Cap. 44 (2).
De formis quibus apparuit Deus, et de illis in quibus angeli apparent.
Cap. 45 (3).
Quod Deus in specie qua Deus est nunquam apparuit mortalibus.
Cap.46 (4).
Quomodo dicuntur daemones intrare in homines.
[DISTINCTIO IX]
Cap. 47 (1).
De ordinum distinctione.
Cap. 48 (2).
Quid appelletur ordo, et quae sit ratio nominis cuiusque.
Cap. 49 (3).
Quod nomina illa sumpta sunt a donis gratiae, non propter se, sed propter nos eis data.
Cap. 50 (4).
Utrum hi ordines ab initio creationis distincti fuerint.
Cap. 51 (5).
Utrum omnes angeli eiusdem ordinis sint aequales.
Cap. 52 (6).
Quomodo dicat Scriptura decimum ordinem compleri de hominibus.
Cap. 53 (7).
Utrum homines assumantur iuxta numerum stantium vel lapsorum.
[DISTINCTIO X]
Cap. 54 (1).
An omnes caelestes spiritus mittantur.
Cap. 55 (2).
An Michael, Raphael, Gabriel sint nomina ordinum vel spirituum.
[DISTINCTIO XI]
Cap. 56 (1).
Quod singulae animae habeant angelum bonum ad custodiam, malum ad exercitium.
Cap. 57 (2).
Utrum angeli proficiant in merito et praemio usque ad iudicium.
[DISTINCTIO XII]
Cap. 58 (1).
De distinctione operum sex dierum.
Cap. 59 (2).
Quod alii senserunt omnia simul facta in materia et forma, alii per intervalla temporum.
Cap. 60 (3).
Quomodo per intervalla temporis res corporales conditae sint.
Cap. 61 (4).
Quo sensu tenebrae dicantur esse aliquid, et quo dicantur non esse aliquid.
Cap. 62 (5).
Quare illa materia confusa sit dicta informis et ubi ad esse prodiit, et quantumcumque in altum
procederit.
Cap. 63 (6).
De quatuor modis divinae operationis.
[DISTINCTIO XIII]
Cap. 64 (1).
De primo distinctionis opere.
Cap. 65 (2).
De luce facta primo die, si spiritualis an corporalis fuerit.
Cap. 66 (3).
Ubi facta fuerit.
Cap. 67 (4).
Quibus modis accipitur dies.
Cap. 68 (5).
De naturali ordine computationis dierum et de illo qui pro mysterio introductus est.
Cap. 69 (6).
De intelligentia horum verborum: Dixit Deus.
Cap. 70 (7).
Ex quo sensu Pater dicitur operari in Filio vel per Filium, vel in Spiritu Sancto.
[DISTINCTIO XIV]
Cap. 71 (1).
De opere secundae diei, qua factum est firmamentum.
Cap. 72 (2).
Quod caelum tunc factum debet intelligi.
Cap. 73 (3).
De qua materia factum sit.
Cap. 74 (4).
Quomodo aquae possunt esse super caelum, et quales sint.
Cap. 75 (5).
De figura firmamenti.
Cap. 76 (6).
Quod idem est usus virtutis et liberi arbitrii, sed virtutis principaliter.
Cap. 180 (8).
Quidam putant virtutes bonos usus esse liberi arbitrii, id est actus mentis.
[DISTINCTIO XXVIII]
Cap. 181 (1).
De haeresi pelagiana.
Cap. 182 (2).
Quomodo Pelagiani dictis Augustini utuntur in testimonium sui erroris.
Cap. 183 (3).
Quomodo Augustinus illa verba determinet in Retractationibus.
Cap. 184 (4).
De haeresi Ioviniani et Manichaei, quas collidit Hieronymus.
[DISTINCTIO XXIX]
Cap. 185 (1).
Utrum homo ante peccatum eguerit gratia operante et cooperante.
Cap. 186 (2).
Si homo ante lapsum virtutes habuerit.
Cap. 187 (3).
De eiectione hominis de paradiso.
Cap. 188 (4).
Quomodo intelligendum sit illud: Ne sumat de ligno vitae et vivat in aeternum.
Cap. 189 (5).
De flammeo gladio ante paradisum posito.
Cap. 190 (6).
An ante peccatum homo comederit de ligno vitae.
[DISTINCTIO XXX]
Cap. 191 (1).
Quod per Adam peccatum et poena transiit in posteros.
Cap. 192 (2).
Utrum illud peccatum quod transiit, fuerit originale vel actuale.
Cap. 193 (3).
Quod quaedam simul sunt peccatum et poena peccati, quaedam peccatum et causa peccati, alia vero
peccatum et causa et poena peccati.
Cap. 238 (2).
An peccatum sit causa peccati in quantum peccatum est.
Cap. 239 (3).
Quod non omne peccatum est poena peccati.
Cap. 240 (4).
Utrum peccata aliqua essentialiter sint poenae peccati.
Cap. 241 (5).
Quod, cum peccatum etiam sit poena peccati, peccatum est ab homine, poena a Deo
Cap. 242 (6).
De quibusdam quae indubitanter peccata sunt et poenae, et in quantum eis patimur, peccata non
sunt.
[DISTINCTIO XXXVII]
Cap. 243 (1).
Quod aliqui putant malos actus nullo modo esse a Deo.
Cap. 244 (2).
Ex quo sensu dictum sit: Deus non est mali auctor.
[DISTINCTIO XXXVIII]
Cap. 245 (1).
De voluntate et eius fine.
Cap. 246 (2).
Quis sit bonus finis, scilicet caritas.
Cap. 247 (3).
Quod omnes bonae voluntates unum finem habent, et tamen quaedam diversos fines sortiuntur.
Cap. 248 (4).
De differentia voluntatis et intentionis et finis.
[DISTINCTIO XXXIX]
Cap. 249 (1).
Quare voluntas dicitur peccatum, cum sit de naturalibus, quorum nullum aliud peccatum est.
Cap. 250 (2).
Quare actus voluntatis sit peccatum, si actus aliarum potentiarum non sunt peccata.
Liber III
De Incarnatione
Verbi
_________________________________
Iam nunc his intelligendis atque pertractandis quae ad Verbi incarnati mysterium pertinent, integra
mentis consideratione intendamus, ut de ineffabilibus vel modicum aliquid fari Deo revelante
valeamus.
Huius voluminis continentia sub compendio perstringitur. - Sic enim rationis ordo postulat, ut
qui in primo libro de inexplicabili mysterio summae Trinitatis irrefragabili Sanctorum attestatione
aliquid diximus, ac deinde in secundo libro conditionis rerum ordinem hominisque lapsum sub certis
auctoritatis regulis insinuavimus, de eius reparatione per gratiam Mediatoris Dei et hominum
praestita, atque humanae redemptionis sacramentis, quibus contritiones hominis alligantur ac vulnera
peccatorum curantur, consequenter in tertio et quarto libro disseramus: ut Samaritanus ad
vulneratum, medicus ad infirmum, gratia ad miserum accedat.
INCIPIUNT CAPITULA
TERTII LIBRI.
[DISTINCTIO I]
Cap. 1.
Quare Filius carnem assumpsit, non Pater vel Spiritus Sanctus.
Cap. 2.
Utrum Pater vel Spiritus Sanctus potuerit incarnari.
Cap. 3.
An Filius qui tantum carnem accepit, aliquid fecerit quod non Pater vel Spiritus Sanctus.
[DISTINCTIO II]
Cap. 4 (1).
Quare totam humanam naturam accepit, et quid nomine naturae intelligitur.
Cap. 5 (2).
De unione Verbi et carnis mediante anima.
Cap. 6 (3).
Quod simul assumpsit carnem et animam Verbum, nec caro prius est concepta quam assumpta.
[DISTINCTIO III]
Cap. 7 (1).
De carne assumpta, qualis ante fuerit.
Cap. 8 (2).
Quod nullus est sine peccato hic, excepta Virgine.
Cap. 9 (3).
Quare Christus non fuit decimatus in Abraham sicut Levi.
Cap. 10 (4).
Quare caro Christi non dicta est peccatrix, sed similis.
[DISTINCTIO IV]
Cap. 11 (1).
Quare Spiritui Sancto tribuatur incarnatio, cum sit opus Trinitatis.
Cap. 12 (2).
Quare dicatur Christus conceptus et natus de Spiritu Sancto.
Cap. 13 (3).
Quare Apostolus dicit Christum factum, quem nos fatemur natum.
[DISTINCTIO V]
Cap. 14 (1).
Si persona vel natura personam vel naturam assumpsit, et si natura Dei sit incarnata.
Cap. 15 (2).
An divina natura debeat dici caro facta.
Cap. 16 (3).
Quare non accepit personam hominis, cum assumpserit hominem: quod quidam probare nituntur.
[DISTINCTIO VI]
Cap. 17 (1).
De intelligentia harum locutionum: Deus est homo, Deus factus est homo etc. Tres sententias ponit.
Cap. 18 (2).
Prima est eorum qui dicunt in incarnatione hominem quendam ex anima et carne constitutum, et
illum hominem factum esse Deum et Deum illum hominem; et auctoritates quibus ita asserunt ponit.
Cap. 19 (3).
Secunda est eorum qui dicunt hominem illum ex tribus: substantiis vel ex duabus naturis constare, et
hunc fatentur unam esse personam: ante incarnationem simplicem tantum, sed incarnatione
compositam; et auctoritates quibus se muniunt proponit.
Cap. 20 (4).
Tertia est eorum qui non solum personam ex naturis compositam negant, sed etiam aliquem
hominem vel aliquam substantiam ibi ex anima et carne compositam diffitentur; et sic illa duo,
scilicet animam et carnem, Verbo unita dicunt, ut non ex illis aliqua substantia vel persona
componeretur, sed illis duobus velut indumento Deus vestiretur ut mortalibus oculis appareret: qui
rationem incarnationis secundum habitum accipiunt.
Cap. 21 (5).
Deinde auctoritates inducit quibus haec sententia roboratur.
Cap. 22 (6).
Quatuor species habitus distinguuntur.
[DISTINCTIO VII]
Cap. 23 (1).
Deinde quae singulis sententiis adversari videntur ponit.
Cap. 24 (2).
Ex quo sensu dicitur Christus praedestinatus.
Cap. 25 (3).
[DISTINCTIO XIII]
Cap. 38 (1).
De sapientia et gratia Christi hominis, an in eis proficere potuerit.
[DISTINCTIO XIV]
Cap. 39 (1).
Si anima Christi habuerit sapientiam parem cum Deo, et si omnia scit quae Deus.
Cap. 40 (2).
Quare Deus non dedit illi animae potentiam omnium ut scientiam.
[DISTINCTIO XV]
Cap. 41 (1).
De hominis defectibus quos assumpsit Christus.
Cap. 42 (2).
De propassione et passione timoris vel tristitiae.
Cap. 43 (3).
De quibusdam capitulis Hilarii obscuris, quibus a carne Christi dolores passionis submoveri
videntur.
Cap. 44 (4).
De tristitia Christi et eius causa secundum eundem.
[DISTlNCTIO XVI]
Cap. 45 (1).
An in Christo fuerit necessitas patiendi et moriendi, quae est defectus generalis.
Cap. 46 (2).
De statibus hominis et quid Christus de singulis acceperit.
[DISTINCTIO XVII]
Cap. 47 (1).
Si omnis Christi oratio vel voluntas impleta sit.
Cap.48 (2).
De voluntatibus Christi secundum duas naturas.
Cap. 49 (3).
De capitulis quibusdam Ambrosii et Hilarii, ubi de dubitatione et timore Christi agitur.
[DISTINCTIO XVIII]
Cap. 50 (1).
Si Christus meruit sibi et nobis, et quid sibi et quid nobis.
Cap. 51 (2).
Quod a conceptu meruit Christus sibi idem quod per passionem.
Cap. 52 (3).
De eo quod scriptum est: Donavit illi nomen quod est supra omne nomen.
Cap. 53 (4).
Si Christus sine omni merito habere valuit quod merito obtinuit.
Cap. 54 (5).
De causa passionis et mortis Christi.
[DISTINCTIO XIX]
Cap. 55 (1).
Qualiter a diabolo et a peccato redemit nos Christus per mortem.
Cap. 56 (2).
Cur Deus homo et mortuus.
Cap. 57 (3).
Quomodo a poena nos redemit Christus.
Cap. 58 (4).
Quomodo poenam nostram portavit.
Cap. 59 (5).
Si solus Christus redemptor ut mediator debet dici.
Cap. 60 (6).
De mediatore.
Cap. 61 (7).
Secundum quam naturam sit mediator.
[DISTINCTIO XX]
Cap. 62 (1).
Quod alio modo potuit liberare.
Cap. 63 (2).
Quare isto modo potius.
Cap. 64 (3).
Utrum intellectus et scientia quae inter dona numerantur sint illa quae naturaliter habet homo.
[DISTINCTIO XXXVI]
Cap. 135 (1).
De connexione virtutum, quae non separantur.
Cap. 136 (2).
An cunctae virtutes pares sint in quocumque sint.
Cap. 137 (3).
Quomodo in caritate tota lex pendet.
[DISTINCTIO XXXVII]
Cap. 138 (1).
De decem mandatis, quomodo contineantur in duobus.
Cap. 139 (2).
Quare idolum nihil esse in mundo dicitur.
Cap. 140 (3).
Quare in Spiritu Sancto proprie dicitur fieri remissio peccatorum.
Cap. 141 (4).
De sensu spirituali et carnali Legis.
Cap. 142 (5).
De furto.
Cap. 143 (6).
De mendacio.
[DISTINCTIO XXXVIII]
Cap. 144 (1).
De triplici genere mendacii.
Cap. 145 (2).
De octo speciebus mendacii.
Cap. 146 (3).
Quid sit mendacium.
Cap. 147 (4).
Quid mentiri.
Cap. 148 (5).
Quod omne mendacium peccatum sit, sive prosit sive non, et quare.
Cap. 149 (6).
In quibus rebus cum periculo erratur vel non.
[DISTINCTIO XXXIX]
Cap. 150 (1).
De periurio.
Cap. 151 (2).
An sit periurium quod non est mendacium.
Cap. 152 (3).
De triplici modo periurii.
Cap. 153 (4).
An iuratio sit malum.
Cap. 154 (5).
De iuramento quod fit per creaturas.
Cap. 155 (6).
Quae iuratio sit gravior: an quae fit per Deum, an quae fit per creaturas, vel per Evangelium.
Cap. 156 (7).
Quid est dicere: Per Deum.
Cap. 157 (8).
De illis qui iurant per falsos deos.
Cap. 158 (9).
Quod iuramentum vel promissio contra Deum facta non est tenenda.
Cap. 159 (10).
Si est periurus, qui non facit quod incaute iurat.
Cap. 160 (11).
De illis qui verborum calliditate iurant.
Cap. 161 (12).
De illo qui cogit aliquem iurare.
[DISTINCTIO XL]
Cap. 162 (1).
Quare Lex dicitur comprimere manum, non animum.
Liber IV
De Doctrina Signorum
_________________________________
His tractatis quae ad doctrinam rerum pertinent quibus fruendum est, et quibus utendum est, et quae
fruuntur et utuntur,
ad doctrinam signorum accedamus.
INCIPIUNT CAPITULA
QUARTI LIBRI.
[DISTINCTIO I]
Cap. 1.
De sacramentis.
Cap. 2.
Quid sit sacramentum.
Cap. 3.
Quid sit signum.
Cap. 4.
Quo differant signum et sacramentum.
Cap. 5.
Quare instituta sunt sacramenta
Cap. 6.
De differentia sacramentorum veterum et novorum.
Cap. 7.
De circumcisione.
Cap. 8.
Quod remedium illi habuerunt qui fuerunt ante circumcisionem.
Cap. 9.
De institutione circumcisionis et causa.
Cap. 10.
De parvulis defunctis ante diem octavum, quo fiebat circumcisio.
[DISTINCTIO II]
Cap. 11 (1).
De sacramentis novae Legis.
Cap. 12 (2).
De baptismo.
Cap. 13 (3).
De differentia baptismi Ioannis et Christi.
Cap. 14 (4).
Quid utilitatis habuit baptismus Ioannis.
Cap. 15 (5).
Si fuit sacramentum baptismus ille.
Cap. 16 (6).
De forma baptismi Ioannis.
[DISTINCTIO III]
Cap. 17 (1).
Quid sit baptisma.
Cap. 18 (2).
De forma baptismi.
Cap. 19 (3).
Quod Apostoli in Christi nomine baptizaverunt.
Cap. 20 (4).Si in nomine Patris tantum vel Filii vel Spiritus Sancti possit tradi baptismus.
Cap. 21 (5).
De institutione baptismi.
Cap. 22 (6).
Cap. 51 (4).
De forma.
Cap. 52 (5).
Quare Christus post alium cibum dedit hoc sacramentum discipulis.
Cap. 53 (6).
De sacramento et re.
Cap. 54 (7).
Quod res sacramenti duplex est.
[DISTINCTIO IX]
Cap. 55 (1).
De duobus manducandi modis.
Cap. 56 (2).
De errore illorum qui dicunt tantum corpus Christi a bonis sumi.
Cap. 57 (3).
De intelligentia quorundam verborum ambiguorum.
[DISTINCTIO X]
Cap. 58 (1).
De haeresi illorum qui dicunt corpus Christi non esse in altari nisi in signo.
Cap. 59 (2).
De Sanctorum testimoniis quibus probatur verum corpus Christi esse in altari.
[DISTINCTIO XI]
Cap. 60 (1).
De modo conversionis.
Cap. 61 (2).
Quomodo dicitur corpus Christi confici de substantia panis.
Cap. 62 (3).
Quare sub alia specie sumatur.
Cap. 63 (4).
Quare sub duplici specie.
Cap. 64 (5).
Quare aqua misceatur.
Cap. 65 (6).
Quale corpus dedit Christus discipulis in coena.
[DISTINCTIO XII]
Cap. 66 (1).
Ubi illa accidentia fundentur.
Cap. 67 (2).
De fractione et partibus.
Cap. 68 (3).
De confessione Berengarii.
Cap. 69 (4).
Quid illae partes significent.
Cap. 70 (5).
Si Christus immolatur in altari quotidie, et an sit sacrificium quod a sacerdote geritur.
Cap. 71 (6).
De causa institutionis.
[DISTINCTIO XIII]
Cap. 72 (1).
Si hoc sacramentum conficiatur ab haereticis vel excommunicatis.
Cap. 73 (2).
Quid faciat haereticum et quid sit haereticus.
[DISTINCTIO XIV]
Cap. 74 (1).
De poenitentia.
Cap. 75 (2).
Unde dicitur poenitentia.
Cap. 76 (3).
Quid sit poenitentia.
Cap. 77 (4).
De solemni et unica poenitentia.
Cap. 78 (5).
Quod peccata saepe dimittuntur per poenitentiam.
[DISTINCTIO XV]
Cap. 79 (1).
Quod pluribus irretitus peccatis non potest vere de uno poenitere nisi et de omnibus poeniteat.
Cap. 80 (2).
Quibus de causis contingunt flagella.
Cap. 81 (3).
De Aegyptiis et Sodomitis, qui temporaliter dicuntur puniti ne in aeternum perirent.
Cap. 82 (4).
De generibus eleemosynae.
Cap. 83 (5).
Quid sit eleemosyna.
Cap. 84 (6).
Utrum in mortali peccato permanentes et largas eleemosynas facientes debeant dici satisfacere.
Cap. 85 (7).
Utrum bona quae fiunt ab aliquibus malis valeant ad meritum vitae cum fuerint conversi ad bonum.
[DISTINCTIO XVI]
Cap. 86 (1).
De tribus in poenitentia considerandis, scilicet compunctione, confessione, satisfactione.
Cap. 87 (2).
Quae sit vera satisfactio.
Cap. 88 (3).
Quae sit satisfactio falsa.
Cap. 89 (4).
De tribus actionibus poenitentiae.
Cap. 90 (5).
De multitudine venialium, quae gravat ut unum grande peccatum.
Cap. 91 (6).
De satisfactione venialium.
[DISTINCTIO XVII]
Cap. 92 (1).
Utrum sine confessione dimittantur peccata.
Cap. 93 (2).
Si sufficit soli Deo confiteri.
Cap. 94 (3).
Quod non sufficit soli Deo confiteri si possit confiteri sacerdoti.
Cap. 95 (4).
An sufficiat confiteri laico.
Cap. 96 (5).
Ad quid valeat confessio.
[DISTINCTIO XVIII]
Cap. 97 (1).
De remissione quam praestat sacerdos.
Cap. 98 (2).
De clavibus.
Cap. 99 (3).
De usu clavium.
Cap. 100 (4).
Si sacerdos potest dimittere peccatum vel retinere peccatum.
Cap. 101 (5).
Quomodo sacerdotes dimittunt peccata vel retinent.
Cap. 102 (6).
Quomodo sacerdotes ligant vel solvunt a peccatis.
Cap. 103 (7).
Quomodo intelligendum sit illud: Quodcumque solveris etc.
Cap. 104 (8).
Quae sint interiores tenebrae et interior macula.
[DISTINCTIO XIX]
Cap. 105 (1).
Quando hae claves dantur et quibus.
Cap. 106 (2).
Utrum per indignos transfundatur gratia dignis.
Cap. 107 (3).
Quomodo intelligendam sit: Maledicam benedictionibus vestris.
De lectoribus.
Cap. 137 (7).
De exorcistis.
Cap. 138 (8).
De acolytis.
Cap. 139 (9).
De subdiaconis.
Cap. 140 (10).
De diaconis.
Cap. 141 (11).
De presbyteris.
Cap. 142 (12).
Qui dicuntur ordines sacri.
Cap. 143 (13).
Quid appellatur ordo.
Cap. 144 (14).
De nominibus dignitatis et officii.
Cap. 145 (15).
De episcopo.
Cap. 146 (16).
De pontifice.
Cap. 147 (17).
De quadripartito episcoporum ordine.
Cap. 148 (18).
De vate.
Cap. 149 (19).
De cantore.
[DISTINCTIO XXV]
Cap. 150 (1).
De ordinatis ab haereticis.
Cap. 151 (2).
De simonia, unde dicitur et quid sit.
FINIS