SYMA Inkaihhruaina

THUHMA
S.YMA Chhiatni/Thatni inkaihhruaina bu hi
Branch YMA Executive Committee Meeting chuan
ennawn tul tawh nia hria in Drafting Committee
din a ni a. Committee meeting in siamthat ngai nia
an hriatte Drafting Committee in ngun taka thlirin
siam thain belh ngaite belh a ni a. Branch YMA Executive Committee Meeting ah thlirho lehin kum
2015 January atanga hman tan nise tiin a rel ta a.
Tin, S.YMA Manual a bu hrana awm chu Chhiatni/
Thatni inkhaihhruaina bu nen dah fin nise tih anih
angin S.YMA Manual nen tunah hian dah kawp a
lo ni ta a ni.

ZD.RUALCHHAWNZOVA
President
Serkawn Branch YMA

H.LALDUHTHANGA
Secretary
Serkawn Branch YMA

SYMA Inkaihhruaina

Thuhmahruai
Kum 2009 -a Serkawn Branch YMA Executive
Committee Meeting hmasa ber chuan, Serkawn Branch
YMA hian inkaihhruaina (Manual) siam nise tiin a rel
a. A tul anga bawhzuiin hetiang hian a lo siam chhuak
ta a ni. Serkawn BranchYMA Chhiatni/Thatni
inkaihhruaina a awm thil thenkhatte he inkaihhruaina
bu ah hian dah ngai a awm bawk avangin chungte
chu dahluh nghal a ni.
He inkaihhruaina (Manual) ah hian Inkaihhruaina
pawimawh leh tul ang zawng zawng chu a kim vek
thei lova .Manual a awm bak thil tul leh pawimawh
chu Serkawn Branch YMA Executive Committeee -in
thutawp a siam ang. Tin, YMA Dan Bu a Branch
inkaihhruaina thu te Serkawn Branch YMA pawhin a
zawmin inkaihhruai nan a hmang ang.
Tin, Inkaihhruaina(Manual) te hi siam that ngai leh
siam belhna a awm chuan Serkawn Branch YMA Executive Committee in tul leh tha atih hunah a siam tha
thei ang.

LALBIAKZARA
C.LALBIAKZUALA
President
Secretary
Serkawn Branch YMA,2009 Serkawn Branch YMA, 2009

Dated Serkawn : November 22, 2009

SYMA Inkaihhruaina

BUNG -1- NA
( YMA Tobul)
1.1 Pawl hming :
Young Mizo Association( YMA)hi June 15,1935 khan
Young Lushai Association (YLA) tia din a ni a, October 7,1947 khan Young Mizo Association (YMA) tia
thlak a lo ni ta a ni.
1.2 A thil tum leh dinchhan :
1. Hunawl hman that.
2. Zofate hmasawnna ngaihtuah.
3. Kristian nundan tha ngaihsan.
1.3 A nihna:
YMA chu Politics rawngkai lo, tlawmngai pawl a ni.
1.4 YMA thuvawn:
YMA chu tanpui ngaite tanpuitu a ni.
1.5 Pawl chhinchhiahna:
Rin bial, alai a Meichher alh YMA, kuta chelh lai lem
chu Pawl chhinchhiahna a ni. Meichher kuang
pathumte hian YMA thil tum leh dinchhan pathumte
a entir a. Meialh eng anga a thla sawmte hian YMA
Thuthlung sawm a entir. Ribon-a YMA tih a inziak
bawk.
1.6 Registration:
YMA chu a dinna hmunah Sorkar dan dinglai angin
a inziak lut ( Register) tur a ni.
Note: YMA chu Societies Registration Act 1860 ( Act
XXI) thlawhchhanin May 14,1977 khan, Mizoram
Sorkar-ah a inziak lut (Registered) a, Registration No
chu SR 4 of 1977 a ni. Mizoram chhungah SubHeadquater YMA,Group YMA leh Branch YMA tan
inziahluh leh hran a ngai tawh lo.
1.7 YMA Seal:
YMA Seal reng reng chu Central YMA in a siam tur a
ni.
1.8 YMA Thuthlung
1. Mizote hi thlahtu atanga hnam huaisen, tlawmngai

SYMA Inkaihhruaina

leh hawihhawm kan ni thin a, chung ze mawite chu

kan nunphungah a par ve tur a ni.
2. Hlemhletna chi hrang hrangte, ruihtheih thil chi
hrang hrang te hi, YMA nihphung nen a inkalh tlat
tih hriain, heng lakah hin kan fihlim tur a ni.
3. Kan hnam rohlu ber Tlawmngaihna hi, kan
hnampui te
leh hnamdangte mithmuhah,
chhuanawm takin ka lantir ang a, Mizo hnam
zahawmna puanchhuahna atan ka hmang thin tur a
ni.
4. Aia upa zah hi Mizo hnam ze mawi tak a ni a,
chuvangin dinhmun lama hnuaihnung zawk pawh
nise,keia upa zawk tawh phawt chu zah takin ka en
tur a ni.
5. Hnam dangte ka hmusit mai tur a ni lova, an
ngaihnep theih zawngin ka awm tur a ni hek lo.
6. Mahni intodelh hi zahawmna leh huaisenna anih
tih hria in, mite bantu ni lova, mite tanpuitu ni thei
turin, mahni kein ka ding thei tur a ni.
7. Nungcha, thing leh maute hi, mihringten kawng
tin renga kan mamawh a ni tih hriain, theihtawp
chhuahin ka humhalh tur a ni.
8. Ram roreltute thawhpui thiam mi, sawisel mai lova
thurawn petu nih ka tum tur a ni a, Sorkar tan khua
leh tui tha ka ni tur a ni.
9. Mahni tanghma chauh thlir lovin midang hmakhua
ka thlir fo atul a, midang te ngaihdan zaha, zawm
thiam mi ka ni tur a ni.
10.YMA member ka nih avangin, Mizo hnam mawina
leh YMA thianghlimna puangchhuaktu ni turin, ka
nunphungah ka fimkhur reng tur a ni.
1.9 Kaihhruaina:
YMA member chuan hetiang hi nih atum tur a ni.
1. Mahni inthunun leh invawng fel mi.
2. Chhungkaw vawng fel mi.
3. Thudik ngaina leh tan tlat mi.

SYMA Inkaihhruaina

4. Teirei peih mi.

5. Mi hawihhawm.
6. Mi tlawmngai leh tangkai.
7. Khawtlang thatna ngaihtuah.
8. Sakhaw zah thiam mi.
9. Pi leh pute dan tha venhim tum mi leh,
10.Zu leh ruihtheih thila insum mi.
1.10. Serkawn Branch YMA Tobul:
Serkawn Branch YMA hi January 23,1981(
Zirtawpni ) ah Kristian High School Serkawn, Hallah din a ni a. Hemi zan hian Hruaitu tur pawh thlan
nghal a ni. Serkawn BranchYMA a pian hma hi chuan
Serkawn leh Zotlang-hi Branch YMA Zotlang
hnuaiah awmin, lungrual taka khawtlang tan
hmalakho a ni thin a. Amaherawhchu, hun lo kal zelin
tunah chuan Branch hrangin kan lo awm ta a, vawiin
thlengin hmalakna kawng thenkhatah phei chuan
thukhat vuain kan la pen tlang zel a ni.

BUNG - 2-NA
(Member nih dan)
2.1 YMA Dan Bu in a sawi angin Member a nih theih
ang.
2.2 Kan Veng chhunga mi in luah a hun rei lote lo awm
te chu an duh a nih chuan Associate member an ni
thei ang.
2.3.Tual chhung mi dik tak, member chhiar hun ruat
chhunga in ziak lut lo chu,chhiat/ that tawh avanga
membera in pek leh thut theih a ni lo ang.
(a) Associate member te hian an awmna ( Veng /
Khua) Branch ah member an nih tawh chuan
Membershipfee a hran a an pek a ngai tawh lo ang,
an awmna ( Veng/Khua) ah member an ni ngei a ni
tih hriatpuina lehkha an nei tur a ni.

SYMA Inkaihhruaina
(b) Associate memberte chu Serkawn Branch YMA
hmalakna kawng hrang hrangah Member pangngai
anga ngaih an ni ang.

3.1
A.
B.

C.
D.

E.

3.2
A.
B.

3.3
A.
B.

C.

BUNG - 3 - NA
(Hruaitu leh an dinhmun)
Hruaitu thlandan:
Hruaitu Inthlan hun, Charge inhlan leh inthlak.etc.
chu YMA Dan Bu angin kalpui a ni ang.
Hruaitu chu Post ngaiah Term 3 ( Term Thum) bak
thlan nawn theih a ni lo vang,Post dangah erawh
chuan thlan theih tho a ni ang.
Political Party a mawhphurhna nei (Office Bearer)
chu hruaitu atan thlan theih a ni lo ang.
Hruaitu chu; M.P, M.L.A,V.C, Pol.Party O.B,a in Candidate tur chu Nomination a File hma in anihna a
hlip tur a ni.
Hruaitu atan a nominate ni tur hian Branch Executive
Committee member kum 2 or term 2 tal lo ni tawh a ni
tur a ni.
Office Bearers :
YMA Dan Bu-in a sawi angin Office Bearers dinhmun
leh mawhphurhna a siam angin kalpui a ni ang.
Thupawimawh Executive Committee-in a ngaihtuah
hman loh, thu hmanhmawhthlak tak a awm chuan
President emaw O.B ten thu thlukna an siam thei ang.
Executive Committee hmasaberah Executive pawmpui
turin reports kimchang an pe ang.
Executive Committee member :
Serkawn Branch YMA Office Bearer ten tul an tihzat
an ruat thin ang.
Committee Peng a Chairman leh Secretary, Section
Leader leh Secretary,YPC President leh Secretary te
chu Executive Committee Member an ni nghal ang.
Executive Committee member engmah sawi lova a

SYMA Inkaihhruaina

zawna vawi thum (3) Committee-naah a kal loh chuan

Executive Committee member anihna atangin mahni
in ban anga ngaih a ni ang.
3.4 Ex- offcio Member:
V.C.P leh Sub-Head Quater a Executive Committee
Member te chu Ex- Officio member an ni ang
3.5 Adviser:
Branch YMA Serkawn office Bearer ten tul leh tha an
tih zat Adviser an ruat thei ang.

Bung- 4-na
(Section)
4.1.
A. Serkawn Branch YMA-in chakzawka hma a lak theih
nan Section hrang hrangah inthen a ni ang a. Section
tihtawp leh thiah a ngaih chuan Executive Committee-in a ngaihtuah ang.
B. Section ten Planning leh Budget an siamte Branch
Executive Committee-ah pawmpui turin an thehlut
ang. Section Budget celling hi Executive Committee
tul a tih angin a siam thin ang a, kum laklawhah Planning leh Budget bak thil tih ngai a awm chuan Executive Committee pawmpuina a ngai ang.
C. Section ten an hmalakna te Branch Executive ah an report
thin tur a ni.
D. Branch / Section hi Branch Executive committee in
tha tih angin a then a ni ang. Section Boundary pawh
Branch Executive Committee-in a siamtha thei ang.
E. Section ten mahni pualin Property an nei thei lovang.
Thil tul leh mamawh an nei anih chuan; Branch-ah
thlenin Executive Committee-in a pawmpui phawt a
ngai ang. Section thiah emaw tihdanglam anih chuan
Section-in Property an neih te hi Branch Property-ah
a lut tur a ni.

SYMA Inkaihhruaina

4.2 Ruangam :
A. 1)Section hruaitu (O.B) chu Branch Executive Committee-in tha an tih angin a ruatin ruahmanna pawh
a siam thin ang.
2)Political Party a mawhphurhna neite chu Section
O.B atan thlan/ ruat theih an ni lovang.
B. Section hruaitu chu O.B kim; Leader, Asst.Leader, Secretary, Asst.Secretary, Treasurer leh Fin.Secretary a ni
tur a ni.
C. Section Leader leh Secretary te an pha anih chuan,
BranchExecutive Committee-ah phatna lehkha an
thehlut tur a ni. O.B.dangte pha an awm anih chuan,
an awmna Section Committee-in an aiawh tur an
ruat thei ang.
D. Section O.B ten Section Committtee member chu tha an
tih zat an ruat thei anga, atul an tih chuan Adviser pawh
an ruat thei ang.
E. Section O.B i/c chu Branch O.B ten tul leh tha an tih
angin an inruat thin ang.
4.3 Section Mawhphurhna :
A. Section chu Branch kut ke ber a nih avangin, Section
hruaitute pawhin Branch nena thawhhona tha tak nei
turin awmze nei leh mumal taka kalpui an tum tur ni.
B. Section huamchhungah awm thar leh in luah thar an
awm chuan, a rang thei ang berin thil tul ang ( Pem
lehkha, Member, inluah report) an ti nghal anga,
arang lamin Branch-ah report an pe thin ang.
C. Section huamchhungah chhiattawk an awm chuan,
hruaitu chan changin atul angin hma an la ang. YMA
Property seng hawi leh dah fel thlengin, Section
hruaituten enpui a atul angin hmalak tur a ni.
D. Faina kawngah mahni Section huamchin chu theih ang
tawkin hma an la anga, Section bika thil tih harsa anih
chuan Branch-ah an thlen thin ang.

SYMA Inkaihhruaina

E. Branch leh Committee peng hmalakna atul anga

thawhpui theih turin awm an tum tur a ni.
F. Section huamchhunga chhiattawk leh harsatna a awm
chuan a rang thei ang in Branch-ah thlen tur a ni.
G. Section huamchhungah tanpui ngai an awm chuan
Executive Committee-ah thlenin Committee-in a
ngaihtuah thin ang.
H. Section huamchhungah member Innei tur te
aranglamin Endowment Fund i/c-ah an hriattir thin
tur a ni.
4.4 Section Boundary :
Section-I : Pi Lalthlanliani in leh Pu C.Malsawma in
atangin Hmarlam lam zawng.
Section-II: Indoor Stadium atanga chhim lam Pu
F.Lianchhinga In inkar, Mission Compound huamin
Baptisma lui leh Khawiva Road hmar lam zawng.
Section-III: Pu LT.Muana In atanga chhim lam Medical Complex huamin saptui kawr chin.
Section-IV: Saptui atanga kawng chung zawng, Pu
C.Lalsailova in atanga chhim lampang zawng
Ramzotlang chuan chung. BCM Ramzotlang Biak In
pengchin,khawchhak lamah Pu C.Thasiama ram bul
Step inkar zawng.
Section-V: Saptui atanga kawng hnuai zawng. Section-IV nen boundary an inthen ang.
Section-VI: Khawiva.
Bung- 5-na
(Committee Peng)
5.1
A. Serkawn Branch YMA-in chakzawka hma a lak theih
nan a tul angin Committee Peng a din thin ang. Committee peng mawhphurhna leh ruangam chu Executive Committee-in a ruahman thin ang.
B. Committee Pengten Budget leh Planning an siamte
Branch Executive Committee-ah pawmpui turin an

10

C.
D.

E.

F.
G.

SYMA Inkaihhruaina
thehlut ang. Committee peng budget Celling hi
Branch Executive Committtee in a siam thin
ang.Planning leh Budget bak thil tih ngai a awm chuan
Executive Committee pawmpuina a ngai ang.
Committee Peng ten an hmalakna te Branch Executive
ah an report thin tur a ni.
Committee Pengten mahni thuin Section-ah tih tur
an pe ngawt thei lo ang, tih tur tul a awm anih chuan
Executive Commitee-ah thlenin Committee in a
ngaihtuah ang.
Committee peng hruaitu (Chairman & Secretary/Editor) Branch Executive committee-in mawhphurhna a
pek te an pha anih chuan Branch Executive-ah phatna
an thehluh anga, Branch Executive committee-in an
aiawh tur an ruat/ ruahmanna an siam thin ang.
Branch O.B ten Committee peng O.B i/c chu tul leh
tha a tih angin an ruat thei ang.
Committee Peng in Planning & Budget-a tihlan loh,
an mahni thuin mimal ,Pawl leh Kohhran-ah donation an kawn thei lovang, khawn ngai a awm chuan
Branch Executive Committee ah an thlen phawt tur
a ni.
Bung- 6-na
(Property Rules)

6.1
A. YMA Property-hi a hming tumtu YMA ni mah ila,
chhiatni/thatni a hman leh khawtlang thil a hman
nasat anih avangin uluk taka enkawl a ngai a. Property Committee pawhin uluk leh fel takin enkawl a
tum tur a ni.
B. YMA Property te hi Record bu fel taka siamin ziah fel
thlap tur a ni a. Record bu hi Property Committee ten
a vawng tu tur (Recorder) an ruat ang. Recorder chuan
hawh ni, hawh zat, hawh man leh dahluh ni,chiang
taka ziakin a vawng tur a ni.

SYMA Inkaihhruaina

11

C. Mitthi awmin Property dah let leh chungchangah Section hruaituten mawh an phur anga, Property Committee-in an enpui thin ang.
D. YMA Property hawh tur te chuan Property
mawhphurtu te hnenah an dil hmasa thin tur a ni.
6.2 Property hman leh hawh dan :
A. S.YMA Property hi kohhran leh kan khawtlanga pawl
hrang hrang; YPC, MHIP, MUP, Hmeithai Association, te chuan a thlawnin an hawh thei ang.
B. S.YMA Property hi veng dangin an hawh chhuak anih
chuan khawchhunga hawh man let zel a ni ang.
C. S.YMA Property hi hawh laia a bo chuan a thar man
chawi emaw a thar a rulh tur a ni ang. A chhia anih
chuan a siam man a hawh tuten an tum tur a ni.
D. S.YMA Property hi dah rualin a hawh man pek tur a
ni. A hawh duh te chuan Property mawhphurtu te
hnenah hian lakchhuah dawn leh dah dawnah hriattir
tur a ni. YMA Property hawh hian nikhat aia rei an
hawh chuan, hawh ni leh dah ni chhiar tel a ni lovang.
E. S.YMA Bungrua te hi thihna thuah Ni sarih (7) kawl
theih a ni a, la hmang chhunzawm duh chuan Property mawhphurtu te hnenah hriattir tur a ni.
F. YMA-in Gas bur Pathum kan neih hi, Pahnih hi Relief
Committee ten an chang anga, Pakhat hi Branch in a
chang ang.
G. YMA Member inneihna atan bungrua an hman chuan
a hawh man chanve in an hawh thei ang.
H. S.YMA Property-te hi Section leh Committee peng ten
Property Commitee remtihna/hriatpuina in an hawh
thei ang.
I. S.YMA Property hawh man hi Branch YMA Executive Committee-in tul leh tha atih hunah a siamtha
thin ang.
J. Property Room a dah chiloh YMA Property hengte hian
an kawl ang.
Guiter
- Asst.Secretary
Computer- Secretary/Asst.Secretary
YMA Flag- Asst.Secretary

12

SYMA Inkaihhruaina
Bung - 7-na
(Chhiatni/Thatni)

7.1
A. Chhiatni / Thatni inrelbawlna Endowment Fund hi
Member tinah khawn thin a ni ang. Endowment Fund
hi a khawn hun tur leh khawn tur zat chu Branch
Executive Committee-in a ngaihtuah thin ang.
B. Section tin ten kan Section huamchhungah member
Innei tur te aranglamin Endowment Fund Committee-ah hriattir thin tur a ni.
7.2 Chhiatni :
A. YMA Member/YMA Chhang Boral an awm chuan
Branch hminga Pangpar dah tur a ni.
B. Ralna hi Pawisa fai Rs.2000 / - (Sanghnih) Endowment Fund atanga pek tur a ni ang.
C. Member Boral ral ngai a lo awmin, rokhawlhna dang
a awm loh chuan Thalai hun chhungin Ral thin a ni
ang. A remchang lo anih chuan Branch O.B leh Mitthi
awmna Section O.B ten an ngaihtuah thin ang. Ralna
Programme pawh an ngaihtuah nghal ang.
D. YMA chhang Boral an lo awmin Ralna hi Pawisa fai
Rs.1500 / - (Sangkhat zanga) a ni ang. Pawisa hi Endowment Fund atanga pek nise,YMA Chhang Member zawng zawng hnenah Rs.2/- khawnin, Endowment Fund ah chhun luh tur a ni.
E. YMA Chhang ral ngai an lo awmin S.YMA Executive
Committee Member, YMA Chhang Committee Member leh YMA Chhang Member zawng zawng te
inhriattirin ral thin a ni ang. Programme leh tul dangte
chu YMA Chhang Committee in a ngaihtuah ang.
F. Member boral an awmin YMA Flag a ngul chanve in
zar a ni anga, YMA Flag-in a kuang khuh a ni ang.
Tin, thlanmual thleng YMA Flag nen zui a ni ang.
G. YMA/YMA Chhang member hmundanga thi an awm
chuan a hmuah dan leh buaipui ngai a awm chuan
Executive Committee in a ngaihtuah ang.

SYMA Inkaihhruaina

13

H. Kan member boral hmundanga phum ngai an awm

chuan, Ralna/Pangpar a remchan dan anga pek thin
tur a ni.
I. Heng bak thiltul a awm anih chuan Branch Executive
committee-in a ngaihtuah ang.
7.3 Thatni :
A. S.YMA Member Kohhran hriatpuia Nupui/Pasal neite
chu Lawmpuina thilpek Rs.300/(cheng Zathum) Man
hu Endowment Fund atangin hlan an ni ang.
B. Kan member hmundanga awm Serkawn- atanga
Nupui/Pasal nei lo te chu Inneih lawmpuina thil pek
hlan a ni lovang.
C. Heng bak thiltul a awm anih chuan Branch Executive
committee-in a ngaihtuah ang.

8.1
8.2

8.3

8.4

Bung - 8-na
(Sum chungchang)
YMA sum te hi YMA Dan bu sawi angin vawn thin a
ni ang.
Branch,Committee peng leh Section ten fel fai takin
Account an vawng tur a ni. Branch,Committee peng
leh Section ten Kum chanve Financial Statement an
siam thin tur a ni. Branch,Committee peng leh Section
Account hi Kum tawpah Audit thin tur a ni.
Relief Fund hi chhungkaw tinah khawn thin a ni anga,
a khawn hun leh khawn zat tur chu, S.YMA Executive Committee-in a rel thin ang, awl tur pawh a
ngaihtuah ang. Relief Committee Account-ah a lut
nghal ang.
Section te hian sum Balance an nei a nih chuan kum
thar atan an chhawm thei ang. Section thiah anih
chuan Section sum hi Branch ah a lut thin ang.

14

9.1

9.2
9.3

9.4

9.5

SYMA Inkaihhruaina
Bung-9-na
(Thil tul dang te)
Serkawn khawchhungah awm thar, Pem lehkha,
inluah Reports, Hnamdang leh ramdang mi leh pem
lut te Record bu fel taka siamin Vice.President-in a
buaipui ang. Record vawn kawngah Vice.President
kaihhruainain Section O.B te nen an thawkho thin ang.
Serkawn thlanmual Record bu fel taka siamin Branch
Asst.Secretary-in a vawng ang.
Kan khawtlangah thisen pek ngai an awm anih chuan
Branch Secretary lehAsst.Secretary ten an buaipui
ang. Blood Group List fel taka siamin Section tinah
kawl a ni anga, thil tul leh hmalak ngai a awm anih
chuan Section O.B te nen an thawkho thin ang.
Kan khawtlang faina kawnga hma kan sawn theih
nan a K.Chawnga tu leh fate an donate K.Chawnga
Award for Cleanliness-hi, pek dan leh dawng tur
thlanna chu Branch Executive Committee-in a
ngaihtuah ang. He Award atan hian Record bu hran
fel tak siam tur a ni.
Kan khawtlang zirna kawnga hma kan sawn theih
nan a Pu Lalmama tu leh fa te donate Lalmama Award
for Academy-hi a thlang tu tur Selection Board ruat,
pek hun/pek dan tur chu Branch Executive Committee -in a ngaihtuah ang. He Award atan hian Record
bu hran fel tak siam tur a ni.

Bung-10-na
(Inkaihhruaina tih danglam)
10.1Serkawn Branch YMA Inkaihhruaina(Manual) te hi
siam that ngai,belh ngai, leh paih ngai a awm chuan
Branch Executive Committee in tul leh tha a tih hunah
a siam tha thei ang.
10.2

SYMA Inkaihhruaina

15

YOUNG MIZO ASSOCIATION SERKAWN

BRANCH
CHHIATNI/THATNI INKAIHRUAINA
Bung-1-na
(Chhiatni Thu)
1. LUMEN HUN THU:
Zan Dar 12 hmalama thi chu Lumen anga ngaih a
ni ang.
2. MITTHI AWM HRIATTIRNA:
Khawtlangah Mitthi an lo awmin PA System
atangin puanzar thuai thin a ni ang.
3. ZUALKO THU :
Zualko thuhi, Telephone/Mobile,Tv.Scroll
hmangin emaw, in hriattir emaw inhrilh chhawng
tura hriattir tur a ni ang.
4. KHUALKHUA ATANGA RUANG LO THLENG HMUAH DAN:
Khual khua atang ruang lo thleng tur a awm chuan
a hmuah dan tur leh thil tuldang te YMA hruaituten
an ruahman thin ang.
Mikhual thi ( Mizo) hlawmtu nei ,Serkawn
thlanmual a phum tur chu Khawtlanga mithi awma
kan sawngbawl dan pangngai ang kal pui tur a ni
ang.
5. BUHFAI LEH PAWISA KHAWN :
Kan khawtlangah mitthi an lo awmin Pawisa leh
buhfai khawn thin ani anga. Chhung tinah Buhfai
No (1) leh pawisa Rs. 10 khawn thintur a ni angs.
6. KHUALKHUA ATANGA RUANG LO KAL PHUM THU :
Khualkhua atanga ruang lo kal, a thih thu zing Dar
8 (8:00AM) hmaa hriat a nih a; chu mi Ni Chawhnu
Dar 2 (2:00PM) hma ngeia ruangin kan khawtlang a

16

SYMA Inkaihhruaina

lo thleng hman a nih chuan a ni vek a vui liam a ni

ang. Thil tuldang a awm a nih chuan, S.YMA, VC
leh Kohhran-in a ngaihtuah ang.
7. MITTHI VUI :
A. Zing Dar 9 (9:00AM) hma a Boralte chu a Ni in
vui ngei nise, Dar 9 (9:00AM) hnu lama Thi te
pawh, an chhungten phum an duh chuan phum
an ni ang.
B. Lumen ngai chu chhun Dar 12:00-ah vui a ni ang.
Zan Dar12:00 hnulam leh zing dar 9:00 inkar a a
thi te chu, chawhnu Dar 1:00-ah vui tur a ni ang.
C. Heng bak thil tul a awm chuan, S.YMA, VC leh
Kohhran-in a ngaihtuah ang.
8. MITTHI CHHUNGTE NGHAH THU :
Mitthi chhungte thisen zawmpui (Pi leh Pu, Nu leh
Pa, Nupui leh Pasal , Unau, Tu leh Fa) nghah ngai an
awmin en lai chhung ngei a indah fel hman ni thei
se, hemi bak chu, S.YMA, VC leh Kohhran-in a
ngaihtuah ang.
9. THLALAK THU :
Ruang thlalakpui hi a tlem thei ang ber ni se, hmeh
sawmpanga (15) aia tam lo ni thei se la, thlalakpui
tam duh chuan vui inkhawm hmain an lo in hma
khua thei ang. Thlalakpuinaah hian pangpar Sawm
(10) aia tam lo ni thei se.
10. KUANG RUANG DAH LEH RUANG LAK:
A. Kuanga ruang dah luh hi, Makpa leh
chhungkhat laina te mawhphurhna a ni a, a rem
chang lo a nih chuan YMA in hma a la thin ang.
B. Mitthi phum dawna Ruang lak hi YMA
(Thlanlaitute) mawhphurhna a ni.
11. THINGPUI LUM :
A. Mitthi lumen zan thingpui lum hi tlangvalte

SYMA Inkaihhruaina

17

mawhphurhna a ni.Mithi awmna Section te

mawhphurhna a ni ang.
B. Lumen ngai Zan Dar 10 hma lama thi chinah
chuan Relief Fund atangin Sawhchiar siam thin
a ni anga. Zan Dar 10 hnulam ani chu YMA
hruaituten an ngaihtuah ang.
C. Chhunah ruang awmlaiin Thingpui vawikhat (1)
sem a ni ang a, vui tute lo kir hunah vawikhat
sem leh a ni ang.
D. Thlanmualah thlanlaite tan thingpui lum thin tur
a ni a. Thingpui hmeh (Chhang) Relief Fund
atangin sem thin a ni ang. Section hrang hrang
ten in lum chhawk thin tur a ni ang.
12. KHAWHAR LENPUI :
Kan khawtlangah Mitthi a lo awmin, Lumen ngai
anih chuan a boral zan chhiar telin zan thum (3)
chhung hi thalaite mawhphurhnaah ngaiin, thalai
atam thei ang ber kal thin tur a ni. Lumen ngai a nih
loh chuan a ruang thlak zan atanga zan thum (3)
chhung hi thalaite mawhphurhna a ni ang. Hun
vawn chu a lawina Kohhran chan ani ang. Hun
vawng thei an awm loh erawh chuan, YMA-in hun
a vawng ang. Tin, Khawhar lenpui tan hun leh ban
hun hi hun vawngtu kutah a awm ang a, a rual
tlanga tin thin tur a ni ang.
13. KHAWHAR IN RIAH CHUNGCHANG :
Khawhar In riahhi Thalai te mawhphurhna a ni a.
Zan nga(5) aia reilo riah thin nise. Puanthuah keng
lovin khawhar inah riah a rem lovang. Khawhar
chhungten In riakte chaw eipui loh tur a ni.
14. LENGLAI THI SAWNGBAWL DAN :
Thlan mawi taka laih a ni ang a, Puandum sina
Vuiliam a ni ang (Lenglai tih hian Nupui/Pasal nei lo,

18

SYMA Inkaihhruaina

khawtlanga Nula/Tlangval tih tura la inhmang thinte a

huam ang)
15. RUANG ZUI :
Kan veng atanga ruang chhuak tur zui thuah S.YMA
hruaituten mawh an phur ang a, a tul angin Pawisa
pai thin an ni ang, tam lutukin zui thin loh ni se.
16. MIKHUAL THI PHUM DAN :
A)Mikhual (Ramdang Mi leh Hnamdang Mi) ruang
hlawmtu neilo thi an lo awmin, Local Administration Department (LAD) Thlanmualah vuiliam tura
hlan thin tur a ni. Ruanghlawmtu nei an awm chuan
Mikhual thlanmualah phum tur a ni ang. Thlan hung
pawh ruanghlawm tuten an buaipui ang. Lung leh
Balu pawh Thlanmual a mi a rate pangaiin an
hmang thei ang.
B) Mikhual ( Mizo) thi, a hlawmtu nei chu
thlanmual pangngaiah phum thin a ni ang.
17. THLAN THUT:
Hei hi khualkhua a chhungte Boral an lo awmin, an
kal theih loh avanga chhungkhat lainate lo
thutkhawm thin hi a ni a. Chutiang ni lova,
thutkhawm leh thin hi, YMA chuan tha a ti lova, tih
loh tur a ni.
18. KUANG SIAM :
A. Kuang hi inang tlang deuhva siam thin a ni ang.
Kuang chhung leh pawn tuam a ni ang a, hei
bak chu chei phal a ni lo.Mitthi Kuang tuam hian
mitthi chhung ten puan var leh puan dum an
duh zawk zawk an thlang thei ang.Duh thlan
turin Puan var leh puan dum chu neih kawp
nise. Miithi chhung ten a rang lamin puan
rawng duh zawk ti chiang tur a hriattir thin nise.

SYMA Inkaihhruaina

19

B. Department etc. ten kuang an rawn siam chuan

rinnghal a ni ang.
C. Mikhual Kuang thawnchhuah tur hi a chhung
sarang a tuam a, a pawn puan var a tuam thin
tur a ni ang.
19.
KUANG MAN :
A. Kan veng chhungah Relief Fund pe lo chhiat
tawk an awm chuan, Kuang man rate pangai lak
thin a ni ang.
B. Department Kuang tum ni si, Relief fund atanga
kan siam a nih chuan Kuang man rate pangai
lak thin a ni ang.
C. Mikhual kuang siamsak a nih chuan Kuang man
rate pangai lak thin a ni ang.
D. Ruang kalchhuak ( Relief Fund Pe) a awmin
Kuang man lak a ni lovang. Heng bak thiltul a
awm anih chuan, YMA Hruaituten an ngaihtuah
ang.
20. MITTHI AWM NI A DAWR KHAR :
Kan khawtlangah Mitthi an lo awmin vui hun
chhung hian Serkawn-a dawr zawng zawng khar
vek tur a ni.
21. HLAMZUIH :
YMA chhiatni/thatni inkaihhruaina Bung 22 (a) na
in a sawi angin, Mitthi thla 3, Ni 90(Sawmkua) chin
hnuailam Thi chu Hlamzuih a ngaih a ni ang.
Hlamzuih thi hi Hlamzuih phumna bikah chauh
phum thin tur a ni.(Rualtlang zawk a kan kal theih
nan mahni compound chhunga in phum loh hram
nithei se.)
22. THLAN SIAM :
A. Thlan hi Lung a rem tur a ni a, a rual tlang thei
ang bera rem tur a ni ang.4x7ft aia lian lo a siam
tur a ni.

20

SYMA Inkaihhruaina

B. Lungrem tur leh Balu hi YMA in Relief Fund

atanga leiin Thlanmual ah a dah ang a. A
hmangtuten an hmanna man hi Relief Committee Treasurer hnenah an pe thin ang.
C. Hlamzui thlan siam duh chuan 2ftx4ft a siam
thin tur a ni
23. THLANNGAIA IN PHUM CHUNGCHANG:Mithi chhungten an duh chuan kum 15 a ral tawh
chuan thlan ngaiah an in dah thei ang.
24. RUHRO LAK CHUNGCHANG:Serkawn thlanmual (Melte)phum tawh chu lak
chhuah phal a ni lo ang.
25. LUNGPHUN :
A)Lungphun tumte chuan a inang tlang deuha siam
tum nise. Thlan siam tur ten a hma lamin YMA
Hruaitute hriattir thin tur a ni.
B) Thlan khur pakhat ai tam phum an nih ppawhin
thlanlung pakhat bak hman phal a ni lo.
26. THLANHMUN CHUNGCHANG:A)Thlanmual hi alo felfai zawk theihnan thlanhmun
hauh phal a ni lo.
B) Sorkar dan dinglai angin Mithi chu thlanmual
ah ngei phum tur a ni a,thil tul bik aawm a nih
chuan V.C. leh YMA ten an ngaihtuah ang.
Bung-2-na
(Thatni lam Thu)
1. INNEIH SAWMNA CARD :
Ramzotlang leh Serkawn tualchhung Kohhran Coordination committee meeting Dt.31.12.2004 a neih
in a rel angin, Kohhran Dan puitlinga innei turten
an duh chuan sawmna card siam theih ni tawh se;
sawmna Card an siam pawhin siam loh pawhin

SYMA Inkaihhruaina

21

Biak Ina sawmna puan an dil chuan puan nise, an

dil loh chuan puan loh ni se; dante te hi chu tun
hmaa kan tih danin Card siam phal a ni a, Biak Inah
erawh chuan puan a ngai lo ti a thu an passed ang
hian YMA te pawhin kal pui mai nise.
2. INNEIH TUKA RUAITHEH :
Inneih tuka ruaitheh hi Serkawn huam chhungah
chuan tih loh nise, Mizoram Baptist Kohhran,
Serkawn leh S.YMA Joint Meeting thuchhuak angin
ti lui an awm chuan S.YMA leh Mizoram Baptist
Kohhran, Serkawn leh Ramzotlang bungruate hman
phal a ni lovang.
3. WEDDING CAKE :
Central YMA chuanWedding Cake hi tul lova in
senna ni a a hriat avangin tih loh theih nise YMA
chuan a duh a ni.
Bung-3-na
(YMA Member chhiatni/thatni thu )
1.

A. Chhiatni / Thatni inrelbawlna Endowment Fund

hi Member tinah khawn thin a ni ang. Endowment
Fund hi a khawn hun tur leh khawn tur zat chu
Branch Executive Committee-in a ngaihtuah thin
ang.
B. Section tin ten kan Section huamchhungah member Innei tur te aranglamin Endowment Fund Committee-ah hriattir thin tur a ni.

2. Chhiatni Thu :
A. YMA Member leh YMA Chhang Boral an awm
chuan Branch hminga Pangpar dah tur a ni.

22

SYMA Inkaihhruaina

B. YMA Member Ralna hi Pawisa fai Rs.3000 / (Sangthum) aral thin a ni anga. Ral zanah bawm
hun thin a ni anga. Rokhawlhna dang a awm
loh chuan Thalai zan hun chhungin Ral thin a ni
ang. A remchang lo anih chuan Branch O.B leh
Mitthi awmna Section O.B ten an ngaihtuah thin
ang. Ralna Programme pawh an duang nghal ang.

C. YMA chhang Ralna hi Pawisa fai Rs.1500 / (Sangkhat zanga) a ni ang. Pawisa hi Endowment
Fund atanga pek nise. S.YMA Executive Committee Member, YMA chhang Committee Member leh YMA chhang Member zawng zawng te
inhriattirin ral thin tur a ni ang. Programme leh
tul dangte chu YMA chhang Committee in a
ngaihtuah ang.
D. YMA Member boral an awmin YMA Flag a ngul
zahve (Half mast) in zar a ni anga Thlanmual
thleng YMA Flag nen zui a ni ang.
E. YMA member /YMA Chhang member
hmundanga thi an awm chuan a hmuah dan leh
buaipui ngai a awm chuan Executive Committee in a ngaihtuah ang. YMA member chu, YMA
Flag Ngul zahve a zar (Half Mast) ken a ni ang
a, Kuang pawh YMA Flag-a khuh a ni bawk ang.
F. YMA member Serkawn a thi hmundanga phum
ngai an awm chuan, Ralna/Pangpar a remchan
dan anga pek mai thin tur a ni. Serkawn-a thi tih
hian hmundanga thi, Serkawn atanga a ruang
chhuahpui pawh a huam ang.
G. YMA member hmundanga thi leh phum tur chu
Ralna thilpek hlan a ni lovang.
H. Heng bak thiltul a awm anih chuan, Branch Executive committee-in a ngaihtuah ang.

SYMA Inkaihhruaina

23

3.. THATNI THU :

A. S.YMA Member Kohhran hriatpuia Nupui/
Pasal neite chu Lawmpuina thilpek Rs.500/
(cheng Zanga) Man hu Endowment Fund
atangin hlan an ni ang.
B. S.YMA Member Kohhran Dante a innei tur te
chuan YMA hruaitute hnenah inhriattir nise,
Heng mite (Inhriattir) hi inneih lawmpuina pek
an ni ang.
C. YMA Member Serkawn- atanga Nupui/Pasal
nei lo te chu Inneih lawmpuina thilpek hlan a ni
lovang.
D. Heng bak thiltul a awm anih chuan Branch Executive committee-in a ngaihtuah ang.

1.

2.

3.

4.

Bung-4-na
(Relief Fund thu )
Relief Fund hi chhungkaw tinah khawn thin a ni
anga, a khawn hun leh khawn zat tur chu, S.YMA
Executive Committee-in a rel thin ang a. Awl tur
pawh a ngaihtuah ang. Relief Fund-hi Relief Committee Account-ah a lut nghal ang.
Kuangman/Balu man/ lungman hi Relief Committee-in tul leh tha an tih hunah an siamtha thei anga,
Executive pawmpui turin an thlen thin ang.
Mitthi awm hian Relief Fund atangin, Kuangsiam,
Gas Bur 1, Tlaivar zan sawhchiar, thlanlai thingpui
hmeh ngaihtuah thin a ni ang.
Mikhual (Mizo) hlawmtu nei, Serkawn Thlanmual
a phum tur te chu, Relief Fund atanga tih tur pangai
anga kalpui a ni ang.

24

SYMA Inkaihhruaina

Bung-5-na
(SERKAWN BRANCH YMA PROPERTY HMAN/ HAWH DAN )
1. HRIATTUR TUL TE :
A. YMA Property-hi a hming tumtu YMA ni mah
ila, chhiatni/thatni a hman leh khawtlang thil a
hman nasat anih avangin uluk taka enkawl a ngai
a. Property Committee pawhin uluk leh fel takin
enkawl a tum tur a ni.
B. YMA Property te hi Record bu fel taka siamin
ziah fel thlap tur a ni a. Record bu hi Property
Committee ten a vawng tu tur (Recorder) an ruat
ang. Recorder chuan hawh ni, hawh zat, hawh
man leh dahluh ni,chiang taka ziakin a vawng
tur a ni.
C. Mitthi awmin Property dah let leh
chungchangah Section hruaituten mawh an
phur anga, Property Committee-in an enpui thin
ang.
D. YMA Property hawh tur te chuan Property
mawhphurtu te hnenah an dil hmasa thin tur a
ni.
2. Property hman leh hawh dan :
A. S.YMA Property hi kohhran leh kan khawtlanga
pawl hrang hrang( Political Party tel lo)te chuan
a thlawnin an hawh thei ang.
B. S.YMA Property hi veng dangin an hawh
chhuak anih chuan khawchhunga hawh man let
zel a ni ang.
C. S.YMA Property hi hawh laia a bo chuan a thar
man chawi emaw a thar a rulh tur a ni ang. A
chhia anih chuan a siam man a hawh tuten an
tum tur a ni.

SYMA Inkaihhruaina

25

D. S.YMA Property hi dah rualin a hawh man pek

tur a ni. A hawh duh te chuan Property chairman/Secretary te hnenah hian lakchhuah dawn
leh dah dawnah hriattir tur a ni. YMA Property
hawh ten nikhat aia rei an hawh chuan, hawh ni
leh dah ni chhiar tel a ni lovang.
E. S.YMA Bungrua te hi thihna thuah Ni sarih (7)
kawl theih a ni a. Hmang chhunzawm duh chuan
Property mawhphurtu te hnenah hriattir tur a
ni.
F. S.YMA-in Gas bur Pathum kan neih hi, Relief
& PropertyCommittee ten an enkawl ang.
G. S.YMA Member inneihna atan bungrua an hman
chuan a thlawnin an hmang thei ang.
H. S.YMA Property-te hi Section leh Committee
peng ten Property Commitee remtihna/
hriatpuina in an hawh thei ang.
I. S.YMA Property hawh man hiRelief & Property
Committee in a siam thin anga, Branch YMA Executive Committee-ah pawmpui turin an thlen
thin ang.
J. Property Room a dah chiloh YMA Property
hengte hian an kawl ang.
Guiter
- Asst.Secretary
Computer& Printer:- Secretary/
Asst.Secretary
YMA Flag
- Asst.Secretary

26

SYMA Inkaihhruaina

Bung - 6-na
(HRIATTUR PAWIMAWH DANGTE )
1. PEM LEHKHA :
Central YMA-in Pem Lehkha a siam nei lote chu
Serkawnah In luah tir loh tur a ni a. In neituten In
an luahtir dawnah YMA hruaitute hriattir thin tur a
ni. YMA hruaitute hriattir hmasa lova In luah tirte
chuan an In luah tu ten chhiat an tawk a nih pawh
in YMA Bungrua an hmang thei lovang.
2. RAMDANG MI LEH HNAMDANG MI :
Serkawn khawchhungah Ramdang Mi leh
Hnamdang Mi Dan ang lova awmte tan hmun a
awm lo tih hria ila. Chutiang mi te chu In/Ram luah
tir lo turin kan inngen a. Ram hralh thuah pawh,
Ramdang Mi leh Hnamdang Mi te hnenah hian lei
tir loh tur a ni.
3. SPONSORSHIP :
Hnamdang Mi Sponsor tuten YMA leh VC-ah
hriattir tur a ni a. Inner Line Permit (ILP) Xerox Copy
YMA leh VC-ah an theh lut tur a ni.

Bung - 7-na
(INKAIHHRUAINA TIH DANGLAM THEIH DAN)
S.YMA chhiatni/Thatni Inkaihhruainadan
siamte hi a tul angin S.YMA Executive Committee
Meeting-in a ti danglam thei ang.