Synfocity = 560

Synod Information & Publicity Department, Synod Office (Third Floor), Mission Veng, Aizawl

www.mizoramsynod.org

mail us at : mzsynfo@gmail.com; mizoramsynod@gmail.com - Phone - 2314648

29 th October, 2015

Pastoral Committee vawi 8-na a thu

October 28, 2015 (Nilaini) khan Synod Office-a JM Lloyd Hall-ah Synod Pastoral Committee vawi 8-na a thu a.
Meeting hi Rev. Lalrinmawia, Synod Moderator-in a kaihruai.
He Meeting hian Synod Inkhawmpui 2015 atana inbuatsaihna thil pawimawh tam tak a khawih a, thu pawimawh
hlawm lian tak tak 11 a ngaihtuah a ni. Thu ngaihtuah zingah hian Pro Pastor lak zat tur te, Bial thar hawn leh Bial
siam rem chungchang te, Presbytery hawn chungchang te, kum 2016-a Pastoral Ministry thupui tur thlan te, Pro.
Pastor Exam subject ennawn chungchang te chu a langsar zual an ni.
Secretary Reports atanga a lan danin kumin (2015) chhung hian minister thi 3 an awm a, an vai hian pensioner an
ni. Synod 2014 General 52-in a rel angin hun rei tak Vijayanagar hmuna Pastor hna thawk tur zawn anih hnuah
Vijayanagar-a cheng Pu Lalrinsanga chu training neih tir a ni a. Training a zawh hnu hian OM memberten amah
kawmin Kohhran leh rawngbawlna chungchangte sawipui a ni a, Sacramet rawngbawlna leh inneihtir theihna
License pek a ni a, tunah hian hlawh nei lovin rawngbawlna a kalpui mek a ni.
Synod Inkhawmpui atana Synod Department hrang hrangte inruahman lawkna Committee hi October 19, 2015
atang khan neih tan niin Pension Board an thu a, October 21, 2015-ah Sunday School Committee a thu a, October
22&23, 2015 khan Mission Board Committee a thu leh a, October 26, 2015-ah Theological Education Board, Oct.
27, 2015 khan Hospital Board Committee an thu a, vawiin (Oct. 29, 2015)-ah Education Board, October 30, 2015ah SL&PB Committee an thu leh ang. November thla chhungin Board leh Committee chi 4 an la thu leh bawk ang.

Rb.H Kirloskar Hruaina Eng Quiz

Synod Information & Publicity Department (Synfo) in rampum huap Kohhran Pavalai Pawl te puala quiz a buatsaih
chu October 22, 2015 khan Synod Office-ah Elimination Round (Written Exam) neih a ni a, hetah hian hming pe lut
kohhran 108 atangin kohhran 99 aiawh ten Written Exam hi an hmachhawn a, First Round-ah a ti tha 50 chin lak
an ni. Tun tum quiz hi main sponsor atan Rb.H Kirloskar hman a ni dawn a, quiz hmingah pawh Rb.H Kirloskar
HRUAINA ENG QUIZ tih a ni.
November 5, 2015 (Ningani) zanah Zosaphluia Hall, Mission Veng-ah First Round intihsiakna neih tur a ni a, a tan
zan hian quiz hawnna hun tawi hman a ni ang. Quiz a tel turte First Round-a inel dan tur hetiang a ni :
November 5, 2015 (Ningani) :
Hmunthar Kulikawn, Khatla East, Tlangnuam South, Ramhlun North, Zemabawk Vengthar (Group 1)
Hunthar, Luangmual, Chanmari West, Electric Veng (Kolasib), Dawrpui (Group 2)
November 6, 2015 (Zirtawpni) :
College Veng, Thenzawl Vengthlang, Mission Veng, Ramhlun Vengthlang, Mission Vengthlang (Group 1)
Bethlehem Venglai, Chaltlang, Ramhlun Venglai, Tuikhuahtlang, Saron Veng (Group 2)
November 10, 2015 (Thawhlehni)
Kulikawn Vengthlang, Ramrikawn, Chhinga Vengthlang, Leitan South, Dinthar Vengthlang (Group 1)
Bawngkawn East, Laipuitlang, Venghlui, Durtlang North, Dinthar (Group 2)
November 12, 2015 (Ningani)
Aibawk, Durtlang, Nursery Veng, Electric Veng(Aizawl), Salem Veng (Group 1)
Ramhlun Vengthar, Sakawrtuichhun, Bualpui N, Model (Lengpui), Bawngkawn (Group 2)
November 13, 2015 (Zirtawpni)
Kolasib Diakkawn, New Serchhip Peniel, Zarkawt, Laitan, Tuithiang (Group 1)
Dawrpui Vengthar, Tlangnuam, Chanmari West Hmar Veng, Bethlehem Vengthlang, Tlangnuam West (Group 2)

Masihi Sangati Convention vawi 29-na a tiak ta

October 23 - 25, 2015 chhung khan Masihi Sangati Convention vawi 29-na Bethlehem Kohhran Biak Ina neih chu
tluang taka neih a ni.
Masihi Sangati Convention-ah hian mikhual riak lut 2020 an ni a, langa kal 4445 an awm bawk. Mikhual zinga 100
te hi Mizoram pawn atanga lokal te an ni. Masihi Sangati Convention-ah hian thupui chu Taksa thu lungkham suh
u tih a ni a, Speaker Rev. R.K. Lalawmpuian ngaihnawm takin a sawi thin a, palaiten an dawngsawng tha hle.
Inkhawm chhung hian ringlote counseling neih pui thin an ni bawk. He Convention chhung hian ringthar baptisma
chang 72 lai an awm a ni. Convention chhung hian inkhawm pangngai bakah Cultural Programme te Zaikhawmpui
te buatsaih a ni a, palai ten an hlut hle. Tunah hian Masihi Sangati Fellowship hi Aizawl khawpui chhungah 84 an
awm a, khawpui pawn lamah 77 lai an awm tawh bawk.

Synod-in chhawmdawlna pe
Tun hnaia harsatna hrang hrang neite hnenah Synod Relief Fund atangin chhawmdawlna hetiang hian pek an ni.
S.No Khua
Pek chhan
Chhungkaw zat
Chhawmdawlna pek zat
1. Muallungthu
Damlo/Rethei
1
Rs. 8,000/2. Luimawi
Rethei
1
Rs. 8,000/TOTAL
Rs. 16,000/-

Missionary Training College

October 14 - 19, 2015 chhung khan Tahan-ah Presbyterian Church of Myanmar General Assembly chuan Missionary
leh Pastor te tan Mission Training a buatsaih a. He programme-ah hian Resource Person atana an rawn sawm
angin Rev. Dr. C. Lalhlira, Principal, Aiawl Theological College leh Rev. Dr. K. Lalrinkima, Principal, Missionary
Training College te an kal a. Ni 17th October zan atang hian Kohhran hrang te tlawhin tuilian tuar te an tlawh bawk
a. Kohhran hrang hrang an tlawhnaah hian Kohhran Committee ten Chawhlui te an kilpuiin an lo dawng sawng tha
hle a ni. Tahan Theological College pawh tlawhin Rev. Dr. C. Lalhliran Devotion ah thuchah a sawi a, Rev. Dr.
K.Lalrinkiman Special lecture a pe bawk.

Music
October 28 & 29, 2015 chhung hian Pullen Kohhranah Khuangvuak Training neih a ni a, hemi hun hmanpui hian
Pu Lalromawia, Senior Music Instructor leh Tv. Lalduhsanga, Dam Veng an kal.
Contd,..

Synod Information & Publicity Department, Synod Office (Third Floor), Mission Veng, Aizawl

Kohhran Hmeichhia
October 28 & 29, 2015 chhung hian Halflong-ah PWF Workshop & Consultation neih a ni a, hemi hun hmanpui hian
Central Kohhran Hmeichhe Commmittee member mi 16 an kal.

KTP
w October 26, 2015 (Thawhtanni) khan Central KTP Committee an thukhawm a. Thu ngaihtuah zingah Branch
leh Bial hrang hrang 5 atanga CKTP hruaitute sawmna leh Synod Choir sawmna 3 a tel a. PCI Kolkata Church-in
November 20-22, 2015 chhunga an Kohhran tlawh tura Synod Senior Executive Secretary bakah CKTP Gen.
Secy. Upa Zonunmawia leh Synod Choir te an sawmna chu Synod Officers Meeting-in a lo remtih tawh a ni a,
CKTP Committee chuan tihhlawhtlin ngei a tha a ti a. Meeting-ah hian 2016 KTP Gen. Conference vawi 56-na Zai
hruai sub committee leh Transport sub committee ruahmanna thlir a ni a, Synod Choir music video album siam
mek ruahmanna te ngaihthlak a ni bawk. CKTP Committee chuan Gen. Conference-a bus hman chungchangah
Aizawl City Bus Owners Association (ACBOA) te nena inbiakna neih leh tha a ti a, Synod Choir music video album
chu KTP Gen. Conference 2016-a tlangzarh hman tura hma lak zel ni se, a ti bawk.
w Mizoram Synod Choir (2014-2016) Music Video pahnihna "Yahweh" (single) chu October 27, 2015 (Thawhlehni)
zan khan Choir Cabin, Synod Conference Centre-ah Synod Executive Secretary i/c KTP Rev. P.C. Pachhungan
Pathian hnenah hlanin a tlangzarh.
Synod Choir hian Music Video Album siam tumin hma an la chho mek a, tunah hian hla 7 chu audio recording peih
fel a ni tawh a, music video 2 an siam tawh a, video shooting an neih chhunzawm ang. An music video hmasa zawk
"Lalthutthleng kiangah" tih chu April 17, 2015 khan CKTP GS Upa Zonunmawian Pathian hnenah hlanin a lo tlangzarh
tawh a, tunah hian a pahnihna 'Yahweh' chu hlan leh tlangzarh a ni leh ta a ni. Synod Choir music video Album hi
nakkum KTP General Conference (Champhai)-ah tlangzarh a ni ang. Zanin music video hlannaah hian ES tawiawmtu
CKTP Gen. Secy. Upa Zonunmawia chuan zaipawl te fuihna thu sawiin, tih takzeta rawngbawlna kalpui a tul thu a
sawi a, 'tawngtai tam leh inlungrualna a pawimawh', a ti a. ES Rev. P.C. Pachhunga chuan, "Pathian faka mawi taka
zai a pawimawh rualin a ngaithlatute thinlung thleng pha khawpa zai a pawimawh a, inngaihtlawmna puan sina
rawngbawl a pawimawh bawk", tiin zaipawl te fuihna thu a sawi bawk.
w October 30, 2015 (Zirtawpni) khan Thenzawl Venglai Branch Diamond Jubilee neih a ni a, hemi hun hmanpui
hian Dr. Lalliansanga leh T.Upa Lalthangvunga Sailo te an kal.

Synod Bookroom
w Nov 2, 2015 (Thawhtan) zan hian Synod Bookroom chuan Dam Veng Branch KTP sawmna angin Literature Nite
an hman tur-ah Bookroom lamin an bungruate pho chhuakin Special Sales a hmunah an nei nghal ang. Bookroom
lam atangin Pu Lalthlanchhuaha, Pu Joseph Lalrammuana, Pu VL Zothanmawia, Pu Lalchhanchhuaha Fanai, Tv.
Laltlanzova te leh Hqtrs Showroom-a thawkte an kal ang a, Pu Lalniliana, Manager, Synod Bookroom hnen atangin
Pathian thuchah ngaihthlak a ni bawk ang.
w Synod Bookroom-ah lehkhabu thar a thleng leh ta e - Hringnun zawhna ril, Mizoram zirna siamthat, Luka leh
Thelka-i, Nitin Lalpa nen, Thlarau indona, Lalpa berampu Sermon 25, Lalpa Kut, Sermon Bu, Thurin sawm, Philippi
chhuizauna, Lalber zunleng, Chhungkaw hlutna leh thiltihtheihna, Pathian thu tak then dikna, Thukhawchang Bu 6na, Ka suangtuahna khawvel, Naupangte leh rinawmna, Sheela, Mangang au rawl, Lalngo tah ka bang dawn lo,
Zawlkhawpui, Ulusury chhawrthlapui.

Hruaina Eng FM Radio & TV Programme

w OCTOBER 30, 2015 (FM ZOAWI AIZAWL @ 7:30 P.M.):
Solo : Baby Malsawmtluangi - Mamawh chhanna, Solo : Mawitei - Ka thlang ber zel ang che, Thusawi : Rev.C.
Lianhmingthanga - Pathian Lehkhabu tangkaina, Solo : Ruatdiki - enna nunnem, Solo : MAGGIE - Isu engla,
Solo : Lalduhsaki - Aw Lal Pathian
w OCTOBER 30, 2015 (FM LUNGLEI @ 7:30 P.M.)
Solo : Baby Malsawmtluangi - Mamawh chhanna, Solo : Mawitei - Ka thlang ber zel ang che, Thusawi : Rev.C.
Lianhmingthanga - Pathian Lehkhabu tangkaina, Solo : Ruatdiki - enna nunnem, Solo : MAGGIE - Isu engla,
Solo : Lalduhsaki - Aw Lal Pathian
w NOVEMBER 1, 2015 (Tv Programme) @ 3:00 p.m) :
Weekly Round Up, Masihi Sangati Convention 2015 (Fellowship)

Susamachar Prasaran Programme

w NOVEMBER 1, 2015 (Pathianni) 5:00 pm.:
Group/Choir/Solo : Diphu Pastorate Choir - Lang tha sining, Group/Choir/Solo : Himali Kohhran Zaipawl - Isu
Mash tere Jeisa Koii Nahi, Sermon : Rev S.B. Gurung - Samai Ka Sudh Upyog, Group/Choir/Solo : Chanmari
Masihi Sangati - Mukti Dilai, Group/Choir/Solo : Republic Veng Masihi Sangati - Chalo mere sath

Moderator Programme
Synod Moderator Rev.Lalrinmawia chuan tunkar tawpah hetiang hian hun a hmang ang :
w October 31, 2015 (Inrinni)
Zan
- Rawngbawltu Seminar, Meidum Kohhran, Pangbalkawn Bial
w November 1, 2015 (Pathianni)
Chawhma - Chhimluang Kohhran, Pangbalkawn Bial
w November 1, 2015 (Pathianni)
Chawhnu - Pangbalkawn Hmar Veng Kohhran, Pangbalkawn Bial
w November 1, 2015 (Pathianni)
Zan
- Pangbalkawn Kohhran, Pangbalkawn Bial

SYNOD REVIVAL HRIATTIRNA

Synod Revival Speaker a tang duh tan dil theih a ni leh ta a, dil duhte tana hriat tur tul te chu hetiang
hi an ni.
1. Dilna form chu Synod Revival Office-ah lam theih a ni.
2. Dilna chu November 15, 2015 (Pathianni) ral hmain Synod Revival Office-ah thehluh tur a ni.
3. November 23 & 24, 2015 chhungin Interview neih tur a ni ang.
Director
Synod Revival
Synod Social Front Helpline: 9089777129;
Tuai & Patil
: 8729800130;
MailHelpline
us at : mzsynfo@gmail.com,
Students Helpline :mizoramsynod@gmail.com
9856883377

Synod Information & Publicity

Phone - 2314648

Synfo