Simon Juleovenz L.

Garnace

Ika-30 ng Agosto, 2016

Filipino V C Bb. Gina A. Caete

Supercentenarian
Isinulat ni Ramon M. Bernardo

Ikaw-29 ng Mayo, 2016 - 12:00am

SUPERCENTENARIAN pala ang tawag sa mga tao na mahigit sa 110 taon na ang edad. Centenarian
kung nasa pagitan ng 100 at 110 taong gulang. Ito ay batay sa mga nababasa ko.
Gayunman, itinuturing nang pinakamatandang tao sa daigdig sa kasalukuyan ang babaeng Italyano na si
Emma Morano na ipinanganak noong Nobyembre 29, 1899. Kasalukuyang naninirahan sa Verbania, Italy,
minana ni Morano ang trono mula sa Amerkanang si Susannah Mushatt Jones na namatay noong Mayo
12, 2016.
Ayon sa isang ulat mula sa website ng Time, 116 year at 169 days old na ang edad ni Morano nang
makapanayam siya noong Mayo 14, 2016. Tatlong century ang dumaan sa kanyang buhay. Ibinahagi
niya sa isang hiwalay na panayam na isang sikreto ng mahaba niyang buhay ang pagkain ng tatlong hilaw
na itlog araw-araw pero ito ay dahil sa rekomendasyon ng kanyang duktor noong siya ay tinedyer pa para
labanan ang sakit niyang anemia. Nanatili siyang single mula nang makipaghiwalay siya sa kanyang
asawa noong 1938. Hindi na siya nag-asawa dahil ayaw niyang merong nagdodomina sa kanyang buhay.
Ang pagiging single ang isa sa itinuturing niyang dahilan kaya humahaba ang kanyang buhay.
Sinasabi sa isang artikulo sa Wikipedia na tinatayang umaabot sa 600 ang aktuwal na mga
supercentenarian na nabubuhay pa sa mundo sa kasalukuyan pero walang katiyakan sa aktuwal nilang
bilang dahil hindi naman lahat ng mga supercentenarian ay umaabot sa kaalaman ng mga mananaliksik
at ang ibang mga napapaulat na supercentenarian ay hindi naman nabeberepika.
Samantala, ayon sa isang pag-aaral ng mga scientist sa Boston University na sumaklaw sa 1,055
centenarian, nasa lahi ng isang tao ang itinatagal ng kanyang buhay. Merong espesyal na genes sa
katawan ng mga centenarian na nangangalaga sa kanila laban sa mga sakit. Nasa lahi nila ang
mahabang buhay.
Ayon naman sa ibang scientist, lumilitaw sa naturang pag-aaral na isang paborableng genes lang ang
kailangan para matamo ang mahabang buhay. Gayunman, kapag anya natukoy kung anong genes ang
nakakapagpahaba sa buhay ng mga centenarian, magagamit ito sa pangangalaga laban sa mga sakit ng
pagtanda.