PAMAGAT : PAGKONSUMO

Mga Layunin :

Sa katapusan ng araling ito, ang mga mag-aaral ay inaasahang :

1. Nailarawan ang mga uri ng pagkonsumo.

2. Naipaliwanag ang mga epekto ng pag-aanunsyo sa pagkonsumo.

3. Natukoy ang mga salik ng pagkonsumo.

4. Naipagtanggol ang mga karapatan ng isang mamimili .

5. Naisa-isa ang mga katangian ng isang matalinong konsyumer.

6. Nabigyang halaga ang pagiging mabisa ng mga batas ukol sa proteksyon ng

mga mamimili.

Nilalaman

1. Mga uri ng pagkonsumo

2. Epekto ng pag-aanunsyo sa pagkonsumo

3. Mga salik ng pagkonsumo

4. Karapatan ng mga mamimili

5. Katangian ng isang matalinong konsyumer

6. Mga batas na nagbibigay proteksyon sa mga mamimili

Lecture

MGA URI NG PAGKONSUMO

Pagkonsumo ang paggamit ng isang bagay o serbisyo na makapagbibigay

ng kasiyahan sa mamimili. May apat na uri ng pagkonsumo :

1. tuwirang pagkonsumo pagkonsumo na tuwirang tumutugon sa

pangangailangan ng tao. Halimbawa : pag-inom ng tubig, kapag nauhaw

2. produktibong pagkonsumo ang paraan ng paggawa ng isang produkto

upang makagawa ng isang produkto upang makagawa ng iba pang
bagay

Halimbawa : Ang paggamit ng tela at sinulid sa paggawa ng damit

3. maaksayang pagkonsumo ang paggamit o ang pagbili ng produkto upang

matugunan lamang sa kagustuhan ng tao. Halimbawa : Ang paggamit ng
ilaw na hindi naman kinakailangan; ang pabayang paggamit ng tubig na
hinahayaang tumulo mula sa gripo.
4. mapanganib na pagkonsumo ang pagbili at paggamit ng produkto ay
banta sa kalusugan ng tao. Halimbawa : ang labis na paninigarilyo,
paglalasing at paggamit ng droga

EPEKTO NG PAG AANUNSYO SA PAGKONSUMO

Maraming dahilan kung bakit bumibili ng produkto ang mamimili at

marami ring paraan kung bakit naaakit silang bumili ng produkto.

Tinatawag

na pag-aanunsyo ang paraan nito upang hikayatin ang mga konsyumer na

tangkilikin ang isang produkto.Maaaring gamitin ang bandwagon na

nagpapakita ng dami ng tao na tumatangkilik sa produkto, testimonial o

pag-

eendorso ng mga produkto ng mga kilalang tao at ang paraang brand o

pagpapakilala ng katangian ng produkto.

Ang magagandang salita na ikinakabit sa ipinakikilalang produkto ang

dahilan ng pagbabago sa pagkonsumo ng tao.Nadaragdagan ang binibiling

 produkto ng tao bunga ng pag-aanunsyo.Nakakatulong ang pag-aanunsyo
sa

mga mamimili at mga prodyuser ngunit nagiging daan ito upang magkaroon
ng

masamang epekto sa mga mamimili

MGA SALIK NA NAKAKAIMPLUWENSYA SA PAGKONSUMO

1. Presyo ay ang halaga na katumbas ng isang produkto o serbisyo.Ito ang

unang inaalam ng tao kung gustong nyang bilhin ang produkto o serbisyo
ayon sa budget kung kayang bilhin ang produkto o serbisyo batay sa presyo nito.

2. Panggagaya ( Imitation ) Sinasabing ang mga Pilipino ay great

imitators.Mahilig tayong bumili ng mga produkto na nakikita natin sa
iba.Kapag nakita natin ang isang kaibigan na gumamit ng isang produkto,
hinahangad natin na makagamit din nito.

3. Panahon Ang pagkonsumo ay iniaayon natin sa mga produktong binibili sa

kasalukuyang panahon.Halimbawa, sa panahon ng tag-ulan, mas mabili
ang mga paying at jacket kaysa tag-araw, at mas nais ng tao na mag-swimming pag
tag- araw kaya mabili ang swimsuit.

4. Pagpapahalaga ng Tao Ang tao na nagpapahalaga sa pagtitipid ay

nagtitimbang-timbang muna ng mga bagay bago ito bilhin. Higit na
prayoridad ang pagbili ng mga pangunahing pangangailangan kaysa sa mga luho.
Sinisigurado niya na magiging kapaki-pakinabang ang mga produktong
bibilhin ng perang pinagpaguran.
5. Pag-aanunsyo Sa pamamagitan ng mga magagandang salita na ginagamit
dito, ay nakukuha ang atensyon at interes ng tao na bilhin ang isang
produkto at serbisyo. Sa tulong ng pag-aanunsyo ay nadaragdagan ang dami ng
produktong bibilhin.

6. Kita Batay sa Engels Law of Consumption ni Ernst Engel, isang

ekonomistang Aleman, malaking porsyento ng kita ng tao ang inilalaan sa
pagkonsumo ng mga pangunahing pangangailangan, tulad ng pagkain. Ngunit
kapag ang kita ay lumaki, ang porsyentong inilalaan para sa pagkain ay
hindi kasinlaki ng inilalaan para sa pagkonsumo ng ibang produkto na
bahagi ng kagustuhan ng tao.

MGA KARAPATAN NG MGA MAMIMILI

Binibigyan ng proteksyon ng pamahalaan ang mamimili sa pamamagitan ng

pagkilala sa kanyang mga karapatan tulad :

1. Karapatan sa maayos at malinis na kapaligiran dapat ang

kapaligiran ng pamilihan, tindahan, kantina at iba pa ay malinis, maayos,
at kaaya-aya para sa kasiyahan ng mga konsyumer at para sa kaligtasan mula sa
mga sakit.

2. Karapatan na magtamo ng kaligtasan ang mga binibiling mga pagkain ay

dapat ligtas sa mga epekto ng Foot and Mouth Disease ( FMD ), cyanide,
red tide, at iba pang sakit ng mga hayop at pagkaing dagat.Dapat ipaalam sa
publiko ang ganitong sitwasyon upang maiwasan ang pinsala ng konsyumer.

3. Karapatan sa pagpili may kalayaan ang mga konsyumer na pumili ng gusto

nyang produkto. Sabi nga customer is always right. Ang patakaran
na no return, no exchange ay din a pinatutupad para sa kapakanan ng mga
konsyumer.
4. Karapatang magkaroon ng edukasyon ang mga konsyumer ay dapat bigyan
ng pagkakataon na dumalo sa mga seminars, pagpupulong, at
pagsasanay para maging matalinong konsyumer.

5. Karapatang magtatag ng organisasyon ang pagtatatag ng mga samahan ng

mga konsyumer ay mahalaga upang may mangangalaga at magbibigay ng
proteksyon sa mga konsyumer kung sila ay magiging biktima ng pang-aabuso at
pagsasamantala ng mga negosyante.

6. Karapatan sa tamang impormasyon ang pag-alam sa mga sangkap ng

produkto, presyo at expiration date ay karapatan ng mga
konsyumer.

7. Karapatan na magkaroon ng pangunahing pangangailangan ang

pagkakaroon ng sapat na supply ng mga produkto, maayos na serbisyo, at
makatarungang presyo ay dapat siguraduhin upang matamo ng mga konsyumer
ang kasiyahan at matugunan ang kanilang mga pangangailangan.

MGA KATANGIAN NG MATALINONG KONSYUMER

1. Mapanuri bago bilhin ang isang produkto, matiyagang sinusuri ang lahat ng
bahagi ng isang produkto.Pinag-aaralan ang sangkap, presyo, timbang , at
expiration date ng produkto at inihahambing sa iba upang malaman ang
kapakinabangang makukuha.

2. Hindi nagpapadala sa anunsyo ang kalidad ng produkto at ang

kapakinabangan na matatamo sa pagbili ng produkto ang isinasaalang-alang
at hindi ang pag-aanunsyo ng produkto na kung saan kilalang tao ang ginagamit sa
pag- eendorso.
3. Hindi nagpapadaya ang matalinong konsyumer ay lagging
alerto,mapagmasid, aktibo, at handa na labanan ang mga maling gawain
ng mga tinder at negosyante.

4. Makatwiran mahalaga ang bawat sentimo n gating pera,kaya sinisiguro ng

bawat konsyumer na kapaki-pakinabang ang mga binibiling produkto.
Masusing tinitingnan ang kalidad at presyo ng produkto dahil sa limitado ang
budget sa pamimili. Iniisip din ang kasiyahan na matatamo sa pagpili at
pagbili ng produkto.

5. May alternatibo kailangang marunong humanap ang konsyumer ng

alternatibong produkto na makatutugon din sa kanyang
pangangailangan.Halimbawa, kung ang dating binibili na isda ay kulang ang supply
sa pamilihan, hahanap sya ng kapalit nito.

6. Sumusunod sa budget ang isang konsyumer ay hindi nagpapadala sa

anunsyo at popularidad ng produkto na may mataas na presyo. At
hanggat maaari ay iniiwasan ng tao na mangutang para pantustos sa kanyang
pamimili.

7. Hindi nagpa-panic buying ang matalinong konsyumer ay hindi nababagabag

sa artipisyal na kakulangan ng mga produkto sa pamilihan. Alam nya
ang ganitong kalagayan ay pansamantala lamang na umiiral.

MGA BATAS NA MAGPOPROTEKTA SA MGA KONSYUMER

1. Batas Republika Blg.3542 ( Nagtatag ng National Grains Authority )

Ang National Grains Authority ay itinatag ng pamahalaan upang mamahala sa

pagbili ng mga inaaning palay at bigas ng mga magsasaka at ipagbili ito sa
mga konsyumer sa murang halaga.Ang gawaing ito ay ginagampanan ng National
Food Authority ( NFA) sa kasalukuyan. Sinisiguro din ng ahensyang ito ang
pagkakaroon ng sapat na supply ng bigas at pagkain sa bansa.

2. Batas Republika Blg. 71 ( Batas sa Price Tag )

Ang paglalagay ng price tag sa mga paninda ay mahigpit na ipinatutupad

para ma-monitor at mabantayan kung tama ang presyo ng mga produkto ayon
sa bansa.

3. Batas Republika Blg. 3740 ( Batas sa Pag-aanunsyo )

Ang pag-aanunsyo ng mga pekeng produkto ay mahigpit na ipinagbabawal ng

batas na ito.

4. Artikulo 1546 Kodigo Sibil ng Pilipinas(Batas sa Pagbebenta)

Ang batas na ito ang nagbibigay garantiya sa mga konsyumer na walang

nakatagong pinsala at depekto ang mga ibinebentang produkto.
Ang sira, depekto, at pinsala ng mga produkto ay hindi dapat itago sa mga
konsyumer.

5. Artikulo 188 Binagong Kodigo Penal (Batas sa Trademark)

Mahigpit na ipinagbabawal ng batas na ito ang panggagaya o paggamit ng

tatak, lalagyan at pambalot, at pangalan ng mga rehistradong
produkto at kompanya.

Mga Gabay na Tanong :

1. Ipaliwanag ang kaugnayan ng kita sa pagkonsumo?

2. Kailan nagiging mabuti at di mabuti ang epekto ng pag-aanunsyo sa mga
mamimili?

3. Bakit kailangang matalino sa pamimili?

4. Naniniwala ka ba sa kasabihang, " the customer is always right? " Bakit?

5. Bakit mahalagang bigyang pansin ng pamahalaan ang mga karapatan ng mga

konsyumer?

6. Mas kailangan bang pagbutihin ang pagkonsumo kaysa produksyon upang

umunlad ang bansa?

7. Bakit maliit na porsyento ng gastusin ng pamilyang Pilipino ang napupunta sa

edukasyon?

8. Bakit sa kabila ng pagbabawal at pagbebenta at pagbibili ng mga produktong

peke o imitasyon ay marami pa ring bumibili nito?

9. Makakatulong ba ang konsepto ng opportunity cost sa pagpili upang maging

matalinong mamimili? Bakit?

10. Kung ikaw ay bibigyan ng pagkakataong bumili ng isang auction sale, alin sa
mga sumusunod ang iyong bibilhin? Ipaliwanag ang sagot.

a. bahay at lupa

b. lupang sakahan

c. kotse

d. mga aklat

e. alahas

Mungkahing Gawain:

GAWAIN 1

Panuto : Iranggo ang mga katangian na dapat taglayin ng isang matalinong

konsyumer. Isulat ang 123hanggang
 10.

_____ Matipid

_____ Mapanuri

_____ Mareklamo

_____ Mabait

_____ Mapagkakatiwalaan

_____ Mahilig manggaya

_____ Madaling kausapin

_____ Mabusisi

_____ Mapamaraan

_____ May konsensya

GAWAIN 2

Panuto : Bumuo ng pie chart upang ipakita ang pagkonsumo ng

 inyong pamilya.Gawing batayan ang mga sumusunod bilang ba-

tayan ng paghahati-hati na ang magiging kabuuan ay 100%.

pagkain

tubig/kuryente

damit

edukasyon

transportasyon

pangangailangang medikal

renta sa bahay ( opsyunal )

paglilibang

GAWAIN 3

Panuto : Ano ang iyong gagawin sa mga sumusunod na sitwasyon:

a. maling anunsyo

b. marumi at hilaw ang sangkap ng produkto

c. maling etiketa

d. walang kalidad sapagkat mura ang halaga

e. kulang sa timbang ang nabiling produkto

PAGSUSULIT :
 Panuto : Piliin ang tamang sagot . Isulat ang titik lamang sa patlang

______ 1. Ang pagkonsumo na may dagling pagtugon sa panganga-

ilangan.

a. produktibo b. maaksaya c. tuwiran d. mapanganib

______ 2. Ang paggamit ng isang bagay o serbisyo na

makapagbibigay kasiyahan sa mamimili.

a. pagkonsumo b. pamimili c. produksyon d. pagtitipid

______ 3. Ito ay ang paggamit ng mass media upang hikayatin ang

mamimili na bumili ng produkto.

a. programa b. propaganda c. pag-aanunsyo d. pelikula

______ 4. Ang halaga na katumbas ng isang produkto o serbisyo.

 a. kita b. kayamanan c. presyo d. investment

______ 5. Ipinababawal ng batas na ito ang panggagaya

o paggamit ng tatak o paggamit ng tatak,lalagyan,

pambalot, at pangalan ng rehistradong kompanya.

a. trademark c. pag-aanunsyo

b. pagbebenta d. tag price

II. Pag-uuri. Isulat ang titik T kung tuwiran; P produktibo; M

maaksaya; MP mapanganib.

______ 1. Pag-inom ng gatas bago matulog

______ 2. Paggawa ng mga paso mula sa mga sirang gulong ng

sasakyan

______ 3. Labis na pag-inom ng alak at pagkagumon sa droga

______ 4. Pagbili ng maraming sapatos upang ipagmalaki sa

 kaibigan at mga kabarkada

______ 5. Paghahabi ng tela upang gawing damit

______ 6. Panonood ng telebisyon at pakikinig sa radio

______ 7. Paggamit muli ng mga papel

______ 8. Paggamit ng kahoy sa pagkumpuni ng mga silya

______ 9. Pagbili ng softdrinks dahil mainit ang panahon

______10.Pagdidilig ng halaman kahit umuulan

III. Analohiya : Punan ng tamang salita upang mabuo ang

paghahambing.

1. katangian ng produkto : brand name; dami ng bumibili : _____________

 2. pagbili ng produkto : pagkonsumo ; paglikha ng produkto :
_____________

3. balat ng hayop : produktibo ; bawal na gamot : ____________

4. pagtangkilik ng mga produkto buhat sa sariling rehiyon/lalawigan ;

rehiyonalismo : kaisipang ipinagmamalaki ang pagbili ng
banyagang produkto ( imported ):____________

5. Artikulo 1546 : Batas sa Pagbebenta ; Artikulo 188 : _____________

IV. Sanaysay

1. Alin ang higit na kailangang pagbutihin upang umunlad ang bansa, ang
pagkonsumo o ang produksyon? Patunayan?

2. Bakit maliit na porsyento ng gastusin ng mga pamilyang Pilipino ang

napupunta sa edukasyon?

3. Sa kabila ng mga batas at ahensya ng pamahalaan na nagbibigay

proteksyon sa mga konsyumer, bakit marami pa rin ang nabibiktima
ng maling produkto at serbisyo?

4. Dapat bang maniwala at magtiwala sa mga pag-aanunsyo ng isang

produkto o serbisyo? Anu-ano ang kabutihan at di kabutihang
idinudulot nito sa mga konsyumer at mga prodyuser?
5. Naniniwala ka ba na, the customer is always right.Ipaliwanag?