NATHANNIEL B.

ALFONSO
BSAR 4E

ANG MGA LIHIM NG PAMILYA

NI RIZAL

Walang pamilya ang perpekto. Bawat pamilya ay may lihim na itinatago. Ang
dokumentaryo ni Howie Severino na pinamagatang Ang Lihim ng Pamilya ni Rizal
ay nagpapatunay lamang na kahit ang ating pambansang bayani ay hindi rin naiiba
sa iilan sa atin. Kataka taka ang ginawang pananaliksik sapagkat noong panahong
bago mamatay si Rizal, gumuhit siya ng isang Family Tree na kung saan kumpleto
ang mga pangalan ng mga Mercado at tila putol naman ang sangay ng mga Alonzo.
Isa ring naging usapan dito ang kumalat na relasyon ni Jose Maria at ng kanyang
pamangkin na si Saturnina. Isang nakakahiya nga namang bagay kung
mapapatunayan ang mga pangyayari, idagdag pa natin ang pagkabuntis ni
Saturnina. Nagpaka layo layo sina Saturnina at ang aknyang ina na si Teodora Alonzo,
at nang bumalik na sila ay kasama na nila si Soledad, ang naging bunso daw ni
Teodora Alonzo. Nakakapagtaka dahil sa lahat ng magkakapatid, si Soledad ang nag
aangkin ng kagandahan ng isang Mestiza (Mestizo si Jose Maria ). Isa pang naging
lihim patungkol sa pamilya ni Rizal ay ang pagiging bastarda ng kanyang ina ni
Teodora. Ito marahil ang dahilan kung bakit hindi tumira sa mansyon ng mga Alonso
si Rizal.

Ayon sa dokumentaryong isinagawa, ang mismong mansyon ng mga Alberto

ay tuluyan nang pinabayaan. Araw araw, isa isang binabagbag ang mga
makasaysayang mga materyales na ginamit sa paggawa ng mansyon at
pinagpasyahang itoy pagtatayuan ng isang bahay- kapehan. Tunay nga namang
nakapanghihinayang na mismong mga tao ay wala man lang pagpapahalaga sa mga
natitirang pira-pirasong bahagi ng naging kasaysayan ng kanilang pagka- Pilipino.
hindi man lamang kinikilalang isang Landmark sa Laguna dahil nga sa mga kumalat
na lihim ng Pamilya ni Rizal. Sa kabila ng mga ito, bilang isang magaaral sa kurso ng
Arkitektura, kahit ano pa man ang naging masamang nakalipas ng mansyong ito,
dapat lamang itong kilalanin bilang isang National Landmark dahil minsang nanirahan
din dito si Teodora Alonso at malaki ang naging papel ni Teodora Alonzo sa buhay ng
ating bayani. Bilang ina, sya ang humubog sa pagkatao ni Rizal, siya ang naging
unang guro ni Rizal, at isa pa, isa sya sa mga naging inspirasyon ng atingbayani
upang ipagpatuloy ang paglaban at pagtanggol sa ating bayan at sa kapwa Pilipino.

Sa kabila ng pagiging bastarda ni Teodora, para sa akin, may karapatan din

siya sa nasabing mansyon. May malaking kontribusyon ang mansyon sa naging
kasaysayan ng Pilipinas. Sa pagtatapos ng dokumentaryo, sumagi sa aking isipan na
mahirap mabuhay sa kasinungalingan. Walang mali kung isiwalat natin ang ating
mga ikinahihiyang mga lihim. Hindi naiiba sa marami sa atin si Rizal. Siya ay isa ding
ordinaryong tao, na nanggaling din sa isang ordinaryong pamilya. Ang Lihim ng
Pamilya ni Rizal ay isang patunay lamang na hindi kinakailangang manggaling muna
tayo sa isang pamilyang may magandang reputasyon o may kaaya aya at nagtatagal
na relasyon na kung saan ang lahat ng nangyayari ay laging nakaayon sa atin.
Walang perpektong tao. Walang perkpetong pamilya. Walang perpektong buhay.
Pero kahit sino ay maaring maging bayani.