Você está na página 1de 12

See

discussions, stats, and author profiles for this publication at: https://www.researchgate.net/publication/283479419

Uma lulik iha Timor-Leste (matenek


tradisionl arkitetoniku no pratika)

Chapter January 2012

CITATION READS

1 1,015

1 author:

Alberto Fidalgo Castro


University of Braslia
17 PUBLICATIONS 23 CITATIONS

SEE PROFILE

Some of the authors of this publication are also working on these related projects:

Timor Runguranga View project

Uma lulik research project View project

All content following this page was uploaded by Alberto Fidalgo Castro on 04 November 2015.

The user has requested enhancement of the downloaded file.


UMA LULIK IHA TIMOR-LESTE
(matenek tradisional arkitetoniku no pratika)
Husi Alberto Fidalgo Castro

2
Dok : Haburas Foundation

U
luknain hau sei esplika tansaida mak hau hili tema matenek tradisionl iha kon-
testu uma lulik nian ba artigu ida nee. Hau-nia peskiza sira iha Timor-Leste
komesa iha tinan 2007 mai too agora hamutuk ho ekipa husi Universidade da
Corua. Peskiza sira nee nia tema barak, ida kona-ba duni uma lulik sira iha distrito
Ainaro no Likis. Peskiza ida nee halo husi ekipa Universidade da Corua/ALGA, hamu-
tuk ho Sekretara Estadu ba Kultura nian no Haburas Foundation. Husi peskiza ida nee
hakerek ona livru ida ho naran As uma lulik do distrito de Ainaro neeb sei publika iha
2011 nia laran.

Dadu sira neeb hau aprezenta iha nee hetan iha momentu halo peskiza uma lulik nian
(fulan-Novembro 2009 too fulan-Janeiro 2010) ho tan peskiza dadauk hau halo hela
kona-ba ritual sira-nia relasaun ho Ekonoma (komesa iha fulan-Setembro 2010 mai too
agora).

Uma lulik ho matenek tradisional: definisaun provisoria


Tuir hau-nia hanoin ita tenki haree uluk tiha ba artigu ida nee nia ttulu mak foin bele
hakat ba kestaun seluk. Tan ida nee hau sei esplika tuirmai nee saida mak hau hanoin
kona-ba termu sira hanesan uma lulik ho matenek tradisionl.
Uma lulik
Kona-ba termu uma lulik
ita bele koalia naruk liu,
maib tanba hau-nia in-
tensaun laos espesfiku
ba ida nee hau sei f
deit definisaun proviso-
ria neeb sei uza iha
apresentasaun ida nee.
Hau uza termu uma lu-
lik hanesan represen-
tasaun simbliuku ida
husi uma lisan ida. Nia
Dok : Haburas Foundation
hanesan smbolu ba uma
lisan ida no ba uma lisan seluk neeb iha relasaun direta ka indireta ho nia (hanesan sira-
nia fetosaa ka umane). Nia arti katak uma lulik hanesan smbolu ida ba familia boot ida,
ba ninia istria: nia hun, nia abut, nia sanak sira.

Bainhira ita koalia kona-ba uma lulik ita-nia hanoin kona ba aspekto rua. Ida maka uma
lulik hanesan mos konstruksaun materil ida, neeb ita sei bolu parte materil. Se karik
ita haree ba uma lulik sira hanesan konstruksaun ida, ita bele hatete katak nee uma ida 3
neeb halo ho materiais naturais deit hanesan ai-hun, au, ai-kabelak, tali, tali metan sira
nee ho seluk-seluk tan. Bainhira ita haree uma lulik sira liu husi parte materil nee, ita
bele dehan katak uma nee uma simples ida no nia diferensa ho uma seluk-seluk neeb
halo iha rai-seluk ladn barak (porezemplu rumah adat sira iha Indonesia hanesan Flores
ka Timr Loromonu neeb).

Se karik ita haree ba uma lulik iha nia parte inmateril, nee mak uma lulik iha Timor-Leste
nian la hanesan ho uma sira seluk iha rai-seluk. Parte inmateril inclui serimnia ho ritual
sira, istria uma ninian, ho ema nia fiar ba uma lulik ida (porezemplu hanesan uma biru
ida). Uma lulik hanesan mos senario ida hodi adora fatuk ho ai, ho fatin ba ema husi uma
lisan ida hodi komunika ho sira-nia beiala sira.

Matenek tradisionl
UNESCO define ona matenek tradisionl hanesan koesementu, prtika ho representa-
saun lubun ida neeb tutan ho dinmiku. Matenek ida nee rezultadu neeb simu tutan
mai husi povo -nia istria ho nia relasaun ho natureza. Koesementu sira nee iha
1.
Doutorandu husi Universidade da Corua (UDC), membru Asosiasaun Luso-Galega Antropolojia Aplikada nian (ALGA).
Hetan bolsa-estudu husi Ajnsia Espala nian ba Kooperasaun Internasionl ba Dezenvolvimentu (MAE-AECID) hodi
halao nia peskiza ba doutoramentu nuudar profesr investigasaun sientfika nian iha Universidade Nasionl Timor Lorosae
(UNTL). Bele kontakta nia iha: afidalgo@udc.es
relasaun ho lian, relasaun sosil, fiar ho kosmovisaun. Baibain matenek tradisionl mos
nia nain maka komunidade sira.2

Matenek tradisionl laos buat ida simples maib buat ida neeb involve buat hotu, nia
hanesan universo simbliku ida (Berger y Luckmann, 1995). Iha nee hau sente katak sei
presiza klarifika termu ida nee.

Saida mak universo simbliku?


Universu sim-
bliku hanesan
estrutura ba
signifikadu sira
neeb ema uza
hodi koko espli-
ka tans mundu
nee mak hane-
san nee duni
no mos tans
mundo nee la-
bele oin-seluk Dok : Haburas Foundation
4
fali (Berger & Luckmann 1995).3

Liu husi universo simbliku sira mak ema bele esplika dbida no mos lia-husu neeb iha
relasaun ho fenmenu sira (inclui fenmenu natural ho sosil hotu). Universo simbliku
iha barak, laos ida deit. Iha siensia nia laran universo simbliku mos iha hotu, metenek
tradisionl Timor-Leste mos hanesan universo simbliku seluk fali. Ida nee la signifika
katak ida tebes no ida fali sala ka bosok. Rua nee nia funsaun maka buka komprende no
esplika fenmenu sira.

Hau sei f exemplu ida hodi esplika fenmenu natural ida naran baur. Kuando ita hare ba
lalehan, dala ruma ita bele hetan baur ida mosu. Se karik ita esplika baur liu husi siensia
nia signifika maka fenmenu ptiku no meteorolgiku neeb mosu mai bainhira loron nia
raiu sira kona udan-turun sira neeb iha hela iha rai nia atmosfera. Maib se ita esplika
liu husi matenek tradisionl, nia signifika oin-seluk. Timoroan balu fiar katak bainhira
baur ida tun ba mota ka rai-maran nia hanesan nain ida neeb hamrook, ba hemu bee.
Tuir ema hatete ba hau, bainhira akontese ida nee baur nakfila-an ba tuna (se karik nia
tun ba bee) lae samea (se karik nia tun ba rai maran). Bainhira ida nee akontese ona nia
arti katak fatin ida nee nain iha ona. Se ida nee akontese iha bee-matan ida karik nia la
naran maran, maski bailoron boot no bee-matan seluk maran tiha nia la maran ida. Nunee
bainhira ema ba fatin hanesan nee, se karik sira hetan samea ida ka tuna ida sira la oho
tanba lulik. Nia hanesan rai-nain ka bee-nain ida. Se oho karik ema fiar katak nia f asr
hanesan sai bulak, lae mate.4
Kauza balu neeb halakon matenek tradisionl
Ohin loron matenek tradisionl barak lakon tiha-ona. Hau bele hatoo exemplu ida husi
hau-nia esperinsia rasik bainhira halo peskiza. Iha momentu hau buka hela relasaun
siklu produksaun ekonmiku tradisionl ho matenek tradisionl hau husu ba ema barak
kona-ba fulan jentiu sira-nia naran ho sira-nia signifika. Komesa husi tinan 2007 mai too
agora hau hetan tetun terik ninian deit. 5 Hau nunka hetan resposta kompleta ho lian seluk
mai too agora. 6 Balu sei hanoin-hetan fulan ida ka rua nia naran, maib sira nunka hatete
tinan tomak nia fulan sira-nia naran hotu kedas. Uluk antroplogu ida mai halo peskiza iha
Timo-Leste hakerek duni fulan sira-nia naran kompletu tanba ema Timor sei uza hela

(haree Forbes 1884). Agora ema uza deit fulan neeb mai husi lian-portugus (fulan-
Fevreiro, fulan-Maro, ho seluk-seluk tan), fulan-jentiu sira nee la uza ona.
Matenek tradisionl nia lakon akontese tanba kauza barak. Ida mak istria Timor-Leste
nian. Se ita haree ba istria bele hetan informasaun neeb sei hatudu katak destruka-
saun uma lulik ho matenek tradisionl nia lakon komesa akontese ona bainhira por-
tugues sira tama Timor (haree de Castro 1867). Maski hanesan nee ita bele hatete katak
tempu neeb matenek tradisionl lakon makaas liu maka skulo XX nia laran. Akontese
pelo menos dala haat:
1. Iha 2 Guerra Mundial nia laran (fulan-Fevreiro 1942 too fulan-Janeiro 1943). Momen-
tu ida nee Japaun mai okupa Timor ho ema Timor 40.000 mate. Situasaun ida nee
5
halakon patrimoniu no matenek barak neeb iha mos relasaun ho uma lulik.
2. Funu-Sivl (1974). Iha momentu peskiza bainhira ami husu ba lia-nain sira hodi-bain-
hira maka sira-nia uma aat, balu hatn katak akontese duni iha momentu Funu-Sivl.
Sira hatete katak maun-alin oho malu, sobu ka sunu sira-nia uma lulik. Akontesemento
ida nee ema barak tauk f-hatene sai tanba too ohin balu sei laran-moras hela. Ema
balu hatete katak tanba ida-idak kaer partido ida-idak mak sira ba hasoru malu, sai
oho malu. Balu mos hatete katak ema faan partido sira-nia naran hodi subar sira-nia
hanoin aat (hanesan mos istria malu entre fetosaa-umane ho problema seluk-seluk
tan).
3. Invasaun ho okupasaun indonesia (1975-1999). Iha tempu indonesia nia laran, uma
lulik ho kultura no matenek tradisionl barak lakon tiha, liuliu iha momentu rua: ida mak
momentu Indonesia tama mai Timor, ida fali mak tempo milisia sira (1999) (McWilliam
2005: 1).
Akontesemento iha tempu funu halakon matenek tradisionl barak loos. Tanba matenek ida
nee laos aprende iha eskola maib aprende rona husi inan-aman, f no simu matenek
2
Hau-nia tradusaun.
3
Informasaun ida nee hetan husi ema Turiskai ida.
4
Katuas lia-nain Eugenio Sarmento mak hatete ba hau.
Hau husu tiha-ona fulan sira-nia naran iha lian-mambai Aileu ho Ainaro ninian; lian-tokodede iha Likis ho tan lian-bunak iha
Ainaro. Dala ruma hau husu mak la loos ka hau sidauk hetan ema neeb hatene duni ida nee mak la hetan too oras nee.
Maib ida nee hatudu katak ema barak mak haluha ona, nunee matenek tradisionl ida nee atu lakon lae lakon tiha ona.
husi jerasaun ba jerasaun. Kuandu ema ida mate maib sidauk f matenek ida nee ba
jerasaun foun, nee koesementu ida nee lakon ona, labele hetan fila fali.

Maib dadauk nee matenek tradisionl barak nia preservasaun sei iha perigu hela, balu
mos lakon tiha-ona.Tansaida mak hanesan nee se rai mos hela? Tuir hau-nia hare kauza
balu neeb aprezenta tuirmai mak iha influensia boot ba ida nee:
1. Mudansa sosil. Agora ema barak hela ona iha sidade o vila sira nee. Ema barak si-
ra-nia serbiso la iha relasaun ona ho natureza. Sira la depende ona ba agrikultura hodi
han lor-loron, sira la kuda rasik sira-nia ai-han. Ten ida nee sira-nia presiza hodi halo
serbisu laos hatene buat barak kona-ba halo toos maib dala ruma aprende ingris,
portugus ka informtika. Buat nee halo ema barak la iha tempo ona hodi aprende
matenek tradisionl tanba tenki buka moris. Mudansa sosil mos muda matenek nia
arti hotu. Tan ida nee nia signifika ho nia prtika muda tiha ona, oin-seluk ona. Ezem-
plu boot neeb hatudu ida nee mak prtika barlake nian. Uluk ema la hanoin katak
f barlake hanesan sosa feto maib f nia folin, nia dignidade. Ohin loron liuliu iha
parte sidade- komesa mosu ona diskursu neeb dehan katak barlake hanesan sosa
feto. Ida nee akontese tanba nia signifikadu muda tiha ona.
2. Transmisaun matenek tradisionl husi jerasaun tuan ba jerasaun foun. Katuas
ho ferik sira mate tiha, la iha ema ida atu lori sira-nia matenek tradisionl. Sira la f
tutan ba jerasaun foun. Nee akontese dala barak iha tempo funu maib dadauk nee
6
mos sei akontese hela.

Se-se deit mak kaer matenek tradisional?


UNESCO hatete katak baibain
matenek tradisionl nia nain mak
komunidade. Maib tuir hau-nia
haree ema hotu nia hatene kona-
ba matenek tradisionl la hane-
san. Maski ema barak bele hatene
matenek tradisionl, iha sosiedade
hotu-hotu sempre iha ema ruma
neeb hatene liu duk ema seluk
kona-ba buat ruma. Ema sira nee
hanesan ema espesialista.
Hodi esplika klean liu ita bele kom-
para ema rua. Ema ida hela iha foho Husi : Gil Gamukai
ho nia buka moris liuliu husi toos ho natar. Ema ida seluk fali hela iha tasi-ibun ho nia buka
moris liuliu husi peska (nia peskadr ida). Nunee ema neeb hela iha foho sei matenek
liu duk ida hela iha tasi-ibun kona-ba halo toos ho natar. Maib ema neeb hela iha tasi-
ibun mos nia sei matenek liu duk toos-nain ohin kona-ba hakail-ikan. Ida nee hanesan
exemplu simple ida hodi hatudu katak matenek iha mos influensia husi adaptasaun ba
meiu-ambiente.

Dok : Haburas Foundation


Iha mos ema neeb hela iha fatin ida deit maib sira-nia matenek tradisionl la hane-
san. Ida nee ita labele esplika liu husi meiu-ambiente tanba sira hela iha fatin ida neeb
hanesan no mos sira-nia arti hodi buka moris haesan deit. Ida nee mos iha influesia husi
estrutura sosil ho knaar sosil ida-idak nian. Ema nee hanesan espesialita ba parte ida.
Nunee ema bolu sira bainhira presiza. Ema espesialista balu mak hanesan karpinteiro,
7
lia-nain, xefe suku, mediku, katekista, mestre ka antroplogu. Sira hotu bele hela iha fatin
ida deit no bele buka moris hanesan hotu deit (porezemplu kaer toos ho natar); maib
sira-nia matenek la hanesan, ida-idak ninian. Nee mak bolu dehan espesialista.

Ita bele kompara ho Igreja hodi komprende klean liu tan. Ita hotu sarani maib iha Igreja
nia laran ema la hanesan, ida-idak ho ninia knaar. Porezemplu: ema neeb ba misa hodi
harohan ba Maromak, sira-nia knaar ba Igreja la hanesan ho amu sira-nian. Se ita atu
baptiza karik, amu sira mak bele baptiza ita laos ita mak baptiza-an. Ezemplu ida nee bele
kontinua badadaun: amu sira-nia knaar la hanesan ho amu-bispo sira-nian, amu-bispu
sira-nian la hanesan ho kardenl sira-nian, kardenal sira-nian la hanesan ho amu-Papa
ninian. Ita hamutuk maka forma Igreja maib iha Igreja nia laran ida-idak ho ninia knaar.

Kona-ba matenek tradisionl nee espesialista iha hotu, tanba nia kompostu husi parte oin-
oin. Nunee la iha ema ida neeb bele kaer matenek tradisionl hotu kedas tanba nia inklui
buat barak. Iha nee ita bele hatoo ezemplu husi espeialista balu neeb matenek kona-ba
uza ai-moruk tradoisionl ka siik ema moras (matan-dook). Ema baibain ho matan-dook
hatene hotu katak bainhira uza ai-moruk ita-nia moras bele kura. Maski nunee, sei iha
diferensia entre matenek matan-dook nian ho ema baibain nian: matan-dook hatene uza
ai-moruk ho siik ita hodi kura ita maib ema baibain barak mak la hatene nia arti. Nunee
ba matenek ai-moruk tradisionl nianmatan-dook sira hatene liu duk ita ema baibain.
Sei iha espesialista seluk-seluk ba matenek tradisionl hanesan sira neeb hatene konta
istria uma lisan ida ninian (lulik-nain, lia-nain ka makoan), ba rezolve problema (tesi lia-
nain), ba asiste feto isin-rua hodi tuur-ahi (daia), no seluk tan.

Halo nus maka ema ida bele sai hanesan espesialista ida? Nia hetan matenek ho
kbiit ida nee liu husi neeb? Tuir Eller hatete (maski nia koalia kona-ba espesialista
relijiozu) espesialista sira-nia matenek bele hetan husi treinamentu, aprende iha sira-nia
moris rasik, erda, simu husi poder espiritul, ho sst. (Eller 2007: 72).
Atu buka ezemplu ba ida nee ita bele haree dala ida tan ba Ireja Katolika nia laran. Mane
ida atu sai padre nia tenki tuir treinamento iha seminariu. Iha neeb nia hola matenek hodi
sai padre durante tinan hirak nia laran. Padre balu mos hatete katak atu sai padre sira mos
iha vokasaun, sira sente katak Maromak bolu hodi ba ba serbisu ba Igreja. Liu husi ezem-
plu ida nee ita bele hatudu katak padre sira hetan sira-nia matenek hanesan espesialista
religiozu liu husi treinamentu no mos liu husi poder espiritul (Maromak).

Se ita buka ezemplu tradisionl Timor-Leste nian bele haree ba matan-dook sira. Se ema
foin-sae ida hakarak sai matan-dook nia bele hetan matenek husi ema matan-dook ida.
Nia bele tuir nia, rona nia, hodi aprende matan-dook nia arti. Bele mos hanesan aman
ida f tutan ba nia oan, nee hanesan erda rikusoin ida neeb f tutan husi jerasaun ba
jerasaun.

8 Ezemplu ida tan husi Timor-Leste maka rai-nain sira (ema rai-nain, sira neeb kaer bua
ho malus). Sira mak iha kbiit espiritul hodi komunika ho rai ka bee. Nunee sira mak
halao ritual hanesan bolu udan, horok (tara bandu) ho seluk-seluk tan. Sira-nia kbiit mai
husi sira-nia uma lisan tanba sira hanesan uma lisan primeiru iha fatin ida (sira-nia ab
beiala moris-mai husi rai ka sira mak ba hela uluk tiha iha rai ida nee). Sira mesak mak
bele halao ritual hanesan nee iha sira-nia fatin, ema seluk husi uma lisan seluk labele.
Maib akontese hotu katak husi uma lisan ida bele f kbiit ida nee ba uma lisan seluk fali
(hanesan sira-nia fetosaa, umane ka maun-alin sira). Se sira halo hanesan nee uma lisan
seluk iha dereitu ona hodi halaa ritual, tanba sira mak f.7

Liu husi ezemplu rai-nain nian ita hatudu katak atu sai espesialista iha mos regra no
prosesu neeb tenki halo tuir hodi hetan matenek (ka kbiit/dereitu) ida nee. Se ita fila
lais ba ezemplu padre sira-nian ita bele haree katak sira-nia regra balu hodi sai padre iha
hotu hanesan: tenki ema katliku ida neeb kumpre ona sakramentu sira hanesan sarani,
konfeza, komuaun ho krisma; mane sira mak bele sai padre, feto labele; labele kaben
(selibatu) no seluk-seluk tan.
Ema baibain sira-nia matenek tradisionl mos la naran f-hatene sai ba ema-seluk. Se
ita haree ba peskadr sira bele haree katak sira kaer metin sira-nia matenek kona-ba
hakail-ikan ka tiha hanesan rikusoin ida. Sira hatene tempu neeb mak sira bele hetan
ikan barak husi haree klima. Sira mos hatene fatin sira neeb ikan barak. Matenek ida
nee hanesan segredu ida neeb sira la f-hatene sai tanba sira-nia moris depende ba
ida nee. Se karik sira f tiha ba ema seluk sira bele lakon boot. Hanesan Enrique Alonso
hatete kona-ba peskadr sira iha rai-Galicia: erda rikusoin neeb importante liu laos rai
[...] maib matenek ho segredu ba halao sira-nia serbisu (Alonso Poblacin: 221). Ida
nee signifika katak matenek tradisionl iha mos relasaun boot ho ekonoma no mos katak
ema sira neeb kaer matenek iha mos ida-idak ninia interese (Berger & Luckmann 1995:
161).

Ida nee hau hatoo hodi hatudu katak matenek tradisionl nee nia nain laos komunidade
(hanesan UNESCO hatete) maib ema ka grupu balu neeb haree ba sira-nia interese.
Matenek balu nia nain bele istitusaun sosil ida (hanesan uma lisan ida), ka ema ida
(hanesan espesialista ritual).

Matenek tradisionl uma lulik nian.


Uma lulik nee hanesan istitusaun sosil neeb hamriik iha kultura Timor-Leste nia klaran.
Nia iha relasaun ho buat barak. Tan ida nee labele define deit liu husi nia relasaun ho
familia, ekonoma, ukun ka fiar. Nia hanesan fenomenu sosil total (Marcel Mauss) tanba
Iha relasaun ho buat hotu. Ukun iha realasaun ho uma lulik, buras (ema ka rai nian) iha
relasaun ho uma lulik, adora iha relasaun ho uma lulik, lia-moris ka lia-mate iha relasaun
ho uma lulik... Nunee ita atu hetan matenek tradisionl neeb espesfiku deit ba uma lulik
sei buka la hetan.

Maski nunee, se ita buka ezemplu matenek tradisionl balu neeb iha relasaun ho uma 9
lulik nia arkitektura bele hola husi espesialista hanesan badaen (Barros Duarte 1975: 2-3).
Badaen sira mak kaer konstruksaun uma lulik nian. Sira mak hatene uma lulik nia dezeu
ho materil sira. Sira mak hatene halo no ema seluk neeb ba tuir serbisu ba harii uma
lulik tuir nia. Sira mos hamutuk ho lulik-nain no lia-nain sira hodi harii uma lulik ida. Sira
hatene uma nia prosesu konstruksaun, inklui rituais sira neeb tenki halo. Se ita hakarak
hatene material sira neeb ema uza hodi harii uma lulik ida bele husu ba badaen sira.
Porezemplu duut sada mak uza ba uma nia kakuluk (hanesan duut manu-lai), ai sada
mak uza ba halo ai-riin ho ai-kabelak sira (hansan ai-bubur ka ai-kakeu), sada mak sira
uza hodi kesi uma nia parte sira (tali metan, au-kulit) no seluk-seluk tan. Maski ita bele
hanoin katak badaen iha deit relasaun ba uma nia parte materil, iha hotu relasaun ho nia
parte inmateril.

Se karik ita haree ba nia parte inmateril ita bele hola matenek tradisionl uma lulik nian
liuliu husi espesialista sira hanesan lia-nain, lulik-nain, makoan ka ema neeb hein uma.
Ida nee la signifika katak ema seluk la iha matenek ba uma lulik maib espesialista sira-
nian mak klean liu. Liu husi matenek ida nee bele haree ba uma nia istria no ai-knanoik
neeb iha relasaun ho Timo-Leste nia mitu, legenda no istria orl sira. Bele mos haree

7
Ida nee akontese dala barak iha tempo portugus nia laran ho liurai sira-nia dereito hodi ukun. Uma lisan ida neeb iha
dereitu f ba uma seluk hodi lori ukun nee. Nia kauza mos barak loos maib ema hatudu katak liuliu tanba balu matenek no
balu beik mak foin f (ida la hatene lian-portugus mak f ba ema husi uma seluk neeb hatene).
ba uma nia funsaun iha estrutura sosil tradisionl hanesan ukun no bandu, uma biru
(funu-nain sira ba simu biru), uma adora nian, no sst.

Maski nunee, atu hola matenek tradisionl hodi proteje no promove patrimoniu no matenek
tradisionl kona-ba uma lulik nian ita tenke halo didiak no mos ho respeitu. Se iha grupo
ka ema ruma neeb kaer metin matenek tradisionl maib sira lakohi f-hatene sai labele
obriga tanba ida nee halo parte ba ema ho grupo sira-nia dereitu. Hanesan ita hatete ohin
ona, matenek tradisionl balu hanesan rikusoin ba ema, familia ka grupu ida. Se ita obriga
sira hatete nee sira bele sente ba la diak. Nee hanesan ema naok-teen ba naok ema-nia
rikusoin. Tanba ida nee ita presiza f-hanoin uluk tiha ba ema neeb kaer metin matenek
tradisionl prontu atu registra hodi preserva matenek tradisionl atu loron ikus labele sai
lakon tiha.

Mantenek tradisionl balu neeb iha relasaun ho uma lulik balu mos lulik hotu. Katuas ho
ferik barak konta istria ba hau maib barak loos konta mak sorin balu deit. Sira hatete
katak istria sira nee hanesan segredu ida ba sira-nia familia, ema liur labele hatene.
Sira-nia iis atu kotu ona, sira senti ba labele ona mak foin fistria nee ba uma nia oan
sira. Nunee, bainhira ita atu foti informasaun ida nee tenki halo ho respeitu ba ema sira
no mos labele obriga atu konta.

Maski hetan informasaun uma lulik nian sempre kusta, hau sente katak ita tenki f pri-
oridade ba foti informasaun kona-ba matenek tradisionl husi parte inmateril nian tanba
10
ema barak neeb kaer metin matenek ida nee oras nee katuas ho ferik ona. Sira mate
tiha infromasaun nee bele lakon, labele hetan fila-fali. Se karik lia-nain ida mate la f
tutan nia matenek ba ema seluk, nee hanesan taka tiha biblioteca ida. Ema labele hola
matenek ida nee ona.

Konkluzaun
Ikusmai hau aprezenta sujestaun balu neeb tuir hau-nia haree bele ajuda hodi proteje,
promove ho difunde matenek tradisionl kona-ba uma lulik nian.
1. Halibur dokumentus neeb iha tiha ona kona-ba uma lulik. Materil kona-ba uma
lulik iha barak ona maib ema barak la iha asesu hodi hetan. Materiais balu rai hela iha
uma privadu no mos sira-nia kondisaun ladn diak ona. Ida nee, tuir hau-nia haree,
knaar Biblioteka Nasionl nian. Bele mos trads dokumentu balu neeb hakerek ho
lian seluk ba lian nasionl sira hanesan tetun ho portugus. Ho tetun bele promove
uma lulik iha Timo-Leste nia laran. Ho lian-portugus bele hatudu Timor-Leste nia riku-
soin ba nasaun CPLP nian.
2. Promove peskiza kona-ba uma lulik no mos prepara ema hodi halao peskiza. F
tulun ba peskizadr sira ba halo peskiza kona-ba uma lulik. Se halo arkivu digital ida ho
dukumentu sira kona-ba ida nee, ema barak sei bele hetan. Ba parte ida nee impor-
8
Entrevista ho Nuno Silva Gomes (UNTL / INL) 15/04/2011.
tante hotu atu promove uza internet hodi aprende uza website sira neeb dokumen-
tos iha tiha ona (hanesan website akadmiku sira nee). Tuir hau-nia haree, ida nee
mos iha relasaun ho poltika edukasaun nian. Disiplina diak ida neeb halao peskiza
kona-ba kultura mak Antropolojia. Maski antroplogu timoroan iha tiha-ona, sira nee la
barak ida. Tan ida nee hau sujere katak presiza promove timoroan sira ba tuir univer-
sidade antropolojia nian hodi mai halo peskiza kona-ba sira-nia kultura rasik.
3. Promove matenek tradisionl no prtika tradisionl neeb diak. Hanesan ita
hatoo ona iha artigu ida nee, matenek tradisionl nee laos buat ida simple mai-
b kompostu husi parte barak. Husi nia bele aprende buat barak neeb bele aplika
ba desenvolvimento nasaun
nian. Ida nee la signifika kat-
ak matenek tradisionl hotu
kedas diak deit. UNESCO
hatete katak matenek tradis-
ionl tenki kahur ho matenek
sientfiku hodi hetan diak.
Nee loos duni!... Maib tuir
hau-nia haree ita tenki kon-
sidera matenek ho pratika tra-
disionl nia parte poltika ho
moral bainhira promove sira. 11
Se karik ema balu ka grupu
balu uza matenek tradisionl
hodi halo buat aat, tuir hau- Dok : Haburas Foundation

nia haree labele f tan tulun ba sira. Matan-dook sira-nia diak mak bele kura ema,
maib matan-dook balu sira-nia aat mak bele mos koa ema hotu. Matenek kona-ba
ai-kulit mos halo parte ba matenek tradisionl maib se karik ema uza matenek ai-kulit
nian hodi fekit ema seluk... ita atu f tan tulun ba sira kona-ba sada nian? Se matenek
no prtika tradisionl ajuda hodi proteje meiu-ambiente nee buat diak, maib se karik
ema balu faan matenek tradisionl nia naran hodi halo tuir sira-nia hakarak, la kumpre
lei proteje meiu-ambiente nian no estraga nia... nia diak iha neeb?
4. Halo sentro interpretasaun kulturl uma lulik nian. Tanba ita hatene katak ema
barak hakarak hatene uma lulik nia arti se karik harii sentro kulturl uma lulik nian bele
esplika ida nee. Nee mos iha relasaun ho ekonoma, turismo ho desenvolvimento. Iha
sentro interpretasaun kultura nian ema neeb matenek duni kona-ba matenek tradis-
ionl (hanesan grupu conselho dos lia-nain) bele tama ba serbisu no sira bele sente
katak sira-nia matenek nee iha folin. Ida nee bele foti sae kultural Timor-Leste nia
valor. Ema turista sira mos bele ba iha neeb hodi hetan informasaun kona-ba kultura
Timor-Leste nian. Ida nee mos projektu ida neeb nia impaktu ba uma lulik orijinl sira
la sai hanesan fatin turistuku ida neeb bele halakon sira-nia identidade.
REFERENSIA
Alonso Poblacin, E. F. 2010. Riesgo, Cultura y Trabajo. Un Estudio de Caso de la
Pesca en Galicia, PhD Thesis, Universidade da Corua.
Barros Duarte, J. 1975. Casa Turi-Sai -- Un tipo de casa timorense, Garca de Orta,
Serie Antropologa. Revista da Junta de Investigaoes Cientficas do Ultramar, 1975, 2
(1-2), 1-34
Berger, P. L. & Luckmann, T. 1995. La construccin social de la realidad, Buenos Aires,
Amorrortu Editores, Edisaun ba dala 13 (edisaun ho lian-espaol ba dala uluk iha 1968).
Bourdieu, P. 1993. Los Ritos como Actos de Institucin, iha Honor y Gracia, husi J. Pitt
Rivers & J. G. Peristiany, Madrid, Alianza, 1993. pp. 111-123.
de Castro, A. 1867. As Possesses Portuguezas na Oceania. Imprensa Nacional.
Eller, J. D. 2007. Introducing Anthropology of Religion. Culture to the Ultimate, Novaiorke,
Routledge.
Forbes, H. O. 1884. On Some of the Tribes of the Island of Timor, The Journal of the
Anthropological Institute of Great Britain and Ireland, 1884, 13, 402-430.
Grate Castro, L.A. & de Assis, C (Eds.) 2010. As uma lulik do distrito de Ainaro, A
Corua, Secretaria de Estado da Cultura de Timor-Leste.
12
Grate Castro, L.A. 1998. Los sitios de la identidad. El Bajo Mio desde la antropologa
simblica, Universidade da Corua, A Corua.
Grate Castro. L.A. & Pena Castro, M. J. 2010. As Uma Lulik de Ainaro. Identidades
Sociais e Rituais em Timor-Leste, AECID.
Geertz, C. 1983. Local Knowledge, Novaiorke, Basic Books.
Hicks, D. 2008. Afterword. Glimpses of Alternativesthe Uma Lulik of East Timor, Social
Analysis, 2008, 52, 166-180.
Jornal da Repblica, Srie I, N. 46. Quinta-Feira, 9 de Dezembro de 2010: DECRETO-
LEI N. 22/2010 de 9 de Dezembro, Lei Orgnica do Ministrio da Educao.
McWilliam, A. 2005. Houses of Resistance in East Timor: Structuring Sociality in the New
Nation Anthropological Forum, 2005, 15:1, 27 44.
Pena Castro, M. J. 2006. Vivir na histria. Antropoloxa do patrimonio urbano en Noia,
Toxosoutos, Noia.
Traube, E. G. 1986. Cosmology and Social Life: Ritual Exchance among the Mambai of
East Timor. The University of Chicago Press.
UNESCO, Qu es el conocimiento local? iha http://portal.unesco.org/science/es/ev.php-
URL_ID=2034&URL_DO=DO_TOPIC&URL_SECTION=201.html (asesu 05/06/2011).

View publication stats