Lectio Nona

SCAENA TERTIA
Personae: Iulius, Aemilia, Iulia, Marcus, Quintus.
Quintus: "Pater venit."
Aemilia Quintum non audit, quia Marcus plorat.
Iulius Quintum videt eumque interrogat: "Cur Marcus
plorat?"
Quintus respondet: "Marcus plorat, quia mater eum
verberat."
Iulius: "Sed cur mater Marcum verberat?"
Quintus: "Marcum verberat, quia puer improbus est.
Marcus parvam puellam pulsat!"
Iulia: "Mamma! Pater hic est." Aemilia Iulium videt.
Aemilia: "Tuus Marcus filius improbus est!"
Iulius: "Fu, puer! Puer probus non pulsat puellam.
Puer qui parvam puellam pulsat improbus est!"
Iulius iratus puerum improbum verberat: tuxtax,
tuxtax, tuxtax ...
Marcus plorat. Quintus laetus est et ridet. Iulia laeta
non est neque ridet. Cur non laeta est Iulia? Non laeta
est, quia Marcus plorat. Iulia est puella proba!
Puer ridet. Puella plorat. Quis est puer qui ridet? Puer
qui ridet est Marcus. Quae est puella quae plorat?
Puella quae plorat est Iulia.
Marcus, qui puellam pulsat, puer improbus est. Puella
quam Marcus pulsat est Iulia. Iulia Aemiliam vocat.
Aemilia, quam Iulia vocat, mater liberorum est.
Aemilia puerum verberat. Puer quem Aemilia
verberat est Marcus.
Quem vocat Quintus? Quintus Iulium vocat. Iulius,
quem Quintus vocat, pater liberorum est. Iulius
Quintum non audit. Quem audit Iulius? Iulius
Marcum audit. Puer quem Iulius audit est Marcus.
Puella quae cantat laeta est. Puella quae plorat non est
laeta. Puer qui puellam pulsat improbus est!

GRAMMATICA LATINA
Nominativus et Accusativus
[A] Masculinum.
Marcus ridet. Quintus Marcum pulsat. Marcus
Quintum pulsat. Quintus plorat.
'Marcus' nominativus est. 'Marcum' accusativus est.
'Quintum' est accusativus, 'Quintus' nominativus.
Nominativus: -us (-r). Accusativus: -um.
Exempla: Iulius, Iulium; filius, filium; puer, puerum;
eum.
[B] Femininum.
Iulia cantat. Marcus Iuliam pulsat.
Iulia Aemiliam vocat. Aemilia venit.
'Iulia, Aemilia' nominativus est. 'Iuliam, Aemiliam'
accusativus est.
Nominativus: -a. Accusativus: -am.
Exempla: puella, puellam; parva, parvam; eam.

Verba
Iulia cantat. Marcus ridet. Iulius dormit.
'Cantat' verbum est. 'Cantat', 'ridet', 'dormit' tria
verba sunt.
Exempla: cantat, pulsat, plorat, vocat, interrogat,
verberat (-at);
ridet, videt, respondet (-et);
dormit, venit, audit (-it).
Nominativus: Accusativus: Verbum:
Marcus Iuliam pulsat.
Quintus Marcum videt.
Iulia Aemiliam vocat.
Aemilia Quintum interrogat:
"Quis me vocat?"
Quistus respondet:
"Iulia te vocat.
Marcus eam pulsat."
Aemilia puerum verberat.
Marcus plorat.
Iulius eum audit.
Iulius venit.
"Puer probus parvam puellam non pulsat!"
Iulius iratus puerum improbum verberat.
Exercitia
Exercitium Primum Lectionis Nonae
1. Marc_ Iuli_ pulsat quia Iuli_ cantat.
2. Iuli_ plorat quia Marcus e_ pulsat.
3. Iulia Aemili_ vocat. Aemili_ venit.
4. Aemili_ Quint videt et e interrogat: Quis __
vocat?
5. Quintus respondet: Iuli_ __ vocat.
6. Aemilia: Ubi est Iulius? Aemili Iuli non videt.
7. Quint_ Iuli__ vocat: Pater!
8. Iuli__ Quint__ non audit.
9. Aemili_ irata Marc_ verberat.
10.Marc_ plorat quia Aemilia e__ verberat.
11. Iuli__ Marc__ audit et venit.
12. Iuli_ Aemili__ et Marc__ et Quint__ et Iuli__
videt.
13. Aemilia: Marc__ puer improb__ est.
14. Quintus: Marc__ parv_ puell__ pulsat.
15. Iuli__ irat__ puer__ improb__ verberat.
16. Iuli_ est puell_ prob_.

Exercitium Secundum Lectionis Nonae

1. Puella ___ cantat laeta est.
2. Puer ___ puellam pulsat improbus est.
3. Iulia, ___ cantat, puella proba est.
4. Marcus, ___ puer improbus est, puellam et
puerum pulsat.
5. Puella ___ Marcus pulsat est Iulia.
6. Puer ___ Marcus pulsat est Quintus.
7. Iulia, ___ parva puella est, Aemiliam vocat.
8. Aemilia, ___ Iulia vocat, venit.
9. Aemilia, ___ mater est liberorum, filium
improbum verberat.
10.Filius ___ Aemilia verberat est Marcus.
11. Quintus, ___ filius probus est, Iulium vocat.
12. Iulius, ___ Quintus vocat, non venit.
13. Marcus, ___ Aemilia verberat, plorat.
14. Iulius, ___ iam non dormit, puerum audit.
15. Puer ___ Iulius audit est Marcus.

Exercitium Tertium Lectionis Nonae

1. Quis Iuliam pulsat?
2. Quis plorat?
3. Quis ridet?
4. Quem Quintus videt?
5. Quem Iulia vocat?
6. Quis venit?
7. Quem Aemilia interrogat?
8. Quis vocat Iulium?
9. Quem Aemilia verberat?
10.Quis iam plorat?
11. Quem audit Iulius?
12. Quem Iulius verberat?

Exercitium Quartum Lectionis Nonae

1. ___ Iuliam pulsat? Marcus Iuliam pulsat.
2. ___ Marcum videt? Quintus Marcum videt.
3. ___ Quintus pulsat? Marcum Quintus pulsat.
4. ___ Aemiliam vocat? Iulia Aemiliam vocat.
5. ___ Aemilia interrogat? Quintum Aemilia
interrogat.
6. ___ respondet? Quintus respondet.
7. ___ vocat Quintus? Iulium vocat Quintus.
8. ___ verberat Iulius? Marcum verberat Iulius.

Exercitium Quintum Lectionis Nonae

1.Quintus nominativus est. Marcum est _________.
2. Quintum accusativus est. Quintus est _________.
3. Iulia nominativus est. Aemiliamaccusativus est.
4. Iuliam _________ est. Aemilia _________ est.
5. Nominativus: Marcus. Accusativus: Marc__.
6. Nominativus: Aemilia. Accusativus: Aemili__.
7. Accusativus: Iulium. Nominativus: Iuli__.
8. Accusativus: Iuliam. Nominativus: Iuli__.
9. Nominativus: puer improbus. Accusativus: puer__
improb__.
10.Nominativus: parva puella. Accusativus: parv__
puell__.