Você está na página 1de 5

MIZO ADVENTISTS MUSIC ASSOCIATION

DRAFT PROPOSAL FOR ESTABLISHMENT OF MUSIC SCHOOL


INTRODUCTION
MAMA Executive Committee in a lo pawm tawh angin, naupang te leh rimawi lama tui mite tan
rimawi zirna sikul ‘Music School’ buatsaih tura hmalak a ni a. hemi atan hian mi inphal te hnen atangin bul
tannan Rs. 2,50,000/- (Cheng Nuai Hnih leh Singnga) hmuh a ni tawh bawk a ni. Music School hian a tum
ber chu Adventist naupang te leh thalai te rimawi lama thiamna pek leh kohhran te rimawi lama hma kan
sawn theih nan a ni a. Rimawi hmanga rawngbawlna hi rawngbawlna peng pawimawh tak a ni tih kan hre
theuh a. Kan inkhawm te hi rimawi tel lo chuan a kim thei lo a ni. Kohhran tam takah Keyboard emaw
Guitar emaw hmanga hla hruaitu tur pawh an neih lohna te a awm a, tin zaipawl conductor tur awm loh
vanga zaipawl nei thei lo kohhran te pawh an awm nual a ni. Heng ang kawngah hian hma kan lo sawn
zawk theih nan leh kohhran a lo than len zel nan, MAMA chuan Music School din tur hian chak takin hma
a la a ni.
LOCATION
A hmunah hian Seventh-day Tlangah ni se. Hei hi kan hmunpui a nih angin pan khawm a rem a,
parking a remchang bawka, tin khawpui ri bengchhengin a tibuai ve lo a ni. Hei bakah hian Helen Lowry
School a bul hnaiah a awm avangin, school naupang tam tak kan hip thei dawn bawk a ni.
COURSES OFFERED &TIMING
Kan sum neih dinhmun milin, Guitar, Keyboard (Piano), Violin, Cello leh Drums zirna te hawn a ni
anga, zawi muanga tih changtlun chhoh tura ruahman a ni. Tin, heng bakah hian Conducting Course hawn
tel a ni bawk ang.
Course te hi hlawm lian deuhin pahnihah then an ni a – Regular Course leh Conducting Course.
Regular Course ah hian music instrument a basic atanga zir duh tan Music School danga an kalpui ang
bawkin kum tluana zir theih a ni anga, hun bituk (fixed duration) awm lo in student te a mal malin an kal
anga, an thiam chak dan a zirin an kal chak mai ang.
Student te hi Staff Notation veka bul tanpui an ni anga, an thiam chhoh hnuah Tonic Solfa zirtir an
ni ang. Student te lehkhabu hman tura ruahman chu a tawpah hian ziah lan a ni. Tin, heng instrument
zawng zawngah hian exam duh an awm chuan ‘Trinity College London’ syllabus angin an kal ang.
Regular course hi naupang school ban hnu, tlai lamah neih a ni anga, shift hnihin, 2:30 – 3:30 leh
3:30 – 4:30 (emaw 3:00 – 4:00 leh 4:00 – 5:00 a rem chan zawk dan a zirin), kar khatah vawi hnih zel
student te an kal ang. Monday leh Wednesday kal leh Tuesday leh Thursday kal an awm ang. TIchuan,
Guitar leh Piano bikah, seat full vek ta se, thla khatah naupang 56 in an zir thei ang.
Violin leh Cello hi instrument zirlai te’n an in tum chawp tura beisei a nih avangin, zirlai neih theih
zat tur a hriat theih chiah loh a. A hmun a remchan chuan zirlai panga atanga pariat awm thei tura beisei
an ni.
Drums class hi hawn a nih chuan hmun a mamawh zauh bakah a thawm a rin deuh vangin pakhat
aia tama bul tan a har dawn a. Drums pakhat a awm chuan tlai lam shift-ah pahnih zel an awm thei anga,
thla khatah zirlai panga an awm thei ang. Drums hi Zirtirtute hman dan a zirin zing lamah pawh class hawn
theih a ni ang.
Hetianga kar khata vawi hnih class kal hi naupang te tan a hlawkthlak bera hriat a ni a. Kar khata
vawi nga kal aiin naupangin hma an sawn puiin, in lama mahni a practice an uar phah zawk a ni. Heng
bakah hian Weekdays-a kal remchang lo tan Sunday class hawn a ni anga, zirlai tam dan a zirin shift khat
emaw hniha siam rem a ni ang.
Regular Course-ah hian eng kohhran pawh admission tih theih a ni anga, amaherawhchu Adventist
member te seat chungchangah duhsak bik an ni ang.
A hnuaia mi ang hi timing leh student awm thei zat chu a ni, Violin leh Cello bik hi a zat sawi tawh
angin a zat tur tak hi hriattheih a ni lo a, a tam thei ang ber tura ziah a ni :
Instrument Monday & Wednesday Tuesday & Thursday Sunday TOTAL
1st Shift 2nd Shift 1st Shift 2nd Shift (3:30 PM –
(2:30 PM – (3:30 PM – (2:30 PM – (3:30 PM – 4:30 PM)
3:30 PM) 4:30 PM) 3:30 PM) 4:30 PM)
Guitar 7 7 7 7 7 35
Piano 7 7 7 7 7 35
Violin 5 5 5 5 5 25
Cello - - - - 3 3
Drums 1 1 1 1 1 5
TOTAL 20 20 20 20 23 103

Conducting Course hi hun bituk (fixed duration) nei tura duan a ni a. Three Months course a ni
anga, kum khatah vawi thum kal pui thin a ni ang. A huho in an zir thin anga, zirlai 20 bawr vel admit theih
tura beisei a ni. He course-ah hian Music Theory, Tonic Solfa, Staff Notation, Vocalization leh Conducting
an zir ang. He course in a tum ber chu Zaihruaitu tha leh Conductor tha tak tur chher chhuah a ni anga, an
zir chhuah hunah MAMA in Certificate an pe ang. Class hi karkhatah vawi li (Monday – Thursday) kalpui a
ni anga, zirlai tam zawk leh zirtirtu remchan dan a zirin, zing kar emaw tlai lamah class hi nitin darkar khat
neih thin a ni ang.
Conducting Course tan hian Batch thar hawn a nih dawn apiangin admission tih thar a ni thin anga,
dilna form hi Music School-ah lam theihin a awm ang. Mahni lawina kohhran atanga ‘recommendation’
thil tel thin tur a ni ang.
FEE STRUCTURE
Fees te hi zirlai tana hautak lo tur ang berin a hnuai ami ang hian duan a ni a, regular course tan
hian thla tin ni 15 hmaa pek thin tur a ni ang a, Conducting Course ah hian Admission tih ruala Course fee
hi pek tlak nghal tur a ni anga, Admission Fee hran awm lo in, Course Fee ah hian a tel vek ang :
Sl. No. Course/Instrument/Timing Fees (in Rs.)
1 Admission Fee 100/= (one time)
2 Regular Course (All instruments except drums) 800/- per month
3 Drums 1000/- per month
4 Sunday Class 500/- per month
5 Conducting Course (Full Fees for 3 months) 1500/- per course

REQUIREMENTS
Keyboard leh Guitar te Music School-ah hian pasarih ve ve chhawp an ni ang. Violin leh Cello hi
School in pahnih, a lian leh a te ve ve a nei anga, music school danga an tih angin zirlai tam zawk chu
anmahni hmanrua intum chawp tura beisei an ni. Drum Set hi a lian tham a, hmun a heh bakah a
bengchhen avangin pakhat chauha bul tan a ni anga, a ri bengchheng lo tur ang bera sawngbawl tur a ni
ang. Heng bakah hian school tan lehkhabu original copy lei tur a ni anga, student te’n anmahni mamawh
ang zelin mahni senso in an photocopy (xerox) chawp ang.
Hmanrua leh thildang mamawh leh a senso tur zat te chu :

Sl. Items Rate (in Rs.) Qty Amount


No. (in Rs.)
1 Keyboard with Stand (Casio CTK 3200) 9,000 6 54,000
2 Digital Piano (Casio CDP130) 32,000 1 32,000
3 Headphones (for Keyboard) 500 7 3,500
4 Guitar (Normal size – 4, Small size – 3) 6,000 7 42,000
5 Violin 6,000 2 12,000
6 Cello 18,000 1 18,000
7 Drum set 25,000 1 25,000
8 Drums Practice Mute 4,000 1 4,000
9 Music Note Stand 600 15 9,000
10 Guitars Stand (for 7 guitars) 1,500 1 1,500
11 Chairs 25 250 6,250
12 Whiteboard 4’ x 3’ 2,000 1 2,000
13 Power Strip/Extension cords, etc 2,000
14 Music Books 5,000
15 Stationery 1,000
TOTAL 2,17,250
Say Rs. 2,20,000/-
(Rupees Two Lakh Twenty Thousand only)
Heng bakah hian room mamawh a ni dawn a. Room hi a theih chuan pathum tal duhthusam a ni
a, amaherawhchu a remchan dan a zirin room pahnih emaw pakhatah pawh in hnawh khawm dan a awm
thei tho ang. Room mamawhna hi Mizo Conference of SDA hotute hnenah thlen ni se, kan room mamawh
te a remchang anga min ngaihtuahsak tura ngen ni se.
Drums hi a bengchhen duh deuh avangin room hran bik a ngai dawn bawk a, AWR Studios khawi
emaw bera soundproof recording room te hman phal a nih chuan a remchang viau ang. Shift khatah zirlai
pakhat chauh zel an awm dawn avangin Office hnathawk tibuai lo tur zawnga siam rem a ni ang.
TEACHER RECRUITMENT
Music School tha tak din tur chuan Zirtirtu tha neih a pawimawh ber a. Zirtirtu tha nei tur chuan
uluk taka thawk tur thlan mai bakah, mi thiam thawk tur kan hip theih nan hlawh tha tak pek a ngai dawn
a ni. He kan music school hi Adventist te music lama hma kan sawn theihna tura din a nih angin, MAMA
lam pawhin hlawkna um lo in Zirtirtu hlawh tur a tam thei ang ber pek a tul a ni.
ZIrlai te music thiam taka zirtira, chher chhuak thei tur chuan thiamna sang tak nei ringawt a tawk
lo a, naupang zirtir thiam an pawimawh tel a ni. Adventist-ah zirtirtu tur tha leh remchang an awm chuan
thawk tura biak ni se, amaherawhchu Adventist mi leh sa thawk tur mai an awm loh chuan non-Adventist
pawh a tul chuan lak an ni ang a, Adventist thawk thei tur an awm hunah in siam rem a ni ang.
Zirtirtu mamawh thu hi media remchang ang angah Advertisement chhuahin, interview kal tlanga
lak an ni anga, interview board ah hian MAMA OB te bakah Committee in tul a tih angin a ruat belh ang.
Thawk tura biak fel sa an awm a nih pawhin interview kaltlanga lak tho tur an ni ang.
Zirtirtu lak tur zat hi instrument pakhatah zirtirtu pakhat tura hisap a ni a, indaihlohna a awm chuan
instrument pahnih zirtir kawp thei pawh lak a theih ang (Entirnan Guitar leh Piano zirtir thei). Sunday class
bik hi Weekdays-a zirtirtu pangaite an remchan loh chuan a hran lak an ni ang. Sunday class hawn leh
hawn loh hi sawi tawh angin zir duh an tam dan a zirah a in nghat ang.
Conducting course bik atan hian Zirtirtu hran pakhat emaw pahnih lak an ni bawk ang.
TEACHER RENUMERATION
Zirtirtu hlawh tur hi thla tin fixed in pek a theih dawn loh a. Fees atanga percentage anga pek an
ni ang. Hei hi music school tam zawk kal dan a ni a, tin zirtirtute’n thahnem an ngaih phah zawk bawk a
ni. Hlawh atan hian Fees atanga 70% chu zirtirtute’n an chang anga, 30% chu MAMA in an chang anga,
music school inrelbawlna atana hman thin a ni ang. Zirtirtute hi Music School hawn tirh thla hmasa berah,
zirlai admission ti an tlem viau chuan Weekdays thawk Rs. 2000/- leh Sunday chauh thawk an awm chuan
Rs. 1000/- theuh pek an ni anga, a thlaleh atang chuan fee percentage atang chauhin hlawh an la tawh
ang. Hei hi zirtirtu tha kan hip theih na tura tih a ni bawk.
Conducting course bikah hian Zirtirtu pakhat aia tam an awm chuan, an class lak dan atang hlawh
insem dan tur siam rem a ni ang.
REVENUE ASSUMPTION
Regular Course ah hian seat hi a full vek anga chhut chuan zirlai 120 vel awm thei tura beisei a ni.
A full vek anga chhutin Fees hi thla tin Weekdays zirlai atang Rs. 64,800/-, Sunday Zirlai atang Rs. 11,500/-
a lo lut dawn a, a belhkahwmin Rs. 76,300/- a ni. Zirtirtu hlawh atan 70% a kal dawn a, chu chu Rs. 53,410/-
niin, MAMA chan Rs. 22,890/- a ni dawn a ni. January leh December tello in, kum khatah Rs. 2,28,900/-
MAMA kutah a lut dawn a ni.
Seat hi a full vek reng thei dawn lo tih chu hriat sa a ni a, Seat hi a chanve vel khat anga chhut
chuan avaiin Rs. 36,300/- a lut anga, Zirtirtu hlawhah Rs. 25,410/- leh MAMA chan Rs. 10,890/- a ni dawn
a ni. Kum tin MAMA chan tur chu Rs. 1,30,680/- a ni dawn a ni.
A chhe thei ang bera chhutin, Shift khatah zirlai pakhat chauh awm anga chhutin a vaiin Rs.
16,100/- a lo lut anga, Zirtirtu hlawh Rs. 11,270/-, MAMA chan Rs. Rs. 4,830/-. Kum khata MAMA chan Rs.
57,960/- a ni dawn a ni.
Hengah hian Admission Fee chhut tel a ni lo a, Admission Fee hi 100% MAMA chan tur a ni thung
ang.
Conducting Course bik hi Kum khatah vawi thum neih tura hisap a ni a, Seat full tur zat hi bithliah
a awm chiah lo na a, zirlai 20 vel tur anga beisei a ni. Seat 20 ah chuan Course khatah Rs. 30,000 a lo lut
dawn a, Zirtirtu hlawh Rs. 21,000, MAMA chan Rs. 9,000 a ni dawn a ni. Kum khatah vawi thum neih a nih
chuan Rs. 90,000 lut tur anga beisei a ni a, Zirtirtu hlawh Rs. 63,000/-, MAMA chan Rs. 27,000/-.
Admission ti hi mi 10 awm ta se, Course khatah Rs. 15,000/- a lo lut dawn a, Zirtirtu hlawhah Rs.
10,500/- a kal anga, MAMA chan Rs. 4,500 a ni ang. Kum khatah
Conducting Course ah hi chuan zirlai admission ti 10 tal an awm loh chuan Course kaltlangpui loh
mai te pawh a tul chang a awm thei ang. Student an tlem chuan kaltlangpui a nih leh nih loh tur thua
thutlukna hi MAMA OB te kutah dah a ni ang.
Music School atanga sum lo lutte hi Music School enkawlna bik atana dah hran a ni anga, a
tul chuan MAMA Executive Committee remtihna in MAMA hmalakna atana hman turin hman puk theih a
ni ang. Note: Duhthusamah chuan 30% kan share atang hian 20% school tan, 10% MAMA hman atan ti
ang zawnga in sem tura siam fel law law theih ni se a tha zawk mai thei.
ADMINISTRATION
Music School enkawl hna hi MAMA OB te kutah a awm ang. Harsatna awm thei ang chi leh school
mamawh a awm chuan an hnenah hian thlen thin tur a ni ang. Music School ah hian register-in zirlai te
attendance fel taka chhinchhiah a ni ang. Fees leh Admission tihna receipt te siam a ni bawk anga. Music
School-ah hian register leh receipt te hi vawn that niin, MAMA Secretary leh Treasurer te’n quarterly-in
an endik pui thin bawk ang.
(Hetiang enkawl fel tur Manager/Receptionist a hrana lak theih ni se duhthusam a ni, a ni hian
nitin darkar 2 chauh, kar khatah vawi 5 chauh kal a ngai dawn a, Hlawh-ah Rs. 2000-3000 kan pek theih
chuan member pakhat tan inhlawhna tha tak kan siam nghal dawn a ni)
School Fees atanga sum hmuh ang te hi MAMA Treasurer hnena submit thin tur a ni anga, Zirtirtu
hlawh hi Treasurer in a sem chhuak bawk ang. Zirtirtu te hlawh lak dan pawh fel taka record vawn that tur
a ni ang.
Mizo Conference of SDA hotute’n min remtih sak chuan, Music School in hawn loh lai (Eg. 9 AM to
2 PM) hunah te Mizo Conference Reception-ah Admission tih theih a ni ang. Hemi atan hian Mizo
Conference hotute ah dilna thlen ni nghal bawk se.
Zirtirtute tana inkaihhruaina dan hi a hranin uluk takin Committee hran hmanga duan a ni bawk
ang.
Tin, Music School-a bungrua te hi midang tan hawh chhuah phal a ni dawn lo a, MAMA program
emaw kohhran program bikah MAMA OB te remtihna in a tul anga lakchhuah theih chauh a ni ang.
FUTURE PLAN
Music School hi tih changtlun chhoh zel tura ruahman a ni a. Instrument chi hrang tam zawk zir
theih tura buatsaih a ni chho ang a, Music Instrument te pawh lei belh zel a ni bawk ang. Tin, Audio
Engineering course te pawh hawn tura hmalak a ni ang. Bul tannan room leh building pawh duhthusam
ang leh mamawh zat kan hmu lo a nih pawhin, Mizo Conference of SDA nena tangkawpin room mamawh
zat neih theih tura hmalak zel a ni bawk ang.
Helen Lowry College of Arts & Commerce-ah pawh Diploma in Music (emaw Diploma in Church
Music) te hawn theihna tura hmalak zel a ni anga, Degree thleng pawha zirna hawn theih tura hmalak a
ni ang.
LIST OF RECOMMENDED BOOKS
Lehkhabu hman tur bika ruahman, school in a copy a neih ngei tur ho chu a hnuaia mi te hi an ni
a, heng bak hi Zirtirtute’n an duh ang lehkhabu dang an hman tel tir thei ang a, school pawhin a tul ang
ang chu a lei belh zel ang :
1. Eta Cohen Violin Method – Books 1 to 3
2. Essential Elements for Strings : Violin
3. Essential Elements for Strings : Cello
4. John Thompson’s Modern Course for the Piano : Grade One to Three
5. Hal Leonard Modern Guitar Method Book 1 & 2.
6. Progressive Drum Method by Craig Lauritsen
7. Trinity College London Theory of Music Grade 1 – 8.