YVYRA ÁRA – DÍA DEL ÁRBOL

Ohai: David Galeano Olivera

Ha’ekuéra omomorâ ñande rekoha; ha upéicha avei, omo’â mymbakuérape; omombyta ha

omombarete yvy; ha pe mba’e tuichavéva: omoheñói ha omohesâi pe yvytupytû potî mayma
tekove ñaikotevêva jaikove haĝua. Yvyra, oñekytî rire, ojepuru ojejapo haĝua kuatia térâ,
jepe’a; ha upéicha avei, ojejapo ichugui opaichagua yvyrape, apyka, mesa, karameĝua ha
aorenda, okê, ovetâ ha óga.

Jahayhúrô ñande rekoha ha upekuévo ani haĝua japyta yvyra’ỹre, tekotevê -jaitývo peteî-
hendaguépe ñañotỹ mbohapy.

Yvyra ñeñotỹ oî mokôichagua: 1)Yvyra ñotỹ ñemo’ârâ. Kóva ojejapo oñemo’âvo opavave
mymbamimíme anítei omyangekôi chupekuéra yvytu térâ ama; avei, oñemo’âvo yvytúgui
kógaty ha yvyra hi’áva; upéicha avei, oñeñangarekóvo yvy ha ýre; anítei yvy ikangy ha
osyryry oky guasu jave; ha ipahápe, oñeñangarekóvo opaichagua ysyry rapére. 2)Yvyra ñotỹ
ñemurâ. Kóva katu ojejapo yvyra ojehepyme’ê haĝua. Koichagua yvyra ñotỹ oikomeme
ko’áĝa rupi ha upevarâ ojepuruve yvyra okakuaa guasu ha pya’éva. Ko’âvavagui ojejapo
kuatia ha ambue ava rembipururâ. Ha’ekuéra omomorâ ñande rekoha; ha upéicha avei, omo’â
mymbakuérape; omombyta ha omombarete yvy; ha pe mba’e tuichavéva: omoheñói ha
omohesâi pe yvytupytû potî mayma tekove ñaikotevêva jaikove haĝua. Yvyra, oñekytî rire,
ojepuru ojejapo haĝua kuatia térâ, jepe’a; ha upéicha avei, ojejapo ichugui opaichagua
yvyrape, apyka, mesa, karameĝua ha aorenda, okê, ovetâ ha óga.

Jahayhúrô ñande rekoha ha upekuévo ani haĝua japyta yvyra’ỹre, tekotevê -jaitývo peteî-
hendaguépe ñañotỹ mbohapy.

Yvyra ñeñotỹ oî mokôichagua: 1)Yvyra ñotỹ ñemo’ârâ. Kóva ojejapo oñemo’âvo opavave
mymbamimíme anítei omyangekôi chupekuéra yvytu térâ ama; avei, oñemo’âvo yvytúgui
kógaty ha yvyra hi’áva; upéicha avei, oñeñangarekóvo yvy ha ýre; anítei yvy ikangy ha
osyryry oky guasu jave; ha ipahápe, oñeñangarekóvo opaichagua ysyry rapére. 2)Yvyra ñotỹ
ñemurâ. Kóva katu ojejapo yvyra ojehepyme’ê haĝua. Koichagua yvyra ñotỹ oikomeme
ko’áĝa rupi ha upevarâ ojepuruve yvyra okakuaa guasu ha pya’éva. Ko’âvavagui ojejapo
kuatia ha ambue ava rembipururâ.
 ÑANDE YVAKUÉRA

Ohai: Deidamio González

I
Yvakuéra he’êtéva ñane retâme hetáva
Aratiku hykupáva, guavirami, arasape
Rehetûseve seve pe yvytu ogueroguatáva
Ñane apynguáre oinupâva merô ryakuâ porâite
II
Takuare’ê, andai, narâha, pakuri ha tanchirína
Ijasukapáva líma hykue he’êterei
Hesa’yjupa aguai hi’ajujavérô hína
Pakova, níspero, piña ha sandia apyte tiri
III
Mángo, guavira, mamóne, arasa hái ha he’êva
hi’a apu’a pytâitéva okukúi ñangapiry
yvapovô, guapo’y, ñuatîngy hakâjyetéva
ha yvapurû ave oiméva hi’aju vera asy.
IV
Taruma, mbokaja, ovenia, apepu, garepuru, aguakáte
Ha’usémi ahechahápe amba’y ha’e inga, granada, mburukuja ha urumbe yvy pytâháre
Pindo, jakarati’áre iñakâhatâ guyra.
V
Ñandypa ha guaviju, kuruguái ha’e yvahái
ja’érô ndaja’epái he’êha yvapurûity
jatai ha juasy’ýpema péina ambohuguái
ha ku namombe’upái heta yva réra hemby.
VI
Imoingoveharakuéra ko yvy omoro’ysâva
opárupi jahecháva y sakâ porâetaite
hyakuâvu niñoasote ñahetû yvoty okára
arohorýva opa ára â Tupâ remimoîngue
 MI ÁRBOL Y YO – CHE YVYRA HA CHE

Por: Alberto Cortez – Ombohasa Guaraníme: David Galeano Olivera

Che sy ha che roñotŷ korapy opahápe

Che róga korapy opahápe, che ru ningo oguerúkuri
Che areko po ary ha ha’ékatu peteî yvyra rakâmi,
Oĝuahêvo arapoty rombosako’i pe yvy ha
Romohe’ô porâ, yvyra rakâmimíme
Romongorâ chupe ani haĝua ipiru.
Che yvyra okakuaa, chemitâreko ohasa,
Ko’áĝa ikuarahy’âme tuicha okakuaáva, roguereko mandu’a che yvyra ha che.

Ohasávo umi ára ha che kasô mbukúvo

Oiko chehegui mitârusu, ha upe
che yvyra kuarahy’âme peteî asaje, oĝuahêvo arahaku,
Oiko chehegui kuimba’e, upéi ahávo añemoarandu
Aju sapy’apy’a ha añeñanduporâjepi
Añepyrûtaha peteî jeho are ha upeichahápe
Chepyhy tesarái. Che yvyra opyta ha ára ohasa,
Ko’áĝa ikuarahy’âme tuicha okakuaáva, roguereko mandu’a che yvyra ha che.

Heta ára ohasa ha péina hasypeve

Ajevy che táva ahayhuetévape ha che korapy
Pahápe upépe akóinte chera’ârô oñeha’arôramoguáicha
Peteî angirû, vaicháku opukavýva he’ívo chéve
Emañami cherenyhê guyramimi raitýgui, upe yvyra roñotŷva’ekue
Haimetéma mokôipa ary che
Chemitâ’írôguare, upe okakuaava’ekue ha ára
Ohasávo heta che rembiasakue opyta hendive.
Ko’áĝa ikuarahy’âme tuicha okakuaáva, roguereko mandu’a che yvyra ha che.
 PRIMAVERA II
Emiliano R. Fernández mba’e

Ohasa tiempo ro’y Ayvumiéma ojapo

Primavera oĝuahê Pépe oñe’ê chiriko
Ñu ka’aguy o-florece Tataupa ha’e mytû
Hokypa i-verde asy Mbokaja ipotýva
Palo blanco ha tajy O-adorna kokue rape
Mombyrýgui jahecha Pindo rakâre opepe
Ka’aguy oñuâmba Tu’î ha marakana
Hechapyrâva yvoty Opurahéi ñakyrâ
Yerbas arbustos y flores O-anuncia sandia aju
Entero ipotyjera Yvapovô ha yvaviju
Yvotyty jahecha Tape ykére okukuipa
Con exquisitos primores Oĝuahêvo ka’aru
Bellos aspectos encantadores Poniente-pe ema’êmi
Kóva ko tiempo ogueru jahecha jasy pyahu
Ko’e jave ñahendu Ikarapâ po’imi
Himno de aves cantores Estrella entero omimbi
Campichuelo-pe resê Jepiguágui iporâve
Hovyûmba rejuhu Siete cabrilla ojere
Ka’aysáre ñahendu Oĝuahêvo ko’êtî
Umi pykasu rasê Ko’êmba vove ñasê
Churiri ha pitogue Ja-cruza umi vecinda
La novia pepo asa Ñahetû umi reseda
Ñande ári ohasa Ha umi rosa pytâite
Bandada pyku’ipe Jahechaseveseve
Kokuerépe ñahendu Umi huerta florecida
Sarîa oñe’ê ypa Rosa jazmín morotîva
Ñandu guasu omburea Ndaho’i pe hyakuângue
Ha o-ronca ñakurutû
Pe javoráire jaku
 PRIMAVERA – ARAYVOTY
PRIMAVERA
Emiliano R. Fernández mba’e
Tañatôi che mbaraka
la seis cuerda tambopu
peñemboja lo mitâ
enteroite pehendu
Péina hasýpe oĝuahê
Ku tiempo-mi iporâitéva
Yvypórape guive
Omombáy ombyetia’éva
Setiembre oĝuahê vove
Ipotypa ka’aguy,
Guyrami opa laya-ite
opurahéi ojeroky
Yvytumi oipeju
ne korasô ombovy’a
Jaimimígui ogueru
Umi mba’e ryakuâ porâ
La divina creación
Kuarahy ohesape
Oñ-adorna en perfección
Primavera oike vove
Iporâ ku ko’êju
Rehecha pytângymi
Hakykuéri ndepeju
Ho’ysâva yvytumi
Péva pe hora ogueru
Ilaya’ŷva vy’a
O-goza la juventud
El “eden” oje’eha
Omimbi pe kuarahy
Sus rayos en la inmensidad
Ojajaipa ojeroky
Ogueru felicidad
Asaje katu reho
Umi ysyry resêgui
Ojuhu ne korasô
Contenta vida feliz
Upérupi rehendu
Los conciertos estremecidos
Ne memoria-pe ogueru
Los otros tiempos floridos
Upéramo el sufrimiento
Ne korasôgui ojei
Rehendu los dulces acentos
O-entona guyramimi
Resê ku ka’aru lado
Isla costa-re re-corre
Rehendu desconsolado
Hasê asy korochire
Sapy’apy’a ombohovái
Mba’embyasýpe ichupe
Ha’eñomi ndovy’ái
Oje-queja el kogoe
Resêgui ñu rembe’y
Azucena ipotypa
De tres colores ipoty
Primavera ombojegua
O-chifla ku tataupa
Ochochomba aka’ê
Charáta ijayvujoa
Ku sŷiha chiripepe
Oĝuahê ku pytûmby
Un tranquilo pyhare
Oñembo’e chesyhasy
Bendito Dios ha oke
Upevovénte osê
lporâitéva jasy
Rema’êmívo hese
Nde py’a ombopiro’y
La esperanza he’iha
Upérô reha’ârô
Yvágare remaña
Ha’e vaicha oguereko
Un seguro pensamiento
Pe ne akâme reheja
Reha’ârô todo tiempo
Umíva laya vy’a
Adiós tiempo juvenil
Que los futuros espera
Adiós fragante pensil
De la hermosa primavera