ANG ALAMAT NG AMPALAYA

*UMAGA

NARRATOR: Noong Araw, sa bayan ng sariwa naninirahan ang lahat ng uri ng gulay.
(Ipapakita ang puppet ng ibat-ibang uri ng gulay maliban kay ampalaya ), dito makikitang
masayang naghahabulan sina….

TAGPO 1:

MUSTASA: Taya ka na labanos ( yehey )

LABANOS: Lagot kayo sa akin pag naabutan ko kayo.

BAWANG: Habulin mo kami Labanos.

SIBUYAS: Ang bagal mo talagang tumakbo Labanos

UPO: ( Tumatakbo ) kailangan kung bilisan ang aking pagtakbo para hindi ako maabutan ni
Labanos ( ang sabi ni upo sa kanyang sarili).

( sa kabilang side)

NARRATOR: at masayang nagkukwentuhan sina….

PATOLA,SINGKAMAS,TALONG,LUYA,KAMATIS,KALABASA

*UMAGA

NARRATOR: Isang araw, umusbong ang kakaibang gulay ( ilalabas ang dahon o bagin)

siya’y si Ampalaya ( ilalabas ang putlang ampalaya). Maputlang-maputla ang kulay ng balat
niya at sa kahit anong lasa’y salat siyang talaga.

TAGPO 2:

LUYA: ampalaya tara sama ka sa amin ( happy)

UPO:oo nga laro tayo kasama ang ibang mga gulay. ( happy)

PATOLA:halika ampalaya! ( happy)

AMPALAYA: “ wag kayong lumapit sa akin hindi ko kayo kailangan layas! ( galit )

PATOLA: ang sungit mo naman ( nakasimangot)

LUYA: tara upo at patola layuan na natin yan ang pangit naman ng ugali nya. ( sabay alis na
nkasimangot)

NARRATOR: Dahil ditto tuluyan na siyang iniwasan ng lahat ng gulay sa bayan ng Sariwa.

( ipapakita ang scene ng pagiwas ng mga gulay sa ampalaya)

*GABI

NARRATOR: Isang maalinsangang gabi, isang maitim na balak ang namulaklak sa utak ni
ampalaya.

AMPALAYA: ( naglalakad/igagalaw ang puppet) kailangang magkaroon din ako ng lasa, kulay
at ganda tulad ng ibang mga gulay”! bulong ni ampalaya sa kanyang sarili.
NARRATOR: Habang natutulog ang mga gulay ( ipapakita ang mga gulay na natutulog sa
kabilang side at ang unti unting paglapit ni ampalaya sa kanila).

( ginagawa ng ampalaya ang bawat binabasa ng narrator)

NARRATOR: Dahan-dahan na lumapit si ampalaya sa balag ng mga walang kamalay malay na

biktima. kinuha nya ang tamis ni kalabasa pati ang asim ni kamatis , pati ang anghang ni luya.
kasama din nyang kinuha ang kaputian ni labanos at ang iilang balat nito at luntiang pisngi ni
mustasa. ninakaw din nya ang lutong ni singkamas, ang manipis na balat ni sibuyas, ang
malasutlang kutis ni kamatis at maging ang gaspang ni patola.

AMPALAYA: ( masaya) ha!ha!ha! sa wakas! nasa akin na ang lahat ng lasa, kulay,at ganda!
siguradong kakainggitan ako ng lahat ng gulay! hahahaha ( sabi nya sa kanyang sarili)

*umaga

NARRATOR: kinabukasan, umalingawngaw ang balita tungkol sa nakawang naganap.

Nagtipon- tipon ang lahat ng gulay. ( ilalabas ang mga gulay ng ibat iba ang emotion).

KALABASA: mga kasamahn ninakawan tayo! ( malungkot)

SINGKAMAS: ninakaw ang aking lutong. ( malungkot )

TALONG: sinira nya ang aking mga balat ( umiiyak)

SIBUYAS: Malaman laman kulang kung sino ang magnanakaw na yon lagot siya sa akin. (
galit)

( kasama na ipapakita ang ibang malungkot at umiiyak) ( ipapakita ang knilang pagiipon at ang
papalapit na ampalaya)

NARRATOR: lamuwa ang mga mata ng lahat sa biglang pagdating ng di inaasahang bisita!
isang dayuhang gulay na ibat- iba ang kulay ng balatat kaya pang mag iba-iba ng lasa!
kahangahangang gulay talaga.!( babatiin ni ampalaya ang mga gulay na nkangiti na
nagpapansin, pero hindi kikibo ang mga gulay). Ngunit para kay kamatis, kaduda –duda ang
pagkagulay ng bisita.

KAMATIS: bakit parang kaduda duda ang mga ikinikilos nya. ( nasa isip ni kamatis)

*gabi ( simangot)

NARRATOR: kinagabihan tinipon nya ang lahat ng mga kasamang gulay at sama samang
inalam ang sekretong tinatago ng dayuhang gulay.

KAMATIS: di ba kayo nagdududa sa mga ikinikilos ng dayuhang gulay na yon? para kasing
may itinatago.

LABANOS: napansin mo din pala yon? iyon din kasi ang pakiwari ko.

MUSTASA: ano pang gagawin natin tara sundan natin siya at ng malaman natin ang kanyang
tinatago.

SINGKAMAS: dahan dahan lang tayo kailangang di nya tayo Makita at marinig.

KALABASA: ayon siya!

NARRATOR: kitang kita nila ang dayuhang gulay na nakaharap sa salamin, habang isa-isang
hinuhubad ang mga lasa, kulay at ganda mula sa katawan niya.

AMPALAYA: hahaha! nakakatawa ang kanilang mga reaksyon halatang halata na inggit na
inggit sila sa akin. lalalalala ( habang pakanta kanta)
ALL: Ampalaya ikaw? ( nagulat)

AMPALAYA: AH EH……. ( natakot)

*umaga

NARRATOR: Isinakdal sa harap ng kalunti-luntian, kasira-sariwaan, kasusta-sustansyang

hukuman ng mga gulay si ampalaya. dumating sa paglilitis ang lahat ng gulay sa bayan ng
sariwa. nandoon din bilang hukom ang mga diwata ng araw,lupa,tubig,at hangin.

( ilalabas ang lahat ng uri ng gulay, mga diwata at sa gitna si ampalaya)

ARAW: hindi pa nalilikha ang gulay na nagtataglay ng lahat ng lasa, kulay at ganda ng
kalikasan. ( sigaw na pagalit)

LUPA: ikaw ang napatunayang nagkasala laban sa batas ng mga gulay at sa batas ng kalikasan (
galit)

TUBIG: Ampalaya! ikaw ay parurusahan

HANGIN: bilang parusa, lahat ng ninakaw mong lasa, kulay at ganda mula sa mga kasamahang
gulay ay mapapasaiyo na. ( ugong ng hangin na malakas/galit)

AMPALAYA: parusa ba yon? ano bang klaseng parusa yon? buska ng bugnuting ampalaya.
(nakasimngot).

*gabi

NARRATOR: Pagkaraan ng paglilitis, nangako ang mga diwatang ibabalik nila ang mga lasa,
kulay at ganda ng mga gulay na ninakaw ni ampalaya. at ng gabing iyon may kagila-gilalas na
nangyari kay ampalaya..( magsasaboy ng ibat-ibang kulay) . nagaway ang lahat ng lasa, kulay at
gandang ninakaw ni ampalaya sa loob ng katawan niya! nagsuntukan ang puti,luntian, lila,dilaw
at iba pang kulay, nagmantsa ang madilim na luntian sa kanyang balat. nagsabunutan ang kinis at
gaspang, lumabas ang kaniyang mga kulubot. at nang magsigawan ang tamis, asim at anghang,
lumitaw naman ang pait.

( ilalabas ang orihinal na anyo ng amplaya na malungkot)

AMPALAYA: Patawarin nyo ako!

NARRATOR: Mula noon nagging madilim na ang luntian ang kulay ni ampalaya. nagging
kulubot ang balat niya. at naging mapait ang lasa niya. ngayon, kahit masustansyang gulay si
ampalaya, marami ang hindi nagkagusto sa kanya.

BATA: ay ampalaya! ayaw ko niyan ang pait ng lasa niyan.

NARRATOR: pero alam nyo ba mga bata nagsisisi na si Ampalaya. sa susunod n’yo siyang
makita sa inyong pinggan, subukan nyo siyang tikman at patawarin sa kanyang mga kasalanan.

AMPALAYA: Pinagsisihan ko ang lahat ng aking nagawa sana mapatawad nila ako at ng
maitama ko ang lahat ng pagkakasala ko. ( ipapakita na umiiyak na ampalaya)

Tagpo:

( ilalabas ang lutong ampalaya)

BATA: wow! Ampalaya gusto ko yan, masarap na masustansiya pa.

NARRATOR: simula ngayun marami na ang nagkakagustong kumain ng gulay na ampalaya

dahil masarap na masustansiya pa. kaya mga bata kumain kayo ng gulay na ampalaya. Dito
nagtatapos ang Alamat ng AMPALAYA
ANG MGA KARAKTER:

 Labanos
 Mustasa
 Bawang
 Sibuyas
 Upo
 Patola
 Singkamas
 Talong
 Luya
 Kamatis
 Kalabasa
 Diwatang Araw
 Diwatang Lupa
 Diwatang Hangin
 Diwatang Tubig
 Bata
 Ampalaya

MARAMING SALAMAT PO!!!!!!

*Sino sa inyo ang kumakain ng ampalaya?