Sa apat na taon na pagpapatuloy ng Alternative Learning
System ng Mataas na Paaralan ng La Filipina para sa mga Out- of-School youth at adults na maghahatid ng de-kalidad na edukasyon na naging daan upangmakapagtrabaho, makapag negosyo at magpatuloy sa kolehiyo ang mga nagsipagtapos sa nasabing programa.
Mas pinaigting natin ang ating Functional literacy,kasi ito
ang competency ng ALS iba sa formal education, kung ano ang kaalamang kailangan nila sa araw-araw yun yung tinututukan natin,pahayag ng ALS Coordinator na si Eugene Abuloc
Dagdag pa niya, ang ALS ng paaralan ay may Best practices
dahil tulad ng Motivational Seminars, Retreats, Feeding Programs at Intensive Review Schedule. “Effective implementation ng programa at constant encouragement to the learners is the foundation to achieve a good relationship sa mga mag-aaral at panibagong istilo sa pagtuturo,” pahayag ni Abuloc. Ito umano ang naging sekreto ng kaniyang panunungkulan kung kaya’t marami ang nakapasa at nagkatrabaho maging ang nakapagpatuloy sa kolehiyo. Ayon naman sa isang produkto ng ALS na ngayon ay naghahanapbuhay sa isang Banana Plantation na si Daine Bulabus, malaki ang pagpapasalamat niya sa programa sapagkat nabigyan uli siya ng isa pang pagkakataon para maabot ang kaniyang mga pangarap. “Nagpapasalamat ako sa ALS dahil nakapag-aral ako ulit at nakapagtrabaho, malaking tulong talaga ang programa sa mga tulad ko na hirap sa buhay,” ayon kay Bulabus. Base naman sa pahayag ni Analisa Diagdal, 35, isa ring ALS graduate na ngayon ay isang Overseas Filipino Worker, malaki ang naitulong ng nasabing programa sa pag-angat ng mga nasa laylayan tulad niya upang matuto at makahanap ng trabaho. “Mas nagpursige ako sa aking pag-aaral kasi napakaraming tumulong sa amin, natutukan ang aming iba’t-ibang pangangilangan at kakulangan lalo na sa kasanayan sa pagsasalita at pagsusulat,” pahayag ni Diagdal.