atha sUryamaNDalAShTakam |

namaH savitre jagadekachakShuShe jagatprasUtI sthitinAshahetave |

trayImayAya triguNAtmadhAriNe vira~nchi nArAyaNa sha~NkarAtman || 1||
yanmaNDalaM dIptikaraM vishAlaM ratnaprabhaM tIvramanAdirUpam |
dAridryaduHkhakShayakAraNaM cha punAtu mAM tatsaviturvareNyam || 2||
yanmaNDalaM deva gaNaiH supUjitaM vipraiH stutaM bhAvanamukti kovidam |
taM devadevaM praNamAmi sUryaM punAtu mAM tatsaviturvareNyam || 3||
yanmaNDalaM j~nAnaghanaM tvagamyaM trailokyapUjyaM triguNAtmarUpam |
samasta tejomaya divyarUpaM punAtu mAM tatsaviturvareNyam || 4||
yanmaNDalaM gUDhamatiprabodhaM dharmasya vR^iddhiM kurute janAnAm |
yatsarva pApakShayakAraNaM cha punAtu mAM tatsaviturvareNyam || 5||
yanmaNDalaM vyAdhivinAshadakShaM yadR^igyajuH sAmasu sampragItam |
prakAshitaM yena bhUrbhuvaH svaH punAtu mAM tatsaviturvareNyam || 6||
yanmaNDalaM vedavido vadanti gAyanti yachchAraNa siddhasa~NghAH |
yadyogino yogajuShAM cha sa~NghAH punAtu mAM tatsaviturvareNyam || 7||
yanmaNDalaM sarvajaneShu pUjitaM jyotishchakuryAdiha martyaloke |
yatkAlakalpakShayakAraNaM cha punAtu mAM tatsaviturvareNyam || 8||
yanmaNDalaM vishvasR^ijaM prasIdamutpattirakShA pralayapragalbham |
yasmi~njagatsaMharate.akhilaM cha punAtu mAM tatsaviturvareNyam || 9||
yanmaNDalaM sarvagatasya viShNorAtmA paraM dhAma vishuddhatattvam |
sUkShmAntarairyogapathAnugamye punAtu mAM tatsaviturvareNyam || 10||
yanmaNDalaM vedavido vidanti gAyanti tachchAraNasiddha sa~NghAH |
yanmaNDalaM vedavido smaranti punAtu mAM tatsaviturvareNyam || 11||
yanmaNDalaM vedavidopagItaM yadyoginAM yogapathAnugamyam |
tatsarvavedaM praNamAmi sUryaM punAtu mAM tatsaviturvareNyam || 12||

iti sUryamaNDalAShTakaM sampUrNam |

##