KRISTAUN MORIS UNIAUN HO MAROMAK NO ESPERANSA BA MORIS ROHAN

LAEK

MAROMAK HAKARAK MORIS HO NINIA POVO

JORGE XIMENES VITAL

REDENÇÃO/CE, BRASIL

2019
SUMÁRIU

Leitura: .......................................................................................................................................... 3
INTRODUSAUN ............................................................................Error! Bookmark not defined.
OBJETIVU .................................................................................................................................... 4
DESENVOLVIMENTO ............................................................................................................... 6
1. Uniaun entre Maromak Trindade (Aman, oan no Esperito Santo). ................................... 6
2. Uniaun entre discípulo sira no Kristaun sira. .................................................................... 8
3. Jesus Promete loron ba loron hamutuk ho ema ne’ebe mak fiar ba Nia. .......................... 8
4. Uniaun final iha lalehan. Jesus husu: fatin ne’ebe mak Jesus iha; ne’ebe povo Maromak
nian mos. ................................................................................................................................... 9
KONKLUSAUN ........................................................................................................................... 9
KRISTAUN HOTU LIGA NAFATIN BA JESUS NO HERANÇA BA PROMESA
UNIÃO MORIS ROHAN LAEK

Leitura:
1º. Juaun 17:1-26 > Jesus nia orasaun ba Aman Maromak, ba Ninia – an, ba
discípulo sira no ba ema sira ne’ebe mak rona testemuño evajello husi apostolu
sira no simu Jesus hanesan sira uniku suficiente Salvador.
2º. Juaun 15:1-27 > Jesus mak videira hun, Aman Maromak mak tos Nain
(Agrikultor), kristaun hotu-hotu liga ba Jesus.
3º. Efésios 1:1-23 > Apostolu Paulu deklara katak Jesus mak autor ba Salavasaun
no bensaun hotu no Nia mak igreja nia ulun. Ita hotu hanesan Jesus nia isin
lolon, hadomi Malu, ajuda Malu iha tribulasaun (orasaun), Jesus mak adota ita
tuir ninia vontade ba rikueza no bensaun sira hotu iha fatin celestial.
4º. Romanus 12:1-21 > Kristaun sira hanesan Jesus nia isin lolon, hadomi Malu ho
domin ne’ebe Laos falsu no kuidado Malu iha tempo hotu-hotu, halo diak ba
ema ne’ebe halo aat ba ita.
5º. I korintius 12:1-31 > Apostolu Paulu desperta igreja korintius katak individu ba
membru kongregasaun idak-idak hanesan membru Kristu nia isin no simu
diversidade Don (Maromak, Jesus no Esperito Santo ida) atu kopera malu ho
dia hodi halao Maromak nia obra.
6º. Efésius 4:1-32 > Unidade ba fé iha Kristu Jesus. Perdoa ba Malu, ajuda Malu
no Fo bensaun ba Malu. Halo tuir modelo Kristu nian.
 INTRODUSAUN

Saida?

Importancia?

OBJETIVU

Liu husi leitua Komprende kona ba Maromak nia hadomi ida ne’ebe bo’ot ne’e no
Nia vontade kria ema hotu atu moris ho haksolok, Nai Jesus Kristu nia kasu ema nain sira,
atu nune’e sala nain oportunidade atu tama iha Maromak nia Reino (Ema sira ne’ebe
arepende sira nia sala no tebes tebes tuir nain ba Nai Jesus).

I. SEI MORIS NE’E MAK OPORTUNIDADE ATU SERVI BA MAROMAK

Ema ne’ebe mak deklara nia an katak kristaun, nundar tuir nain ba Nai Jesus Kristu
mak ema ne’ebe ninia moris loron ba loron iha komuña ho Nai Jesus. Jesus mak ninia
autor ba salvasaun, bensaun sira hotu no moris; fiar tebes katak Jesus kuidadu ninia moris
no to’o iha loron ida sei ba moris hamutuk ho Nai Jesus no Anjo, santo sira iha Aman
Maromak nia Reino, iha lalehan santo.

Ema ne’ebe tuir nain ba Jesus iha mundo ne’e, laos katak ema ne’e sempre moris
diak/haksolok nune’e hela deit; ninia moris diferente ho ema seluk. Maibe, hatene katak
hanesan ema humanu sei moris iha mundo, sempre hasoru susar ka problema sira hanesan
mos ema seluk, tuir lei natureza humana katak ema hotu sala nain no sala ninia
konsekuensia mak buat hirak ne’e: susar, terus, problema oin-oin deit, matan be’en (tanis),
lakon/manan, iha inimigo/amigo, traisaun, moras oin-oin, mate no seluk seluk tan. Maibe
hanoin hetan katak iha Biblia livro Evanjello João 14:6 hateten katak: “Jesus mak dalan,
lia lós no moris nian”. Se ita fiar tebes-tebes ba Nai Jesus mak nia ajuda ita iha tempo
difícil sira ne’e no Lori ita ba iha fatin Aman maromak ninia Reino, lalehan santo iha fatin
ba ó.
 Se ita fiar ona ba Nai Jesus, ne’e dalan diak tebes no lalika laran susar ba buat susar
no probelma sira ne’ebe ita hasoru iha mundo ida ne’e, tamba Jesus promete mai ita atu
hamutuk ho ita loron ba loron, too mundo ne’e nia rohan, ita hetan pasajen ne’e iha bíblia
livro Mateus 28:20b; ita iha razaun fiar nafatin ba Jesus Kristu iha sitausaun no kondisaun
saída deit (tempo diak ka difícil). Entrega buat hotu iha ita nia moris ba Jesus no husik Nia
mak kuidado ita nia moris, hahu iha momentu ne’ebe ita rekoñese ita nia sala no konfesa
katak Jesus mak hanesan ita nia uniku sificiente salvador, fiar katak Nia sei ajuda no
kuidado ita iha tmepo saída deit. Tamba Nia hadomi tebes ita ne’e mak Jesus fó tiha ona
niNia moris tomak hodi mate no Nia ran fakar iha krus tan ita ema sala nain sira ne’e.
Importante mak ita moris labele hadok-an husi Nai Jesus, halo ita nia moris hanesan Jesus
nia evanjello no hanorin kona ba lia lós Jesus nian ba ema hotu no nafatin tuir nain ba
Jesus. Iha Biblia livru João 14:2, Jesus hateten: “Iha Hau nia Aman nia uma, hela fatin
barak; se laos nune’e karik, Hau hateten buat ne’e ba imi; basá Hau ba ne’eba atu prepara
fatin ba imi”.

Jesus hatene katak ema hotu-hotu moris iha mundo mesak sala nain no moris
provesorio iha mundo ne’e; maibe iha loron ida mak tempo to’o, ema ne’e husik ona
mundo maka nia labele sés husi buat realidade ba moris rohan laek, tuir doutrina
kristianismo. Wainhira Liu ba moris rohan laek nian mak ema ne’e sei ba hasoru terus
rohan laek iha inferno (bele le’e iha ne’e: Apokalipse 1:18; Apokalipse 20:12-15; Lukas
16:18; Mateus 16:18), no ba hasoru haksolo rohan laek, iha Maromak Nia Reino (bele le’e
iha ne’e: Apokalipse 21:3,4; Apokalipse 21:21-27; II Korintius 5:1; Markus 12:25;
Apokalipse 2:7).

Tamba ne’e, ita sei moris ne’e mak iha oportunidade atu prepara ita idak-idak nia
an, enkuantu sei iha tempo. Tamba liu tiha ida ne’e, laiha tan ona oportunidade ba ita atu
buka Nai Jesus, maibe só iha Justisa tuir idak-idak nia hahalok.

Agora pára no hanoin didiak, se ita tuir nain ona ba Nai Jesus, kontinua ho fiar
metin no karik mak durante ne’e ita hanesan rona deit kona ba Jesus maibe seidauk tuir
nain Jesus karik, ida ne’e mak tempo, diak liu decide ona hodi entrega ita nia an ba Jesus
agora no decide Nia tuir agora, tamba sei iha tempo ba ó no Jesus hadomi tebes ita.
 II. APROVEITA OPORTUNIDADE NE’E BESIK BA MAROMAK,
NUNE’E NAI MAROMAK BESIK MAI ITA

A. HAHI NAI MAROMAK

Desde principiu Nai Maromak kria buat hotu – hotu, inklui mos ita ema atu hahi Nia
(Geneses).
Wainhira Nai Maromak hili no haketak ema atu servi ba Nia.

Tuir salmista katak buat hotu ne’ebe iha moris hahi ba Nai Maromak.

B. UNIDADE ROHAN LAEK

AMAN MAROMAK – JESUS - KRIATURA

1. Uniaun entre Maromak Trindade (Aman, oan no Esperito Santo).

Wainhira ita estuda bíblia, iha BIblia livru gêneses 1:26ª, ne’eba hateten:”mai Ita
halo ema tuir Ita nia imajen no konforme illas”. Ne’e hatudu katak Maromak dada lia
wanhira atu kria ema kriatura. Liu husi mensajen ne’e ita bele komprrende katak antes ita
moris Nai Maromak iha tiha ona no Nia iha plano ba ita idak-idak nia moris, tamba tuir
gêneses 1:26b hateten kolia katak tempu ne’ebe Nai Maormak kria kriatura atu domina
buat hotu iha mundo ne’e, ho intesaun atu kuidado buat ne’ebe nai Maromak kria tiha ona
iha universo ne’e.
Ita bele kompreende katak maromak Aman, Oan no Esperito Santo sira uniaun,
tamba iha Biblia hatudu nune’e, ita bele haree katak iha livru testamentu tuan kuase kolia
deit mak Aman Maromak ninia serviso, maibe centru ba história no liafuan sira ne’eba
hatudu kona ba Jesus Kristu (Mesias); mai iha livru testamentu foun konta deit mak kona
ba Jesus Kristu nia misaun, Nia sempre hateten katak Nia mai iha mundo halo tuir Aman
Maromak Nia vontade no neeba Jesus Hateten katak depois moris hias Nia sei ba fali
hamutuk ho Aman Maromak, maibe Nia sei husu Aman Maromak haruka fali konsola nain
(esperito santo) mai hodi hamutuk ho discípulo sira iha mundo no kontinua halao misaun
ne’e to’o Jesus fila fali mai iha mundo. Iha okasiaun sira ne’e hanorin mai ita katak Jesus
Kristu no Esperito Santo obedece no halo tuir Aman Maromak Nia vontade, hodi hatudu
uniaun entre Maromak Aman, Oan no Esperito Santo.
Hahu husi livru dahuluk Geneses to’o iha Apokalipse ne’e Kristu mak centru ba
kontexto hotu-hotu. Iha livru testamentu tuan testemunha kona ba Aman Maromak nia
servisu no procesu preparasaun Mesias atu mai iha Mundo ne’e. Iha Testamentu foun,
Jesus kolia dala barak hateten katak Nia mai atu kumpri profesia sira hakerek nanis tiha
ona no Nia konfirma katak Nia mak Kristu ne’ebe povo Israel hein hela iha tmepo ne’eb no
Nia sempre hateten katak mai iha mundo halo tuir Aman Maromak nia vontade, ikus liu
Jesus konfirma ba discipluo sira katak tempo sei to’o Nia husik discípulo sira mesak iha
mundo, maibe Jesus ba tur iha Aman Maromak kuana lós no husu ba Aman Maromak
haruka konsola nain (Esperito Santo) mai hamutuk discípulo sira no hanorin buat hotu
kona ba Nai Maromak ho Ninia Reino. Liu husi kontexto ne’e hatudu katak Aman
Maromak, Oan no esperito Santo sira ida deit, ka bele hateten katak uniaun tebes, desde
principiu to’o rohan laek.
Nai Maormak hadomi tebes humanidade hotu, mesmo halo sala kontra Nia, maibe
sei fó oportunidade ba ema atu arepende sira nia sala hodi hetan Maromak nia grasa no
bele iha oportunidade ba salvasaun no esperansa ba moris rohan laek. Maromak promete
hela hahu husi Adaun no Eva nia tempu katak sei haruka Salvador ida mai iha mundo hodi
sala humanidade hotu no sei sama satanasa nia ulun. Tan ne’e, iha testamentu foun Jesus
Kristu moris ho misaun atu kasu sala nian sira hotu no sala, fó esperansa moris rohan laek
ba ema sira ne’ebe fiar tebes-tebes ba Nia. No Jesus mai hodi kumpri Aman Maromak
ninia liafuan. Jesus mak media nain entre ba ema sala nain hotu ho Maromak. Halo alinasa
foun no fó oportunidade ho grasa Maromak nian ne’ebe nakonu ho esperansa moris rohan
laek ba ema hotu-hotu.
Esperito Santo simu orden husi Aman Maromak tuir buat ne’ebe Nai Jesus Kristu
husu, entaun Esperito Santo mai iha mundo ho misaun atu Fo konsolasaun, koñesimentu
no mata dalan nain ba discípulo sira no ba kristaun sira hotu. Discipulo sira iha tempo
neeba simu Esperito Santo, korajen hodi haklaken evanjello, konselleo discípulo sira atu
fime ka hamrik metin nafatin fé ba Nai Maormak no usa discípulo sira o pode no
autoridade opera milagre sira, kura moras oin-oin no epulsa esperito aat sira iha ema no
halo sinal furak oin-oin deit, hoid glorifica Aman Maromak Nia naran.
Ohin loron, Aman Maromak no Jesus Kristu iha lalehan fatin Santo, maibe esperito
Santo sei halao misaun iha mundo no usa Kristaun sira hodi halao Maromak nia obra to’o
tempou ne’ebe mak Aman Maromak fó orden Jesus fila fali mai iha loron Maranath, Jesus
mai foti ninia Igreja fiar nain sira no ba kristaun sira ne’ebe preparado ona, loron ba loron
moris komiñiaun ho Aman Maromak, Jesus no Esperito Santo.

2. Uniaun entre discípulo sira no Kristaun sira.

Iha mundo ema mesak laran aat ba Malu, laran moras ba Malu, fahe Malu, ódio no
vigansa, oho Malu, laiha paz, laiha domin ba Malu, halo buat hotu ne’ebe mak aat, pratika
mak buat sira ne’ebe La tuir Maromak nia hakarak. Tamba ne’e, antes Jesus sae ba lalehan,
Nia preukupa tebes kona ba uniaun ba discípulo no kristaun sira João 17:20,21a. Nai Jesus
nia hakarak iha unidade hahu husi no discípulo sira no ba ema hotu-hotu, liu-liu ba sira
ne’ebe mak fiar no tuir ona Nai Jesus. Plano ba uniaun ne’e iha mundo to’o iha lalehan
mos uniaun hamutuk nafatin Nai Jesus João 17:24.
Jesus husu ba Aman Maromak no promete hela katak Nia hakarak hela hamutuk ho
discípulo no kristaun sira loron ba loron to’o mundo ne’e nia rohan Mateus 28:20b. Jesus
nia vontade ida deit ho kristaun sira João 17:20-23, no Nai Jesus hakarak ema ne’ebe fiar
no tuir Nia bele iha unidade perfeita.
Jesus liu tiha husi moris hias no sae ba lalehan, discípulo sira iha tempo ne’eba
hahu moris mesak no kontinua haklaken evanjello ba ema hotu-hotu ho poder esperito
santo no opera milagre barak, iha tempu ne’e discípulo sira no kristaun dahuluk sira moris
hamutuk ho komuñiaun no unidade tebes, Atos 2:46,47.
Kristaun hotu-hotu iha tempo agora precisa halo tuir Jesus Kristu nia liafuan moris
komuñiaun no uniaun no deve halo tuir exemplu ne’ebe mak discípulo no kristaun dahuluk
sira hyanorin hela mai ita. Tamba, Jesus promete hateten katak ita moris ho unidade iha
mundo no sei ba moris hamutuk ho Nai Jesus iha lalehan to’o rohan laek.

3. Jesus Promete loron ba loron hamutuk ho ema ne’ebe mak fiar ba Nia.

Desde hahu mundo, Nai Maromak rasik iha vontade kria ema moris hodi halo
haksolok Maromak iha loron ba loron no Maromak haksolok tebes visita no hamutuk ho
ema kriatura iha jardim Eden (gêneses 3:8,9).
Iha Jesus nia tempo antes NIa sae ba lalehan, Jesus promete hela ba discípulo no ba
kristaun sira iha tempo ne’eba katak Nia sei La husik sira hanesan ema oan kiak no faluk,
Maibe Jesus husu ba Aman Maromak atu nune’e Jesus rasik hamutuk ho ema sira ne’ebe
mak fiar iha Nai Jesus no tempo ne’eba promete katak sei husu mos ba Aman Maromak
atu nune’e haruka esperito santo atu mai ajuda no hanorin discípulo sira ho buat hotu kona
ba Nai Maromak nia reino no Nia vontade (João 17:16-18).
Jesus nia hanesan Maromak, hatene tempu hotu no Nia hatene katak sei iha tempu
susar ruma ba ninia discípulo sira no ba Kristaun sira hotu. Tamba ne’e, Nia fó hatene ba
discípulo sira no promete katak Jesus sei La husik ba Nia ema sira ne’ebe mak fiar no tuir
Nia. Jesus promete sei hamutuk ema ne’ebe fiar Nia to’o mundo ne’e remata.

4. Uniaun final iha lalehan

Nai Maromak hadomi tebes ema hotu-hotu, tamba ne’e ema kriatura monu ba sala
kontra ona Nai Maromak, maibe Maromak ho laran luak sei fó perdua no privelegio boot
ema sala nain sira iha oportunidade atu hetan fatin iha Nai Maromak nia Reino, liu husi
Jesus Kristu ho Nia ran ne’ebe iha poder bele hamos ema sala nain sira nia sala, halo ema
sai kriatura foun atu tama lalehan.
Antes Jesus sae ba lalehan, Nia promete hela ba discípulo sira katak iha fatin ne’ebe
mak Jesus iha ne’eba iha fatin mos ba ema sira ne’ebe mak fiar no tuir Nai Jesus. Dehan
hela ba discípulo sira katak Jesus ba hodi prepara fatin ba ema sira ne’ebe mak fiar no tuir
nain ba Jesus. Husu ba discípulo sira nafatin haklaken novidade evanjello Jesus nia ba ema
hotu, to’o tempu ne’ebe mak Amana Maromak Haruka Nia sei mai fila fali hodi foti Ninia
Igreja ba Lalehan no iha ne’eba mak tuir nain sira Jesus nian moris roahn laek hamutuk ho
Nai Jesus hamutuk ho anjo, santo sira tinan ba tinan.
Nai Maromak sei halo lalehan, Raí no Jerusalen foun ba ema hotu-hotu iha mundo
tomak, ba se mak fiar ba Aman Maromak sira sei tama fatin ne’eba no Nai Maromak rasik
sei hamos sira nia matan be’en no ema kiik ho boot, ho rasa oin-oin, husi nasaun hotu-
hotu, lian no kukltura diferente; povo sira ne’e sei hamrik iha Aman Maromak nia futar oin
hahi no adora ba Nai Maromak to’o roahn laek. Iha fatin ne’eba sei laiha tan hamlah,
hamrok, laiha loron manas no buat susar seluk ruma, basá Jesus Kristu mak hanesan
halibur no Lori ba be’e matan moris nian (Apokalipse 7:9,15-17).

KONKLUSAUN

Konklui katak ita ne’ebe hanesan ema kristaun labele sai rona nain deit kona ba
Jesus, maibe halo hanesan tuir nain ba Jesus, halo tuir Ninia vontade no tuir Nai Maromak
Nia liafuan, estuda, Raí no halo tuir. Loron ba loron pratika iha ita nia moris. Nundar
Kristaun precisa iha esperito uniaun iha ita nia moris, hanesan Maromak hatudu hela mai
ita iha Ninia liafuan santo. Ita precisa hanoin no halo buat ne’ebe diak ba ita nia na,
família, sociedade, liderança, Igreja no ba nasaun.