འཛམ་གླིང་སྐྱོབས།
ཐུགས་རྗེའི་འཕྲིན། སའི་གོ་ལའི་རང་དབང་ལས་འགུལ།
ང་ཚོའི་གཟའ་སྐར་ནི་ཚབས་ཆེའི་ཉེན་ཁའི་ནང་ཡོད་ཅིང་། ད་ལྟའི་སྲིད་
པའི་དཔལ་ཡོན་འདི་འཛམ་གླིང་སྤྱི་ཡོངས་ཀྱི་རྐྱེན་ངན་ཞིག་ཏུ་འགྱུར་བཞིན་
ཡོད། འོན་ཀྱང་ང་ཚོས་འགྲུབ་ཐུབ་པའི་ཐབས་ལམ་གཞན་ཞིག་མཐོང་གི་
ཡོད། ང་ཚོའི་གཟའ་སྐར་འདི་འཇིགས་ཉེན་གྱི་ཆེད་དུ་ཆགས་པ་མ་ཡིན་
པར། ཚེ་སྲོག་དང་། བརྩེ་བ། སྤྲོ་སྣང་སོགས་ཀྱི་ཆེད་དུ་གནས་པ་ཞིག་
ཡིན། ཚེ་སྲོག་གི་ཁྱིམ་ཚང་ཆེན་པོ་འདི་ཕན་ཚུན་གཉིས་མོས་ཀྱིས་རྩ་མེད་
བཟོ་རྒྱུའི་ཕྱིར་ཚུགས་པ་མ་ཡིན་པར། འགྲོ་བ་མི་དང་། སེམས་ཅན། རྩི་
ཤིང་། རྒྱུགས་ཆུ། རྒྱ་མཚོ་སོགས་སྐྱེ་འགྲོ་ཀུན་གྱི་དབར་ལ་མཐུན་འགྱུར་
དང་མཛའ་གྲོགས་ཀྱི་ཆེད་དུ་ཡིན་ཞིང་། སྐྱེ་འགྲོ་རྣམས་རྩ་ཆེའི་ལུགས་ཁུང་
གཅིག་གི་ཐོག་ཏུ་སྦྲེལ་ནས་ཡོད། ང་ཚོས་དམག་འཁྲུག་ཚང་མའི་རྒྱབ་ཏུ་
ཞི་བདེའི་སྔོན་འཆར་འདི་མངོན་སུམ་དུ་འགྲུབ་ཐུབ་པ་དང་། སྟབས་ཉེས་ཀྱི་
དུས་ཚོད་འདི་བཞིན་ཡིད་ཆེས་བློ་འགེལ་གྱི་ལོ་ངོ་གསར་པ་ཞིག་ཏུ་འགྱུར་
རྒྱུ་དང་སྡུག་བསྔལ་གྱི་འཛམ་གླིང་འདི་སྤྲོ་སྣང་ཅན་གྱི་འཛམ་གླིང་ཞིག་ཏུ་
འགྱུར་རྒྱུ་ཡིན་པ་མཐོང་ཐུབ། ཕ་མས་བུ་ཕྲུག་མི་གཡུག་པ་དང་། བུད་མེད་
ལ་བཙན་གཡེམ་མི་བྱེད་པ། སྟོད་གོས་ཀྱི་མཛེས་རྒྱན་ལ་བལྟས་ནས་སེམས་
ཅན་སྲོག་གཅོད་མི་བྱེད་ཅིང་། ཨ་མའི་བུ་ཕྲུག་དམག་འཁྲུག་ནང་ཚེ་སྲོག་
ཤོར་ནས་མིག་ཆུ་གཏོང་མི་དགོས་པའི་འབྱུང་འགྱུར་ཞིག་ང་ཚོས་མཐོང་གི་
ཡོད། གང་ཡིན་ཞེ་ན། འབྱུང་འགྱུར་གྱི་དུས་ཚོད་དེའི་ནང་དམག་འཁྲུག་གི་
དུས་ཡུན་རྫོགས་ཟིན་པ་རེད།
སྨན་པའི་འགོ་གཙོ་སཱན་སྦེའི་(Sun Bear) མཆོག་ནས། “
མཚམས་རེ་ངའི་རྨི་ལམ་ནང་མི་བུ་མཉམ་འདུས་ཀྱི་ཚོ་ཁག་ཆུང་ཆུང་ཞིག་
རིའི་རྩེ་མོར་སླེབས་བཞིན་འདུག་ཅིང་། ང་རང་ས་ཆ་དེར་ཁོང་ཚོ་དང་མཉམ་
དུ་སླེབས་འདུག །ང་ཚོ ཚང་མས་ཕན་ཚུན་འཐམ་འཁྱུད་བྱས་ཏེ་འདི་ལྟར་
འབོད་བཞིན་འདུག “ མཆེད་གྲོགས་ཕོ་མོ་ཚོ། “ ང་ཚོ་གསོན་པོར་གནས་
ཡོད། “ རིང་ལུགས་ཚང་མ་ཡལ་ཟིན་པ་རེད།” ཁྱེད་རང་གི་ཆོས་ལུགས་
ག་རེ་ཡིན་དང་། ཡུལ་ལུང་གང་གི་མི་ཡིན་ཞེས་པའི་སྐད་ཆ་དེ་དག་མཇུག་
སྒྲིལ་ཟིན་པ་རེད། “ ཅེས་དང་།
ང་ཚོས་འཛམ་གླིང་གི་རྒྱལ་ཁབ་གང་ས་ནས་ཡུལ་གྲུ་ཚང་མར་
འགྲིམ་འགྲུལ་བྱེད་པའི་མི་རབས་གསར་པའི་གནས་བསྐོར་བ་དག་མཐོང་
གི་ཡོད། ཁོང་ཚོ་ནི་རྒྱལ་ཁབ་དང་། སྐད་ཡིག །མི་རིགས། རིགས་གཞུང་
ངམ་ཆོས་ལུགས། རྒྱུ་ནོར་རམ་བདག་དབང་གང་ལའངགཏོགས་ཀྱི་མེད་པ་
དང་། ཁོང་ཚོས་དཀའ་ཉེན་ཆེ་དུས་ཀྱི་ས་ཁུལ་ལ་རོགས་རམ་བྱེད་པ་དང་།
རྩ་ཆེའི་གནས་མཇལ་བ། ལོ་ངོ་གསར་པའི་རྟོད་སར་བགྲོད་ལམ་གྱི་ཁ་ལོ་
ཕྱོགས་ཡོད། ཁོང་ཚོ་ཕན་ཚུན་སྡོད་སྒར་གྱི་མེ་སྐོང་དང་། རྩྭ་ཁང་། འགྲུལ་
ཁང་སོགས་སུ་ཐུག་འཕྲད་ཀྱིས་རྒྱལ་སྤྱིའི་གླུ་དབྱངས་ལེན་ཞིང་། རང་ཉིད་
ཀྱི་ཁ་ཟས་གཞན་ལ་བགོ་བཤའ་བྱེད་ཀྱིན་བསྙེན་བཀུར་དང་ཕན་གྲོགས་བྱ་
རྒྱུར་ཁྱད་ཆོས་གསར་པའི་ཚོགས་སྡེ་ཞིག་མངོན་འགྱུར་བྱེད་ཀྱིི་ཡོད། ཁོང་
ཚོ་མང་པོས་རང་ཉིད་ནི་སའི་གོ་ལའི་རང་དབང་ལས་འགུལ་གྱི་ཚོགས་མི་
ཡིན་པའི་གོ་དོན་གྱི་མཚོན་རྟགས་གྱོན་ཏེ། སྐབས་རེ་ཐུགས་རྗེའམ་གཟི་
བྱིན་ཞེས་འབོད་ཀྱི་ཡོད།
ཁོང་ཚོར་ཁྲིམས་སྲོལ་འགའ་ཞིག་ཡོད་པ་ནི། ཕན་ཚུན་གཉིས་མོས་
ཀྱི་རྒྱབ་སྐྱོར་དང་། ཉམ་ཐག་ཀུན་ལ་ཕན་གྲོགས། འཁོན་ལན་མ་ཡིན་པར་
ཐུགས་རྗེ་དང་། སེམས་ཅན་ལ་འཚེ་བ་མེད་ཅིང་། འཛམ་གླིང་ནང་རང་ཉིད་
ཀྱིས་མངོན་འདོད་ཡོད་པའི་འཕོ་འགྱུར་ལག་བསྟར་བྱེད་རྒྱུ་སོགས་ཡིན།
ཐབས་ལམ་འདི་དང་སྒྲིག་འཛུགས་ཚང་མའི་རྒྱབ་ཏུ་གཅིག་གྱུར་གྱི་གོ་ལ་
གཞན་ཞིག་མངོན་འགྱུར་དང་། འཛམ་གླིང་གསར་པའི་གཞོན་སྐྱེས་ཀྱི་མི་
སེར་ཡར་ལངས་བྱེད་ཀྱི་ཡོད། ང་ཚོས་ཞི་བདེའི་གོ་ལ་གཅིག་གྱུར་དེ་བཞིན་
རྨི་ལམ་ལྟ་བུ་ཞིག་ཏུ་མཐོང་གི་ཡོད་ཀྱང་། དེ་ནི་དངོས་ཡོད་དང་དོན་དངོས་
གསར་པའི་སྐྱེ་བ་གསར་པ་ཞིག་ཡིན།
སའི་གོ་ལའི་ཕྱོགས་གང་སར་དལ་བུར་ཁྱབ་བཞིན་པའི་ཡོངས་སུ་
གསར་དུ་ཚུགས་པའི་ལྟེ་གནས་ཁག་གིས་ཡར་རྒྱས་འདིར་རྒྱབ་སྐྱོར་བྱེད་
པ་དང་ང་ཚོས་དེ་དག་ལ་”གསོ་བཅོས་ཀྱི་ཁོར་ཡུག་” ཅེས་འབོད། གནས་
ཁུལ་དེ་དག་གིས་གནས་བསྐོར་དུ་འགྲོ་བ་མི་རྣམས་ལ་སྡོད་ཁང་དང་། སློབ་
སྦྱོང་དང་བྱ་གཞག་གཉེར་ས་གཉིས་ཀའི་དགོས་མཁོ་སྒྲུབ་ཀྱི་ཡོད། ས་
གནས་འདི་དག་ནི་འཚེ་བ་མེད་པའི་འཛམ་གླིང་གི་ཚོགས་སྡེ་ཞིག་གི་ཆེད་
འཕྲུལ་ལས་དང་། སྣོད་བཅུད། སྤྱི་ཚོགས་དང་འགྲོབ་མིའི་སེམས་དོན་དང་
འབྲེལ་བའི་སྒྲོམ་གཞི་ཡར་རྒྱས་གཏོང་རྒྱུའི་ཞིབ་འཇུག་གི་ལྟེ་གནས་ཡིན་
ཞིང་། གནས་བསྐོར་བ་གྲངས་ཇེ་མང་དུ་འགྲོ་བཞིན་པ་རྣམས་བརྒྱུད་ནས་
ཞིབ་འཇུག་གི་ལྟེ་གནས་ཁག་ཕན་ཚུན་འབྲེལ་ལམ་བཟུང་ཡོད། ང་ཚོ་ཕན་
ཚུན་ཤེས་རྟོགས་དང་བགྲོད་ལམ་གཅིག་གི་ཐོག་ཏུ་ཡོད་ཅིང་། སའི་གོ་ལའི་
འབྱུང་འགྱུར་ལ་ཚང་མས་འགན་འཁུར་དགོས་པ་ངེས་ཡོད། ལྟེ་གནས་དེ་
དག་གིས་ “རྒྱལ་སྤྱིའི་ས་ཁོངས་”ཞེས་འབོད་པའི་དྲ་རྒྱ་ཞིག་འཛུགས་ཐུབ་
པ་དང་མཉམ་དུ་ང་ཚོས་འཛམ་གླིང་སྤྱི་ལ་ཁྱབ་པའི་རིག་གཞུང་གསར་པ་
ཞིག་དང་། དུས་རབས་གསར་པའི་སྐྱ་རེངས་ངོ་མ་ཞིག་མཐོང་ཐུབ་ཀྱི་ཡོད།
ང་ཚོས་སའི་གོ་ལའི་ལས་འགུལ་གཙོ་ཆེ་གསར་པ་ཁ་ཤས་ཀྱི་ཁ་ཕྱོགས་
མཐོང་གི་ཡོད་པ་རྣམས་ནི།
• མི་དང་རང་བྱུང་ཁམས་ཀྱི་དབར་ལ་འགྲིགས་འཇགས་དང་མཐུན་འགྱུར་
བྱ་དགོས།
• ཕོ་མོའ ་ི དབར་ལ་འགྲིགས་འཇགས་གཏིང་ཟབ་དགོས་པ་དང་ཕོ་མོ་ཕན་
ཚུན་གྱི་རྩོད་རྙོག་མཚམས་འཇོག་བྱ་དགོས། འཁྲིག་སྦྱོར་དང་བརྩེ་བའི་ནང་
རྫུན་བཅོས་མེད་ཅིང་། རང་དབང་གི་བརྩེ་བ་དང་དངོས་ཡོད་ཀྱི་ཟླ་གྲོགས་
མཉམ་དུ་སླེབས་ཐུབ་པ་བྱ་དགོས། ༼ལས་འགུལ་འདིའི་བརྗོད་གཞི་གཙོ་བོ་
གཅིག་ནི། ཇི་སྲིད་བརྩེ་བའི་ནང་གི་འཁྲུག་རྩོད་མ་ཞི་བའི་བར་འཛམ་གླིང་
འདིའི་སྟེང་ཞི་བདེ་ཡོང་མི་ཐུབ། ༽
• མི་དང་དཀོན་མཆོག་གི་འཇིག་རྟེན་བསྐྱར་འདུས་བྱ་རྒྱུ།
• རིག་གཞུང་གི་འབྱུང་ཁུངས་དྲན་གསོ་བྱ་རྒྱུ་དང་། གནའ་རབས་ཀྱི་རང་
བཞིན་དང་དེང་སྐབས་ཀྱི་ཤེས་ཡོན་དང་འཕྲུལ་ལས་མཐུད་སྦྱོར་བྱ་དགོས།
སའི་གོ་ལའི་ལས་འགུལ་གྱི་ལྟེ་གནས་གསར་པ་ཞིག་ནི་པོར་ཇུ་གྷལ་
(Portugal) རྒྱལ་ཁབ་ནང་རྟེན་གཞི་བྱས་པའི་ཊ་མི་རཱ་ ( Tamera)
ཞེས་པ་དེ་ཡིན། དེ་ནི་སྤྱི་ལོ་ ༡༩༩༥ ལོར་འགོ་འཛུགས་བྱས་པ་དང་། ལྟེ་
གནས་དེར་ད་ཆ་མཉམ་ལས་པ་དང་ན་གཞོན་སློབ་ཕྲུག་གྲངས་ ༡༦༠ ཙམ་
ཞིག་ཡོད་ཅིང་། གནས་དེ་ནི་ཡིད་ལ་མངོན་པར་འདོད་པའི་ཡུལ་དངོས་
ཤིག་ཡིན། འདིར་ཉི་འོད་ཀྱི་འཕྲུལ་ལས་གསར་པའི་ཐབས་ལམ་ལ་བརྟེན་
པའི་རང་འཚོ་འདང་ངེས་ཀྱི་ནུས་པ་དང་། ཆུ། ཟས་རིགས་མཁོ་སྒྲུབ་དང་
། དབང་ཆ་ཕྱོགས་བགོས་ཡོད་པའི་ཉི་འོད་ཀྱི་ནུས་པ་སྤྱོད་པའི་གྲོང་ཚོ་ཞིག་
གི་ནང་འཚོ་ཐབས་ཀྱི་མིག་དཔེ་མངོན་འགྱུར་ཡོང་གི་ཡོད། ལས་གཞི་འདི་
ནི་མཚོར་གནས་ཀྱི་སྐྱེ་དངོས་ཡར་སྐྱེད་དང་སྣོད་བཅུད་དང་སྐྱེ་དངོས་འགྲོ་
ལུགས་ཀྱི་སོ་ནམ་འདེབས་ལས་སོགས་ལམ་ལུགས་དུ་མ་ཞིག་སྦྲེལ་ཡོད་
ལ། ད་དུང་དེར་དུས་རབས་གསར་པའི་སྒྱུ་རྩལ་དང་། སེམས་དོན་རིག་པ།
བྱམས་བརྩེ། མཉམ་ལས། གསོ་བཅོས། གོ་ལ་ཡོངས་ཀྱི་ཕུགས་འདུན་དང་
། སྤྱི་ཚོགས་ཀྱི་འཚོ་ཐབས་སོགས་བློའ ་ི བསམ་ཞིབ་དང་འབྲེལ་བའི་བརྗོད་
གཞི་དེ་དག་གི་ལྟེ་གནས་ཤིག་ཀྱང་ཡོད། འབྱུང་འགྱུར་གྱི་སློབ་གྲྭ་འདིས་
འཛམ་གླིང་སྤྱི་ལ་སྨན་པའི་གཞི་རྩའི་བསམ་ཚུལ་རྣམས་ལག་བསྟར་མཐར་
སྐྱེལ་གཏོང་རྒྱུ་དང་། ལས་གཞི་འདིའི་ནང་ཞུགས་འདོད་ཡོད་པའི་འཛམ་
གླིང་ས་ཕྱོགས་གང་སའི་སྐྱེ་བོ་སྒེར་དང་ཚོགས་སྡེ་ཁག་མཉམ་སྦྲེལ་བྱ་རྒྱུ་
ཡིན། ང་ཚོས་བརྩོན་མི་ལྷོད་པའི་ཞི་བདེ་དོན་གཉེར་ཅན་རྣམས་ལ་དམག་
འཁྲུག་མེད་པའི་འབྱུང་འགྱུར་དེའི་ནང་མགྲོན་འབོད་ཞུ་གི་ཡོད།
ང་ཚོ་འཛམ་གླིང་རྒྱལ་ཁབ་ཚང་མའི་གཞོན་སྐྱེས་རྣམས་ཀྱིས་འདས་དོན་
ནས་གོམ་སྟབས་ཕྱིར་སྤོས་ཀྱིས་དུས་རབས་གསར་པའི་བསམ་ཞིབ་དང་།
མཛའ་བརྩེ། སྤྲོ་སྣང་ལྡན་པའི་གཟའ་སྐར་ཞིག་ནང་ཞུགས་པར་སྨོན།
ཐུགས་རྗེ། སའི་གོ་ལའི་རང་དབང་ལས་འགུལ། ༢༠༡༠ ལོའ ་ི ཟླ་ ༡༡

We love the work of:

Vasamali Kurtaz, Dr. Dieter Duhm,

Todas, India Tamera, Portugal

Padre Javier Giraldo, Sami Awad, Holy

Colombia Land Trust, Palestina

Sabine Lichtenfels, Gloria Cuartas,

Tamera, Portugal Colombia

Lama Jampal, Gyuto

Tantric University,
Dharamsala, India/ Philip Munyasia,
Tibet OTEPIC, Kenya

More information:
Institute for Global Peace Work (IGP) • Tamera
Monte do Cerro • P-7630 Colos • Portugal
Ph: +351-283 635 484 • Fax: +351-283 635 374
Email: igp@tamera.org • www.tamera.org