EBF Buruma Preukupa Material Prevene Covid-19

Kordenador Eskola EBF Buruma Joao Calistro Ximenes(Foto:STL/ Joaozinho

ximenes)

BAUCAU-Eskola Ensinu Baziku Filial (EBF) Buruma preukupa tamba menus

material atu prevene moras surtu Covid-19.

Informasaun nee hatoo husi kordenador Eskola EBF Buruma Joao Calistro
Ximenes ba STL,iha nia knar fatin EBF buruma dokobere sesta(19/02/2021).

“Ami preukupa tebes ba aimoruk neebe mak ami uza atu rega iha sala laran nee
hotu tiha ona,semana hira ona ami larega,maibe uluk aimoruk sei iha nee ami rega
kada sala de aula semana semana ami rega dala ida,tamba agora aimoruk laiha ona
entaun ami labele ona rega “.Dehan Kordenador Eskola EBF Buruma Joao Calistro
Ximenes

Joao Calistro Ximenes hateten, material ba prevensaun surtu covid-19 nian neebe
mak eskola EBF buruma hetan husi vice ministeiru edukasaun, ministeiru saude
no ekipa unicef hanesan hand sanitizer bomba rega nian, bayklin no alckol.

Nia hateten, material hirak neebe mak eskola nee hetan husi vice ministeiru
edukasaun,ministeiru saude no ekipa unicef, oras nee hotu ona, hela deit mak
bomba rega nian,nunee eskola nee rasik halo prevensaun ba surto covid-19 la
seguru.

Joao Calistro Ximenes hatutan,prevensaun ba covid-19 nian neebe mak ministeiru

edukasaun no ministeiru saude foo sai informasaun, eskola nee rasik kumpri
hanesan distansia social iha sala laran no mos iha liur, no mos estudante sira
nafatin uza maskra iha sala laran no molok atu tama ba sala laran, tenke fase liman.

“Eskola prepara bee no sabaun hodi nunee ita nia alunos sira mai fase liman,no ami
mos implementa hanesan distansia social no distansia fiziku,labele kaer malu no
labele besik malu,tuur mos tur dook malu,hamrik mos dook malu ho distansia
metro ida”.Katak Joao Calistro Ximenes

Nia hatutan,estudante lakon materia tamba sala aprendijazem la too, tan nunee
obrigatorio tenke fahe ba grupo rua, tama dader no loraik,atu nunee bele kumpri
informasaun neebe mak ministeiru edukasaun foo sai, akumula estudante iha sala
ida hamutuk ruanulu(20),nunee eskola EBF buruma rasik kumpri mos regras nee .

“atu implementa distansia social sala laran tenke fahe ba parte rua no simu materia
mos oras rua deit,parte ida tama dader no parte ida seluk tama loraik husi primeiru
ano too sesto ano”.Dehan Joao Calistro Ximenes
joao hatutan,situasaun liga ho moras ida agora nasaun timor leste infrenta mak
covid-19, tamba foo impaktu boot tebes ba estudante sira atu aprende no simu
materia, tamba tempo ba estudante sira atu aprende mak iha deit oras
rua.*ESTTO.V