Synfocity = 354

mail us at : synfo@bsnl.in; synfo@yahoo.com - Phone - 2314648

Synod Information & Publicity Department, Synod Office (Third Floor), Mission Veng, Aizawl

18th August, 2011

Women Centre lungphum phum Presbyterian Kohhran hnuaia Kohhran Hmeichhe Central Committee hmalakna Women Centre sak tur lungphum chu August 12 khan a sakna hmun tur Phunchawngah Rev. C. Lalsangliana, Synod Moderator-in a phum. Lungphum inkhawm hi Central Kohhran Hmeichhe Committee Chairman Pi Laltlanmawiin a kaihruai a, Women Centre Sub. Committee Secretary Pi Lalrinkimin reports a pe a, Rev. C. Lalsangliana, Synod Moderator-in lungphum chu phumin thuchah a sawi a. Synod Choir an zai zawhah Rev. Lalzuithanga, Executive Secretary, i/c Kohhran Hmeichhia leh Upa Chawngthanmawia, Work Supervisor hnen atangtein thusawi ngaihthlak a ni. Pu Samuel Lalfana, TBL Architectural Consultant hnen atangin Technical Reports ngaihthlak a nih hnuah Rev. Vanlalzuata, Senior Executive Secretary-in malsawmnain inkhawmte a tin a ni. Lungphum inkhawm neih a nih zawh hian thingpui ruai kilho a ni. Women Centre hi mi thahnemngaite rawtna um zuiin Central Kohhran Hmeichhe Committee chuan September 11, 2000 khan din a lo remti tawh a. Synod Officers Meeting leh SEC-ah te thlenin SEC chuan a pawmpui a (SEC 180:32). Synod 2001 chuan SEC rawtna angin Synod sum seng lovin, Foreign Grant atanga sak turin a lo pawmpui a (Synod 77:34 of 2001). Synod phalna hmuh a nih velleh hian Kohhran Hmeichhe Central Committee chuan kum 2002 atang khan a pualin budget an siam nghal a. Ram pum huapa budget atanga an tuak ngah theih zat leh foreign fund hrang hrang an hmuh zawng zawng belhkhawma Women Centre puala sum hmuh zat chu Rs.87,70,716/- zet a ni. Hemi atnaga sum hman tawh zat chu Rs.1,57,239/- a ni a, hman bang Rs.86,13,477/- a la awm a ni. Hmeichhe Inkhawmpui Lian remtihna anga Special Budget siam leh a nih bakah kawng hrang hrang atangin sum hi a la luh belh mek zel bawk. Women Centre hi thlarau lam nuna intuai tharna hmun atan te, training chi hrang hrang buatsaihna hmun atan te leh tanpui ngai hmeichhiate tanpuina hmun atan te hman tura buatsaih a ni. Plan & Estimate siamtu TBL Architectural Consultant chuan Women Centre hi Rs.365,54,000/- a sak zawh turin a ruahman a. A hmun hi Pu L.H. Thanga, Ramhlun North-in an nu leh pa te Upa Thansanga leh Pi Tawni te hriatrengna atana an pek a ni a, kawngpui pal tlang hmun tha tak a ni. He Women Centre sakna tura sum mamawh zat tur hi Rs.365,54,000/- zet a nih laiin Central Kohhran Hmeichhe Committee hian tunah hian sum Rs.86,13,477/- chauh an nei a. Hetih lai hian Work Supervisor tur Upa Chawngthanmawia chuan hei hi Pathian tana a tihsak theih tlawm tak nia ngaiin Kohhran Hmeichhe sum neih sa bak chu ama sum senga a sak mawp mawp tur thu a sawi a, hna pawh a tha thei ang bera thawh leh hmanrua pawh a tha ber ber hman a nih tur thu a sawi a ni. A sum a hman zawng zawngte chu Central Kohhran Hmeichhe Committee ten an sum hmuh theih dan ang anga rul mai turin a ti a ni. Upa Chawngthanmawia inpekna hi ropui an tiin a chungah Kohhran Hmeichhe hruaitute an lawm tak zet a ni. Seminar on Tent Making Ministry August 20 (Inrinni) hian Synod Mission Board (SMB) leh Interserve India tangkawpin J.M. Lloyds hall, Synod Officeah Seminar on Tent Making Ministry an buatsaih dawn a, thupuiah Equipping the Church in Missions in a fast changing world tih an hmang ang a; Resource person atan Mr. John Amalraj, National Director, Interserve India, Pune an hmang ang. Seminar-a tel tur hian Synod Puipate, SMB Executive Committee, Aizawl khawpui chhung Pastor & Pro. Pastor, Aizawl khawpui chhunga Bial tin aiawh te leh Missionary Training Centre Staff-te sawm an ni. Programme kimchang phek lehlamah tarlan a ni. Interserve India hotuten August 21 (Pathianni) Chawhma & Zanah Aizawl khawpui chhunga Kohhran hrang hrangte hetiang hian an tlawh ang : Group I (Chawhma - Chhinga Veng Kohhran; Zan - Tlangnuam Kohhran) 1. Mr. John Amalraj 3. Rev. Dr. Lalchungnunga National Director, Interserve India Principal, Serampore College, Kolkata 2. Prof. Ravikant Kant Minister-at-large, Pune Group II (Chawhma - Chaltlang S Kohhran; Zan - Vaivakawn Kohhran) 1. Mr. Karl Weaich 3. Mr. Amzad DeCruz Freeset, Kolkata SofMEDA, Shillong 2. Rev. David Lalramliana Ralte 4. Upa Dr. L.N. Tluanga Associate Director, Church Relations Minister-at-large, Aizawl Interserve India

Kristian Thalai Pawl w August 19 - 21 hian Champhai North Presbytery Meet, Champhai Venglai Kohhranah neih a ni dawn a, hemi hmanpui tur hian Rev. K. Lalpiangthara, CKTP Leader leh Pu Lalrohlua, CKTP Committee Member te an kal ang. w Mizoram Synod Choir-te chuan hetiang hian zaia rawngbawlna an nei ang : August 21 (Pathianni) Zan : Ramthar North Kohhran August 22 (Thawhtanni) Zan : Dawrpui Branch KTP Inkhawm School Inspection August 18 & 19 hian Presbyterian English School hrang hrang tlawh turin Rev. Mangchhuana Sailo, Supervisor, Presbyterian English School a zin mek a, Suangpuilawn, Vanbawng, E. Phaileng, Pehlawn leh Khanpui khuaa Presbyterian School-te a tlawh ang. Finance August 19 - 21 chhung hian Account Training & Finance Campaign, N.E. Khawdungsei Kohhranah neih a ni dawn a, training neihpui tur hian Upa C. Lalmuankima, Asst. Finance Manager; Upa Ramtharliana, Campaigner leh Pu Vanlalenga, Campaigner te an kal ang. Training-ah hian N.E. Khawdungsei Pastor Bial chhunga Kohhran hrang hrang aiawh te, Kohhran Hmeichhia leh Kristian Thalai Pawl Committee Member-te an tel ang. Contd,..

www.mizoramsynod.org

Synod Information & Publicity Department, Synod Office (Third Floor), Mission Veng, Aizawl

Thawktu thar w P.C. Girls School chuan heng a hnuaia mite hi Contract Teacher atan an la thar : S/N Hming & Pa hming Thiamna Veng 1. Vanlalsawmi Tochhawng M.A. (Eng), M.A. (Socio) Tanhril D/o T. Rualkhuma 2. Rebecca Lalmalsawmi M.A. (Eng) Khatla D/o F. Lianzuala 3. Esther Ngurnunpuii Sailo M.A. (Pol. Sc.) Mission Veng D/o Ngursavunga Sailo 4. Lalhruaitluangi M.S.W. Mission Veng D/o S. Rolianthanga w PresCom (Press Division) hnuaia Computer Operator (Contract) hna thawk turin Pu Clayton Malsawmkima S/o Pu H. Raldoliana (L), Ramhlun Vengthar chu lak thar a ni a, September 1 atangin hna a zawm ang. Synod Literature & Publication Board Kumin 2011 hi Kristian Tlangau Chanchinbu-in kum 100 (centenary) a tlin champha a ni a, hemi denchhen hian Project hrang hrang siamin inbuatsaihna pawh kalpui mek zel a ni. Centenary thla, October 2011 atangin a bu tihlen a ni ang. Centenary Project pakhat atan Kohhran tinah Literature Week hmang tura ngenna thawn chhuah mek a ni a, ruahman dan chuan October 10 - 16 chhunga neih tur a ni. Music August 22 - 25 chhung hian Zokhawthar Pastor Bial KTP huapin Zokhawthar Kohhranah Solfa Training neih a ni dawn a, training neihpui tur hian Pu H. Lalrinmawia, Synod Music Instructor leh Pu Benjamin Sailo, Synod Music Instructor te an kal ang. Family Guidance & Counselling Centre August 19 - 21 chhung hian Kulikawn Bial KTP Half Year Meet, Kulikawn Kohhran Biak Inah neih a ni dawn a, Speaker atan Rev. Zothansanga, FG&CC Director an hmang ang a, thupuiah Kristian Chhungkua tih an hmang ang. Susamachar Prasaran Programme August 21 (Pathianni) tlaiah Hindi Programme (Susamachar Prasaran) LPS & Zonet Cable atangin hetiang hian tih chhuah a ni ang : Group/Choir/Solo : Tanhril Pastor Bial - Mere Mashi, Group/Choir/Solo : Hunthar - Pavitra Atmaa, Sermon : Rev. B. Zobiaktluanga - Jagat Ki Jyoti, Group/Choir/Solo : Mission Veng Masihi Sangati - Rahi, Group/Choir/Solo : Masihi Sangati - Keifang, Stuti Geet : Stuti Geet - Daye Na Baye Na Murna

Seminar on

TENT MAKING MINISTRY

Jointly organised by Synod Mission Board & Interserve india
Venue Time Theme Resource person Chairman Introduction Inaugural speech : : : : : : : J.M. Lloyds Hall, Synod Office, Aizawl August 20, 2011 (Saturday); 10:30 a.m. - 3:00 p.m. Equipping the Church in Mission in a fast changing world Mr. John Amalraj, National Director, Interserve India, Pune Rev. Lalchhuanmawia, Secretary, Synod Mission Board Upa R. Lalmalsawma, Coordinator, Synod Mission Board Rev. C. Lalsangliana, Moderator, Mizoram Synod Tent Making - its implication and importance in todays world in reference to Apostle Paul - Mr. john Amalraj Tea break Role of the Church and what we can do in Tent Making Ministry - Upa Dr. L.N. Tluanga, Minister-at-large, Aizawl Discussion, interaction and clarification

11:00 a.m. - 12:30 p.m. : 12:30 p.m. - 1:00 p.m. 1:00 p.m. - 1:45 p.m. 1:45 p.m. - 3:00 p.m. : : :

PATHIAN THU ZIR DUH TAN

Presbyterian Bible School, Mission Veng, Aizawl-ah Session 23-na atan Certificate in Theology (C.Th) Admission hawn a ni a. Dil duhte tan Office hun chhungin Application Form Rs. 10/- a lei theih a ni. q Dil hun chhung : September 5, 2011 (Thawhtanni) tlai dar 3:00 thleng q Dil thei chin : Class VII passed, kum 16 chin, Kohhran dan chhunga awm q Interview : September 6, 2011 (Thawhlehni) zing dar 10:00 q Class tan hun : September 7, 2011 (Nilaini) q Zir hun chhung : September - December, 2011 q Stipend : Zirlai pakhat hnenah thla tin Rs. 300/- pek a ni. Hostel a awm lo. Hrechiang duh tan Phone No. 2317343/9436352792-ah zawh theih a ni. Rev. V. Lawmkima, Principal

Mail us at : synfo@bsnl.in mizoramsynod@gmail.com synfo@yahoo.com

Synod Information & Publicity Phone - 2314648

Synfo