Synfocity = 370

mail us at : synfo@bsnl.in; synfo@yahoo.com - Phone - 2314648

Synod Information & Publicity Department, Synod Office (Third Floor), Mission Veng, Aizawl

8th December, 2011

Synod Inkhawmpui 2011 Synod Inkhawmpui vawi 88-na chu December 6 atang khan Khatla Kohhran Biak Inah neih tan a ni ta. Kumin Synod Inkhawmpui thlarau lam thupui hi Thianghlimna (I Petera 1:15 & 16) a ni a, December 10 (Inrinni) zanah Rev. R. Lalhmingthangan a sawi ang. Kumin 2011 Synod Inkhawmpuia Synod Puipate chu : Moderator : Rev. Thangzauva Secretaries : Rev. P.C. Pachhunga (Sr.) & Upa D.P. Biakkhuma (Jr.) Finance Officers : Rev. Zosangliana Colney & Rev. Dr. Lalhmangaiha Statistician : Rev. C. Sangliana Executive Secretaries : Rev.Vanlalzuata & Rev.Lalzuithanga te an ni. Synod Inkhawmpui hi nikum atang khan Bial-in an thleng tan a, nikum (2010) - ah Dawrpui Pastor Bialin Zarkawt Kohhranah thlengin kumin (2011) hian Khatla Bialin Khatla Kohhranah an thleng a ni. Tun tum Synod Inkhawmpuiah hian Presbytery hrang hrang atangin Palai 2025 an awm a, nimin (Dec. 7) tlai thlenga palai in-report zat chu 1844 an ni a, chhimtu 4 nen an vaiin 1848 an ni. December 6 (Thawhlehni) zanah Palai lawmna leh report inkhawm neih a ni a, Moderator tang lai Rev. C. Lalsanglianan palai lawmna thu sawiin kum 2011 chhunga Synod Report a pe bawk. Rev. C. Lalsangliana hian a hun chhungin Synod aiawha zin vawi 19 a nei a, kohhran 146 leh Mission Field 12 a tlawh bawk. Committee pawimawh vawi 170 a kaihruai hman a, Retreat leh Consultation programme lianah vawi 6 a tel hman bawk a ni. Report atanga a lan danin Synod Inkhawmpui vawi 88-na thlenga Mizoram Presbyterian Kohhran dinhmun tlangpui chu hetiang hi a ni : Presbytery : 43, Pastor Bial : 257, Kohhran : 1861, Minister : 450, Minister Bial nei : 266, Pro. Pastor : 49, Kohhran Upa : 5029, Pem Upa : 396, Dan zawh kim zat : 387869, Kohhran member : 578474, Chhungkua : 118190, Nau piang : 10104, Ringthar : 6373. Bethlehem Bial Zaipawl leh Mizoram Synod Choir-ten Pathian fakna hla an rem a, Rev. R.S. Rokima, Khatla Bialtu Pastor-in malsawmnain hun a khar a ni. December 7 (Nilaini) chawhma inkhawmah Moderator kal chhuak tur Rev. C. Lalsanglianan Moderator Elect Rev. Thangzauva hnenah Moderator mawhphurhna a hlan a, Inkhawmpui Rorel neih zui a ni. Khawmpuiah hian rorel tura chhawpchhuah, General Agenda 46 leh SEC leh Board atanga thu lut 30 a awm a, a vaiin Agenda 76 an nei a ni. Nakkum (2012) Synod Inkhawmpui chu Chanmari Bialin Chanmari Kohhranah an thleng ang a, a hun atan November 28 - December 9 ruat a ni. Kum 2012 chhunga Synod Puipa turte hetiang hian ruat an ni : Moderator Elect : Rev. Lalramliana Pachuau, Administrative Secretary, PCI, Shillong Secretaries : Upa D.P. Biakkhuma (Sr.) & Rev. H. Lalrinmawia, Pastor i/c Mission Veng Bial (Jr.) Finance Officers : Rev. Zosangliana Colney & Rev. Dr. Lalhmangaiha Statistician : Upa C. Ngurthanmawia, Zemabawk Executive Secretaries : Rev.Vanlalzuata & Rev.Lalzuithanga Nimin (Dec. 7) tlai dar 4:00 thleng khan Pastoral leh General Agenda 2 an zo hman a, Vawiin (Dec. 8) chawhnu dar 1:00 thleng khan General No. 17 zawh a ni. Thurel tlangpui te : 1. Synod Press leh Bookroom etc. hming thlak chu a ngai hian kal rawh se tih a ni a, Presbyterian Hospital hming Synod Hospital tiha thlak rem tih a ni thung. 2. Thisen thliar hranna (Blood component separator) lei rawtna chu lei tura rem tih a ni. 3. Home Mission zirlai - Nilai thupui Bu-a Beihrual thupui telh leh a thlawna sem tura pawm a ni. 4. Presbyterian Hospital dinhmun enthat te, Doctor-te hamthatna tur kawng zawn leh hospital mamawh Doctor hmuh theih nan hmalak rem tih a ni. 5. Synod Inkhawmpui Vantlang Pathian Biak Inkhawm hun tih danglam rawtna chu pawm a ni a, zanin (Dec. 8) atanga hman tan nghal tur niin zan inkhawm tan hun nghet atan 6:30 p.m. pawm a ni. 6. Synod Inkhawmpui thlengtu tur kum 3 hmalama ruat lawk thu chu pawm a ni. 7. Sunday School zirlai bu-a Gregorian Calendar dah tura rawtna chu pawm a ni. 8. Thawktu lak tharte tan Pension dan thar siam rawtna chu SEC-in lo zir chiang se, Synod-a thlen leh tura tih a ni. December 10 (Inrinni) thlengin chhun lamah Inkhawmpui Rorel neih chhunzawm a ni ang a, zanah Pathian Biak Inkhawm a awm thin ang. Pathianni (Dec. 11) chawhmaah Pastor nemngheh leh Pro. Pastor dahngheh inkhawm neih a ni ang a, chawhnu inkhawmah Moderator thar Rev. Thangzauvan Lapa Zanriah Sakramen a theh ang. Zan inkhawmah Moderator kal chhuak Rev. C. Lalsanglianan Valedictory Sermon a sawi ang. Tun tum Synod Inkhawmpui pual hian website siam a ni a, www.synod2011.info leh Mizoram Synod website www.mizoramsynod.org - ah thu thar dah belh reng a ni a, Reception Counter Phone No. 2335533 ah thu zawh duh nei tan pawh biak theih reng an ni. Synod Inkhawmpui hi a tan tirh zan atangin Zonet Cable-in Demand Channel-ah Live-in an pe chhuak a, LPS Cablein Pathianni (Dec. 11) atangin LPS1 Channel-ah an pe bawk ang.

KTP Conference Hlabu tlangzarh December 5 khan KTP General Conference vawi 54-na, Thenzawla March 1-4, 2012 chhunga neih tur Hlabu tlangzarhna leh Pathian hnena hlanna inkhawm chu Synod Bookroom tual zawlah neih a ni. He inkhawm hi Pu Vanlalfinga, Finance Secretary, CKTP-in a kaihruai a, Hlabu tlangzarhna leh Pathian hnena hlanna hun hi Rev. Zosangliana Colney, Executive Secretary i/c KTP-in a hmang a ni. He hlabuah hian Branch hrang hrang atanga thawh khawm leh a buaipuituten an thlan khawm hlate zinga hla tha thlan chhuahte dah a ni. Hla 93 vawm khawm atangin 29 thlan chhuah a ni a, kum 2010 Hlabu atangin 11 chhawm luh leh a nih bakah Mizo Lengkhawm hla 10 dah belhin a vaiin hla 50 a awm a ni. Hlabu kawm design siam tura sawmna chhangin mi 17-in an thehlut a, chung zingah chuan Tv Lalhriatzuala, Khatla South design chu thlan a ni. Kum danga tih ngai loh dan takin a chhung hi rawng chi hniha ziak a ni. Hlabu hi copy 40000 siam a ni a, copy 35000 hi a kawm pangngai a ni a, Rs.20/- man a ni. Copy 5000 hi spiral binding an ni a, Rs.30/- man a ni. Hlabu hi Synod Bookroom-ah zawrh a ni. Hlabu tlangzarh inkhawm neih zawh atang hian Synod Bookroom atangin hralh chhuah nghal a ni. Contd,..

www.mizoramsynod.org

Synod Information & Publicity Department, Synod Office (Third Floor), Mission Veng, Aizawl

Hindi Bible School Graduation December 5 (Thawhtanni) khan Presbyterian Hindi Bible School Graduation Programme chu Batch 48-na pualin hman a ni. Graduation programme hi Rev. Lalchhuanmawia, SMB Secretary-in a kaihruai a, Bulchem Mossang, Arunachal West chuan Bible chhiar leh tawngtai hun a hmang. Rev. John Sharma, Principal-in Inhmelhriattirna hun hmangin reports a pe a. Zirlaiten thurin puanchhuahna hun an hmang a, Nl. Lalruatthangi, Instructor-in result a puang. Rev. F. Laltlanthanga, Managing Committee member-in certificate semin thu a sawi a, Ramhlun Venglai Masihi Sangati zaipawl an zai bawk. Upa Kapchhinga, Managing Committee member-in thu a sawi a, Rev H. Laltlanthanga, Director, Masihi Sangati Kendra-in zirlai zir chhuakte tana tawngtaisakna hun a hmang a. Upa H. Lalchungnunga, Instructor-in lawmthu a sawi a, an tin. Programme hman zawhah hian inthlahna ruai kilho nghal a ni. Presbyterian Hindi Bible School hi Mizoram chhunga hnam dang ringtharte tihchakna atan August 24, 1990 khan hawn a ni a, batch hmasa berah mi 20-in an zir nghal a ni. A hawn kum atanga tun thleng hian zir chhuak mi 1126 an awm tawh a, vawiina Batch 48-na zirlai thlah takte hi mi 30, mipa 20 leh hmeichhia 10 an ni a, tha takin an passed vek a ni. State hrang hrang atanga rawn zir hi tun hnai atang khan an awm ta reng a, kum khatah Batch hnih zir chhuahtir thin a ni. Synod Mission Board Synod Mission Board-in kum 2012 chhung Contract Basis-a thawk turin Missionary, category hrang hrang (Evangelist, Evangelist Teacher, Staff Nurse, Health Worker, puanthui zirtirtu) a lak thar turah dilna 253 a lut a, hetiang hian Interview hun tur ruahman a ni : December 14 (Nilaini) : 1) Post Graduate 2) Graduate 3) HSSLC December 15 (Ningani) : 1) HSLC (Matric) 2) Under Matric (U.M.) Hruaina Eng FM Radio & TV Programme December 9 (FM Radio @ 7:30 p.m.) : Choir : Chawnpui Pastor Bial Zaipawl - Pathian ropui rawh se, Besy Choir - Isu, kei mi kal pel suh, Thuchah : Rev. R. Lalchangliana - Zoram mamawh harhna, Solo : C. Lalhmingmawii Vuina tur reng hi a lo awm lo e, Duet : Rebecca Saimawii & Saizikpuii - Remna Lal, Solo : Siampuii Sailo - Hlimna ni ropui chu a eng December 11 (TV Programme @ 3:00 p.m. : Choir : Chhiahtlang Pastor Bial Zaipawl - Mal min sawm turin, Synod Rawngbawlna chanchin thar, Solo : Lalremruata ft. Mission Vengthlang Pastor Bial Zaipawl - Haw rawh, Ram tana tawngtai beihpui : Episode 3, Group zai : ATC Male Voice - Nang hloh ai chuan, Pawnto : PC Girls School, Short Film : Saron Veng Branch KTP - Ro Strict-a, Solo : Falkawn Kohhran Zaipawl - Kan nghah Krismas

Susamachar Prasaran Programme December 11 (Pathianni) tlaiah Hindi Programme (Susamachar Prasaran) LPS & Zonet Cable atangin hetiang hian tih chhuah a ni ang : Group/Choir/Solo : Hindi Bible School - Barmaja, Group/Choir/Solo : Venghnuai Masihi Sangati - Yeshu Karenge Asha Ki Jiyoti, Sermon : Zohmingthanga - Atmik Yudh, Group/Choir/Solo : Leitan South Masihi Sangati, Group/Choir/Solo : Govt Complex Kohhran - Anugrah Kari, Stuti Geet : Khul Jayegi Kitabe

HRIATTIRNA
Aizawl Theological College-a B.D, M.Th. (Old Testtament, New Testament, Theology, History of Christianity, Missiology leh Religions), B.C.S (Mizo/English) leh Dip. C.S. (Mizo/English) dil duhte tan dil a hun leh ta. Allahabad Bible Seminarya B.Th. & B.D. (Hindi) zir tur tan pawh dil theih a ni. A zir duhte chuan Office hun chhungin College Office-ah dilna form hi Rs 100/- a lei theih a ni. Dilna form hi kim taka dahkhatin College Office-ah thehluh tur a ni. Diltute tana hriattur a hnuaiah hian kan han tarlang e. Ruih theih thil leh zuk leh hmuam tite tan leh Tatoo neite tan dil buai a ngai lovang. COURSE DIL THEI CHIN M.Th. (i) B.D. Second Class B Grade chin; an zirtur subject-ah B.D. an zirlaiin Paper 3 ah 60% an hmu tur a ni. (OT, NT leh Theology subject atan Bibical language requirement pawh a tel) (ii) B.Th. zo tawh B.D. zo tawh bawk chuan an zir tur Subject-ah B.D. an zirlaiin Paper 2-ah 60% an hmu tur a ni. (OT, NT leh Theology subject atan Bibical language requirement pawh a tel) B.D. (i) Graduate leh a chunglam emaw (ii) B.Th.(English papers 72 & 73 passed) B.C.S. (i) Graduate leh a chunglam emaw, (Mizo/English) (ii) B.Th. emaw Dip. C.S. Second Class passed emaw, (ENglish Paper 72 & 73 passed chin) (iii) Senate pawm theih rawngbawlna kum 2 thawk tawh kum 25 chin chunglam Senate of Serampore College Mature Candidate examination passed tawhte emaw tan. Dip. C.S. (i) Kum 18 chin Class XII passed emaw, (Mizo/English) (ii) Class X passed Senate of Serampore College pawm theih rawngbawlna kum 5 thawk tawh te emaw, (iii) Class X passed kum 2 Theology emaw Secular Institution emawa zir tawh emaw, rawngbawl hna lo thawk tawhte emaw tan. B.Th.(Hindi) (i) General ah PUC/HSSLC pass B.D.(Hindi) (i) General ah PUC/HSSLC pass (ii) Hindi B.A. DIL THEIH HUN CHHUNG : ENTRANCE TEST : BCS/Dip.CS : November 30, 2011 M.Th. : January 24, 2012 B,D./M/Th. : January 10, 2012 B.D. : February 15, 2012 B.Th. & B.D. (Hindi) : January 10, 2012 INTERVIEW : M.Th. : January 25 & 27, 2012 B.D. : February 12, 2012 B.Th. & B.D. (Hindi) : February 17, 2012 Dilna form (application form)-ah HSLC leh a chunglam Certificates Marksheets (Attested Copy) thil tel tur a ni:

Mail us at : synfo@bsnl.in mzsynfo@gmail.com

Synod Information & Publicity Phone - 2314648

Synfo