“HA’U DEHAN IMI UNAMIDADE BEIBEIK ENTAUN HA’U MAK VETA FALI”

Quarta-feira dia 06/01 horseik Membru Parlamentu Foinsa’e Nian akompanha husi Secretaria do Estado
da Juventude e do Desporto ho komitiva sira, Alumni Parlamento Foinsa’e Timor Leste, Presidente
Conselho Nasional Juventude Timor Leste ho nia Estrutura hasoru malu ho Presidente da Republika
Demokratika de Timor Leste iha Palacio Presidencial Aitarak Laran Dili hodi apresenta aktividade
Parlamento Foinsa’e nian ne’ebe mak durante ne’e sira hala’o ona, no mos entrega resultado Debate
Parlamento Foinsa’e Nian ne’ebe mak sai tiha ona Resolucao, no vizita ida ne’e mos PFN buka atu
hatene liu tan kona ba kna’ar Presidente da Republika Demokratika Timor Leste nian.

Presidente RDTL hateten ba Membru Parlamento Foinsa’e Sira katak durante ne’e Presidente
akompanha Membru Parlamento Foinsa’e Nian aktividades no Secretaria do Estado da Juventude e do
Desporto nia servisu “ hau kontente ho imi nia servisu no aktividades tamba oportunidade ne’ebe agora
imi iha la hanesan ho uluk ami nia tempu no provalvemente imi iha kontribuisaun ba nasaun ida ne’e”
ita nia nasaun iha istoria ne’ebe naruk hahu husi kolonializasaun Portugues tama to’o iha invazaun
Indonesia finalmente ita Timor hetan ukun rasik an no sai hanesan nasaun ida ne’ebe iha oportunidade
barak,Estado no Pesidente da Repúblika iha preokupasaun barak ba Jovem sira nia futuru tan ne’e tenki
uza oportunidade hod bele aproveita buat ruma iha tempu indepedensia nia laran tan uluk ami nia
hanoin mak ‘Diak liu lakon titulo duke lakon nasaun’ maibe agora ita iha liberdade ona entaun estado
iha responsabilidade no esforsu bo’ot prepara kondisaun hotu-hotu hodi bele integra joven sira iha
desenvolvimentu nasional liuliu prosesu konstrusaun estadu.

Imi hatene ona saida mak atu halo ba nasaun ida ne’e ”imi mak atu hein ka imi mak atu ba buka” jovem
nia papel ne’e importante atu renova, konstrua nasaun, fo dalan atu resolve, tanba se joven sira la iha,
nasaun lakon nia Vida, informa Taur Matan Ruak.

Maria Abrantes hanesan representante Membro Parlamento Foinsa’e agradese ba estadu Timor liu husi
Secrtetaria do Estado da Juventude e do Desporto ba oportunidade kmanek ida ne’e e tamba antes ami
seidauk involve an iha aktividade ida ne’e ami laos ema ida iha ami nia komunidade maibe liu husi
oportunidade sai nu’udar membru Parlamento Foinsa’e ami aprende buat barak no sai ona ema ida iha
ninia familia ho sosiedade no espera katak loron ida ema ida husi ami membru Parlamento Foinsa’e
Timor Leste sei sai ema ida importante iha ita nia nasaun ida ne’e.

Ha’u iha esperansa boot katak imi sira iha ne’e id abele mai troka ha’u, karik laos ha’u, president ba dala
sanulu ka hitu ou walu imi bele mai, tanba ha’u haree imi nia preparasaun ne’e sedu, hanesan ohin ha’u
dehan imi iha oportunidade aprende no prepara aan ba dezafiu sira tuirmai. Hatan PR ba PFN.

Iha ha’u nia mandatu, ha’u konsentra ba buat rua, estabilidade e seguransa, prosperidade / moris di’ak.
Estabilidade e seguransa nia fundamenta, sai hanesan misaun ida determinanteba desenvolvimentu, PR
tu atensaun makaas ba oinsa hametin estabilidade politika social iha ita-nia rai, ita koalia kona-ba papel
sidadaun no obrigasaun populasaun nian. Presidente aberta manten dialogo permanente ho sidadaun
sira, hatete ba sira saida mak estadu atu halo, halo ona, Timor atu ba ne’ebé.

Hau kontente estabilidade social politika iha, Horbainhira IV governu FRETILIN dehan AMP ne’e de facto
deit, agora V mai VI governu, sira unamidade, mais Presidente nia mak konsege veta duni, ha’u dehan
imi unamidade beibeik entaun ha’u mak veta fali, mais ne’e laós fahe malu, maibé ne’e forma ida hatete
katak tenkeser uza ita-nia rekursu didi’ak e hanesan Presidente da República uza di’ak e tau atensaun ba
ema, edukasaun, saude, água e saneamentu no agrikultura, Presidente gosta halo Estrada, aeroporto,
maibé ema ne’e importante.