Lenbra Erói Amilcar Cabral

By Dr. Azágua

Pa nos bu luta, Amilcar Cabral!

Pa nos, bu enfrenta jiganti

Pa nos, bu perde bu bida

Pa nos, bu amor ka ten midida!

Bu sonhu ka adiadu nãu!

Bu txora sangi di gerrêru

Bu perde gérra ka un, ka dôs

Má bu ganha batalha!

Mundu pode kaba ôji;

Má liberdadi djâ nu grita djâ!

Du pode para tudu n’inférnu

Má paraízu dja du konxe djâ!

Cabral, bo ê un Erói

Ka pamó bu distrui,

Má sin,

pamó bu konstrui!
 Bo ê un Erói

Pa bu orgulhu y valor;

Bo ê un Erói

Pa bu brilhu y umildadi.

Bo ê un Erói

Pa un África unidu

Pa kulónias libertadu

Pa dignidadi di rasa umana!

Bo ê un Erói

Pa bu sonhu realizadu

Pa bu sangi dirramadu

Pa bu luta y vitória alkansadu!

Pa ken ki ten konsiênsia moral,

Verdadi y onestidadi

Disênsia y dignidadi

Dikoru y briu

bo ê senpri um Erói!

Pa-mi, bo ê senpri nha Erói!