Nha Sol y Nha Lua

By Dr. Azágua

Kada dia sol ta kema

Kada noti lua ta míngua!
Bo, árku-íris di séti-kor...
Disperta séu, serénu y nu
N’un árku ki ta paga tudu dor...

Da-m kor di vida y paixãu

Fogu y mistériu di tud’amor...
Xa-m spia pa sol ki sta na séu
Pa da-m alegria na korasãu
Óra ki-n meste-l.

Ó árku-íris di séti-kor!...
Da-m txuba di lus
Na nha korp’intêru!
Prutejê-m nh’alma!
Da-m forsa y koráji!

Ó árku-íris di séti-kor !...

Kura-m nha dor!
Da-m speransa!
Da-m amor!
Da-m pás!
Da-m vida en armonia
y trankilidadi!
Da-m fantazia
y sonhu itérnu!

Ó árku-íris di séti-kor!...
Xa-m sunha ku bo!
Xa-m sinti-bu!
Xa-m pega-bu!
Xa alegra-bu!
Xa-m krê-bu!
Xa-m ama-bu!

Ó árku-íris di séti-kor!...
Fitxa ôdju
Kunfia na mi!
Bira nha sol y nha lua!