PROPOSTA INTERVENSAUN INFRAESTRUTURA EMERZÉNSIA

Municipio Dili
Posto Administrativo Dom-Aleixo
Suco Manleuana, Aldeia Lisbutac

Hato’o Ba:

Sua Excelência Ministro das Obras Públicas

Sr. Samuel Marçal

Cc:
Sua Excelência Primeiro Ministro IX Governo Constitucional
Sua Excelência Vice-Ministro para as Infraestruturas

Assuntu: Pedidu Intervensaun Emerzénsia ba Mota Ki’ik Bareira Mota no Estrada Iha Suku
Manleuana, Adeia Lisbutac.

Excelência:

Ho respeitu ba assuntu iha leten, liu husi meius ida ne’e, ami husi Madres Congregação
SCMM (Suster Cinta Kasih dari Maria Bunda yang Berbelas Kasih) no Padres da
Congregação da Escola Caridade/Cavanis hamutuk ho komunidade iha Aldeia Lisbutac, Suco
Manleuana, Posto Administrativo Dom Aleixo no Município Díli hetan dificuldade bo’ot
baihira iha tempu udan, sempre hetan inundasaun no estragus sasan uma laran komunidade
no Congrgação SCMM (Suster Cinta Kasih dari Maria Bunda yang Berbelas Kasih).

Diresaun husi bemo Mikrolet númeru 05 (Zero Cinco) to’o convento SCMM, situasaun ne’e
bainhira udan bo’ot rezulta/akontese inundasaun no Mota Tolu be suli husi foho lolon mai
latuir dalan no bee dalan mos la iha (valeta), ne’e duni, ami Madres, Padres no komunidade
sira sempre halo evakuasaun ba fatin ne’ebé seguru no sasan sira kontinua estraga iha
residénsia.

Dala barak ami nia preokupasaun ida ne’e, ami sempre hato’o ba Autoridade Local atu
reforsa ami nia exigência no felizmente iha loron 17 de juñu de 2023, Companha
KAKIWASAGATA hato’o ninia prontidaun no disponibilidade hodi responde ami nia
difikuldade sira, Companha KAKIWASAGATA pronto atu hadia bee dalan (valeta) no
bareira mota, no mos hadia estrada (tau alkatraun) husi diresaun bemo Mikrolet númeru 05
(Zero Cinco) to’o dalan atu ba Madres Canosiana sira/convento SCMM.

Ho nune’e mak, ami Madre no Padre hamutuk ho komunidade Aldeia Lisbutac, Suco
Manleuana, Posto Administrativo Dom Aleixo no Município Dili ho haraik an husu ba Sua
Exselénsia nia laran luak ho hanoin ne’ebé humanismo tebes, bele aprova no autoriza fundos
ruma hodi hadia hikas dalan no valeta hodi nune’e Komunidade no autoridade sira ne’ebé
estadia iha área ne’e bele asessu ho di’ak no hamenus risku desastre ba komunidade
kompetente.

Ba Sua Excelência nia atensaun no apoiu, ami lahaluha hato’o obrigado wa’in.

Lisbutac, Dili, 07/08/2023.

Requerente sira mak: Aprovasaun husi:

Madre Superior SCMM Chefe do Suco Manleuana

(Mr. Eugenia Pereira, SCMM) (Sr. Jacob Tilman Soares)

Congerggação dos Escolar Caridade/Cavanis Chefe de Aldeia Lisbutac

(Pe. Jose Valdir Sequeira) (Sr. Alcino Guteres)