ASSOCIAÇÃO DOS MEDICOS TIMOR-LESTE -AMTL.

Regulamento interno AMTL Municipio Lautem

1. Basea ba Estatuto AMTL artigo 21 kona ba formasaun diresaun Ezekutivo municipal no
estatuto Diresaun ezekutivo Munisipal mak :
a. Diresaun Ezekutivo municipal hari liu husi assimbleia municipal dahuluk iha dia
24 de setembro de 2022.
2. Kategoria no kodisaun sira atu sai membro AMTL Municipio Lautem :
2.1.Membro ordinados AMTL Municipio Lautem mak :
a. Medikus Registo iha Diresaun Ezekutivo Munisipal liu husi fokal point iha kada
sentru Saude ou direta mai sekertariadu Diresaun ezekutivo municipal.
b. Selu Kuota semestral mente ou maximo annualmente basea regulamento interno
ne’ebe be deside ona.
c. Iha direito atu koalia no Vota iha asimbleia municipal Municipio Lautem nian.
2.2.Membro temporaria mak :
a. Medikus ne’ebe mak la registo iha lista Diresaun ezekutivo AMTL Municipal
no laiha direito atu koalia no Vota ba asembleia Municipal.
b. Bele partisipa aktividades munisipal nebe realiza iha munisipio Laran
3. Uniformidade AMTL Munisipiu Lautem mak :
a. Membros ordenados AMTL Munisipio Lautem iha obrigasaun atu uza bata mutin
hanesan identidade ne’ebe hatur ona iha estatuto AMTL nian, iha kulquer
aktividade AMTL nian no aktividade seluk nebe relasiona ho aktividades
profesionais.
b. Uniforme alternativa membros ordenados AMTL munisipiu Lautem nian mak
kamizola mutin ho gola nebe sei hakerek letra AMTL iha kotuk no oin sei iha
emblema AMTL no naran husi medico.
c. Membro ordenados AMTL Munisipio Lautem hotu iha obrigasaun atu halo
karimbo no karimbo refere sei hakerek medicos nia naran, profisaun no data.
4. Aktividades profesionais medico nian no extra mak :
a. Jornada sentifica ne,ebe sei halao tinan ida dala rua ( depende kapasidade
orsamento AMTL Municipio)
b. Diskusaun kasu interesantes sira husi centro da saude sira ne’ebe tuir
konkordansia sei halao kada fulan 4 ( hare mos ba kapasidade orsamento AMTL
Munisipio)
c. Aktividades planeada nebe sei halao iha loron nasionais sira
d. Enkontu Avaliasaun sei halao kada semestral.
e. Aktividades ajudos humanitarias karik iha posibilidade husi AMTL Municipio
Lautem.
5. Aktividades assaun solidario AMTL Munisipio Lautem ba membros ou familia rasik
ne’ebe karik lakon vida mak :
 a. Wainhira membro ordenados AMTL Municipio Lautem ida mak lakon vida mak
membros ordenados AMTL Munisipio Lautem iha obrigasaun atu partisipa.
b. Valor ajudos nudar asaun solidario ne’ebe ita sei prepara ba partisipa kolegas
irmaun medmbro nebe lakon vida tuir konkordansia mak $500 dolares
amerikanu, husi total ne’e DEM sei responsabiliza 50% no membros ordenados
hotu – hotu sei responsabiliza restu 50% husi montante refere, excepto membro
nebe hetan susar, karik fen ou laen mos medikus.
c. Wanihira familias hanesan maun/ alin/ inan/ Aman/ oan rasik mak lakon vida mak
iha municipio laran ou sai husi munisipio laran mak iha obrigasaun atu hetan
partipasaun husi pelumenus reprezentantes husi AMTL Munisipio Lautem.
d. Valor ajudos solidario ba familias rasik nian mak $250 dolares Amerikanu, husi
total ne’e DEM sei responsabiliza 50 % no membros ordenados hotu – hotu sei
responsabiliza restu 50% husi valor nebe determina ona tuir konkordansia
membros ordenados.
e. Husi letra B no D karik iha momento refere mak cash AMTL balance laiha (0)
mak Membros ordenados AMTL Munisipal iha obrigasaun atu urgentemente selu
kuota 50 % annual nian ($25 dolares Amerikanus) atu ita hasai 50 % ne’ebe DEM
AMTL Munisipal responsabiliza nee hafoin membro hotu – hotu halibur fali hodi
solusiona 50 % nebe responsabilidade husi membros ordenados hotu – hotu nian.
f. Husi letra B no D iha parte 50% ne’ebe responsablidade membros hotu – hotu
nian mak membros balun lakohi atu responsabiliza hamutuk mak membro
ordenados refere mos sei laiha direito atu hetan direito 50 % husi membros
ordemado nian, nia so hetan deit 50% husi valor nebe DEM prepara.
6. Direito Membro Ordenados Sira nian :
a. Koalia no Vota
b. Iha direitos atu aprezenta topico ruma iha aktividades jornadas no investigativos
seluk nebe Realiza
c. Tama no sai husi membro maibe ho sansaun nebe sei temi iha parte sansaun nian.
7. Deveres Membros Odenados Membros AMTL Munisipio Lautem nian :
a. Selu kuota semestral mente tuir akordu nebe determinado ona
b. Partisipa kualquer aktividades AMTL nian exepto iha misaun serviso ruma ou
buat seluk ne’ebe justifika ho rajaun ne’ebe rajoavel.
c. Partisipa enkontru avaliasaun ne’ebe sei reliza kada semestral. exepto misaun
serviso ou rajaun seluk ne’ebe rajoavel.
d. Partisipa jornada cientifika ne’ebe sei halao kada semestral. Exepto rajaun
justificada.
8. Sansaun sira :
a. Membros ordenados ne’ebe mak tama no sai ou reignaan husi membru AMTL
Munisipal mak nia sei iha dieito atu tama fila fali sai membro depois de tinan 3
konta husi data rezignasaun no nia iha obrigasaun atu selu kuota konta tomak husi
tinan nebe nia reignaan.
 b. Membros ordenados AMTL Municipio Lautem mak la partisipa dala rua tutuir
malu ba aktividades planeadus AMTL munispal nian la ho justifikasaun mek nia
sei hetan bolu husi DEM liu husi departemento etika.
c. AMTL Munisipio Lautem sei la responsabiliza aktus ka hahalok hotu – hotu
ne’ebe karik komete husi medikus ne’ebe la regista ou lakohi regista an atu
hamahan an iha AMTL Munisipio Lautem nian.
9. Periode registo medikus tuan ne’ebe seidauk registu (gradua husi tinan 2021 ba kotuk)
mak :
a) Medikus ne’ebe origen husi munisipiu Lautem ka laos origenn husi munisipio
Lautem nebe serviso iha munisipio Lautem komesa husi segunda 10 de outobro
2022 to’o dia 24 de outubro semana oin
b) Ba medikus origen husi Lautem oan ne’ebe serviso iha fatin seluk ne’ebe bele
alarga too fim de Outubro tinan ida ne’e.
c) Dadus ne’ebe persija manda mak hanesan : Naran Kompleto, sexo, Tinan
Graduasaun ba mediku Geral, tinan Tama AMTL, Nivel Kualifikasaun akademico
ikus nian (post Graduado,masterado, espesialista) area nebe foti, tinan
graduasaun, numero id professional, fatin Serviso,numero WA.
d) Dokumetus ne’ebe persija submete mak : diploma, foto 3X4 no ID Profesional.
10. Regulamento interno bele muda tuir nesesidade ho partisipasaun husi 2/3 husi membros
ordenados.

Regulamento ne’e halo no hetan konkordancia liu husi enkontru dahuluk ne’ebe realiza iha
salaun enkontru CSI lospalos iha loron 9 fulan Outubro tinan 2022.
Implemeta hahu iha dia 10 de Outubro de 2022

Visto pelo :
1. Dr. Mericio de Castelho (……………………..) Presidente DEM – AMTL Munisipiu
Lautem
2. Dr. Jose Juvinal Fonseca (…………………….) Sekertario DEM – AMTL Munisipiu
Lautem
3. Dra. Santina Noesia da Gloria (…………………….) Tezoreira DEM – AMTL Munisipiu
Lautem
4. Dr. Domingos dos Santos (…………………) Resp. Departemento Dezenvolvimento
professional
5. Dr. Jeremias Varela de Belo (……………………) Resp. Departemento Etika