Operário de São José ( são José serviço nain)

Introdução

Maluk sarani doben sira nebe Cristo hadomi, oras ne’e ita hasoru hela pandemia covid
19, halo ita nia hanoin no energia tomak konsentra hotu ba moras aat ida ne’e, durante tinan
rua ona no bele dehan mos katak halo ita nia fiar mos bele iha dúvida nia laran.

Atu hatan ba situação nebe acontese, ita hamutuk buka tempu ruma, tur hakmatek hodi
reflete hamutuk, reza hamutuk ho são José makbalin eukaristia.

Tópico nebe ita sei koalia hamutuk mak sentido serviço( makna Kerja), hahu ho
pergunta hanesan ne’e : serviço ne’e saida ?

Sentido geral hosi serviço ne’e katak esforço ka atividade nebe ema halao atu bele hetan nia
resultado hodi atende nessecidade moris lor-loron nian, ne’e dehan katak finalidade hosi serviço
ne’e atu bele kompleta ka hakonu moris ai-han nian, hatais nian no hela fatin. Serviço mos
bele fo sentido liu tan ba ema nia moris nudar criatura no ilas Maromak Nian. Pergunta tuir mai
mak ne’e : tanba sa mak ema precisa halao serviço ?

Nia razão barak los, maibe foti razaão balun de’it :

Serviço nudar parte integrado hosi ema nia moris

Serviço atu bele hatutan ema nia moris
Ho serviço ema bele realiza nia-an nudar ema lolos

Sentido serviço tuir bíblico

1. Antigo Testamento
Na’i Maromak hatudu Nia-An no nia kbiit liu hosi Criação hodi halo Lalehan no
rai,naroman no nakukun, loron,fulan no fitun, balada fuik no balada maus, ai-horis sira,
ikan sira iha tasi no serviço ida ikus liu nebe Maromak halo mak halo ema hosi rai rahu
hodi fo epírito moris nian ba ema atu bele moris. (Cf. Gn. 1, 1-31; 2,1-7)
Na’i Maromak halo ema tuir Nia ilas hodi fó knar ba ema atu bele tau matan no halao
serviço sira ho responsabilidade ( Gn 1, 26 – 27).
Ksolok ba sira be hamtauk Na’i hodi lao tuir Nia dalan. Hosi o liman nia kolen mak ó
han, ó sei haksolok hodi moris di’ak. (Sal 127: 1-2 ).
2. Novo Testamento
Iha Evangelho São João, Jesus dehan nune’e “ Ha’u Nia ai-han mak halo tuir ida nebe
haruka ha’u mai nia hakarak, hodi halao Nia serbisu.(Jo 4 :34), Iha Atos dos Apoóstolos
haktuir kona ba knar Maromak futar lian no knar serbi meja nia, tanba Apóstolo sira
mesak de’it labele kaer knar hotu, tan ne’e sira hili Diácono nain hitu hodi bele serbi
meja, hodi tau matan ba feto faluk sira( Act.6: 1-6);Carta ba ema efésios, São Paulo husu
atu ema nebe uluk naok, lalika naok tan,maibe buka serbisu ho liman atu bele hetan buat
ruma,atu fó ba ema nebe iha susar laran(Ef.4 : 28) São Paulo iha 2 a Carta ba sarani sira
iha Tesalónica, . nia koalia ho lia fuan tos ka makas tebes ba ema tesalonisenses atu
halao serbisu, tan nia dehan, iha imi nia leet iha ema ruma la serbisu lalika fo han.(2 Tes,
3:10);

Conclusão
Wainhira ema halo serbisu hatudu lolos nia -an nudar ema. Diferente ho animal sira
seluk, tan ita ema deit mak iha kapasidade intelektual hodi halao serbisu, tanto serbisu
undar ema tos nain,nudar ema negosiante, nudar ema funcionário, nudar ema politico,
nudar ema nebe halao profissão oi-oin, sira ne’e hotu nia rohan ka finalidade mak atu
bele hetan resultado hodi bele hatutan ema nia moris sai di’ak liu tan.
Nudar ema sarani Católico ita nia sentido lolos ba serbiso mak modelo nebe São José
hatudu hela atu ita bele banati tuir. São José halao serbisu nebe simples tebes, nudar
badaen ai(Carpinteiro), hosi nia serbisu simples ne’e mak sustenta família Nazare Jesus
ho Maria, tan ne’e mak uma kreda foti nia nudar ema serbisu nain, tan nia ema badinas,
haraik-an, justo, edukador, eduka Jesus atu bele hatene halao serbisu,São José ema ida
responsável no firme iha fiar no nia oração, maske nia la kompriende Maromak nia plano
maibe nia fiel ba nia família.
Ema hotu moris mai iha família ida, simu no aprende moris iha família ne’e. Hanesan
mos Jesus nebe moris iha família Maria ho José nian. Jesus aprende hosi Nia aman no
inan domin, serbisu, oração, haraik-an,laran luak,honesto no iha firmesa ba moris.
Maluk sarani doben sira, ita ida-idak iha ita nia família, ita aprende valor sira moris nian
iha família, hanesan valor serbisu nian, valor domin nian, valor respeita malu nian, valor
haraik-an nian, valor perdaun nian, valor fiar nian ho tan valor sira seluk. Ditado ida iha
 latin dehan “ora et Labora” katak reza no serviço, ditado ida ne’e nia hanorin mai ita mak
atu labele hanoin halo oarção de’it, maibe tenke halo serviço, no mos keta hanoin halo
serviço de’it maibe serviço tenke akompanha ho oração
Atu remata , ho lia fuan badak hakarak dehan ba ita hotu katak ita nia serviço bele hetan
nia sentido lolos wainhira serviço hotu halao hamutuk ho Na’i Maromak.

Perguntas atu reflete :

1. Tanba saida mak ita ema precisa halo serviço ?
2. Sentido hosi serviço lolos mak saida ?
3. Serviço hanesan atan, han hanesan liu rai, ne’e katak sa ?
4. Imi observa sitaução geral iha ita nia rain Timor, ema konsidera serviço ida nebe
mak importante liu ?

N.B. Ha,u sugere deit, se bele oração iha karaik ne’e bele inklui mós iha ita nia
materia. Obrigado.

ORAÇÃO SÃO JOSÉ

Glorioso são josé ! Ami hahi ita nebe hetan prémio Lalehan, tamba sai aman nebe simples,
obidiente no paciência hodi hakiak Jesus. Ita bo’ot hadomi kna’ar lorloron nudar dalan atu hetan
santidade. Maske la compriende plano Maromak nian maibe, ita bo’ot nakloke nafatin hodi tulun
nain Feto ho Jesus wainhira hasoru dificuldades.

São José,ita bo’ot mak aman nebe badinas tebes no buka sustenta família nazare liu husi
serviço simples nudar badaen. Ami hili ita bo’ot nudar ami nia protetor, hodi reza tulun ba ami
nia família, atu bele lao tuir ita bo’ot nia ezemplo. Tulun ami atu bele hatene agradeçe no hadomi
ami nia serviço loloron, hodi hili justiça nudar ami nia ideal moris, basa, ita mak aman nebe
justo. Ami fiar katak ita sei sai nafatin aman nebe fiel hodi lori ami nia harohan ba to’o Cristo
nebe ukun tinan ba tinan, AMEN

SÃO JOSÉ … ROGAI POR NÓS…….3x