1

MAYINORI WA TINDRIMI TA XINTU - XIZRONGA I

Hlaya tsralwa ledri dzri landzraka, ntsrhaku uyangula svivitisu lesvi

ubekiliwiki!

N’wampfundlana na N’wamhunti

Malembeni wolawu yakhale, kuveni xihazri xakutlhazriha ngopfu svinene. Xihazri

lexo axivitaniwa svaku hi n’wampfundlana na pfa xini munghanu wakumatha atlhela
avani magugu ngopfu svinene, vito dzrake a ili nwamhunti. Vanghanu lava apfa
vakhomiwile svinene hi dzedzedze na dzripatsrana ni ndlala leyi ayivakulelili svinene.

Kutani a mugangeni lowu avahanya ku wone akuni mutorotoro lowu awukhaluta ni

svakuda, tinsengi, masala, mintsrumbula, ni svin’wana. Lesvi apfa atlhazrihile ngopfu,
n’wampfundlana esuka aya xitaratwini ayatlhasa aticukumetela akutuundzru,
awumbulukela, agama akugamm, svanga hi loku efa. Kuti loko mutorotoro uyabuya
ukuma n’wampfundlana na ati tuundzru apfala xitaratu. Mufambisi wa mutorotoro
ayoba bozina aku “pim…pim…”, kukumeka lesvaku n’wampfundlana owhii, aphinda
aku “pim…pim…”, n’wampfundlana ahlamulela ndzreni aku: «nozweee». Kutani
voxika vamuteka vamupeta mutorotorweni, vamupatsra ni svakuda na vapimisa
lesvaku afile.

A nkama mutorotoro ufambaka, n’wampfundlana ayopfuka axixelela svakuda lesvi

asvikotiki ava akuwani nasvoni. Xikazri ka mpfhuka, n’wampfundlana otlhangana ni
munghanu wake n’wamhunti. Kutani n’wampfundlana amunaveta svakuda lesvi
asviyiviki. Kutani n’wamhunti amuvutisa aku: «Munghanu, hinganibzela, usvikumisi
 2

kuyini svakuda lesvi?». N’wampfundlana ahlamula aku: «Niyofamba xitaratwini

niyatlhasa niticukumetela nikutuundru ingi niyofa, kutani kubuya motorotoro uku
“pim…pim…”, nihlamulela ndreni niku “nozwee”». Kutani vanitlakula vanipeta ka
mutorotoro, a nkama mutorotoro ufambaka nipfuka nixixa svakuda nitsrutsruma
nasvoni.

Loko m’wamhunti ayingela mazrito lawo, hikola ka magugu, osuka hi kutsrutsruma

ayatlhasa xitaratwini akutuundzru. A mutorotoro uyabuya, loko vamuvona vaba
bozina vaku “pim…pim…”, kambe n’wamhunti apfa angasviyingelanga svinene lesvi
abzeliwiki hi n’wampfundlana, kutani ahlamula hi zrito dzrakutlakuka aku «nozwee»,
vatlhela vaphinda vaku “pim...pim…” ahlamula aku «nozwee». Kutani mufambisi
okandzretela mutorotoro uyaku n’wamhunti ukumupfotlo, afela kolanu.

SVIVITISU
1. Tsralwa ugamiki kudzrihlaya i xihitana. Basisa xihlayiwo lexi na ukombisa
matsrhamela kumbe mafambela ya xihitana.
2. Hi vamani vakumeki vanga kone ka xihitana lexi? Kombisa matsrhamela ya
mun’wane ni mun’wane.
3. «…n’wampfundlana esuka aya xitaratwini ayatlhasa aticukumetela akutuundzru,
awumbulukela, agama akugamm…».
3.1. Mayencela ya n’wampfundlana akuva akuma kuda ave manene kumbe
angavangamanene?
3.2. Basisa ntlhamuxelo wa mazrito lawa makhotahatiwiki (palavras sublinhadas).
3.3. Zritu “xitaratwini” dzritlhamuxela svaku “ndreni kumbe xikazri ka
xitaratu”. Hi xini xiyengesela xikombisaka svaku ntlhamuxelo wolowu: “ndreni
ka…”? Kombisa mazritu man’wane lawa matizrisaka xiyengesela xolexo.
4. «Kutani mufambisi okandzretela mutorotoro uyaku n’wamhunti ukumupfotlo, afela
kolanu»
 3

4.1. I wa mani nandzru wa kufa ka n’wamhunti? Kombisa mazritu ya kutiyisa

yangulu yaku.
4.2. Ka mavonela yaku, i yini lesvi n’wamhunti apfa afanela kuyenca svone akuva
ahuluka kufa?
4.3. Lavisisa sviyenceko lesvi svitizrisiwaka ka xihlayiwo xikombisiwaka ka nhlayu
4. Hi wini nkama wa sviyenco (verbos)?
5. Hi drini lisima dzra svihitana, mahanyeleni yezru?
6. Bekisa mahetelelo man’wane hi ndlela yakuva undruluta mahelela ya xihitana
lexi.
7. Kufambeni ka xihitana kukumeka muthi ni vatheliwa. Ka xihitana lexi,
yengetela mazritu mangakahlayiwa hi muthi ni hi vatheliwa kusunguleni, xikazri ni
wugan’wini dzra xihitana.

Niminavelela ntizru lowumanene!!

Fumo