En 1788, comezou o reinado de Carlos IV, ao longo do cal produciuse a crise
progresiva da monarquía tradicional española, xa que se viu afectada polos cambios orixinados pola Revolución Francesa. Estos cambios como a proclamación da soberanía nacional derivarían, máis tarde, na ocupación napoleónica no estado español.
Durante o súa monarquía, Carlos IV relegou as cuestións de goberno no consello e
en María Luisa de Parma, a súa muller, aínda que posteriormente, Manuel Godoy foi nomeado Secretario de Estado, debido á protección da raíña. Naquel entonces, a situación da monarquía era desfavorable xa que a expansión da Revolución Francesa non se detía e iso provocou unha guerra contra os revolucionarios franceses, aínda así Manuel Godoy asinou a paz con eles xa que necesitaba a alianza para frear os enfrontamentos contra Inglaterra. Estes provocaron a quebra do comercio con América, a ruína do Estado e a final supeditación de Francia; así, en 1806, Napoleón decretou o bloqueo continental contra Gran Bretaña. Portugal, tradicional aliado de Inglaterra, non cumpliu ese bloqueo, polo que Napoleón planea a súa conquista co apoio de Godoy. Acordarían así, o paso das tropas francesas por España para invadir Portugal, repartindo o país e creando o reino dos Algarves para a súa inclusión no reino español no Tratado de Fontainebleau en 1807.
Daquel xeito, a partir de 1808, as tropas francesas entran en España provocando un
forte malestar popular. Como consecuencia, Godoy propúxolle aos reis unha retirada a Sevilla e de alí a América; este traslado a Aranxuez, incrementou os temores populares e aproveítase polos partidarios do príncipe de Asturias, futuro Fernando VII, para continuar conspirando. Así, o 18 de marzo de 1808, estoupa o Motín de Aranxuez no que, grupos armados asaltan o pazo real conseguindo a destitución de Godoy e a abdicación de Carlos IV en favor do seu fillo Fernando. Con todo isto, Carlos IV ante a evolución dos acontecementos escribe a Napoleón facéndolle saber o ocurrido e reclamándolle axuda para recuperar o seu trono (Doc 1: Fonte primaria, de carácter histórico-político); como podemos observar no texto (Doc 1: liñas 4 e 5). Napoleón, aproveitando a decadencia da monarquía española, fai chamar a Carlos IV e Fernando VII á Baiona francesa, onde Fernando foi obrigado a devolverlle a coroa ao seu pai quen lle cedeu os seus dereitos a Napoleón. Seguidamente, Napoleón nomea ao seu irmán Xosé Bonaparte como rei de España, quen convoca Cortes en Baiona co fin de outorgarlle unha constitución ao país, aínda que o creado, o Código de Baiona, era unha Carta Outorgada. Nesta, establecíase unha monarquía na que o rei era a centralidade de todo o sistema, aínda que se recollía unha certa separación de poderes coa creación dun Senado, un Consello de Estado e unhas Cortes así como a independencia do poder xudicial; a cal designaba á relixión católica como oficial. Tamén incluiría a igualdade ante a lei, o acceso a cargos públicos e abolía o réxime señorial así como desamortizaba as terras da Igrexa. Ao mesmo tempo que se desenvolvían os feitos de Baiona, en España, o 2 de maio, iniciouse un alzamento contra a presenza francesa onde o 2 de maio, (Doc 2: fonte primaria de carácter histórico). Aínda que foi duramente reprimido polas tropas francesas (Doc 2: Art.2, Art.5, Art.7), o seu exemplo espallouse por todo o país e a poboación levantouse de contado contra o invasor, ante a sorpresa dos franceses, un movemento de resistencia popular resiste o avance das tropas imperiais, comezando así a Guerra de Independencia. Así, durante o período de invasión francesa o goberno estaba dividido: Xosé I gobernaba nas zonas dominadas polos franceses, mentres que no resto formáronse Xuntas. Como consecuencia, nalgúns lugares como Galicia, a poboación reclamou a defensa contra a invasión francesa dando lugar ás Xuntas de Armamento e Defensa ante as mesmas. As Xuntas foron, primeiramente locais aínda que, axiña se organizaron xuntas a nivel provincial; as cales reclamaron a acción das autoridades e forzaron a reunión dunha Xunta Central que coordinase a acción contra os franceses. Daquela, nesta guerra diferéncianse tres fases; a primeira sitúase entre maio e novembro de 1808, e caracterizouse polo intento de ocupación francesa e o levantamento popular dos españois, que fixo fracasar os plans de Napoleón de ocupar rapidamente o país. A segunda fase, producida dende novembro de 1808 ata xaneiro de 1812, foi de claro dominio francés; por isto as principais cidades rendironse tras protagonizar moitas resistencias, únicamente resistiron Cádiz e Lisboa. Con todo isto, en Galicia, a liberalización do territorio foi realizada polo pobo e conseguida polas partidas de guerrilleiros que atacaron aos franceses; estas prexudicaron ás vilas por mor dos constantes saqueos. Asi, a oposición popular fixo que os franceses abandonaran rapidamente Galicia, converténdose no primeiro territorio liberado do dominio francés. Por último, a terceira fase situada entre xaneiro de 1812 e abril de 1814. Esta estivo marcada polo repregamento francés e a ofensiva hispanoinglesa. A campaña de Rusia obrigou a Napoleón a reducir efectivos en España, isto foi aproveitado polas tropas anglo-hispanas que obrigaron aos franceses a abandonar a Península; rematando así, a guerra co triunfo de españois e ingleses en 1814. A invasión francesa e a creba do modelo social do Antigo Réxime obrigaron ás diferentes correntes ideolóxicas a posicionarse fronte á presenza francesa e monarquía napoleónica. Por unha banda, unha pequena parte dos españois, os afrancesados, aceptaron ó novo monarca Xosé Bonaparte e participaron no seu goberno; por outra banda, o groso da poboación forma a fronte patriótica, estes son todos os que se opuxeron á invasión (Doc 3: fonte secundaria de carácter histórico-político), neste atopamos posicións moi diferentes xa que a maior parte do clero e a nobreza, buscaba a volta á situación absolutista baixo a monarquía de Fernando VII (Doc 3: liñas 4 e 5) mentres que a burguesía, os intelectuais e os sectores liberais, querían transformar a España nun sistema liberal-parlamentario (Doc 3: liñas 7, 8, 9). Para rematar, a Guerra de Independencia sería o escenario para o comezo da “revolución liberal española”, coa conseguinte Constitución de Cádiz e os seus decretos que consegurían abolir o Antigo Réxime durante a ausencia do Principe de Asturias, Fernando VII.
RESUMO E QUESTÕES DE VESTIBULARES COM GABARITO SOBRE A REVOLUÇÃO FRANCESA E O PERÍODO NAPOLEÔNICO Prof. Marco Aurélio Gondim (WWW - Mgondim.blogspot - Com)