MATERIA ESTRUTURA DE BETAUN ARMADU

Sesaun 4°

AÇÕES SEGURANSA NO ESTADU LIMITE

PREPARA HUSI :
ELFRIDO ELIAS TITA, L. ENG. CIV. M. ENG.
AQUINO VILDE ACÁCIO DA CRUZ, L.ENG.CIV.
DOSENTE CURSO CONSTRUÇÃO CIVIL
ESE - IPB
 OBJETIVU JERAL
Depois sesaun ida ne'e remata, estudante sira sei:
1. Hatene kona ba konseitu husi ações seguransa no estadu limite iha
estrutura betaun armadu
 OBJETIVU ESPESIFIKU
Depois sesaun ida ne'e remata, estudante sira sei:
1. Hatene identifika no deskreve Kuñesimentu jeral kona ba estadu limite, Klasifikasaun ba
estadu limite, Importansia husi estadu limite, Asaun sira iha sistema estrutura, Metodu
planeamentu ba estrutura betaun armadu, Etapa planeamentu ba estrutura betaun
armadu
2. Hatene halo kalkulasaun ba; esforsu interna iha estrutura hiperstatika utiliza metodu
clapeyron ho tipu karga fatorada.
 KRITERIA DEZEMPEÑU
Depois sesaun ida ne'e remata, estudante sira bele:
1. Identifika no deskreve Kuñesimentu jeral kona ba estadu limite, Klasifikasaun ba estadu
limite, Importansia husi estadu limite, Asaun sira iha sistema estrutura, Metodu
planeamentu ba estrutura betaun armadu, Etapa planeamentu ba estrutura betaun
armadu
2. Hatene halo kalkulasaun ba; esforsu interna iha estrutura hiperstatika utiliza metodu
clapeyron ho tipu karga fatorada.
 ESTRUTURA
Atu alkansa objetivu iha sesaun ida ne’e, mak ita hotu sei liu husi prosesu tuir
mai ne’e durante 140 minutu:
1. Sei hatudu imajen ruma ba ita bo'ot sira hodi explora ida bo'ot sira nia ideia;
2. Iha esplikasaun kona ba materia tuir metodu ne'ebé iha;
3. Iha mos atividade ne'ebé involve ita bo'ot sira atu halo pergunta no resposta;
4. Sei iha traballu Grupu ba estudante sira;
5. Sei iha konfirmasaun ba ita bo'ot sira, tuir topiku ne'ebé ita bo'ot sira aprende ona;
6. Ikus liu maka Konkluzaun, Iha ne'e mak ha'u sei halo sumariu ba parte sira ne'ebé
relevante no importante relasiona ho Topiku sesaun ohin nian.
SIMULASAUN

Husu ba ita bo’ot sira atu fo hafoin no

prespektiva kona ba imajen iha leten
 SAUDE NO SEGURU SERBISU
Atu garantia prosesu aula lao ho diak no konfortavel, sei iha regra sira ne’ebé
Estudante no Dosente tenki kumpri mak hanesan:
1. Telemovel tenki iha kondisaun silensiu, karik hetan kontaktu husi familia bele husu
lisensa hodi simu iha liur;
2. La permite ba estudante atu tarde (Liu 10 minutu)
3. La permite atu halo movimentu ba mai wainhira laiha autorizaun, nune'e mos barullu;
4. Husu lisensa karik iha nesesidade atu sai;
5. Durante Esplikasaun la autoriza atu hakerek, liu - liu halo traballu seluk;
6. Durante Aula la autoriza atu dukur/toba;
7. Kuidadu ho utilizasaun eletrisidade;
8. La autoriza estudante sira atu fuma nune’e mós hemu bebidas alcoholicas iha aredor
IPB nian
QUIZ Ligasaun ho materia iha sesaun 3o

1. Husu atu identifika fatór sira ne’ebé fo afeta ba

rezistensia kompresaun konkretu?
2. Husu atu identifika fatór sira ne’ebé fo efeitu
hodi akontese retrasaun iha konkretu tuir
(Setiawan, 2016)?
3. Husu atu deskreve parametru importante sira
ne’ebé presiza iha konsiderasaun hafoin utiliza
material betaun?
 1. Fatór sira ne’ebé fo afeta ba rezistensia kompresaun
Resposta sira konkretu mak:
1. Tipu misturasaun;
2. Karrakteristika material sira;
3. Fatór be’e simentu (fas);
4. Workability (karrakteristika serbisu);
5. Tratamentu konkretu (curing)
2. Fatór sira ne’ebé fo efeitu hodi akontese retrasaun
iha konkretu tuir (Setiawan, 2016) mak:
1. Simentu no teor de agua;
2. Kompozisaun no finura de cimento;
3. Tipu, kuantidade no gradasaun agregadu;
4. Kondisaun ambiente no temperatura;
5. Material adisional (adetivos)
 3. Parametru importante sira ne’ebé presiza iha
Resposta sira konsiderasaun hafoin utiliza material betaun mak:
1. Kualidade Simentu;
1. Proporsaun Simentu hasoru be’e iha misturasaun;
2. Rezistensia no kondisaun husi agregadu sira;
3. Interasaun no adezaun entre simentu ho agregadu sira;
4. Kompozisaun no misturasaun ne’ebé efetivu;
5. Ordenamentu Material ne’ebe seguru, no
kompaktasaun ne’ebe diak;
6. Tratamentu betaun iha temperatura 50oF;
7. Kontaminasaun material klorida tenki menus husi
0,15%.
 4.1. Introdusaun
Iha prosesu planeamentu no konstrusaun ba elementu estrutura ida normalmente
regulariza ona iha estandarte/norma espesifiku sira, ne’ebé bazeia ba lokalizasaun ka
ezistensia husi estrutura konstrusaun refere. Ho nune’e jeralmente kada nasaun ida
sempre iha nia norma rasik hanesan;
1. Husi EUA antes sekulu 20 (Uniform Building Code (UBC), Standard Building Code
(SBC), no Basic Building Code (BBC) hafoin sekulu 20 halo mudansa sai
International Building Code (IBC). Maibe norma ne’ebé espesifiku liu kona ba
estrutura betaun armadu regulariza iha Building Code Requirements for Structural
Concrete (ACI 318-11);
2. Indonesia norma ba planeamentu estrutura betaun armada regulariza iha SNI
2847:2013 (Persyaratan Beton Struktural untuk Bangunan Gedung),Konseitu
planeamentu ne’ebé kontempla iha SNI mai ho baze rezistensia, ka kuñesidu ho
metodu (Load and Resistance Factor Design) (Setiawan, 2016)
Rezistensia planeadu ≥ Rezistensia ne’ebé presiza
Φ x (Rezistensia nominal) ≥ U ΦxM ≥Mn U
Φ x Vn ≥ VU
Φ x Pn ≥ PU

Konteudu Materia
 4.2. Klasifikasaun ba estadu limite
Bazeia ba norma ABNT NBR 6118:2014, klasifika estadu limite ba klase rua mak:
1. Estado Limite Último (ELU);
2. Estado Limite Servico (ELS)

4.2.1. Estado Limite Último (ELU)

Estado Limite Último (ELU) iha relasaun ho kondisaun estrutura konstrusaun, iha ne’ebé
estrutura refere la favoravel ona atu utiliza, katak estrutura refere komesa hamihis ona kapasidade
estrutura no risku ba seguransa. Iha kazu ida ne’e, bainhira estrutura refere atinji kondisaun limite
ultimo, iha nesesidade atu halo manutensaun ka renovasaun konstrusaun refere atu nune’e bele
garante seguransa ba utilizasaun.
Estado Limite Último ne’ebé presiza halo verifikasaun atu bele garantia seguransa ba estrutura
betaun armadu ne’ebé sita iha norma 10.3 NBR 6118:2014, mak hanesan tuir mai ne’e:
1. Estado Limite Último (Estrutura konstrusaun ne’ebé lakon ekilibriu ne’ebé admite
nu’udar corpo rigido);

Konteudu Materia
 Kont...
1. a
2. Estado Limite Último (Esgotamento/hamihis kapasidade estrutura resistente, tanba efeitu
husi karga normal no tangensial, admite katak iha redistribuisaun ba esforsu interna maibe
nafatin respeita ba kapasidade adaptasaun plastika 1;
3. Estado Limite Último (Parte hotu iha estrutura akontese esgotamento kapasidade
resistente ka parsial, ho nune’e presiza konsidera efeitu iha ordem da ruak;
4. Estado Limite Último (Ho solisitasaun husi karga dinamika);
5. Estado Limite Último (Estrutura akontese kolapsu progresivu);
6. Estado Limite Último (Parte hotu iha estrutura akontese esgotamento kapasidade
resistente ka parsial, tanba estrutura konstrusaun hetan atakasaun husi ahi);
7. Estado Limite Último (Parte hotu iha estrutura akontese esgotamento kapasidade
resistente ka parsial, tanba estrutura konstrusaun hetan provokasaun husi karga sísmika);
8. Estado Limite Último (Efeitu husi kazu espesial/espesifiku sira)

Konteudu Materia
 Kont...
Atu simplifika kompresaun/kuñesimentu ba Estado Limite Último, tuir mai ne’e mak failansu
elementu estrutura iha kondisaun ELU;

1. Estrutura pilar ne’ebé ho nia dimensaun insufisiente, inklui kuantidade armadura menus;

2. Utilizasaun material ba serbisu estrutura konstrusaun ne’ebé la kumpri ba akordu

espesifikasaun teknika sira

Imajen 4.1 Estrutura konstrusaun atinji Estado Limite Último

Konteudu Materia
 4.2.2. Estado Limite de Serviço (ELS)
Estado Limite de Serviço sai hanesan rekejitu ba seguransa estrutura konstrusaun ne’ebé
iha ligasaun ho bem-estar utilizador sira nian, kapasidade resistente estrutura (durabilidade
estrutura) no utilizasaun jeralmente. Bazeia ba norma iha item 3.2 ABNT NBR 6118:2014,
deskreve Estado Limite Serviço ne’ebé presiza verifika atu bele asegura seguransa ba elementu
estrutura betaun klasifika iha parte sira hanesan tuir mai ne’e:
1. Estado Limite ba formasaun fissuras (ELS-F);
2. Estado Limite ba abertura fissuras (ELS-W);
3. Estado Limite ba deformasaun excessivas (liu limite) (ELS-DEF);
4. Estado Limite ba deskompresaun (ELS-D);
5. Estado Limite ba deskompresaun parsial (ELS-DP);
6. Estado Limite ba kompresaun excessivas (ELS-CE);
7. Estado Limite ba vibrasaun excessivas (ELS-VE)

Konteudu Materia
 Kont…
Entre exemplu ELS ne’ebé jeralmente fo efeitu ba falta seguransa ba utilizador, afeta ba
durabilidade estrutura no risku ba seguransa mak hanesan:
1. Deflexaun ne’ebé liu limite iha estrutura viga no laje;
2. Fissuração ne’ebé liu limite;
3. Vibrasaun ne’ebé ataka estrutura forte;
4. Deformasaun iha elementu estrutura ne’ebé liu limite

Imajen 4.2. Estrutura viga atinji Estado Limite Serviço

Konteudu Materia
 4.3.Importansia ba Estado Limite
Tanba saida mak presiza hatene no kompriende Estado Limite? Atu responde
pergunta ida mak hamosu situasaun sira tuir mai ne’e:
1. Konstrusaun refere konstrui atu responde ba nesesidade utilizador sira: signifika estrutura
konstrusaun presiza planeia no implementa tuir norma sira ne’ebé iha, hodi nune’e bele
asegura bem-estar utilizador sira nian;

2. Material hotu ne’ebé utiliza iha konstrusaun sempre iha nia kapasidade maxima; signifika
katak atu determina tipu material, presizamente halo estimasaun diak ba karga sira
ne’ebé iha tuir norma estabelesidu sira, hafoin hili tipu material ida;

3. Konsiensia ba utilizador; Ho deskrisaun ideia rua iha leten, mak nu’udar utilizador tenki
utiliza konstrusaun refere tuir nia funsaun sira.

Konteudu Materia
 4.4.Asaun sira iha estrutura
Karga hotu-hotu ne’ebé atua iha Sistema estrutura ida, bele ho natureza permanente ka
temporariu, tanba ne’e presizamente tenke halo kalkulasaun ba esforsu interna sira ne’ebé sofre
husi elementu estrutura hanesan (Forsa Normal, Forsa Kortante inklui Forsa Momentu).
Kalkulasaun ba forsa interna hirak ne’e tenki bazeia ba teoria analiza estrutura ne’ebé dala barak
utiliza metodu sira hanesan:
1. Estrutura estatika definidu, bele utiliza prinsipiu ekuasaun ekilibriu 3 hanesan ∑FV = 0, ∑FH
= 0 no ∑M = 0;
2. Estrutura estatika Indefinidu, normalmente utiliza metodu espesifiku sira hodi halo
kalkulasaun ba forsa momentu iha kada koneksaun, hafoin utiliza prinsipiu ekuasaun ekilibriu
hodi determina esforsu interna seluk. Metodu ne’ebé dala barak utiliza mak hanesan:
a. Metodu Clapeyron (Bele utiliza ba estrutura viga);
b. Metodu Slope deflection (Bele utiliza ba estrutura viga no portiku);
c. Metodu Distribuisaun momentu Cross (Bele utiliza ba estrutura viga no portiku);
d. Metodu Takabeya (Bele utiliza ba viga no portiku);
e. Metodu Matrizes (Bele utiliza ba viga no portiku)

Konteudu Materia
 Kont...
Exemplu: Husu atu kalkula forsa interna
ne’ebé sofre husi estrutura viga ne’ebé
demonstra iha dezeñu tuir mai ne’e, utiliza
metodu Clapeyron.
Resposta:
a. Verifika tipu/klasifikasaun estrutura;
3n + r = 3j (Estrutura isostática)
3n + r > 3j (Estrutura Hiperstática)
3n + r < 3j (Estrutura Hipostática)
3x2 + 4 > 3x3
10 > 9 → (Estrutura hiperstática)
b. Kalkula momentu fletor iha apoiu B
θBA= [-q x L3 / 24EI] + [MB x LBA / 3EI]
−2 𝑥 5³ 𝑀𝐵 𝑥 5
θBA= + → θBA= -10,42 + 1,67MB ...(Ek. 1)
24 3
θBC= [P x L2 / 16EI] - [MB x LBC / 3EI]
8 𝑥 6² 𝑀𝐵 𝑥 6
θBC= - → θBC= 18 - 2MB…… (Ek. 2)
16 3

Konteudu Materia
 Kont...
Kriteria kontinuidade iha pontu B
θBA= θBC
-10,42 + 1,67MB = 18 - 2MB
1,67MB + 2MB = 18 + 10,42
3,67MB = 28,42 → MB = (28,42 )/3,67 → MB = 7,74tm
c. Kalkula reasaun apoiu iha pontu A no pontu B, ho diagrama corpo livre barra A-B
RA= ½ x 2 x 5 – MB / 5
RA= 3,452t
RBA= ½ x 2 x 5 + MB / 5
RBA= 6,548t

d. Kalkula reasaun apoiu iha pontu B no pontu C, ho diagrama corpo livre barra B-C

RBC= ½ x 8 + MB / 6
RBC= 5,29t
RC= ½ x 8 - MB / 6
RC= 2,71t

Konteudu Materia
 Kont...
Verifika ekilibriu estrutura
∑FV= 0
RA + RBA + RBC + RC – [(2 x 5) + (8)] = 0
3,452 + 6,548 + 5,29 + 2,71 – 18 = 0
18 – 18 = 0
0 = 0.......(Estrutura ekilibriu)
Bazeia ba valor reasaun apoiu ne’ebe iha, mak bele
halo kalkulasaun ba esforsu interna sira hanesan
Forsa sizallamentu no Momentu fletor hanesan
hatudu iha tabela 4.1. tuir mai ne’e:
Tabel 4.1. Rekapitulasaun ba rezultadu forsa interna

Konteudu Materia
 Kont...
Diagrama forsa kortante (SFD) Diagrama momentu fletor (BMD)

Alem de utiliza maneira manual, ho dezenvolvimentu teknolojia ne’ebé iha konsege hamosu
aplikasaun komputador ne’ebé utiliza iha analiza no planeamentu ba estrutura konstrusaun
ne’ebé refere liu ba utilizasaun material betaun armadu no besi aço. Aplikasaun hirak ne’e mak
hanesan:
1. Aplikasaun ETABS (Extended Three Dimensional Analysis of Building Systems);
2. Aplikasaun SAP 2000 (Structural Analysis Program 2000);
3. Aplikasaun STAAD Pro (STructural Analysis And Design)

Konteudu Materia
 Kont...

Exemplu: Husu atu kalkula forsa interna iha

elementu estrutura tuir mai ne’e, utiliza
aplikasaun SAP2000, v16.

Resposta:
Etapa 1: Halo definisaun ba material, medida elementu estrutura, tipu karga no modelu estrutura;
Etapa 2: Input karga externa sira ne’ebé halo atuasaun iha elementu estrutura;

Konteudu Materia
 Kont...
Etapa 3: Run (Aplikasaun refere sei hamosu rezultadu esforsu interna)

1. Rezultadu reasaun apoiu

2. Rezultadu forsa kortante

3. Rezultadu Momentu fletor

Nota: Kona ba valor sira hatudu ona iha tabela 4.1. iha leten
Konteudu Materia
 4.5.Tipu karga iha estrutura
Fo hanoin fila fali katak, iha materia Mecânica Aplicada ne’ebé aprende iha semester III,
aprende ona kona ba Tipu karga iha Sistema estrutura, no oinsa atu halo kalkulasaun ba karga
hirak ne’e. Ho nune’e iha materia Estrutura de Betaun Armadu halo revizaun simples ba karga
hirak ne’ebé normalmente fo atuasaun iha Sistema estrutura konstrusaun ne’ebé regulariza iha
norma PPIUG 1983 mak hanesan tuir mai ne’e:
1. Karga Maten/Permanente (DL); Hanesan karga gravidade ne’ebé nia orijen mai husi todan
ba elementu estrutura inklui komponente konstrusaun ne’ebé ho karrakter permanente
durante tempu utilizasaun konstrusaun;
2. Karga Moris/Temporariu (LL); Kategoriza mos nu’udar karga gravidade ne’ebé nia orijen
mai husi karga hirak ne’ebé ho karrakter temporariu espesifikamente ba karga ne’ebé
rezulta husi utilizador ba konstrusaun;
3. Karga Anin (WL); Karga ida ne’ebé mosu tanba efeitu husi presaun anin;
4. Karga sísmika (EQL); Karga ida ne’ebé ho diresaun horizontal iha elementu estrutura
ne’ebé efeitu husi rai ne’ebé bok-an tanba provoka husi sísmika ne’ebé bele ho diresaun
vertikal nune’e mos horizontal.

Konteudu Materia
 4.6. Karga fatorada no Forsa nesesaria
Iha artigu 3.2.2. SKSNI T-15-1991-03 deskreve katak, atu estrutura konstrusaun nia funsaun priense
rekejitu ba rezistensia nian, mak husu atu halo estimasaun/kalkulasaun ba karga sira ho kombinasaun
tuir mai ne’e:
1. Estrutura ne’ebé sujeita ba karga gravidade/karga maten no karga moris sei utiliza
kombinasaun U=1,2DL + 1,6LL;
2. Estrutura ne’ebé sujeita ba karga maten, karga moris no karga anin sei utiliza kombinasaun
U= 0,75 x (1,2DL + 1,6LL + 1,6WL), rezultadu refere tenki halo komparasaun ho kondisaun
ne’ebé la konsidera karga moris U= 0,9DL + 1,6WL, rezultadu rua refere sei konsidera ida
ne’ebé bo’ot maibé labele ki’ik husi 1,2DL + 1,6LL;
3. Estrutura ne’ebé sujeita ba karga maten, karga moris no karga sísmika sei utiliza
kombinasaun U= 1,05 x (DL + LR ± EQL), rezultadu refere tenki halo komparasaun ho
kondisaun ne’ebé la konsidera karga moris U= 0,9 x (DL ± EQL). Valor rua refere hili ida
ne’ebé bo’ot liu. Iha ne’ebé LR= karga moris ne’ebé halo redusaun.
Kona ba Forsa nesesaria jeralmente reprezenta ho simbolu MU, VU, PU no TU. Iha ne’ebé MU=
Momentu último, VU= Forsa sizallamentu último, PU= Forsa axial último no TU= Momentu
torsaun último.

Konteudu Materia
 Kont…
Exemplu: Husu atu kalkula forsa nesesaria ne’ebé
sofre husi elementu estrutura tuir mai ne’e, bainhira
elementu estrutura refere sujeita ba karga gravidade
(U=1,2DL + 1,6LL)!

Resposta:
1. Kalkula reasaun apoiu vertikal iha pontu A (RA)
∑MB= 0
(RA x 3,5) – [1,2DL x 1,5 x (½ x 1,5 + 2)] – (1,6LL x 1) = 0
1,2DL x 1,5 x ½ x 1,5 + 2 + 1,6LL x 1
RA =
3,5
1,2 x 20 x 1,5 x ½ x 1,5 + 2 + (1,6 x 25 x 1)
RA = 2. Kalkula reasaun apoiu vertical iha pontu B (RB)
3,5
RA= 39,71kN (↑) ∑MA= 0
-(RB x 3,5) + [1,2DL x 1,5 x ½ x 1,5] + (1,6LL x 2,5) = 0
[1,2DL x 1,5 x ½ x 1,5] + (1,6LL x 2,5)
RB=
3,5
[1,2 x 20 x 1,5 x ½ x 1,5] + (1,6 x 25 x 2,5)
RB=
3,5
RB= 36,29kN (↑)
Konteudu Materia
 Kont...
3. Kalkula momentu maximu Mmax Konkluzasaun: Bazeia ba kalkulasaun/rezultadu iha
DA – 1,2DL * x = 0 leten konklui katak:
D
x= A →x=
39,71
→ x = 1,655m Forsa sizallamentu últimu VU= 39,71kN;
1,2𝐷𝐿 1,2𝑥20
Momentu fletor últimu MU= 32,85kNm;
Mmax= (RA * x) – (½ * 1,2DL * x2)
La akontese forsa axial no momentu torsaun
Mmax= (39,71 * 1,655) – (½ * 1,2*20 * 1,6552)
Mmax= 32,85kNm

4.7. Rezistensia planear

Rezistensia planear husi elementu estrutura ida normalmente kalkula bazeia ba
multiplikasaun entre fator redusaun (ɸ) ho rezistensia nominal ne’ebé elementu estrutura refere
iha. Saida mak rezistensia nominal? Rezistensia nominal hanesan kapasidade absoluta husi
elementu estrutura hodi reziste hasoru forsa externa ne’ebé halo atuasaun, iha ne’ebé halo
planeamentu/kalkulasaun bazeia ba metodu sira ne’ebé estabelesidu iha norma reguladora sira.
Iha norma ACI (9-3) identifika ona valor ba fator redusaun rezistensia (ɸ) ne’ebé ligadu ho
situasaun sira hanesan tuir mai ne’e:

Konteudu Materia
 Kont...
1. Elementu estrutura ne’ebé sofre ba esforsu interna flexaun la ho karga axial ɸ = 0,90;
2. Elementu estrutura ne’ebé sofre ba sizallamentu no torsaun ɸ = 0,85;
3. Estrutura ne’ebé konsidera nu’udar apoiu/sentru ba akumulasaun karga (La konta ho estrutura
espesifiku ne’ebé utiliza ancoragem no concreto pós tensionado) ɸ = 0,70;
4. Estrutura ne’ebé sofre ba tensaun axial bele ho flexaun nune’e mos lae ɸ = 0,90;
5. Estrutura ne’ebé sofre ba kompresaun axial ne’ebé ho flexaun ka la ho flexaun ɸ = 0,70-0,75;
Kona ba elementu estrutura sira ne’ebé espesifiku liu, bele hare iha norma ne’ebé regulariza
planeamentu ba estrutura betaun armadu.

Objetivu husi utilizasaun fator redusaun (ɸ) mak atu bele asegura rezistensia material ne’ebé la
serteza, rezultadu serbisu ne’ebé la kumpri ba planeamentu no kolokasaun armadura la tuir nia
fatin inklui problema seluk, hodi nune’e nafatin garantia ba bem-estar utilizador sira.

4.8. Planeamentu ba estrutura betaun armadu

Atu halo planeamentu ba estrutura konstrusaun ruma, liu-liu estrutura konstrusaun ne’ebe utiliza
material betaun armadu, normalmente sei liu husi etapa tuir mai ne’e:

Konteudu Materia
 Kont...
1. Dezeña uluk planta/layout konstrusaun ne’ebé dala barak produz husi arkitektu sira, ne’ebé
hetan aseitasaun husi nain ba obra refere (Owner);
2. Halo planeamentu ba nia estrutura iha ne’ebé define Sistema estrutura ida ne’ebé bele fo
garantia ba seguransa no estabilidade estrutura durante nia vida útil;
Iha tipu ba Sistema estrutura ne’ebé bele utiliza hodi responde ba konstrusaun ne’ebé ekonomiku,
bazeia ba ezistensia material no kondisaun rai. Atu hetan solusaun ida ne’e, jeralmente presiza liu
husi etapa sira hanesan tuir mai ne’e:
1. Define modelu estrutura ne’ebé sei simu karga, inklui ho elementu estrutura sira;
2. Halo definisaun ba karga sira ne’ebé iha posibilidade akontese iha estrutura refere;
3. Halo analiza estrutura, bele utiliza aplikasaun komputador nune’e mos manual ho objetivu
atu determina esforsu maximu ne’ebé akontese hanesan momentu fletor, sizallamentu,
torsaun, forsa axial nune’e mos forsa seluk;
4. Determina dimensaun ba elementu estrutura inklui halo kalkulasaun ba armadura ne’ebé
presiza;
5. Halo dezeñu ba estrutura final inklui ho espesifikasaun material ne’ebé presiza. Dezeñu
estrutura ne’ebé iha tenki ho karrakter detalladu no klaru atu nune’e bele fasilita kontrator
bainhira implementa obra refere.

Konteudu Materia
 Kont...
Atu halo planu ba estrutura konstrusaun ida liu-liu utiliza material betaun armadu, presiza
konsidera kriteria sira tuir mai ne’e:
1. Estrutura ne’ebé planea tenki forte (Katak iha rezistensia diak hasoru karga ne’ebé iha);
2. Estrutura refere tenki ekonomiku (Fasil atu halo, utiliza rekursu sufisiente);
3. Estrutura refere tenki priense ba rekejitu sira liu-liu ligasaun ho funsaun konstrusaun nian;
4. Estrutura refere fasil atu halo manutensaun (Durabilidade ne’ebé diak).

Tuir (Pratikto, 2009), atu halo planeamentu ba elementu estrutura betaun armadu normalmente
iha metodu rua ne’ebé konsidera utiliza mak:
1. Metodu Tensaun; (Tension Method);
2. Metodu limite rezistensia (Ultimate resistance Method)

4.8.1. Metodu tensaun (Tension Method)

Estrutura konstrusaun planeia bazeia ba tensaun husi material refere. Signifika katak karga ne’ebé
halo atuasaun iha elementu estrutura sei halo limitasaun bazeia ba tensaun autorizadu husi
material ne’e rasik σ ≤ 𝜎.
ത Fatór ne’ebé sai nu’udar desvantazen ba metodu ida ne’e mak:

Konteudu Materia
 Kont...
1. Tanbá halo limitasaun ba tensaun total ho baze iha karga serbisu, mak difisil atu halo
estimasaun ba diferensia iha nivel variasaun karga. Kona ba karga maten jeralmente bele
halo estimasaun ne’ebé klaru kompara ho karga moris, karga sísmika nst.;
2. Fluência no retrasaun ne’ebé fo efeitu ba betaun, tanbá ho funsaun tempu ne’ebé iha
difikulta tebes atu halo kalkulasaun ho metodu tensaun elastika;
3. Tensaun ho deformasaun betaun nian la linear, ho ida ne’e fatór seguransa ne’ebé iha
labele define, bainhira tensaun ne’ebé autoriza foti persentajen ruma husi rezistensia
kompresaun (fc’).

4.8.2. Metodu limite rezistensia (Ultimate Resistance Method)

Metodu ida ne’e signifika katak estrutura konstrusaun sei halo planeamentu bazeia ba karga
fatorasaun ne’ebé simu husi elementu estrutura. Tanba ne’e elementu estrutura refere sei bele
define nia kapasidade ultimo, no utilizasaun metodu ida ne’e sei bazeia ba ekuasaun tuir mai ne’e:

MU ≤ ɸ x Mn

Konteudu Materia
 Kont...
Iha SKSNI-T-15-1991-03 ka SNI Betaun 2002 utiliza konseitu planeamentu ho metodu limite
rezistensia. Kona ba konseitu ida ne’e, iha kondisaun limite balun ne’ebé presiza iha
konsiderasaun mak:
1. Kondisaun limite último ne’ebé afeta husi, Lakon ekilibriu iha kondisaun local nune’e mós
global, lakon rezistensia sizallamentu no fletor, kolapsu progesivu ne’ebé afeta husi
kolapsu lokal nune’e mos global, formasaun dobradiças plastika (sendi plastis),
instabilidade estrutura no fadiga;
2. Kondisaun limite utilizasaun (serviceability), ne’ebé refere liu ba redusaun husi funsaun
estrutura refere ho sinál sira hanesan; Deflexaun excessiva, largura de fissura excessiva no
vibrasaun ne’ebé provoka estrutura refere;
3. Kondisaun limite espesial, refere liu ba problema sira hanesan karga/kolapsu/estragu
abnormal tanba efeitu husi; kolapsu ne’ebé provoka husi sísmika ne’ebé bo’ot, insendiu,
explosaun/rabenta, soke husi veikulu sira, korosaun nst.

Konteudu Materia
 4.9. Etapa planeamentu ba estrutura betaun armadu
Iha norma SKSNI 2002 deskreve katak, Dezeñu
kada elementu estrutura tenki planea ho Arkitektura no Estrutural
lolos atu nune’e bele reziste karga
excessiva (Over load). Mekanismu ida Analiza estrutural
ne’e halo ho objetivu atu halo (Forsa momentu, Forsa sizallamentu, Forsa axial no momentu torsaun)
antisipasaun hasoru akontesimentu
ne’ebé rezulta karga excessiva no Kriteria Planeamentu ba elementu estrutural
kapasidade insufisiente (Under capacity). planeamentu/design (Laje, viga, koluna no Fundasaun)
Ho nune’e etapa ba planeamentu
estrutura ne’ebé utiliza material betaun
Dezeñu jeometria ba elementu
armada normalmente liu husi etapa estrutura ho nia armadura
ne’ebé hatudu iha fluxograma tuir mai
ne’e:
Dezeñu no espesifikasaun konstrusaun

Konteudu Materia
DUVIDAS?
 TRABALLU GRUPU
1. Husu atu kalkula forsa nesesaria ba estrutura viga tuir mai ne’e, utiliza aplikasaun SAP2000?
Utiliza kombinasaun U=1,2DL + 1,6LL
 KONFIRMASAUN
1. Husu atu identifika exemplu ELS ne’ebé jeralmente fo efeitu ba falta seguransa ba
utilizador, afeta ba durabilidade estrutura no risku ba seguransa?
2. Husu atu identifika metodu ne’ebe normalmente utiliza hodi kalkula esforsu interna iha
estrutura indefinidu?
3. Deskreve etapa planeamentu ba estrutura betaun armadu?
Resposta sira:
1. Exemplu ELS ne’ebé jeralmente fo efeitu ba falta seguransa ba utilizador, afeta ba
durabilidade estrutura no risku ba seguransa mak hanesan:
1. Deflexaun ne’ebé liu limite iha estrutura viga no laje;
2. Fissuração ne’ebé liu limite;
3. Vibrasaun ne’ebé ataka estrutura forte;
4. Deformasaun iha elementu estrutura ne’ebé liu limite

2. Metodu ne’ebé dala barak utiliza hodi kalkula esforsu interna iha estrutura indefinidu mak
hanesan:
1. Metodu Clapeyron (Bele utiliza ba estrutura viga);
2. Metodu Slope deflection (Bele utiliza ba estrutura viga no portiku);
3. Metodu Distribuisaun momentu Cross (Bele utiliza ba estrutura viga no portiku);
4. Metodu Takabeya (Bele utiliza ba viga no portiku);
5. Metodu Matrizes (Bele utiliza ba viga no portiku)
3. Etapa ba planeamentu estrutura ne’ebé utiliza material betaun armada normalmente liu husi
etapa ne’ebé hatudu iha fluxograma tuir mai ne’e:

Dezeñu
Arkitektura no Estrutural

Analiza estrutural
(Forsa momentu, Forsa sizallamentu, Forsa axial no momentu torsaun)

Kriteria Planeamentu ba elementu estrutural

planeamentu/design (Laje, viga, koluna no Fundasaun)

Dezeñu jeometria ba elementu

estrutura ho nia armadura

Dezeñu no espesifikasaun konstrusaun

 KONKLUZAUN
Materia ba sesaun loron ohin, konklui parte importante sira ne’ebe iha ligasaun ho Ações Segurança
no estado Limite, liu husi parte sira hanesan:
1. Klasifikasaun ba Estado Limite (Estado Limite Último [ELU] no Estado Limite Serviço [ELS]
2. Importansia ba Estado Limite;
3. Asaun sira iha estrutura;
4. Tipu karga iha estrutura;
5. Karga fatorada no Forsa nesesaria;
6. Rezistensia planear;
7. Planeamentu ba estrutura betaun armadu;
8. Etapa Planeamentu ba Estrutura betaun armadu.
OBRIGADU BARAK