Ricardo Joel B. da Cruz ( C.

E )
Tetun ba Eskola no Servisu 2
Mestre : Abreu Ximenes
Servisu Uma : Hakerek Kompozisaun ( Paragrafo 5 )

COVID 19

SARS CoV-2 ou ho naran seluk Covid 19, hanesan virus ida nebe daet husi ema ba ema
lais tebes no perigu tebes, tamba covid 19 ataka ema nia sistema respiratoriu no hatun
imunidade, nebe provoka infeksaun no hamate ema. Virus ne rasik mosu primeiru iha nasaun
china no daet ona ba nasaun barak iha Asia, Europa, Africa, America no Autralia, to agora virus
ne’e sai ona hanesan pandemia global.

Tuir Relatorio Nebe Fo Sai husi Organizasaun Mundial Saude, WHO-Convened Global
Study of Origins of SARS-CoV-2/COVID 19. Background, Page 9. (
https://www.who.int/docs/default-source/coronaviruse/who-convened-global-study-of-origins-
of-sars-cov-2-china-part-joint-report.pdf ), hatete katak, SARS-CoV-2 / Covid 19, primeiru mosu
wainhira iha moras pneumonia ida nebe labele atu esplika, akontese iha cidade wuhan china, no
autoridade local sira descobre katak moras ne’e iha ligasaun ba iha Mercado ida iha cidade
wuhan ho naran Huanan Market. Iha merkadu ne’e hetan vendedor barak mak infetadu iha neba,
no konsumidor balun mos infetadu depois de kompras iha merkadu ne’e.

Merkadu Huanan hanesan merkadu ida nebe mak faan produtu tasi nian ( Seafood) no
faan mos produtu animal fuik rai maran nian barak ba publiku. Husi inicio moras ne mosu
merkadu ne rasik sai hanesan fatin ida nebe risko tebes tanba resultado teste laboratorium hatudu
katak virus ne hetan iha produto animal fuik Niki (Bats), nebe mak faan iha merkadu Huanan,
tanba ida ne’e autoridade local sira deskonfia katak virus ne’e mosu primeiro iha merkadu ne’e,
no deside hodi taka Merkadu ne’e atu hamoos no dezinfekta iha dia 1 janeiru 2020.

Virus SARS CoV-2/COVID 19, daet lalais tebes husi Cidade Wuhan ba provinsia seluk
iha xina, no mos virus ne’e rasik detekta ona iha nasaun seluk, liu husi ema sira nebe halao
viagem husi xina. Tanba ne’e iha fulan fevereiru missaun OMS-Xina Halo planu ida atu informa
ba mundo international kona ba moras COVID 19 nebe mak mosu iha xina, no mos moras ne’e
nia sintomas no oinsa atu prepara wainhira moras ne’e tama ona iha sira nia nasaun no maneira
atu prevene.
To oras ne’e mundo international sei luta nafatin hasoru COVID 19, Tanba seidauk iha aimoruk
atu kura moras ne’e, No ita so bele prevene deit atu moras ne labele hamate ema liu husi vasina
atu hasae imunidade hodi kontra virus COVID 19. Tuir dados husi OMS, kazu mate to oras ne
regista ona hamutuk Milliaun 4.55, no cazo infetado hamutuk Milliaun 219.

Bibliografia :

English
World Health Organization-China Study, 14 January-10 February 2021, Joint Report.
WHO-Convened Global Study of Origins of SARS-CoV-2/COVID 19. Background,
Page 9. Source: ( https://www.who.int/docs/default-source/coronaviruse/who-convened-
global-study-of-origins-of-sars-cov-2-china-part-joint-report.pdf )

Tetun
Relatorio Hamutuk Husi Organizasaun Mundial Saude no Xina, 14 de Janeiru – 10 de
Fevereiru 2021. OMS Halao/Realiza Estudo global kona ba Orijen Sars-CoV-2/COVID
19. Background, Page 9. Fontes: ( https://www.who.int/docs/default-
source/coronaviruse/who-convened-global-study-of-origins-of-sars-cov-2-china-part-joint-
report.pdf )