[ENMARCADAS]

xandra táboas martínez

 [ENMARCADAS]
xandra táboas martínez
- gravidade 0.0 -
636631966
@gravidade0.0
gravidade.escena.0.0@gmail.com
nom som um profeta, o meu trabalho é construir janelas
onde antes só havia parede

[MICHEL FOUCAULT]
que se contamos o cham e o teito, sumam seis

seis planos do volume do quadrado

seis bloques de formigom armado
seis muros de ladrillo, cemento e cal
a porta pechada

e pesa
a masa dos corpos pesa
e desespera, berra

- e desespera
javi é um de tantos moços que intentou chegar a europa arriscando a sua
vida e rematou no cárcere: a mesma espanha que nom o quijo para
trabalhar, quere-o para tê-lo preso. ele aprendeu a jogar à pelota basca
com eneko, um preso político basco recém chegado ao ‘búnker’ madrilenho,
e javi ensinou-nos a jogar aos galegos. falava saudoso de levar-nos à
sua aldeia no atlas: “duas horas de jeep e umha de cavalo”, contava-nos.
botava de menos a sua aldeia, sobre todo “despertar para ver sair o dia,
almoçar chá com hortelá e iogurte, andar de cavalo e falar com a gente
antiga da aldeia”. assim era como ele chamava-os: “gente antiga”.
estranhava-se de que a nossa língua nom tivesse umha palavra específica
para o odor da terra durante as chuvas de vrao, mas gostava do galego.
sabes? tem um primo em samil, que trabalha na procura de prata viva dos
mares. javi falava-nos dos grandes peixes que colhia o seu primo e, como
todos os africanos, insistia-nos em que a galiza é mui diferente de
espanha, porque 'é menos racista'. em marrocos tinha familiares presos
pela política. e dizia-nos: “há os que se dim islam, mas nom som o islam
‘original’; o islam ‘original’ é o de hamas”. é como aqui, que o psoe
dim que é esquerda, mas nom é a esquerda 'original'. e volta à sua
aldeia: a falar dos tesouros enterrados pelos árabes e o cuidado com o
que havia que desenterra-los. e eu falei-lhe dos tesouros dos mouros na
nossa terra, o ‘ciprianilho’, e o cuidado com o que havia que
desenterra-los. este cunqueiro do magreb tinha umha permeabilidade cara
a vida que a modernidade nos arrebatou. contou-nos também a sua versom
da historia espanhola, a origem muçulmana dos nomes das suas cidades, da
arquitectura… e eu contei-lhe que durante séculos a península foi galiza
e al-ándalus. transladârom-nos de seguido de prisom, e o último que se
soubo de javi é que morrera o seu pai e nom lhe deixaram ir ao enterro.
javi algum dia voltará atravessar o estreito, viajar duas horas de jeep
e umha de cavalo, almoçar chá e iogurte, e falar com a gente antiga de
que os galegos nom sabem como se chama o cheiro da terra quando chove no
vrao, mas que fôrom bons vizinhos durante séculos e nos cárceres
espanhois, que tenhem prata viva no mar e respeitam os tesouros dos
antepassados, porque sabem distinguir o original do falso. estou bem,
todo o bem que se pode estar encerrado nestas quatro paredes. nom sei
porque estamos aqui, ou sim o sei, mas nom o entendo. nom entendo o
ódio, o temor e a mentira que têm-nos ilhados de todo como se fossemos
seres perigosos e repulsivos. nom sei quanto tempo mais terám-nos aqui
ou se nos volveram trasladar quem sabe a onde esta vez. espero nom
alongar muito a espera: fai-se insuportável e o tempo nom passa, parece
estancar-se neste deserto de topas.

[CARLOS C. VARELA]
há alguém ai?

- dá a volta
[a ver que sae de todo isto]
RESISTÊNCIA CAPACIDADE PARA EXECUTAR UMHA TAREFA MOTRIZ A UNS NÍVEIS DE
EFICIÊNCIA ADEQUADOS DURANTE PERÍODOS DE TEMPO PROLONGADOS E ACADAR UMHA
RÁPIDA RECUPERAÇOM. OU O QUE É O MESMO: CAPACIDADE DE SUPORTAR PSÍQUICA E
FISICAMENTE A FATIGA. A RESISTÊNCIA DEPENDE FUNDAMENTALMENTE DE FACTORES
BIOLÓGICOS: COMPOSIÇOM DA MUSCULATURA ESQUELÉTICA, SISTEMA CARDIOVASCULAR E
METABOLISMO ENERGÉTICO. ACTUAM COMO LIMITANTES OS PROCESSOS QUE CONDUCEM A
ALTERAÇONS LOCAIS QUE INFLUEN NOS MECANISMOS DE GOVERNO OU QUE INTERVENHEM
DE FORMA DIRETA NOS PROCESSOS NEUROPSÍQUICOS. DAS ALTERAÇONS LOCAIS DERIVA
O EMPOBRECEMENTO DAS RESERVAS DE ENERGIA, A ACUMULAÇOM DE RESTOS
METABÓLICOS, O INFLUXO NEGATIVO DO SISTEMA ENZIMÁTICO ATRAVÊS DE VARIAÇONS
DO MEIO, COMO DESPRAÇAMENTOS HÍDRICOS E ELECTROLÍTICOS EM PRIMEIRO TERMO.
DEVIDO A PROBLEMAS NOS PROCESSOS DE GOVERNO, PRODUZ-SE UM TRANSPORTE
DEFETUOSO DE SUBSTÁNCIAS QUE REFLICTEM NOS MÚSCULOS(ADRENALINA,
NORADRENALINA, ACETILCOLINA) OU NO CEREBRO (SISTEMA DOPAMINÉRGICO).
A FATIGA É UM MECANISMO DE CARÁCTER DEFENSIVO, EXPRESSOM DO FRACASO DOS
MECANISMOS POSTOS EM MARCHA PARA ADAPTAREM-SE ÀS CONDIÇONS REQUIRIDAS, CUIO
OBXECTIVO É EVITAR POSÍVEIS CONSEQÜÊNCIAS ADVERSAS DERIVADAS DUM ESFORZO
FÍSICO EXCESIVO. A SENSAÇOM DE FATIGA ORIGINA-SE NO HIPOTÁLAMO E PORÇOM
SENSITIVA DO TÁLAMO E EXPRESA-SE MODIFICANDO O COMPORTAMENTO FUNCIONAL
NORMAL A DISTINTOS NÍVEIS. AS CAUSAS DA FATIGA CENTRAM-SE NOS SISTEMAS
ENERGÉTICOS, NA ACUMULAÇÓM DE RESÍDUOS METABÓLICOS, NO SISTEMA NERVOSO E NA
INSUFICIÊNCIA DO MECANISMO CONTRÁCTIL. A FATIGA PRODUZ-SE COMO REACÇOM
GERAL DE ALARMA DO ORGANISMO FRENTE A UMHA SITUAÇOM DE ESTRES QUE PROVOCA
UMHA DIMINUÇOM DO RENDEMENTO. O PROCESO IMPLICA UMHA PROGRESIVA INTOXICAÇOM
DO MEIO INTERNO, FRUITO DOS RESÍDUOS QUÍMICOS DO METABOLISMO CELULAR
(UREA, ÁCIDO LÁCTICO, DIÓXIDO DE CARBONO, ÁUGA, METABOLITOS DISTINTOS AO
LACTATO) E DA DIFICULTADE PARA A SUA ELIMINAÇOM, ENTORPECENDO AS DIFERENTES
FUNÇONS FISIOLÓGICAS. A RESISTÊNCIA É UMHA CAPACIDADE COMPLEXA QUE TEM UMHA
GRANDE IMPORTÁNCIA NA MELHORA DO ACONDICIONAMENTO FÍSICO: AUMENTO DO VOLUME
CARDÍACO, FORTALECEMENTO DO CORAÇOM, DIMINUÇOM DA FREQÜÊNCIA CARDÍACA,
INCREMENTO DA CAPILARIZAÇOM, MELHORA DO SISTEMA RESPIRATÓRIO, OPTIMIZAÇOM
DA ELIMINAÇOM DE SUBSTÁNCIAS DE RESIDUO, ACTIVAÇOM DO METABOLISMO,
FORTALECEMENTO DO SISTEMA MUSCULAR E MELLORA DA VONTADE E CAPACIDADE DE
ESFORÇO. A RESISTÊNCIA AUMENTA, DE JEITO MAIS OU MENOS CONSTANTE, AO LONGO
DA INFÁNCIA E DA ADOLESCÊNCIA. A EVOLUÇOM COMEÇA ARREDOR DOS 8-9 ANOS CUM
AUMENTO DO RENDEMENTO. ESTE AUMENTO É PARALELO EM NENOS E NENAS, AÍNDA QUE
OS PRIMEIROS MOSTREM DE MÉDIA UM NÍVEL LIGEIRAMENTE SUPERIOR. CARA AOS 11
ANOS PRODUZ-SE UM RELATIVO ESTANCAMENTO. TRAS DESTA PAUSA E ATÉ OS 13
ANOS, A CAPACIDADE PROSEGUE A SUA MELHORA.
A PARTIR DESTA IDADE COMPROBA-SE QUE OS MOÇOS EXPERIMENTAM UM GRANDE
AUMENTO, MENTRES QUE NAS MOÇAS NOM SÓ NOM A AUMENTAM, SE NOM QUE EM MUITOS
CASOS ESTANCA-SE OU DESCENDE O NÍVEL DE RESISTÊNCIA. AS CAUSAS POSÍVEIS
DESTE FEITO COMPRE PROCURA-LAS NOM SÓ NO ASPEITO FISIOLÓGICO E HORMONAL,
SE NOM TAMBÉM EM FACTORES CULTURAIS E SOCIAIS. A RESISTÊNCIA NOM É MAIS
QUE UM SISTEMA DE ADAPTAÇOM DO ORGANISMO PARA COMBATER A FATIGA QUE TRATA
DE QUE ESTA NOM APAREÇA OU QUE A SUA APARIÇOM SE PROLONGUE O MAIOR TEMPO
POSÍVEL ATRAVÊS DUM ADECUADO ADESTRAMENTO.
algum dia teremos que sair à rua buscar reflexos nas culheres
[inspira expira 6.2.4, outra vez, 6.2.4 6.2.4 inspira expira] mas
que seja rápido [outra vez] e enumerar as culheres ausentes,
amontoadas contra a parede [respira a ausência, umha linha
infinita de silêncios, todos concentrados num único ponto, todos
ocupando um espaço de tempo, pausa e movimento] vê-lo? o tempo,
tragando-o todo, assim, sem mais [e o silêncio, outra vez] algum
dia teremos que sair à rua buscar reflexos nas culheres
- mas que seja rápido
 [gallimathias em re menor]

às vezes quigera deter o tempo para ouvir-te respirar

às vezes quigera deixar que os corpos falassem
pisar as pegadas impresas nas travesas que nos separam
rastrejar teu riso teu pranto, empachar-me de ti

às vezes quigera nem o um nem o outro nem o tam sequer

- às vezes, só às vezes
corre salta à pata coxa mam arriba trota arrastra-te polo cham
tatexa umha nana tapa o nariz abaixo arriba à de 3 gira outra vez
caminha do revês inclina-te balancea os braços berra outro berro
cuspe de puntilhas bebe 4 litros de áuga sem respirar dá umha
volta e outra volta e outra mais sem parar de correr golpea o
vento com o pé cae e ergue-te recitando a táboa do 6 abre as
pernas a um lado a outro braços em alto colhe aire e aguanta até
que eu che diga projecta-te ao infinito torce à direita e volve 1
2 3 roda polo cham salta como as ras despeitea-te sacude-te e
volta a empezar 1 2 3 salto meia volta gira corre corre mais
agacha-te anda perna em alto mans na cabeça lança-te cara ao cham
deletrea o abc sem pausa fai o pino conta umha história empezando
do revês tres vezes tres salta salta salta salta salta 1 2 3
arriba abaixo arriba abaixo arriba abaixo cambio esquerda direita
cambio direita esquerda cambio mans nas cadeiras menea-te língua
fora agora a táboa do 3 marchando 1 2 3 talons contra nádegas 1 2
1 2 1 2 1 2 1 2 meia volta arriba brinca entolecida enrarecida
despavorida alucinativa mais alto conta até 3 123 arriba ao cham
retorce-te coma serpe agora um cam todo sem respirar ouvea ouvea
ouvea colhe velocidade e “spring” toca e volve e outra vez adiante
atrás e volve atrás adiante firmes esmaga-te contra o cham braços
pernas e 1 e 2 e 3 limpa o cham avanza com os pés direita esquerda
e giro arriba esas palmas 1 2 3 arriba e volve a correr 1 volta 2
voltas 3 voltas 4 voltas 5 voltas 6 voltas 7 voltas 8 voltas 9
voltas cambio de direçom 9 voltas 8 voltas 7 voltas 6 voltas 5
voltas 4 voltas 3 voltas 2 voltas 1 volta patada en alto punho
fora ilhas de galiza de norte a sur onde está enterrado o rei
artur? 500 vezes 7 repite ta ta ta ta ta ta ta ta ta ta ta ta ta
ta ta ta ta ta ta ta ta ta ta ta ta ta ta ta ta ta ta ta ta ta ta
ta ta ta ta ta ta ta ta ta ta ta ta ta ta ta ta canta a
internacional e arriba españa y la madre que me parió inclina-te
pisa um pé gira a cabeça gira a cabeça gira a cabeça mans ao
pescoço e arriba abaixo arriba abaixo geonlho ao peito e 1 e 2 e 3
abaixo flexons e 1 e 2 e 3 braço direito atrás e 1 e 2 e 3 braço
esquerdo atrás e 1 e 2 e 3 pernas arriba bicicleta giro giro giro
giro giro pernas estiradas manten-te flexon giro giro giro giro
giro pernas estiradas mans no lombo e arriba arriba cae 20x8+3-
7:2x4-3+6-1? pernas abaixo flexon cóvado a geonlho abdominal e 1 e
2 e 3 quantas voltas podes dar ao dia num espaço de 2x3? RESPIRA
 - tes medo a iniciar umha revoluçom?

falemos de concepción:

concepción é de valladolid, tem 86 anos e cansa-se

doe-lhe a cabeça
e cansa-se
cansa-se de que a primavera jà nom regale caraveis por maio
que a vida nom seja como nas películas que a ela tanto lhe gostam
e cansa
treme-lhe a voz, e cansa-se

queres que che conte o conto da boa pipa?

ou a lógica da entropia?

que tal se imos da mam com o tempo, e volvemos sobre o ponto 0?

- tes medo a iniciar umha revoluçom?

os marcos

[volvamos]

um quarto. umha cama

um home. umha mulher

[pactemos o binomio genérico]

o home e a mulher desconhecem o número dos seus DNIs

conhecem seus corpos

a mulher...

[pactemos o significado denotativo]

volvamos...

a mulher leva umha cinta negra como gargantilla, o corpo espido

e umha cinta negra como gargantilla, desafiante
e a ansiedade do outro aumenta, apodera-se, inqueda desespera...

queres que che conte o conto da boa pipa?

[volvamos]
- tes medo a iniciar umha revoluçom?
as utopias som desejos projectados ao futuro

- mira bem onde pos o teu horizonte

[time 4 time]
a mulher que vive 4 pisos mais abaixo da janela da nena que debuxa
círculos nos cristais tem medo ao lobo

está soa, e tem medo ao lobo

aos seus 92 anos

[1-2-3-4]

- outra...
o home que passeia cada anoitecer por baixo da janela da nena que
debuxa círculos nos cristais tinha umha reloxeria que herdou do
pai do pai do pai do seu tio avô

tivo que fechar, e agora nom sabe que fazer

aos seus 43 anos

[1-2-3-4]

- outra...
o neno que golpeia umha e outra vez sobre o balom que rebota na
parede de embaixo da janela da nena que debuxa círculos nos
cristais xoga de suplente na equipa da sua escola

nom quer ser um fracasado

aos seus 13 anos

[1-2-3-4]

- outra...
as mulheres que ofrecen verzas de estraperlo 2 portais mais abaixo
da janela da nena que debuxa círculos nos cristais escaparon da
policía 8 vezes no passado mês

umha delas tropeçou e rompeu 1 braço

aos seus 76 años

[1-2-3-4]

- outra...
o home que golpeia o caixeiro automático no baixo de enfronte da
janela da nena que debuxa círculos nos cristais aposta cada luns
polo 46 vermelho

o piso nº 367 da poxa desta manhá era propiedade da sua mulher

aos seus 37 anos

[1-2-3-4]

- outra...
a mulher que senta no banco de embaixo da janela da nena que
debuxa círculos nos cristais pregunta umha e outra vez onde está a
sua filha

um dia chegou e sentou, ninguém sabe nada

aos seus 24 anos

[1-2-3-4]

- outra...
a nena que debuxa círculos nos cristais non sabe que é a revoluçom

se expira aire quente sobre umha superfície vidrosa e fria, pode

escrever mensagens en clave de 4 segundos

isso si o sabe, aos seus 9 anos

[1-2-3-4]

- flash!!
estamos no meio da nada
 [e o corpo dixo]

mira, aqui doe o agora

vê-lo?
aqui, mui fundo
o conceito de resistência ofrece nos dicionários duas acepçons
possíveis, umha física e outra política, que nos levam a
identificar a metáfora da resistência ao cambio como umha metáfora
físico-bélica: o cambio como movimento (metáfora física) e o
cambio como estratégia (metáfora bélica). desde um ponto de vista
físico, a resistência, como acçom de resistir, é a oposiçom dum
corpo ou força à acçom ou violência doutro corpo ou força. em
electricidade, é a dificultade que opom um condutor ao passo da
corrente ou o elemento que se intercala num circuíto para
dificultar o paso da corrente ou fazer que esta se transforme em
calor. segundo isto, a metáfora da resistência ao cambio
relaciona-se coa metáfora do movimento e descreve umha natural
oposiçom dada polos elementos constitutivos de aquela ou aquilo
que resiste a umha força ou a umha corrente de cambio. poderia-se
pensar logo na ideia dumha resistência ao cambio de tipo passivo.
mas o conceito de resistência aplica-se, ao tempo, ao conjunto de
pessoas que se opom, polo geral de forma clandestina, à invasom ou
ditadura. nesse caso a metáfora da resistência pode-se vincular à
metáfora da estratégia e obedece a unha oposiçom deliberada,
consciente e ativa, fundada em convicçons ou intereses: um rosto
libertário da resistência

[CLAUDIA ROMERO]
[os espelhos]
sonhei que sonhava que ti sonhavas que ela sonhava que aquele
sonhava que o outro sonhava que eles sonhavam que esta sonhava que
nós sonhavamos que vós sonhavades que manhá puido ser e nom foi e
todo ardeu, assi, sem mais, e um bater de portas baleiras

e o silêncio
gente às présas coa cabeça colgada sobre o prato
umha vida enteira olhando pola fiestra
sonhando em silêncio, afogada em ruido
disposta a morrer para defender horizontes de barreiras
onde as paredes rodeam em plena desorde

[KENY ARKANA]
[j'viens d'l'incendie]
[franxa de gaza] 385km²
[marrocos/alxeria] 1.560km
[barrio luník IX] 1.066km²
[austria/eslovenia] 4km
[campo de refuxiadas ein el helwe] 1,5km²
[turquía/siria] 556km
[hospital psiquiátrico de conxo] 6.790m²
[calais norte/canal da mancha] 40km
[centro de procesados avícolas santa cruz de arrabaldo] 130.000m2
[xiítas/sunnitas,bagdad] 5km
[centro internamento estrangeiras de aluche] 10.000m²
[india/bangladesh] 2.700km
[centro de menores hogar de san josé] 650m²
[bulgaria/turquia] 220km
[disneyland paris] 22,3km²
[india/caxemira] 550km
[cisxordania] 5.860km²
[afganistám/paquistám] 2.640km
[centro comercial dubai mall] 350.000m2
[eeuu/méxico] 3.185km
[território sáhara occidental] 266.000km²
[corea do norte/corea do sur] 238km
[favela rocinha] 864.479m²
[hungria/serbia] 175km
[centro penitenciário de teixeiro] 353.321m2
[grecia/turquia] 130km
[as vegas] 352km²
[brasil/paraguai] 1.500km
[centro de ensinanza santa teresa de jesús carmelitas] 6.670m2
[ucraína/rusia] 220km
[vertedoiro “la chureca”] 420.000m²
[suráfrica/cimbabue] 268km
[pantalha samsung galaxy S10+] 41,2902cm²
[irlanda do norte/irlanda do sur] 20km
[apartamento distrito de shibuya, tokio] 16m2
[tailandia/malaisia] 640km
[mar mediterráneo] 2.510.000km²
[arabia saudí/iemen] 1.600km
[de proxemias e cronemias]
A [20.06.19 14:17]
superficie de un espacio virtual?
bueno, en juegos o cosas así puede llegar a tener casi sentido
hablar de superficie pero es raro... tampoco tiene por qué ser
infinito (de hecho llega haber la limitación del número máximo
escribible)... típico es tener 3 dimensiones pero con unidades que
no significan nada en la vida real....

A [20.06.19 14:19]
por ejemplo en blender puedes dibujar cosas en 3d y solo si te da
la gana puedes dar unidades para que se sepa cómo se querría que
fuese si a alguien se le diera por construir

A [20.06.19 14:20]
(y los límites, son los números máximos con los que puede
trabajar)

B [20.06.19 14:20]
logo o ciberespaço é limitado...

A [20.06.19 14:21]
no necesariamente

A [20.06.19 14:21]
si tienes que poder dar una dirección

A [20.06.19 14:21]
tienes que poder usar un número

A [20.06.19 14:22]
-2^63(-9,223,372,036,854,775,808)to2^63-1
(9,223,372,036,854,775,807)

B [20.06.19 14:22]
isso que é??.. como o dni internauta??

B [20.06.19 14:22]
ou ubicaçom espacial, coordenadas??

A [20.06.19 14:23]
pues depende de que estés hablando

A [20.06.19 14:23]
lo normal en lo virtual es que exista un límite (aunque sea
grande)

A [20.06.19 14:23]
que normalmente se queda pequeño con el tiempo

B [20.06.19 14:24]
há um número ainda que seja enorme.. e esse número como se
simboliça en metros ou kilometros quadrados ou que sei???

A [20.06.19 14:24]
en nada

A [20.06.19 14:24]
no suele tener unidades
A [20.06.19 14:24]
por ejemplo el número que se le da a cada cosa conectada a
internet

A [20.06.19 14:25]
se pensó que llegaría con un tamaño máximo

A [20.06.19 14:25]
y luego se vio que no

A [20.06.19 14:25]
ahora se ha cambiado por un tamaño muchiiiisimo más grande,

B [20.06.19 14:26]
entom é un número exponencial?

A [20.06.19 14:27]
no... no necesariamente

B [20.06.19 14:27]
curioso este asunto...

A [20.06.19 14:27]
pasa con todo, los números de DNI, las matrículas, los números de
teléfono...

A [20.06.19 14:27]
se reserva un tamaño máximo

A [20.06.19 14:28]
que puede llegar a ser un problema o no

B [20.06.19 14:28]
claro, quantas mais coisas mais aumenta o número, en plam lista..

A [20.06.19 14:28]
en informática todo se limita al crearse

A [20.06.19 14:28]
por esa misma razón

B [20.06.19 14:28]
e se nom se deixa de criar, aumenta..

A [20.06.19 14:28]
pero no suele ser fácil

B [20.06.19 14:29]
é infinito porque nom se pode delimitar o fim da criaçom

A [20.06.19 14:29]
cuando se cambiaron las matrículas tuvieron que ponerse de acuerdo

B [20.06.19 14:29]
ainda que en teoria tenha um fim

A [20.06.19 14:29]
pero in pronosticable, nom?
A [20.06.19 14:29]
es finito (generalmente) pero se suele pensar en cómo cambiará en
el futuro

A [20.06.19 14:30]
pero se suele trabajar con números muy grandes

B [20.06.19 14:30]
esses números que dis corresponderiam ao seu tamanho?

A [20.06.19 14:30]
(más que granos de arena en el mundo)

B [20.06.19 14:30]
em plam, espaço?

A [20.06.19 14:30]
en plan nada

B [20.06.19 14:31]
entom estamos no meio da nada

B [20.06.19 14:31]
ciberespacialmente falando

A [20.06.19 14:31]
la mierda de la peli de Matrix

A [20.06.19 14:32]
es que en lo virtual

A [20.06.19 14:32]
no tiene ningún sentido

A [20.06.19 14:32]
así que un error lleva a la nada

A [20.06.19 14:32]
no a esos pequeños errores que se ven en la peli

A [20.06.19 14:33]
que algo virtual tenga sentido, significa mucho trabajo

B [20.06.19 14:33]
é como se de repente te perderas..

A [20.06.19 14:33]
mucha cosa que está traduciendo/codificando

B [20.06.19 14:33]
é um espaço imaginado, por criado, que nom existe mais que no seu
desenho?

A [20.06.19 14:34]
por eso lo fácil cuando una compu falla es que deje de
funcionar... no que cree cosas raras
B [20.06.19 14:34]
já.. morte súbita lo

B [20.06.19 14:35]
creo que vou trasladar esta conversa...

B [20.06.19 14:35]
melhor seria falar de superfície da pantalha dum smartfone?

..................................................................

C [20.06.19 14:15]
a pantalha do smartfone seria a fiestra pola que tentamos escapar
da nossa própia realidade e as suas limitaçons, mas ao unico que
nos conduce é a outro nível de ilhamento num bucle infinito de
várias realidades, das que só temos a sensaçom de sair ao expandir
a nossa mente conctandocom seres afins que nos ajudam na luita por
romper essa dinamica, o carcere sempre estara ai é infinito e
atemporal, a liberdade é a luita constante...
a nena que debuxa círculos nos cristais cansa-se de esperar

- onde estás?
 [sinónimos de reacçom]

oposiçom choque
resistência liorta
desaprovar impugnar
enfrontamento apartar
negaçom afastar
rebeldia desobediência
expulsar rejeitar
repulsom rebater
rebote contestar
retroceso desaprovar
reactivaçom luita
intransigência combater
enteireça confrontaçom
fortaleça colisom
indomeável levantamento
revoluçom sublevaçom
insurrecçom insubordinaçom
transgresom alçamento
vigor rebeliom
algarada motim
revolta sediçom
manifestaçom transformaçom
renovaçom subversom
movimento resposta
efeito defesa
 cómprem mapas estratégicos, mapas de combate
porque estamos em guerra permanente

[MICHEL FOUCAULT]

[motivaçom]
derivaçom sobre a base latina motio ou motus: movimento

ante a parálise movimento

ante a parada em seco movimento

ante as árvores que nom deixan ver o bosque movimento

- que sonhas nada mais espertar?

move-te, nom perdas o ritmo, concentra-te, pom atençom e segue,
segue a respirar 6.2.4, outra vez, 6.2.4 agora já, cambio de
direçom, onde estás?, respira, sostém o silêncio mam arriba 2.3
cambio de peso, gira e empurra, empurra o espaço e respira, nom
deixes de respirar

- segues aí?
outra comunidade de internautas tam grande em todo o mundo nem nengúm
software capaz de monotorizar os seus movimentos. igual que os grandes muros
tenhem as suas gardas, o contra lumes virtual do governo chino conta com
todo um exército que custodia o império tras da muralha e inícia a sua
batalha na rede. em 2017 o governo anunciou o saneamento e instalaçom de
decenas de miles de urinarios públicos nas áreas rurais, resolvendo assi um
problema urgente de higiene. instantánea e simultaneamente, miles de pessoas
posteárom e comentárom em internet celebrando a notícia. o exército dos 50
céntimos é o nome que se lhe dá às 50.000 trabalhadoras públicas, junto com
outras 300.000 usuárias, que o governo chino paga por post ou comentário nas
redes. o governo chino conta com os maiores índices de popularidade desde os
tempos de mao. e, isto, reflicte-se nas redes. existe toda umha legiom de
hackers que estám a favor do estado chino e adicam-se a realizar ataques a
distintos organismos políticos e empresas, principalmente, estadounidenses.
em 2015 china reconheceu a existência da unidade 61398 do exército popular
de liberaçom, umha unidade militar adicada a realizar ataques informáticos.
a finais de 2018 a armada e as forças aéreas de ee.uu sofrerom um rouvo
massivo de informaçom por um grupo de hackers chinos. censura, datificaçom
das pessoas, guerra pola informaçom, control do mercado... o valor dos
nossos datos dixitais, os rastos que deixamos na rede, já fôrom definidos
como o petróleo do S.XXI. analistas da tecnologia afirmam que google e
facebook som as grandes companhias tecnológicas que estám a reestruturar o
mundo e escrevendo o futuro, sobre todo através do tráfico de datos:
capitalismo de vigiláncia. o contra lumes virtual chino cumpre duas funçons:
impedir que grandes companhias estrangeiras entrem com o control de internet
em china, construindo as suas próprias bases de datos, cableados e redes
sociais e sancionando economicamente e restringindo os contidos a empresas
estrangeiras para poder operar no território, assi como almacenar única e
exclusivamente toda a informaçom relativa aos datos das internautas chinas
através do uso de redes próprias que impedem que facebook e google recevam
informaçom sobre as usuárias do país asiático. situando-se ue como colónia
das empresas tecnológicas estadounidenses -todos os datos relativos ao
sistema público do estado espanhol, atopam-se alojados nos servidores de
amazon-, atopamo-nos no meio da grande guerra entre china e ee.uu pola
extracçom de datos, instalaçom e control da nova tecnologia 5G, que servirá
para conectar todo com todo: móbiles, carros, fogares, pessoas, redes,
cámaras, empresas, etc. quem lidere este cambio, liderará a extracçom de
datos mundial para a construçom das cidades inteligentes do futuro, as smarh
city, cidades hiperconectadas e hipervigiadas. o control absoluto da
informaçom e do mercado global.

[SUBTERRÁNEA. PROGRAMA 7 18/06/2019]

a nena que debuxa círculos nos cristais escapou pola fenda do O
e tragou a chave

- AGORA!!
- queres que che conte o conto da boa pipa?
nom se deveria dizer que a alma é umha ilusom, ou um efeito
ideológico; mas si que existe, que tem umha realidade, que está
produzida permanentemente em torno, na superfície e no interior do
corpo polo funcionamento dum poder que se exerce sobre aquelas a
quem se castiga, dum jeito mais geral sobre aquelas a quem se
vigia, educa e corrixe, sobre as loucas, as nenas, as colegiais,
as colonizadas, sobre aquelas a quem se sujeita a um aparato de
produçom e control ao longo de toda a sua existência.

[MICHEL FOUCAULT]