EFETIVIDADE IMPLEMENTASAU MODELU APRENDIZAJEN KOOPERATIVU

TIPU STUDENT TEAM ACHIEVEMENT DIVISION (STAD) HODI HASA’E RESULTADU

ESTUDU KIMIA ALUNU/A 10° ANO CT TRIMESTRE III HO TÓPIKU ESTRUTURA DA
MATÉRIA IHA ENSINU SECUNDÁRIA GERAL CATÓLICA COLÉGIO SÃO MIGUEL
ARCANJO (COSAMAR) SAME TINAN HANORIN 2021
Husi : Leonita de Jesus Mendonça; Orientadora : Anna Maria Derozari, M.Pd

REZUMU

Edukasaun nu’udar prosesu ida ne’ebé ema bele hatene kona ba siensia, hodi halo ema sai neon badaen
nune’e hatoman ema husi otas ba otas. Prosesu ne’e liu husi hanorin, treinamentu, ou formasaun no
peskiza. Iha prosesu hanorin mestre/a presija hili no uza métodu ne’ebé variasaun ho nune’e alunu/a
sira sente iha vontade hodi bele tuir matéria ho diak hodi bele hetan resultadu estudu ne’ebé diak.
Problema ne’ebe iha peskiza ne’e mak oinsá Efetividade Implementasaun Modelu Aprendizajen
Kooperativu Tipu Student Team Achievement Division (STAD) hodi hasae resultadu estudu kimika
alunu/a 10O Ano trimestre III Tópiku Estrutura da Matéria Iha Ensinu Secundáriu Geral Católica
Colégio São Miguel Arcanjo (COSAMAR) Same Tinan Hanorin 2021. Objetivu Atu hatene no
descreve Efetividade Implementasaun Modelu Aprendizajen Kooperativu Tipu Student Team
Achievement Division (STAD) hodi hasa’e resultadu Estudu kimia alunu/a 10O Ano trimestre III ho
Tópiku Estrutura da Matéria Iha Ensinu Secundáriu Geral Católica Colégio São Miguel Arcanjo
(COSAMAR) Same Tinan Hanorin 2021. Sujeitu ba Peskiza ida ne’e mak Alunu/a 10o Ano CT-2 ho
total ema na’in 15. Iha peskiza ida ne’e tékniku atu rekolla dadus uza instrumentu ha’at mak hanesan,
Folha Observasaun, Teste Rezultadu Estudu, Kestionariu no Dokumentasaun. Tekniku Analiza Dadus
ne’ebe uza mak tekniku análiza deskritivu kuantitativu. Rezultadu husi peskiza ida ne’e hatudu katak
ho kategoria ne’ebe di’ak. Tamba mestre implementa ka aplika modelu estudu kooperativu ho tipu
STAD ne’e iha prosesu aprendizajen hala’o ne’e ho jestaun peskizadora ni’an ne’ebe di’ak mak ita
hare’e rezultadu husi Planu de Aula 01 (PA 01)= 98,4 %, no iha Planu de Aula 02 (PA 02)= 99,24 %,
ne’ebe mak implementa modelu aprendizajen refere. Rezultadu husi Teste Inisiu ho total valor
proporsaun= 0,34, No Teste Final ho total valor proporsaun= 0,91, ho ninia valor médiu 0,91.
Rezultadu resposta husi alunu/a sira ba implementasaun Modelu Aprendizajen Kooperativu tipu STAD
enjeralmente di’ak. Tanba 53 % alunu/a sira senti kontenti liu ho matéria aprendizajen ne’ebe hanorin
ho métodu STAD, no 47 % alunu/a sira sente kontenti ho matéria aprendizajen ne’ebe hanorin ho
métodu STAD, 53 % alunu/a sira senti kontenti liu ho opiniaun kona ba métodu STAD, 47% alunu/a
sira kontenti ho opiniaun kona ba métodu STAD, 13 % alunu/a sira iha liu interese matéria
aprendizajen métodu STAD, 87 % alunu/a sira iha interese matéria aprendizajen métodu STAD, 27 %
alunu/a sira sente sufsiente atu kompriende ho lingua ne’ebe utiliza iha prosesu aprendizajen no
73 %,alunu/a sira senti fasil liu atu komprende ho lingua ne’be utiliza iha prosesu aprendizajen, no
87 % husi alunu/a sira konkorda ho dedikasaun durante prosesu aprendizajen, 13 % husi alunu/a sira
konkorda liu dedidakasaun no orientasaun durante prosesu aprendizajen. Bazeia ba rezultadu peskiza
ne’ebe hatudu iha leten katak Implementasaun Modelu Aprendizajen Tipu STAD bele hasa’e
rezultadu estudu alunu/a 10o Ano (CT-2) iha Ensinu Secundário Católico Colégio São Miguel Arcanjo
(COSAMAR) Same kona ba matéria Estrutura da Matéria, Tanba ne’e sujere ba mestre/a disiplina
Química 10o Ano (CT-2) iha ESGC (COSAMAR) Same bele aplika modelu aprendizajen kooperativu
Tipu STAD matéria Química, liliu tópiku Estrutura da Matéria.

Lia Fuan Xave: Modelu Aprendizajen Kooperativu Tipu STAD, Rezultadu Estudu Química, Estrutura
da Matéria